Жаңылыктар

Өткөрүү датасы: 2026-жылдын 5-августу Убактысы: 14:00 Өткөрүлүүчү жери: Жыйындар залы   1. “Бишкек, Өзгөн, Араван, Кара-Суу, Ала-Бука, Баткен, Кадамжай жана Каракол аймактык шайлоо комиссияларынын жергиликтүү кеңештердин депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды шайланган депутаттардан кийинки талапкерлерге өткөрүп берүү жөнүндө чечимдерин бекитүү тууралуу” токтом долбоору (баяндамачы – Шерипбаев Б.А., шайлоо процессин уюштуруу башкармалыгынын башчысы) 2. “Жалал-Абад облусунун Ала-Бука районунун Т. Балтагулов айыл аймагындагы № 2277 шайлоо участогунун жайгашкан дарегин өзгөртүү жөнүндө” токтом долбоору (баяндамачы – Алмазбеков Э.А., шайлоо комиссиялары менен өз ара аракеттенүү жана методология секторунун башчысы) 3. “Кыргыз Республикасынын Шайлоо жана референдум өткөрүү боюнча борбордук комиссиясынын атайын өкүлүнүн ишмердиги жөнүндө жобону бекитүү тууралуу” токтом долбоору (баяндамачы – Берюев Н.Н., шайлоолорду уюштуруу бөлүмүнүн эксперти) 4. “Майыптыгы бар шайлоочулардын жана айрым категориялардагы жарандардын шайлоо укуктарын өркүндөтүү жана ишке ашыруу боюнча жумушчу топ жөнүндө жобону бекитүү тууралуу” токтом долбоору (баяндамачы – Шерипбаев Б.А., шайлоо процессин уюштуруу башкармалыгынын башчысы)

Жарандык жана санариптик билим берүү борборлорунда Кыргыз Республикасынын “Улуттук дем – дүйнөлүк бийиктиктер” Уңгужол Доктринасын ишке ашыруунун алкагында Жарандык билим берүү жана шайлоо технологиялары борбору КР БШКнын атайын өкүлдөрү жана системалык администраторлорунун биргелешкен ишинин негизинде уюштурулган “Кыргыз жараны”  жарандык иденттүүлүгүнүн баалуулуктарын жайылтуу жана калктын санариптик сабаттуулугун калыптандыруу боюнча  окутуу семинарлардын сериясы уланууда. Семинарлардын жүрүшүндө катышуучулар жарандык активдүүлүктү жана шайлоочулардын катышуусун жогорулатуу, санариптик сабаттуулукту өнүктүрүү, ошондой эле заманбап маалыматтык технологияларды коопсуз пайдалануу көндүмдөрүн өздөштүрүү боюнча негизги маселелерди талкуулашууда. Өзгөчө көңүл жарандык жоопкерчиликтин маанилүү бөлүгү катары шайлоого аң-сезимдүү катышууга бурулууда. 2026-жылдын июль айында 750дөн ашуун жаран окутуудан өттү. Окутуу семинарларды уюштурууда жана өткөрүүдө Ысык-Көл облусунун Түп аймактык шайлоо комиссиясынын, ошондой эле Жалал-Абад облусунун Манас жана Кара-Көл шаарларынын, Ала-Бука жана Сузак райондорунун, Талас облусунун Талас шаарынын, Манас районунун Көк-Ой жана Кызыл-Адыр айыл аймактарынын шайлоо комиссияларынын өкүлдөрү өзгөчө жигердүүлүк көрсөтүштү. Алардын активдүү катышуусу менен жер-жерлерде “Кыргыз жараны” жарандык иденттүүлүгүнүн баалуулуктарын жайылтууга, жарандык маданиятты өнүктүрүүгө жана калктын санариптик сабаттуулугун жогорулатууга багытталган маалыматтык-агартуу иш-чаралары системалуу негизде өткөрүлүүдө. Алынган билимдер шайлоочуларга санариптик кызматтарды ишенимдүү пайдаланууга жардам берип, “Кыргыз жараны” концепциясынын жалпы улуттук баалуулуктарын бекемдөөгө өз салымын кошот.

