31.12.2020 №531 Эл аралык байкоочуларды 2021-жылдын 10-январына дайындалган Кыргыз Республикасынын референдумуна аккредитациялоо жөнүндө

Мурдагы Кыргыз Республикасынын Президентин мөөнөтүнөн мурда шайлоого аккредитацияланган эл аралык байкоочуларды 2021-жылдын 10-январына дайындалган Кыргыз Республикасынын референдумуна аккредитациялоо жөнүндө эл аралык уюмдардан түшкөн билдирмелердин негизинде, «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 10-беренесин, «Кыргыз Республикасынын референдуму жөнүндө» Кыргыз Республикасынын конституциялык Мыйзамынын 19-беренесин, «Кыргыз Республикасынын башкаруу формасын аныктоо боюнча референдум (бүткүл элдик добуш берүүнү) дайындоо тууралуу»‎ Кыргыз Республикасынын 2020-жылдын 11-декабрындагы №6 Мыйзамын, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7-беренелерин, Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 9-ноябрындагы №197 токтому менен бекитилген «Кыргыз Республикасынын шайлоо жана референдумдагы эл аралык (чет элдик) байкоочулардын иш тартиби, статусу жана ыйгарым укуктары жөнүндө» Жобону жетекчиликке алып, Кыргыз Республикасынын Шайлоо жана референдум өткөрүү боюнча борбордук комиссиясы

 

ТОКТОМ КЫЛАТ:

1. Мурда Кыргыз Республикасынын Шайлоо жана референдум өткөрүү боюнча борбордук комиссиясынын токтомдору менен Кыргыз Республикасынын Президентин мөөнөтүнөн мурда шайлоого аккредитацияланган, 2021-жылдын 10-январында Кыргыз Республикасынын референдумуна байкоо жүргүзүү жөнүндө билдирген төмөнкү эл аралык байкоочуларды 2021-жылдын 10-январына дайындалган Кыргыз Республикасынын референдумуна тиркемеге ылайык аккредитациялансын.

 

2. Бул токтом «Эркин Тоо» газетасында жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтында жарыялансын.

 

3. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Ж. Эшимовго жүктөлсүн.

 

 

 

                  ТӨРАГА                                                                     Н. ШАЙЛДАБЕКОВА

 

 

 

Бишкек ш., 2020-жылдын 31-декабры

№531