Жаңылыктар

Бүгүн, 22-июлда БШК өзүнүн жыйналышында Кыргыз Республикасынын Президентинин кызмат ордуна талапкерлер С.А.Турдумалиевдин жана И.А.Масалиевдин ыйгарым укуктуу өкүлдөрүн каттады. Ошондой эле, бүгүн саясий партиялардын арасында аймактык шайлоо комиссияларынын курамына талапкерлерди тандоо үчүн чүчүкулак өткөрүлдү.  Чүчүкулакты өткөрүүгө 27 саясий партиянын өкүлдөрү катышты. Республика боюнча 58 аймактык шайлоо комиссиясы түзүлмөкчү. Ар бир комиссия кеминде 11 адамдан болушу керек, алардын 6 адамы саясий партиялардын өкүлдөрүнөн, калган бөлүгү коомдук уюмдардан, шайлоочулардын чогулушунан, жергиликтүү бийлик органдарынан болот.  Аймактык шайлоо комиссиялардын курамына талапкерлерди көрсөтүү 2011-жылдын 15-июлунда аяктады. Кыргыз Республикасынын Президентин шайлоону даярдоо жана өткөрүү боюнча негизги иш-чаралардын Календарлык планына ылайык аймактык шайлоо комиссияларынын курамын түзүү ушул жылдын 25-июлунда аяктайт.       Кыргыз Республикасынын Борбордук шайлоо комиссиясынын басма сөз кызматы    

2011-жылдын 22-июлуна карата Кыргыз Республикасынын шайлоо жана референдум өткөрүү боюнча Борбордук комиссиясына Кыргыз Республикасынын Президентинин кызмат ордуна талапкерлигин коюу ниети жөнүндө арыз менен төмөндөгү өзүн өзү көрсөткөндөр кайрылышкан: Өмүрбек Бөлтүрүкөв, 1955-ж.т., “Бөлтүрүк” Дыйканчылык чарбасынын директору, Асида Иманалиева, 1968-ж.т., убактылуу иштебейт, Сазыкбай Турдумалиев, 1954-ж.т., “Центр комплексного снабжения” ЖЧК генеральный директору, “Улутман” Республикалык партиясы” саясый партиясынын төрагасы, Каримов Алмазбек Ташполотович, 1972-ж.т., “ЮТС-Медиа” генералдык директору, Өмүрбек Суваналиев, 1960-ж.т., отставкадагы милициянын генерал-майору, Дамира Токтосунова, 1961-ж.т., убактылуу иштебейт; Сайнидин Султанидинов, 1955-ж.т., Латвия Республикасынын “Маро” фирмасынын Бишкектеги өкүлчүлүгүнүн жетекчиси; Эрнис Айтымбетов, 1964-ж.т., КР Президентинин иш Башкармалыгынын ички аудит бөлүмүнүн референти; Өмүрбек Эгембердиев, 1956-ж.т., “Инсанат” эл аралык фондунун президенти; Улугбек Бабакулов, 1971-ж.т., “МК Азия” газетасынын башкы редактору; Темиркул Өмүралиев, 1960-ж.т., убактылуу иштебейт; Болотбек Казакбаев, 1957-ж.т., КР коргоо Министрлигинин отставкадагы полковниги; Нурлан Мотуев, 1969-ж.т., “Азамат Компани” ЖЧКнын Генералдык директору; Курманбек Осмонов, 1953-ж.т., Кыргыз Республикасынын Жогорку Кеңешинин депутаты, “Ата-Журт” саясый партиясынын мүчөсү; Жылдызбек Стамбаев, 1971-ж.т., убактылуу иштебейт; Тургунбек Нарикеев, 1961-ж.т., убактылуу иштебейт; Игорь Трофимов, 1975-ж.т., “Сергей Радонежский жана Айкөл Манас атындагы укук коргоо борбору” ЖЧК Генералдык директору; Барктабас Аземкулов, 1967-ж.т., КР Аскердик сотунун судьясы. Кыргыз Республикасынын Президентинин кызмат ордуна талапкерди көрсөтүү жөнүндө протоколдор 5 саясый партиядан келип түшкөн. Кыргызстан коммунисттер партиясы Исхак Масалиевди, “Ата-Журт” партиясы- Камчыбек Ташиевди, “Бүтүн Кыргызстан” (“Единый Кыргызстан”)-Адахан Мадумаровду, “Партия зеленых Кыргызстана”-Эркин Булекбаевди, “Эл үчүн” (“За народ”)-Арстанбек Абдылдаевди көрсөтүшкөн. 19-июлда өзүн өзү көрсөткөн Игорь Трофимов арызын кайтарып алгандыгын эскертебиз. Кыргыз Республикасынын Президентинин кызмат ордуна талапкерлерди көрсөтүү 2011-жылдын 16-августунда аяктайт. КР Президентин шайлоо 2011-жылдын 30-октябрына дайындалган.      Кыргыз Республикасынын Борбордук шайлоо комиссиясынын Басма сөз кызматы.    