22–23-июль күндөрү Бишкек шаарында «Шайлоолордун инклюзивдүүлүгүн жогорулатуу: айрым категориядагы жарандардын жана майыптыгы бар жарандардын шайлоо процесстерине катышуусу» темасында онлайн форматта тренингдер өткөрүлдү. Иш-чара Кыргыз Республикасынын Шайлоо жана референдум өткөрүү боюнча борбордук комиссиясынын Майыптыгы бар жарандардын жана айрым категориядагы жарандардын шайлоо укуктарын ишке ашыруу боюнча жумушчу тобу тарабынан уюштурулуп, өткөрүлдү. Тренингдин максаты - бардык категориядагы жарандардын шайлоо процессине тең укуктуу жана тоскоолдуксуз катышуусун камсыз кылуу боюнча катышуучулардын кесиптик билимин жана компетенцияларын жогорулатуу, ошондой эле инклюзивдүү шайлоолорду уюштуруунун практикалык ыкмаларын өркүндөтүү болуп саналат. Онлайн окутууга Кыргыз Республикасынын Саламаттык сактоо министрлигинин, Эмгек, социалдык камсыздоо жана миграция министрлигинин, Ички иштер министрлигинин, Коргоо министрлигинин, Өзгөчө кырдаалдар министрлигинин, Мамлекеттик чек ара кызматынын, Жазаларды аткаруу мамлекеттик кызматынын ведомстволук мекемелеринин жана түзүмдүк бөлүмдөрүнүн 100дөн ашуун өкүлдөрү катышты. Иш-чаранын жүрүшүндө Кыргыз Республикасынын БШКнын Шайлоо комиссиялары менен өз ара аракеттенүү жана методология секторунун башчысы Эламан Алмазбеков айрым категориядагы жарандардын жана ден соолугунун мүмкүнчүлүгү чектелген жарандардын шайлоо укуктарын ишке ашырууда жана бекемдөөдө БШКнын ролу, жетишкендиктери, көйгөйлөрү жана аларды чечүү жолдору тууралуу маалымат берди. Онлайн тренингдин баяндамачылары катары жумушчу топтун эксперттери Чолпон Омурканова жана Мирлан Медетов катышты. Тренингдин алкагында төмөнкү актуалдуу маселелер каралып, талкууланды: • айрым категориядагы шайлоочулар жана майыптыгы бар шайлоочулардын муктаждыктарынын картасын түзүүдөгү санариптештирүү; • натыйжалуу өнөктөштүк жана шайлоолордун инклюзивдүүлүгүн ишке ашыруудагы өз ара аракеттенүүдө пайда болгон тоскоолдуктар. Катышуучулар пикир алмашып, практикалык тажрыйба жана сунуштары менен бөлүшүп, бардык категориядагы жарандар үчүн шайлоо процессинин жеткиликтүүлүгүн камсыз кылуу механизмдерин мындан ары өркүндөтүүгө багытталган сунуштарын билдиришти.

