№6 Жергиликтүү кеңештерге депутаттарды шайлоону даярдоо жана өткөрүүнүн жүрүшүндө санитардык-эпидемиологиялык коопсуздук боюнча чаралар жөнүндө

Жергиликтүү кеңештерге депутаттарды шайлоону даярдоо жана өткөрүүнүн жүрүшүндө санитардык-эпидемиологиялык коопсуздук боюнча чаралар жөнүндө

 

         Коронавирустук инфекциянын (COVID-19) таралышы боюнча дүйнө жүзүндө түзүлгөн кырдаалга байланыштуу, 2020-жылдын 12-апрелине дайындалган жергиликтүү кеңештердин депутаттарын шайлоону даярдоонун жана өткөрүүнүн жүрүшүндө вирустун таралышын болтурбоого жана жарандардын санитардык-эпидемиялык коопсуздугун камсыздоого көмөк көрсөтүү максатында, «Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын 7 жана 18-беренелерине ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ЧЕЧИМ КЫЛАТ:

 

  1. Шайлоо комиссиялары аймактык шайлоо комиссияларынын, участкалык шайлоо комиссияларынын башпааналарында шайлоо иш чараларын даярдоодо жана өткөрүүдө, ошондой эле идентификациялоодо жана добуш берүүдө шайлоочуларга коргоо жана дезинфекциялоо каражаттарын (операторлору үчүн санитайзерлерди, бактерияларга каршы салфеткаларды, латекстик кол каптарды ж.б) берсин жана аларды өздөрү да колдонсун, дезинфекциялоочу каражаттар менен жабдуулардын туруктуу тазаланып турушун камсыздасын.
  2. Жергиликтүү кеңештердин депутаттыгына талапкерлерге, талапкерлерди, талапкерлердин тизмесин көрсөткөн  саясий партияларга төмөндөгүлөр сунушталсын:

  - шайлоо алдында үгүт жүргүзүүдө массалык иш чаралар, шайлоочулар менен жолугушуулар формасында үгүттөөлөрдүн  жүрүшүн төмөндөтүү, ал эми андай чараларды өткөрүүдө катышуучулардын санын чектөө;

 - башпааналарда зарыл санитардык-гигиеналык шарттарды түзүү жана жолугушуулардын катышуучуларын дезинфекциялоочу каражаттар менен камсыздоо;

    - үгүт жүргүзүү формаларын тандоодо маалымдоо жана үгүт жүргүзүүнүн контактысыз формалары – басма сөз, аудио-көрмөлөр аркылуу үгүт жүргүзүү артыкчылыктарын көрсөтүү.

  1. Кыргыз Республикасынын Шайлоо жана референдум өткөрүү боюнча борбордук комиссиясынын шайлоочуларды жана шайлоо процессинин башка субъектилерин маалымдоо жана үгүт жүргүзүү эрежелеринин маселелери боюнча жумушчу тобу, аймактык шайлоо комиссиялары талапкерлер жана саясий партиялар үчүн бекер эфир убактысын жана басма аянтчаларын берүү маселесин 3 жумушчу күндө иштеп чыксын.
  2. Кыргыз Республикасынын Шайлоо жана референдум өткөрүү боюнча борбордук комиссиясынын аппараты:

   - шайлоого катышкан талапкерлер жана партиялар жөнүндө жарандарды Кыргыз Республикасынын Шайлоо жана референдум өткөрүү боюнча борбордук комиссиясынын электрондук форматтары жана сервистери аркылуу маалымдоо мүмкүнчүлүктөрүн көбөйтүү маселесин 2 күндүк мөөнөттө иштеп чыксын;

  - аппарат жана төмөн турган комиссиялар үчүн жабдууларды жана башпааналарды дезинфекциялоочу жана антисептикалык тазалоочу зарыл каражаттарды жетиштүү көлөмдө сатып алуу үчүн шарттарды камсыз кылсын.

  1. Ушул чечим Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.
  2. Ушул чечимдин аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А. Бекматовго жүктөлсүн.

 

ТӨРАГА                                                                                                    Н.ШАЙЛДАБЕКОВА

Бишкек ш., 2020-жылдын 18-марты

№ 6