Бүгүн, 21-июлда Кыргыз Республикасынын шайлоо жана референдум өткөрүү боюнча Борбордук комиссиясы Кыргыз Республикасынын Президентин шайлоо мезгилинде шайлоо алдындагы үгүткө катышуу үчүн Кыргыз Республикасынын жалпыга маалымдоо каражаттарын акредитациялоо тууралу маселени карады. Кыргыз Республикасынын Президентинин кызмат ордуна талапкерлерди, шайлоо алдында үгүттөө 2011-жылдын 25-сентябрында башталат жана у.ж. 29-октябрында аяктайт. “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 24,25-беренелерине ылайык, талапкерлердин шайлоо алдындагы үгүтү телеберүү, радио жана жалпыга маалымдоо каражаттарынын басылмалары аркылуу жүргүзүлөт. Борбордук шайлоо комиссиясына акредитациялоого бардыгы 40 телерадиокомпаниядан жана 103басма сөз басылмаларынан арыз түшкөн. Мындан тышкары Боршайлоокомго акредитациялоо үчүн 11 маалыматтык агенттиктери кайрылышкан (интернет-ресурстар), алардын шайлоо алдындагы үгүткө катышуусу “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” конституциялык Мыйзамда каралган эмес. “Жалпыга маалымдоо каражаттары жөнүндө” Кыргыз Республикасынын Мыйзамынын 1-беренесине ылайык жалпыга маалымдоо каражаттарына газеталар, журналдар, алардын тиркемелери, альманахтар, китептер, бюллетендер, такай аты бар, элге таркатуу үчүн  дайындалган бир жолку басылмалар, ошондой эле мамлекеттик органдар, маалыматтык агенттиктер, саясый, коомдук жана башка уюмдар, жеке адамдар чыгарган теле жана радио берүүлөр, кино жана видео студиялар, аудиовизуалдык жазуулар,  программалар кирет. КР Президентин шайлоону өткөрүү мезгилинде шайлоо алдындагы үгүткө катышуу үчүн КР ЖМКларын акредитациялоо маселесин талкуулоонун жыйынтыгында Борбордук шайлоо комиссиясы токтом кабыл алды, ага ылайык акредитациялангандардын тизмеси бекитилди (40 телерадиокомпания жана 103 басма сөз басылмалары).     Кыргыз Республикасынын Борбордук шайлоо комиссиясынын Басма сөз кызматы  