Бүгүн, 23-июлда, Кыргыз Республикасынын Шайлоо жана референдум өткөрүү боюнча борбордук комиссиясынын Жарандык билим берүү жана шайлоо технологиялары борбору Беларусь Республикасынын Борбордук шайлоо комиссиясынын жана Беларусь Республикасынын Президентине караштуу Башкаруу академиясынын өкүлдөрү менен онлайн форматта жумушчу жолугушуу өткөрдү. Иш-чара шайлоону уюштурууну окутуу жана шайлоочуларды, ошондой эле жаштарды укуктук жактан агартуу боюнча Беларусь Республикасынын тажрыйбасын изилдөөгө арналды. Жолугушуу 2026-жылдын 28-мартында Минск шаарында эки өлкөнүн Борбордук шайлоо комиссияларынын ортосунда кол коюлган кызматташуу жөнүндө макулдашуунун алкагында уюштурулду. Иш-чара ачык диалог форматында өтүп, катышуучуларга шайлоо процессинин негизги багыттарын кеңири талкуулоого жана мыкты тажрыйбалар менен алмашууга мүмкүнчүлүк берди. Беларусь тарап жарандарды маалымдоонун комплекстүү системасы менен тааныштырды. Анын ичинде бирдиктүү маалымат берүү күндөрү, жетекчилердин эмгек жамааттары жана студенттер менен көчмө жолугушуулары, ошондой эле келечектеги шайлоочулар клубдарынын ишмердүүлүгү тууралуу маалымат берилди. Өзгөчө билим берүү мекемелеринде иш алып барган келечектеги шайлоочулардын клубдарына көңүл бурулду. Бул клубдардын негизги максаты - мыйзамдар тууралуу маалымат берүү менен гана чектелбестен, жаштардын жарандык аң-сезимин жана жарандык жоопкерчилигин эрте калыптандыруу болуп саналат. КР БШКсы жаштар менен иштөө боюнча Беларусь Республикасынын тажрыйбасын мындан ары да изилдөөгө жана аны өлкөбүздүн шарттарына ылайык колдонуу мүмкүнчүлүктөрүнө кызыгуусун билдирди. Алынган тажрыйба Кыргызстандагы жаштардын шайлоого катышуу жигердүүлүгүн жогорулатууга багытталган иш-чараларды ишке ашырууда пайдаланылат. Шайлоону уюштуруучуларды окутуу, калкты маалымдоо жана жаштарга багытталган билим берүү программаларын камтыган бул системалуу тажрыйба эки өлкөнүн шайлоо органдарынын ортосундагы кызматташтыкты чыңдоого жана өз ара тажрыйба алмашууну өнүктүрүүгө өбөлгө түзөт.    

Бүгүн, 14-июлда Кыргыз Республикасынын Борбордук шайлоо комиссиясы өз жыйынында Өзгөн, Таш-Көмүр, Сокулук жана Түп аймактык шайлоо комиссияларынын жергиликтүү кеңештеринин депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды шайланган депутаттардан кийинки талапкерлерге өткөрүп берүү жөнүндө чечимдерин бекитти. • Өзгөн шаардык кеңешинин депутаты Ураимова Гульнара Махмуджановнанын (“Ынтымак” депутаттык фракциясы) ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Абдукаимов Анварбек Абдукаимовичке (“Ынтымак” саясий партиясы) өткөрүлүп берилди; • Таш-Көмүр шаардык кеңешинин депутаты Жумагулов Нурбек Жумагуловичтин (“Жаңы Кыргызстан” депутаттык фракциясы) ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Ормонов Бектурсун Анарбековичке (“Жаңы Кыргызстан” саясий партиясы) өткөрүлүп берилди; • Шопоков шаардык кеңешинин депутаты Джолдошева Чолпон Алмазовнанын (“Адилет” депутаттык фракциясы) ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Адылбекова Айжан Памировнага (“Адилет” саясий партиясы) өткөрүлүп берилди; • Түп районунун Каркыра айылдык кеңешинин депутаты Сралиева Шаршекан Мусаевнанын ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Өмүрбек уулу Исламга өткөрүлүп берилди.  

Өткөрүү датасы: 2026-жылдын 14-июлу Убактысы: 11:00 Өткөрүлүүчү жери: Жыйындар залы   1. “Өзгөн, Таш-Көмүр, Сокулук жана Түп аймактык шайлоо комиссияларынын жергиликтүү кеңештердин депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды шайланган депутаттардан кийинки талапкерлерге өткөрүп берүү жөнүндө чечимдерин бекитүү тууралуу” токтом долбоору (баяндамачы – Манасбеков Р.М., шайлоолорду уюштуруу бөлүмүнүн эксперти)  

