Кыргыз Республикасынын Шайлоо жана референдум өткөрүү боюнча борбордук комиссиясынын 2018-жылдын 31-июлундагы № 154 токтому менен 2018-жылдын 8-августуна дайындалган Нарын облусунун Нарын районунун Достук айыл өкмөтүнүн башчысын кайра шайлоо болуп өттү.
Кыргыз Республикасынын Шайлоо жана референдум өткөрүү боюнча борбордук комиссиясынын 2018-жылдын 23-июлундагы № 151 токтому менен 2018-жылдын 8-августуна дайындалган Ош облусунун Кара-Кулжа районунун Кеңеш айыл өкмөтүнүн башчысын шайлоо болуп өттү.
Нарын жана Кара-Кулжа аймактык шайлоо комиссияларынын добуш берүүнүн жыйынтыктары жана шайлоонун натыйжалары тууралуу протоколдорунун негизинде, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7-беренесине, “Жергиликтүү өз алдынча башкаруу жөнүндө” Кыргыз Республикасынын Мыйзамынын 49-беренесине ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Нарын аймактык шайлоо комиссиясынын Достук айыл өкмөтүнүн башчысын кайра шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин. 
1.1.Нарын облусунун Нарын районунун Достук айыл өкмөтүнүн башчысын кайра шайлоо өттү деп табылсын.
1.2.Нарын облусунун Нарын районунун Достук айыл өкмөтүнүн шайланган башчысы болуп  Сейдилдаев Максатбек Сейдилдаевич  табылсын.
2. Кара-Кулжа аймактык шайлоо комиссиясынын Кеңеш айыл өкмөтүнүн башчысын шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин. 
2.1. Ош облусунун Кара-Кулжа районунун Кеңеш айыл өкмөтүнүн башчысын шайлоо өттү деп табылсын.
2.2. Ош облусунун Кара-Кулжа районунун Кеңеш айыл өкмөтүнүн шайланган башчысы болуп  Капарова Жамила Маматалиевна табылсын.
3. Нарын жана Кара-Кулжа аймактык шайлоо комиссиялары шайланган башчыларына белгиленген үлгүдөгү күбөлүктөрдү тапшырсын.
4. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.
5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Эшимовго жүктөлсүн.

ТӨРАГА                                                              Н. ШАЙЛДАБЕКОВА

Бишкек ш., 2018-жылдын 13- августу
№ 160