2011-жылдын 21-июлуна карата Кыргыз Республикасынын шайлоо жана референдум өткөрүү боюнча Борбордук комиссиясына Кыргыз Республикасынын Президентинин кызмат ордуна талапкерлигин коюу ниети жөнүндө арыз менен төмөндөгү өзүн өзү көрсөткөндөр кайрылышкан: Өмүрбек Суваналиев, 1960-ж.т., отставкадагы милициянын генерал-майору, Дамра Токтосунова, 1961-ж.т., убактылуу иштебейт; Сайнидин Султанидинов, 1955-ж.т., Латвия Республикасынын “Маро” фирмасынын Бишкектеги өкүлчүлүгүнүн жетекчиси; Эрнис Айтымбетов, 1964-ж.т., КР Президентинин иш Башкармалыгынын ички аудит бөлүмүнүн референти; Өмүрбек Эгембердиев, 1956-ж.т., “Инсанат” эл аралык фондунун президенти; Улугбек Бабакулов, 1971-ж.т., “МК Азия” газетасынын башкы редактору; Темиркул Өмүралиев, 1960-ж.т., убактылуу иштебейт; Болотбек Казакбаев, 1957-ж.т., КР коргоо Министрлигинин отставкадагы полковниги; Нурлан Мотуев, 1969-ж.т., “Азамат Компани” ЖЧКнын Генералдык директору; Курманбек Осмонов, 1953-ж.т., Кыргыз Республикасынын Жогорку Кеңешинин депутаты, “Ата-Журт” саясый партиясынын мүчөсү; Жылдызбек Стамбаев, 1971-ж.т., убактылуу иштебейт; Тургунбек Нарикеев, 1961-ж.т., убактылуу иштебейт; Игорь Трофимов, 1975-ж.т., “Сергей Радонежский жана Айкөл Манас атындагы укук коргоо борбору” ЖЧК Генералдык директору; Барктабас Аземкулов, 1967-ж.т., КР Аскердик сотунун судьясы. Кыргыз Республикасынын Президентинин кызмат ордуна талапкерди көрсөтүү жөнүндө протоколдор 5 саясый партиядан келип түшкөн. Кыргызстан коммунисттер партиясы Исхак Масалиевди, “Ата-Журт” партиясы- Камчыбек Ташиевди, “Бүтүн Кыргызстан” (“Единый Кыргызстан”)-Адахан Мадумаровду, “Партия зеленых Кыргызстана”-Эркин Булекбаевди, “Эл үчүн” (“За народ”)-Арстанбек Абдылдаевди көрсөтүшкөн. 19-июлда өзүн өзү көрсөткөн Игорь Трофимов арызын кайтарып алды. Кыргыз Республикасынын Президентинин кызмат ордуна талапкерлерди көрсөтүү 2011-жылдын 16-августунда аяктайт. КР Президентин шайлоо 2011-жылдын 30-октябрына дайындалган.      Кыргыз Республикасынын Борбордук шайлоо комиссиясынын Басма сөз кызматы.      

Аймактык шайлоо комиссияларынын курамына талапкерлерди көрсөткөн саясий партиялардын эсине салабыз. 2011-жылдын 22-июлунда саат 14-00дө Борбордук шайлоо комиссиясында аймактык шайлоо комиссияларынын курамына талапкерлерди тандоо үчүн чүчүкулак өткөрүлөт. Чүчүкулак Кыргыз Республикасынын Борбордук шайлоо комиссиясынын имаратында жыйындар залында өткөрүлөт (Бишкек ш., Раззаков көчөсү, 59).  Республика боюнча 58 аймактык шайлоо комиссиясы түзүлмөкчү. Ар бир комиссия 11 адамдан, алардын ичинен алтоосу саясий партиялардын өкүлдөрүнөн, калган бөлүгү – коомдук уюмдардан, шайлоочулардын чогулуштарынан, жергиликтүү бийлик органдарынан түзүлөт. Аймактык шайлоо комиссияларынын курамына талапкерлерди көрсөтүү 2011-жылдын 15-июлунда аяктады. Кыргыз Республикасынын Президентин шайлоону даярдоо жана өткөрүү боюнча негизги иш-чаралардын Календарлык планына ылайык, аймактык шайлоо комиссияларынын курамын түзүү ушул жылдын  25-июлунда аяктайт.   Кыргыз Республикасынын Борбордук шайлоо комиссиясынын басма сөз кызматы  

2011-жылдын 20-июлуна карата Кыргыз Республикасынын Шайлоо жана референдум өткөрүү боюнча Борбордук комиссиясына, Кыргыз Республикасынын Президентинин кызмат ордуна талапкерликке көрсөтүлүү ниети жөнүндө арыздар менен төмөнкүлөр кайрылышкан: Өмүрбек Эгембердиев, 1956-жылы туулган, “Инсанат” эл аралык фондусунун президенти;  Улукбек Бабакулов, 1971-жылы туулган, “МК Азия” газетасынын башкы редактору; Темиркул Өмүралиев, 1960-жылы туулган, убактылуу иштебейт; Болотбек Казакбаев, 1957-жылы туулган, КР Коргоо министрлигинин отставкадагы полковниги; Нурлан Мотуев, 1969-жылы туулган, “Азамат Компани” ЖЧКнын башкы директору; Курманбек Осмонов, 1953-жылы туулган, Кыргыз Республикасынын Жогорку Кеңешинин депутаты, “Ата-Журт” саясий партиясынын мүчөсү; Жылдызбек Стамбаев, 1971-жылы туулган, убактылуу иштебейт; Тургунбек Нарыкеев, 1961-жылы туулган, убактылуу иштебейт; Игорь Трофимов, 1975-жылы туулган,; “Сергей Радонежский жана Айкөл Манас атындагы укук коргоо борбору” ЖЧКнын башкы директору;  Барктабас Аземкулов, 1967-жылы туулган, КР Аскердик сотунун судьясы.             Кыргыз Республикасынын Президентинин кызмат ордуна талапкерлерди көрсөтүү жөнүндө протоколдор беш саясий партиядан түшкөн:             Кыргызстан коммунисттер партиясы президенттикке Исхак Масалиевди, “Ата-Журт” партиясы – Камчыбек Ташиевди, “Бүтүн Кыргызстан (“Единый Кыргызстан”) – Адахан Мадумаровду, “Партия Зеленых Кыргызстана” – Эркин Булекбаевди, “Эл үчүн” (“За народ”) партиясы – Арстанбек Абдылдаевди көрсөткөн.             Кыргыз Республикасынын Президентинин кызмат ордуна талапкерлерди көрсөтүү 2011-жылдын 16-августунда аяктайт. КР Президентин шайлоо 2011-жылдын 30-октябрына дайындалган.   Кыргыз Республикасынын Борбордук шайлоо комиссиясынын басма сөз кызматы