Кыргыз Республикасынын Борбордук шайлоо комиссиясынын жыйындар залында жаш тренерлерди даярдоо программасы ийгиликтүү жыйынтыкталды. Программа Европадагы коопсуздук жана кызматташтык уюмунун (ЕККУ), “Жаштарды өнүктүрүү институту” коомдук фондунун жана Кыргыз Республикасынын Борбордук шайлоо комиссиясынын алдындагы Жарандык билим берүү жана шайлоо технологиялары борборунун колдоосу менен уюштурулду. Иш-чара жарандык катышууну, шайлоо маданиятын жана мамлекет менен өз ара аракеттенүүнүн санариптик формаларын жайылтуу боюнча билимге, көндүмдөргө жана практикалык инструменттерге ээ болгон жаш тренерлердин тармагын түзүүгө багытталды. Тренингдин катышуучулары - бул өлкөнүн бардык аймактарынан келген жаштар жана алар шайлоо мыйзамдарындагы негизги өзгөрүүлөрдү өздөштүрүштү. Жарандык билим берүү жана шайлоо технологиялары борборунун директору А. Бейшембаева мыйзамдарга киргизилген өзгөртүүлөр жана толуктоолор боюнча окуу модулдарын өткөрдү. Анда “техникалык талапкерлерге” каршы чаралар, талапкерлерге коюлуучу талаптарды күчөтүү, “шайлоо дареги” түшүнүгүн жоюу жана шайлоо алдындагы үгүт иштеринин жаңы тартиби кеңири түшүндүрүлдү. Ошондой эле аралыктан добуш берүү, булуттуу электрондук кол тамганы колдонуу, шайлоо фонддорун түзүү жана шайлоо өнөктүгүн каржылоо тартиби боюнча практикалык маселелерге өзгөчө көңүл бурулду. Иш-чаранын алкагында катышуучулар фасилитация учурунда жаралышы мүмкүн болгон татаал кырдаалдарды башкаруу боюнча практикалык даярдыктан өтүштү. Ошондой эле алар өз курдаштарын шайлоого катышуунун маанилүүлүгүнө ынандыруу, саясий процесстерге байланышкан татаал суроолорго жооп берүү ыкмаларын талкуулашты. Программа катышуучулардын алган билим деңгээлин баалоо үчүн жыйынтыктоочу тестирлөө жана анын жыйынтыктарын талдоо менен аяктады. Бул тренинг Кыргыз Республикасынын Борбордук шайлоо комиссиясынын жарандардын укуктук жана шайлоо маданиятын жогорулатуу боюнча жүргүзүп жаткан системалуу ишинин уландысы болуп саналат. Мындан тышкары. Кыргызстанда демократиялык институттарды чыңдоо жана жарандык коомду өнүктүрүү боюнча эл аралык өнөктөштөр менен кызматташтыктын алкагында коюлган милдеттерди ишке ашырууга өбөлгө түзөт.  

Бүгүн, 9-июлда Кыргыз Республикасынын Шайлоо жана референдум өткөрүү боюнча борбордук комиссиясы “Лейлек аймактык шайлоо комиссиясынын курамына өзгөртүүлөрдү киргизүү” жөнүндө токтом кабыл алды. Лейлек аймактык шайлоо комиссиясынын курамынан берген арызына ылайык Бердиев Авазбек Турабаевич (жергиликтүү өз алдынча башкаруунун өкүлчүлүктүү органдарынан) чыгарылып, ордуна резервден Тагаев Женешбек Рыскулович (жергиликтүү өз алдынча башкаруунун өкүлчүлүктүү органдарынан) комиссиянын курамына киргизилди.

