Кочкор аймактык шайлоо комиссиясынын курамына жана резервине өзгөртүүлөрдү киргизүү жөнүндө

       Кочкор аймактык шайлоо комиссиясынын мүчөсү Советкул уулу Тимур, арызынын негизинде, Мамутов Мурсахан Усенович Кочкор аймактык шайлоо комиссиясынын 2020-жылдын 18-мартындагы сунушунун негизинде, комиссиянын курамынан чыгаруу жөнүндө, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7, 18, 19, 22-беренелерине, «Жергиликтүү өз алдынча башкаруу жөнүндө» Кыргыз Республикасынын Мыйзамынын 21-1-беренесинин 1-бөлүгүнүн 4-пунктуна,  Кыргыз Республикасынын Шайлоо жана референдум өткөрүү боюнча борбордук комиссиясынын 2019-жылдын 6-декабрындагы № 176 токтому менен бекитилген «Шайлоо комиссияларын түзүү, таркатуу жана шайлоо комиссияларынын резервин түзүү, жүргүзүү тартиби жөнүндө» Жобосуна ылайык Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

         1. Кочкор аймактык шайлоо комиссиясынын курамына жана резервине төмөнкүдөй өзгөртүүлөр киргизилсин:

- «Мекеним Кыргызстан» саясий партиясынан көрсөтүлгөн Советкул уулу Тимур комиссиянын курамынан чыгарылсын;

- жергиликтүү өз алдынча башкаруунун өкүлчүлүктүү органынан көрсөтүлгөн Муканова Гулшан Мурзабековна резервден комиссиянын курамына киргизилсин;

- «НУР» саясий партиясынан көрсөтүлгөн Мамутов Мурсахан Усенович комиссиянын курамынан чыгарылсын;

- жергиликтүү өз алдынча башкаруунун өкүлчүлүктүү органынан көрсөтүлгөн Мойденов Рысбек Алиевич резервден комиссиянын курамына киргизилсин;

 2. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Ж. Эшимовго жүктөлсүн.

Справка-обоснование

         ТӨРАГА                                                                                      Н. ШАЙЛДАБЕКОВА

Бишкек ш., 2020-жылдын 26-майы

№ 99