Кыргыз Республикасынын шайлоо жана референдум өткөрүү боюнча Борбордук комиссиясынын төрагасы Туйгуналы  Абдраимов бүгүн, 20-июлда Бельгиянын Кыргызстандагы Атайын Ыйгарым укуктуу элчиси Даниел Бертран менен жолугушту.             Элчи Д. Бертран Т.Абдраимовду Борбордук шайлоо комиссиясынын төрагалык кызматына шайланышы менен куттуктап, алдыда турган шайлоолордун жогорку деңгээлде өтөөрүнө ишеним билдирди жана боло турган шайлоолорго байкоочу катары катышаары туурасындагы каалосун айтты. “Биз Кыргызстанда болуп жаткан саясый өзгөрүүлөрдү кунт коюу менен байкап турабыз”,-деди Элчи мырза. Ал Кыргыз Республикасынын Президентин шайлоолордун жүрүшүнө жана өлкө үчүн маанилүү окуянын алдындагы коомдук –саясый абалга кызыкты.             Борбордук шайлоо комиссиясынын төрагасы Т.Абдраимов Кыргызстандагы шайлоо системасын реформалоонун жүрүшү, БШКнын мүчөлөрүн шайлоо процедурасы жана КР Президентин шайлоону даярдоо жана өткөрүү боюнча негизги иш-чаралар туурасында кеңири баяндап берди. Негизги милдеттердин бири катары Т.Абдраимов шайлоочулардын тизмесин жаңы мыйзамга ылайык кийирилип жаткан “шайлоо дареги”системасына ылайык тактоо жүргүзүлүп жатканын атады. “Өлкөнүн борбору Бишкекте ички мигранттардын басымдуу бөлүгү жашап жатат, алардын дээрлик бардыгы региондордо катталуу. Мурда алардын добуш берүүгө укуктары чектелүү болчу. Эми шайлоочулар өзүлөрү катталган жер боюнча эмес, жашап жаткан жери боюнча добуш бере алышат”-деп белгиледи Т.Абдраимов. Ошону менен бирге БШКнын төрагасы шайлоо мыйзамдарына кийирилген жаңылыктарды коомчулукка кабарлоо боюнча, ошондой эле шайлоочуларды, шайлоо комиссияларынын мүчөлөрүн окутуп – үйрөтүү боюнча чоң иштер турганын баса белгиледи.             Жолугушууда БШКнын эл аралык кызматташтыгынын перспективасы туурасында пикир алышуулар жүрдү. Бул жаатта төрага Т.Абдраимов БШКнын чет элдик мамлекеттер, эл аралык уюмдар  менен кызматташтыгын КР БШКнын шайлоо технологияларын Борбору координациялай турганын маалымдады.   Кыргыз Республикасынын борбордук шайлоо комиссиясынын басма сөз кызматы                