Бүгүн, 9-июлда Кыргыз Республикасынын Шайлоо жана референдум өткөрүү боюнча борбордук комиссиясы өз жыйынында Ош, Кара-Суу, Майлуу-Суу, Кара-Көл, Токтогул жана Тоң аймактык шайлоо комиссияларынын жергиликтүү кеңештердин депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды шайланган депутаттардан кийинки талапкерлерге өткөрүп берүү жөнүндө чечимдерин бекитти.  • Ош шаардык кеңешинин депутаты Эргешов Алымбек Калмурзаевичтин (“Ынтымак” депутаттык фракциясы) ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Кадыров Канатбек Сапарбаевичке (“Ынтымак” саясий партиясы) өткөрүлүп берилди; • Майлуу-Суу шаардык кеңешинин депутаты Бостонов Нургазы Алымжановичтин (“Ынтымак” депутаттык фракциясы) ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Кудайбергенов Нуржигит Имамбековичке (“Ынтымак” саясий партиясы) өткөрүлүп берилди; • Кара-Көл шаардык кеңешинин депутаты Кармышов Нурболот Тимурлановичтин (“Таза-Булак” депутаттык фракциясы) ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Абылов Элнур Шакирбековичке (“Таза-Булак” саясий партиясы) өткөрүлүп берилди; • Токтогул шаардык кеңешинин депутаты Тотобаев Марс Анарбековичтин ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Үмөталиев Темурлан Мурсатбековичке (“Тынчтык” саясий партиясы) өткөрүлүп берилди; • Тоң районунун Б. Мамбетов айылдык кеңешинин депутаты Борбашов Урматбек Керезбековичтин ыйгарым укуктары берген арызынын негизинде мөөнөтүнөн мурда токтотулду.  

Өткөрүү датасы: 2026-жылдын 9-июлу Убактысы: 10:00 Өткөрүлүүчү жери: Жыйындар залы   1. “Ош, Кара-Суу, Майлуу-Суу, Кара-Көл, Токтогул жана Тоң аймактык шайлоо комиссияларынын жергиликтүү кеңештердин депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды шайланган депутаттардан кийинки талапкерлерге өткөрүп берүү жөнүндө чечимдерин бекитүү тууралуу” токтом долбоору (баяндамачы – Манасбеков Р.М., шайлоолорду уюштуруу бөлүмүнүн эксперти)   2. “Лейлек аймактык шайлоо комиссиясынын курамына өзгөртүүлөрдү киргизүү жөнүндө” токтом долбоору  (баяндамачы – Алмазбеков Э.А., шайлоо комиссиялары менен өз ара аракеттенүү жана методология секторунун башчысы)

Бүгүн, 1-июлда Кыргыз Республикасынын Шайлоо жана референдум өткөрүү боюнча борбордук комиссиясынын төрагасы Тынчтык Шайназаров чет өлкөлөрдө жашаган кыргыз диаспораларынын, мекендештердин коомдук бирикмелеринин жетекчилери жана активисттери менен онлайн-жолугушуу өткөрдү. Иш-чарага дүйнөнүн 22 өлкөсүндөгү кыргыз диаспораларынын жана коомдук бирикмелеринин 70тен ашуун өкүлү катышты. Жолугушууда шайлоочулардын шайлоого катышуу активдүүлүгүн жогорулатуу маселесине өзгөчө көңүл бурулду. БШКнын төрагасы Тынчтык Шайназаров мамлекет чет өлкөлөрдө жашаган Кыргыз Республикасынын жарандарынын шайлоо укуктарын камсыз кылуу үчүн бардык зарыл шарттарды түзгөнүн, анын ичинде аралыктан добуш берүү мүмкүнчүлүгү каралганын белгиледи. Ошол эле учурда өткөн шайлоолордо бир катар чет өлкөлөрдөгү шаарларда шайлоочулардын активдүүлүгү төмөн болгонун айтты. Чет өлкөлөрдө 100 шайлоо участогу ачылганына карабастан, добуш берүүгө болгону 26 миңге жакын жаран катышкан. Ал эми консулдук каттоодо 166 миңден ашуун Кыргыз Республикасынын жараны турат. Т. Шайназаров диаспоралардын жетекчилерин чет өлкөлөрдө жашаган мекендештер арасында маалыматтык-түшүндүрүү иштерин күчөтүүгө, ар бир жарандын шайлоого катышуусунун маанилүүлүгүн кеңири түшүндүрүүгө чакырды. Жолугушуунун жүрүшүндө катышуучулар чет өлкөлөрдө добуш берүүнү уюштуруу, дипломатиялык өкүлчүлүктөр менен өз ара кызматташуу, жарандарды шайлоого катышуунун тартиби тууралуу маалымдоо маселелерин талкуулап, ошондой эле чет өлкөлөрдөгү кыргызстандыктардын шайлоо активдүүлүгүн жогорулатуу боюнча сунуштар менен пикир алышты.  

Кыргыз Республикасынын Шайлоо жана референдум өткөрүү боюнча борбордук комиссиясында студенттер үчүн маалыматтык-агартуу иш-чарасы өткөрүлдү. Иш-чараны Жарандык билим берүү жана шайлоо технологиялары борбору (ЖБББ) “Эгль” коомдук фонду менен биргеликте уюштурду. Жолугушуунун негизги темасы - жаштардын шайлоо жана укуктук маданиятын жогорулатуу маселеси. Бүгүнкү күндө жаштар жалпы шайлоочулардын 42%дан ашыгын түзгөндүктөн, алардын шайлоо процессине аң-сезимдүү жана жигердүү катышуусу өзгөчө мааниге ээ. ЖБББнын эксперттери студенттерди добуш берүүнүн заманбап формалары менен тааныштырышты. Катышуучуларга аралыктан добуш берүүнүн өзгөчөлүктөрү, анын артыкчылыктары жана электрондук добуш берүүдөн айырмачылыктары түшүндүрүлдү. КР БШКнын эл аралык бөлүмүнүн өкүлү чет өлкөлөрдө шайлоону уюштуруу тажрыйбасы, чет өлкөдө жүргөн Кыргыз Республикасынын жарандарынын шайлоо укуктарын камсыз кылуу боюнча маалымат берди. Иш-чаранын жүрүшүндө катышуучуларга мамлекеттик “Түндүк” порталы аркылуу жеткиликтүү болгон “Шайлоочунун кабинети” сервиси тааныштырылды. Студенттерге шайлоочулардын тизмесиндеги өз маалыматтарын текшерүү, шайлоо участогун аныктоо жана шайлоого байланыштуу актуалдуу маалыматтарды онлайн режиминде алуу мүмкүнчүлүктөрү көрсөтүлдү. Мындан тышкары, жолугушууда мүмкүнчүлүгү чектелген жарандар үчүн шайлоо процессинин жеткиликтүүлүгүн камсыз кылуу маселеси талкууланды. БШК өкүлдөрү шайлоо участокторунда пандустарды, тактилдик көрсөткүчтөрдү орнотуу жана атайын жабдууларды колдонуу боюнча жүргүзүлүп жаткан иштер тууралуу айтып беришти. Жолугушуунун соңунда студенттер жаштардын шайлоо жана укуктук маданиятын жогорулатууга салым кошууга даяр экендиктерин белгилешти.

2026-жылдын 1-июнунан 30-июнуна чейинки мезгилде “Кыргыз жараны” баалуулуктарын жайылтуу жана санариптик сабаттуулукту жогорулатууга багытталган семинарларга Кыргыз Республикасынын бардык аймактарынан 1200дөн ашуун жаран катышты. Июнь айынын жыйынтыгы боюнча эң жогорку көрсөткүчтөрдү төмөнкү аймактар көрсөттү: Жалал-Абад облусу: Кара-Көл жана Токтогул шаарлары, Сузак району; Ош облусу: Ош шаары жана Араван району; Ысык-Көл облусу: Түп жана Ак-Суу райондору; Талас облусу: Талас шаары жана Манас районундагы “Улукман” жатак мектеби; Чүй облусу: Жайыл району. Бул семинарлар Кыргыз Республикасынын Шайлоо жана референдум өткөрүү боюнча борбордук комиссиясынын аймактардагы атайын өкүлдөрүнүн активдүү көмөгү, ошондой эле жергиликтүү өз алдынча башкаруу органдары менен натыйжалуу кызматташуунун аркасында ишке ашырылды. Билим берүү иш-чараларынын масштабы акырындык менен кеңейтилип, семинарлар уланууда. Бул жарандарга санариптик сабаттуулук боюнча заманбап билимдерди кеңири алууга шарт түзүп, “Кыргыз жараны” баалуулуктарынын негизинде жарандык иденттүүлүктү бекемдөөгө өбөлгө болот.