2011-жылдын 18-июлунан тарта Кыргыз Республикасынын шайлоо жана референдум өткөрүү боюнча Борбордук шайлоо комиссиясынын Коомдук кабылдамасы иштей баштады. Борбордук шайлоо комитетинин Коомдук кабылдамасы Кыргыз Республикасынын Президентин шайлоону даярдоо жана өткөрүү учуруна карата түзүлгөн. Коомдук кабылдаманын максаты - Кыргыз Республикасынын жарандарынын шайлоо укугун камсыз кылуу, жарандардын БШКнын иши менен байланышкан кайрылуулары, арыз жана дооматтары менен натыйжалуу жана оперативдүү иш алып барууну уюштуруу болуп эсептелет. Коомдук кабылдаманын алдына Кыргыз Республикасынын жарандарынын шайлоо укугун камсыз кылуу, жарандардын кайрылуулары, арыз жана дооматтары менен натыйжалуу жана оперативдүү иш алып барууну уюштуруу, шайлоочуларга, талапкерлерге, алардын ишенимдүү өкүлдөрүнө жана байкоочуларга, саясый партиялардын өкүлдөрүнө, шайлоо комиссияларынын мүчөлөрүнө, шайлоо процессинин катышуучуларына  юридикалык, кеңеш – усулдук жардам көрсөтүү милдети коюлган. Коомдук кабылдама КР БШКнын имаратында жайгашкан (Бишкек ш. Раззаков көч. 59, каб. № 102, тел. 0312-62-01-50)   Кыргыз Республикасынын Борбордук шайлоо комиссиясынын басма сөз кызматы      

2011 –жылдын 19-июлунда Кыргыз Республикасынын шайлоо жана референдум өткөрүү боюнча Борбордук шайлоо комиссиясынын мүчөлөрүнүн, БШКнын аппаратынын, КР Президентинин, КР Өкмөтүнүн, Мамкаттоо кызматынын, Социалдык Фонддун, ИИМдин, IT  Улуттук Борборунун өкүлдөрүнүн катышуусу менен шайлоочуларды эсепке алуунун бирдиктүү системасын иштеп чыгуу боюнча техникалык тапшырманын презентациясы болуп өттү. Аталган техникалык тапшырма ПРООНдун Кыргыз Республикасындагы шайлоолорду колдоо боюнча “Демократиялык башкаруу”долбоорунун алкагында аткарылган. КР Президентинин Аппаратынын жетекчисинин орун басары Сабырбек Байназаров белгилегендей, аталган иш КР Президенти РОза Отунбаеванын тапшыруусу боюнча2011-жылдын апрелинен тарта башталган. Презентациянын катышуучуларына кайрылган КР Борбордук шайлоо комиссиясынын төрагасы Туйгуналы Абдраимов өз сөзүндө жаңы шайлоо мыйзамдарына ылайык, “шайлоо дареги” (шайлоочунун туруктуу жашабаган, бирок добуш берүүнү каалаган дареги) системасы кийирилгенин маалымдап, алдыдагы шайлоону даярдап өткөрүүдө шайлоочулардын тизмесин тактоо процессинин маанилүүлүгүн баса белгиледи. КР Президентинин Аппаратынын жүргүзгөн иштерин белгилөө менен Т. Абдраимов бул багытта биргелешкен кызматташтык улантыла берээрине ишенимин билдирди. Техникалык тапшырманын презентациясынан кийин аткаруучулар катышуучулардын суроолоруна жооп беришип, шайлоочуларды эсепке алуунун бирдиктүү системасын иштеп чыгуу жана кийирүү боюнча пикир алмашуулар жүрдү. Кыргыз Республикасынын Борбордук шайлоо комиссиясынын басма сөз кызматы  

Кыргыз Республикасынын Президентинин кызматына талапкерлердин тизмеси дагы бир талапкердин ысмы менен толукталды – 2011 –жылдын 19 –июлунда Кыргыз Республикасынын шайлоо жана референдум өткөрүү боюнча Борбордук комиссиясына Кыргыз Республикасынын Президентинин кызматына Кыргызстандын коммунисттеринин партиясынан талапкер көрсөтүлгөндүгү туурасында протокол келип түштү. Партия Президенттин кызматына Борбордук Комитеттин төрагасы, 1960 –жылы туулган Исхак Масалиевди көрсөттү. Биз мурда билдиргендей, буга чейин Борбордук шайлоо комиссиясына өзүн өзү көрсөткөндөр Барктабас Аземкуловдон, Игорь Трофимовдон, Тургунбек Нарикеевден, Жылдызбек Стамбаевден жана Курманбек Осмоновдон жана Кыргыз Республикасынын Президенти кызматына талапкер көрсөтүү жөнүндө 4 саясый партиядан арыз келип түшкөн. “Ата –Журт” партиясы президентикке Камчыбек Ташиевди, “Бүтүн Кыргызстан” Адахан Мадумаровду, “Кыргызстандын жашылдар партиясы” Эркин Бөлөкбаевди, “Эл үчүн” партиясы Арстанбек Абдылдаевди көрсөтүшкөн. Кыргыз Республикасынын Президентинин кызматына талапкерлерди көрсөтүү 2011 –жылдын 16 –августунда аяктайт. Кыргыз Республикасынын Президентин шайлоо 2011-жылдын 30 – октябрына белгиленген.   Кыргыз Республикасынын Борбордук шайлоо комиссиясынын басма сөз кызматы      

Кыргыз Республикасынын  шайлоо жана референдум өткөрүү боюнча Борбордук шайлоо комиссиясынын кезектеги жыйналышында, бүгүн 19 –июль күнү Кыргыз Республикасынын Президентинин кызматына талапкерлер Курманбек Осмоновдун ыйгарым укуктуу өкүлдөрү –Түгөлбай Казаков, Нурадил Касымов, Али Касымов, Кайрат Загибаев, Адахан Мадумаровдун ыйгарым укуктуу өкүлдөрү –Бекибай Мамытов, Исхак Масалиевдин ыйгарым укуктуу өкүлдөрү –Лариса Старостина жана Таалайбек Галиев катталышты.             Борбордук шайлоо комиссиясынын мүчөлөрү ошондой эле «Кыргыз Республикасынын Президентин шайлоону даярдоо жана өткөрүүнүн жүрүшү жөнүндө шайлоочуларды кабардар кылуу маселелери боюнча Жумушчу топ жөнүндө» Жобону бекитишти.             Ошондой эле Борбордук шайлоо комиссиянын токтому менен аймактык шайлоо комиссиясынын курамына талапкерлерди тандап алуу үчүн чүчү кулак кармашууну өткөрүү боюнча Комиссия түзүлдү. Муну менен Боршайком аймактык шайлоо комиссияларынын курамын түзүүгө киришти. Республика боюнча бардыгы болуп 5ң аймактык шайлоо комиссиялары түзүлөт. Белгилүү болгондой, аймактык шайлоо комиссияларынын курамына талапкерлерди көрсөтүү 2011-жылдын 15 –июлунда аяктаган. Кыргыз Республикасынын Президентин шайлоону даярдоо жана өткөрүү боюнча иш-чаралардын Календарлык планына ылайык, аймактык шайлоо комиссияларын түзүү ушул жылдын 25-июлунда аяктайт. Аймактык шайлоо комиссияларынын курамына өз талапкерлерин 24 саясый партиялар көрсөтүштү.  «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» конституциялык Мыйзамына ылайык, өлкөнүн шайлоо системасы – участкалык шайлоо комиссиялары (УШК), аймактык шайлоо комиссиялары (АШК) жана Борбордук шайлоо комиссиясы (БШК) болуп, үч деңгээлдүү эсептелет.    Кыргыз Республикасынын Борбордук шайлоо комиссиясынын басма сөз кызматы      

2011 –жылдын 18 – июль күнү Кыргыз Республикасынын шайлоо жана референдум өткөрүү  боюнча Борбордук шайлоо комиссиясына Кыргыз Республикасынын Президентинин кызматына талапкер болуу ниеттерин билдирген арыз менен өзүн өзү көрсөткөн эки адам кайрылышты.Алар: -  Тургунбек Нарикеев, 1961 – жылы туулган, убактылуу иштебейт; -  Жылдызбек Стамбаев, 1971 –жылы туулган, убактылуу иштебейт.      Мурда маалымдагандай, буга чейин Боршайкомго Кыргыз Республикасынын Президентинин кызматына талапкер көрсөтүү жөнүндөгү протоколдор 4 саясый партиядан келип түшкөн. “Ата –Журт” партиясы президентикке Камчыбек Ташиевди, “Бүтүн Кыргызстан” партиясы Адахан Мадумаровду, “Кыргызстандын жашылдар партиясы” Эркин Бөлөкбаевди жана “Эл үчүн” партиясы Арстанбек Абдылдаевди көрсөтүшкөн. Мындан тышкары БШК га өзүн өзү көрсөтүшкөн 2 адам – Барктабас Аземкуловдон жана Сергей Трофимовдон арыз келип түшкөн. Кыргыз Республикасынын Президенттик кызматына талапкерлерди көрсөтүү 2011  -жылдын 16 –августунда аяктайт.      Кыргыз Республикасынын Борбордук шайлоо комиссиясынын басма сөз кызматы        