Бүгүн, 26-июнда Кыргыз Республикасынын Борбордук шайлоо комиссиясынын төрагасынын орун басары Русланбек Жакышов аймактык шайлоо комиссияларынын системалык администраторлору менен онлайн форматта жумушчу жыйын өткөрдү. Жыйындын жүрүшүндө шайлоо процессин маалыматтык-техникалык жактан камсыздоо маселелери, маалыматтык системалардын туруктуу иштешин камсыз кылуу, маалыматтык коопсуздук талаптарын сактоо жана алдыдагы шайлоо кампаниясына даярдык көрүү боюнча актуалдуу маселелер талкууланды. Русланбек Жакышов системалык администраторлордун шайлоо процессин уюштуруудагы жоопкерчиликтүү ролуна токтолуп, техникалык инфраструктуранын үзгүлтүксүз иштешин камсыз кылуу, келип чыккан көйгөйлөргө өз убагында чара көрүү жана белгиленген талаптарды так аткаруу зарылдыгын белгиледи.

Кыргыз Республикасынын Шайлоо жана референдум өткөрүү боюнча борбордук комиссиясынын курамы өзгөргөндүгүнө байланыштуу комиссия мүчөлөрүнүн аймактык шайлоо комиссиялары менен өз ара аракеттенүү маселелери боюнча ишмердүүлүгүнүн багыттары төмөнкүдөй бөлүштүрүлдү: № Аты-жөнү Жетекчиликке алган аймак 1. Шайназаров Тынчтык Урайимович – 2. Жакышов Русланбек  Шергазиевич Талас облусу 3. Лурова Лейла Хияновна Бишкек шаары, Чүй облусу 4. Мамырова Бөдөш Аманбаевна Жалал-Абад облусу 5. Касмамбетов Суйунбек Сапарбекович Ысык-Көл облусу 6. Айбалаев Алмаз Маматович Ош шаары, Ош облусу 7. Темирбаева Миргул Омурзаковна Баткен облусу 8. Оторбаев Тимур Абдыкеримович Нарын облусу Ал эми шайлоолорду жана референдумдарды даярдоо жана өткөрүү мезгилинде Кыргыз Республикасынын Шайлоо жана референдум өткөрүү боюнча борбордук комиссиясынын мүчөлөрүнүн жумушчу топторго бөлүштүрүлүшү төмөнкүдөй аныкталды: № Жумушчу топтун аталышы Жумушчу топтун жетекчиси жана мүчөлөрү 1. Кыргыз Республикасында шайлоолорду жана референдумдарды өткөрүүдө шайлоочулардын жана шайлоо процессинин башка субъекттеринин арыздарын жана даттанууларын кароо боюнча жумушчу топ Оторбаев Т.А. (жетекчиси) Айбалаев А.М. Темирбаева М.О. 2. Шайлоочуларга жана шайлоо процессинин башка субъекттерине маалымдоо маселелери жана үгүт эрежелери боюнча жумушчу топ Оторбаев Т.А. (жетекчиси) Касмамбетов С.С. 3. Кыргыз Республикасынын Шайлоо жана референдум өткөрүү боюнча борбордук комиссиясынын алдындагы Көзөмөлдөө-текшерүү тобу Айбалаев А.М. (жетекчиси) Оторбаев Т.А.   4. Кыргыз Республикасынын Шайлоо жана референдум өткөрүү боюнча борбордук комиссиясынын алдындагы Ыкчам аракеттенүүчү координациялык топ Шайназаров Т.У. (жетекчиси)   5. Кыргыз Республикасынын Президентин шайлоодо талапкерлер тарабынан берилген шайлоо документтерин кабыл алуу жана текшерүү боюнча жумушчу топ Жакышов Р.Ш. (жетекчиси) Мамырова Б.А. Оторбаев Т.А. 6. Майыптыгы бар жарандардын шайлоо укуктарын ишке ашырууну жакшыртуу боюнча жумушчу топ Темирбаева М.О. (жетекчиси)   7. Чет өлкөдө жүргөн жарандардын шайлоо укуктарын камсыздоо боюнча жумушчу топ Лурова Л.Х. (жетекчиси) Мамырова Б.А. Чечим “Кыргыз Республикасынын Шайлоо жана референдум өткөрүү боюнча борбордук комиссиясы жөнүндө” Кыргыз Республикасынын конституциялык Мыйзамынын 4, 8, 10-беренелерин жетекчиликке алып кабыл алынды.