Кыргыз Республикасынын шайлоо жана референдум өткөрүү боюнча Борбордук комиссиясына аймактык шайлоо комиссияларынын курамына  өз талапкерлерин көрсөтүү жөнүндө тийиштүү документтерин 22 саясый партиялар тапшырышты. Бул сан дагы өзгөрүшү ыктымал, анткени Боршайкомго жергиликтүү кеңештерден да маалыматтар түшүүдө, саясый партиялар ал жакка көрсөтүлүп жаткан башка субъектилер менен катар өзүлөрүнүн талапкерлеринин да тизмесин берүүгө укуктуу. Кыргыз Республикасынын Президентин шайлоону даярдоо жана өткөрүү боюнча республиканын мыйзамдарына ылайык иштелип чыгылган негизги иш-чаралардын Календарлык планына ылайык, шайлоо комиссияларын түзүү процесси 2011-жылдын 25 –июлунда аяктайт. Саясый партиялардан, коомдук уюмдардан, шайлоочулардын жыйналыштарынан өкүлдөрдү аймактык шайлоо комиссияларынын курамына көрсөтүү 2011-жыл 1-июль - Кыргыз Республикасынын Президентин шайлоо күнү  расмий жарыялангандан тарта башталган. Талапкерлерди аймактык шайлоо комиссиясынын курамына көрсөтүү жөнүндөгү документтерди кабыл алуу 2011-жылдын 15 –июль күнү саат 18 -00 аяктады. “Кыргыз Республикасынын Президентин жана Жогорку Кеңешинин депутаттарын шайлоо жөнүндө” констиутциялык Мыйзамына ылайык, өлкөнүн шайлоо системасы үч баскычтуу болуп эсептелет – алар участкалык шайлоо комиссиялары (УШК), аймактык шайлоо комиссиялары (АШК) жана Борбордук шайлоо комиссиясы. Кыргыз Республикасынын Борбордук шайлоо комиссиясынын басма сөз кызматы       

2011-жылдын 16-июлуна карата Кыргыз Республикасынын шайлоо жана референдум өткөрүү боюнча Борбордук шайлоо комиссиясына Кыргшыз Республикасынын Президентини кызматына талапкер көрсөтүү жөнүндө 4 саясый партиядан протокол келип түштү. “Ата –Журт” партиясы президентикке Камчыбек Ташиевди, “Бүтүн Кыргызстан” партиясы Адахан Мадумаровду, “Кыргызстандын жашылдар партиясы” Эркин Бөлөкбаевди жана “Эл үчүн” партиясы Арстанбек Абдылдаевди көрсөтүштү. Мындан тышкары БШК га өзүн өзү көрсөтүшкөн 2 адам – Барктабас Аземкуловдон жана Сергей Трофимовдон арыз келип түштү.   Кыргыз Республикасынын Президенттик кызматына талапкерлерди көрсөтүү 2011  -жылдын 16 –августунда аяктайт.    “Кыргыз Республикасынын Президентин жана Жогорку Кеңешинин депутаттарын шайлоо жөнүндө” Кыргыз Республикасынын конституциялык мыйзамына (андан ары –Конституциялык мыйзам)  ылайык, Президенттин кызмат ордуна талапкерлерди көрсөтүү шайлоо расмий дайындалгандыгы туурасындагы чечим чыккан күндүн эртеси башталат  жана шайлоо күнүнө 75 календарлык күн калганда аяктайт. Президенттин кызмат ордуна талапкерлердин саны чектелбейт. Президенттин кызмат ордуна талапкерлерди көрсөтүү укугу шайлоо расмий дайындалган күнгө карата аныкталган тартипте каттоодон өткөн саясый партияларга, ошондой эле талапкерликке өзүн өзү көрсөткөн жарандарга таандык.   Президенттин кызматына талапкер кеминде 30 миң шайлоочунун кол тамгасы менен колдоого алынууга тийиш. Кол тамгаларды чогултуу Президенттикке талапкерлерди көрсөтүү күнүнөн башталат жана талапкерлердин ыйгарым укуктуу өкүлдөрү тарабынан уюштурулат.    Кыргыз Республикасынын Президенти 6 жылдык мөөнөткө шайланат. Бир эле адам удаасы менен эки мөөнөттөн ашык Президент болуп шайлана албайт. Президент болуп 35 жашка толгон жана 70 жаштан ашпаган, мамлекеттик тилди билген, республикада жалпысынан 15 жылдан кем эмес жашаган, чет мамлекеттин жарандыгы жок Кыргыз Республикасынын жараны шайлана алат. Президенттин кызмат ордуна талапкердин мамлекеттик тилди билгендигин аныктоо тартиби Борбордук шайлоо комиссиясы тарабынан жүргүзүлөт. Президенттин кызмат ордуна талапкердин мамлекеттик тилди билүүсүн аныктоо Тил боюнча комиссиясынын корутундусунун негизинде Борбордук шайлоо комиссиясы тарабынан жүзөгө ашырылат. Президенттин кызмат ордуна талапкердин мамлекеттик тилди билүүсү талапкерлерди көрсөтүү мөөнөтү аяктаган күндөн талапкерлерди каттоо аяктаган күнгө чейин  аныкталат. Президенттик кызматка талапкерлерди каттоо шайлоо күнүнө чейин 35 календарлык күн калганда (2011-жылдын 25 –сентябрында) аяктайт. Президенттикке талапкер каттого чейин жана сунуш кылынган документтер текшерилгенден кийин Борбордук шайлоо комиссиясынын атайын эсебине мыйзамда белгиленген эсептик көрсөткүчтүн миң эсе өлчөмүндөгү (100 миң сом) шайлоо күрөөсүн коет. Эгерде добуш берүүгө катышкан шайлоочулардын кеминде 5 пайызы талапкерди жактап добуш берсе, койгон шайлоо күрөөсү шайлоо өткөрүлгөндөн кийин талапкерге кайра кайтарылып берилет. Президенттин кызмат ордуна талапкер өзү көрсөтүлгөндөн кийин 5 күндүк мөөнөт ичинде шайлоо алдындагы кампанияны каржылоо үчүн конституциялык Мыйзам тарабынан аныкталган тартипте өзүнүн шайлоо Фондун түзөт. Талапкердин шайлоо фондусунун каражаттарынын эсебинен чыгымдалган чектелген суммасы эсептик көрсөткүчтөн 500000 эседен (50 миллион сом) ашпайт.   Кыргыз Республикасынын Борбордук шайлоо комиссиясынын басма сөз кызматы        

Бүгүн, 16-июлда Кыргыз Республикасынын шайлоо жана референдум өткөрүү боюнча Борбордук комиссиясынын кезектеги жыйналышы болуп өтүп, анда Кыргыз Республикасынын Президентинин кызмат ордуна талапкер Арстанбек Абдылдаевдин (“Эл үчүн” партиясы) ыйгарым укуктуу өкүлдөрү Самаркүл Бейшеналиеваны жана Рахатбү Иманбекованы катоо жөнүндө КР БШКнын токтому кабыл алынды. БШК токтому менен ошондой эле президенттик шайлоону даярдоого жана өткөрүүгө республикалык бюджеттен бөлүнгөн каражаттарды максаттуу чыгымдоону контролдоону ишке ашыруу үчүн КР БШКнын алдында  контролдук-текшерүү тобу түзүлдү.  КТТ жетекчисине БШК мүчөсү Алмаз Асаналиев дайындалды.   Кыргыз Республикасынын Борбордук шайлоо комиссиясынын Басма сөз кызматы.

Бүгүн, 15-июлда Кыргыз Республикасынын шайлоо жана референдум өткөрүү боюнча Борбордук комиссиясы Кыргыз Республикасынын Президентинин кызмат ордуна талапкердин шайлоо фондусун калыптандыруунун, түшкөн акча каражаттарын эсептөөнүн жана чыгымдоонун тартиби жөнүндө Нускаманы бекитти. Ошондой эле КР Президентинин кызмат ордуна талапкер Адахан Мадумаровдун ыйгарым укуктуу өкүлү Азамат Эркебаевди жана талапкер Барктабас Аземкуловдун ыйгарым укуктуу өкүлдөрү Канымбүбү Бейшееваны жана Ильичбек Султанкуловду каттады.   Кыргыз Республикасынын Борбордук шайлоо комиссиясынын Басма сөз кызматы