Кыргыз Республикасынын Борбордук шайлоо комиссиясы бүгүн, 23-июндагы жыйынында Араван, Кара-Кулжа, Ала-Бука, Чаткал, Кант, Баткен шаардык, Кадамжай, Каракол, Жети-Өгүз жана Бакай-Ата аймактык шайлоо комиссияларынын жергиликтүү кеңештердин депутаттарынын ыйгарым укуктарын мөөнөтүнөн мурда токтотуу, катталган талапкерди депутаттыкка талапкерлердин тизмесинен чыгаруу жана бош калган мандаттарды шайланган депутаттардан кийинки талапкерлерге өткөрүп берүү жөнүндө чечимдерин бекитти. Араван районунун Дөбө-Коргон айылдык кеңешинин депутаты Худайназаров Абдулхаким Абдиназаровичтин ыйгарым укугу берген арызынын негизинде токтотулду; Кара-Кулжа районунун Ылай-Талаа айылдык кеңешинин депутаты Эшейбай уулу Айбектин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Жалил уулу Жаңыбайга өткөрүлүп берилди; Ала-Бука районунун Айры-Там айылдык кеңешинин депутаты Нурматов Абдикарим Жуманазаровичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Иманов Жаныбек Абазбековичке өткөрүлүп берилди; Чаткал районунун Каныш-Кыя айылдык кеңешинин депутаты Мамурбеков Равшанбек Райимкуловичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Шекебаев Нурланбек Жумабековичке өткөрүлүп берилди; Кант шаардык кеңешинин депутаттары Курманалиев Каныбек Мелисовичтин жана Аскеров Чынтемир Салмоорбековичтин (“Эл Үмүтү” депутаттык фракциясы) ыйгарым укуктары берген арыздарынын негизинде токтотулуп, бош калган мандат шайлоочулардын добуштарынын көбүн алып шайланышкан кийинки талапкерлер Жумабеков Азим Жумабековичке жана Эмилбеков Улан Эмилбековичке (“Эл Үмүтү” саясий партиясы) өткөрүлүп берилди; Баткен шаардык кеңешинин депутаты Турмаматов Кубатали Курсаналиевичтин (“Эмгек” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Исаков Нурсейит Ашуровичке (“Эмгек” саясий партиясы) өткөрүлүп берилди; Кадамжай районунун А. Масалиев айылдык кеңешинин депутаты Эшбаева Күмүшай Зикиралиевнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Абдурасул кызы Акберметке өткөрүлүп берилди; Каракол шаардык кеңешинин депутаты Турсунбаев Уланбек Сартбаевичтин (“Ыйман Нуру” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Келгенбаев Бекзат Жекшенбиевичке (“Ыйман Нуру” саясий партиясы) өткөрүлүп берилди; Жети-Өгүз районунун Жаргылчак айылдык кеңешинин депутаты Баякунов Таалайбек Кулманбетовичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Иязалиев Руслан Тураровичке өткөрүлүп берилди; Жети-Өгүз районунун Кызыл-Суу айылдык кеңешинин депутаты Абдыбек уулу Русландын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Сулаймбеков Акылбек Турганбаевичке өткөрүлүп берилди; Бакай-Ата районунун Биримдик айылдык кеңешинин депутаты Абдыбеков Нурсейит Куштарбековичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Анаркулов Замирбек Анаркуловичке өткөрүлүп берилди.