Жаңылыктар

Кыргыз Республикасынын Шайлоо жана референдум өткөрүү боюнча борбордук комиссиясы 2021-жылдын 19-октябрында өткөн жыйналышында «Адам укуктары»,  «Жаңы-Мезгил», «Кыргызстандык элдик-демократиялык партиясы»саясий партияларынын 2021-жылдын 28-ноябрына дайындалган Кыргыз Республикасынын Жогорку Кеңешинин депутаттарын шайлоого катышуудан баш тартуу жөнүндө билдирмелерин карап чыкты жана «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 19-беренесин, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4, 8-беренелерин жетекчиликке алуу менен, алардын билдирмелерин эске алуу жөнүндө чечим кылды. КР БШК аппаратынын маалымат бөлүмү

Кыргыз Республикасынын Шайлоо жана референдум өткөрүү боюнча борбордук комиссиясы 2021-жылдын 19-октябрында өткөн жыйналышында 2021-жылдын 28-ноябрына дайындалган Кыргыз Республикасынын Жогорку Кеңешинин депутаттарын шайлоого катышуудан баш тартуу жөнүндө арыздарын карап чыкты жана «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 19-беренесин, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4, 8-беренелерин жетекчиликке алуу менен, алардын билдирмелерин эске алуу жөнүндө чечим кылды. Ошентип, КР БШКга арыз бергендер: - №15 Базар-Коргон шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Абдыжапарова Нурбюбю Маатмусаевна; - №7 Ош шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Алымбубаева Зулайка Бекатовна; - №16 Ош шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Анарбаев Каныбек Махамаджалилович; - №26 Ленин шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Карагулов Кубанычбек Нарынбекович; - №16 Ноокен шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Мараимов Расулжан Нарбаевич; - №31 Чүй-Кемин шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Тарыкбаев Алмаз Нарынбекович; - №16 Ноокен шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Тешебаев Акимбай Сатылганович; - №25 Аламүдүн шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Эшенкулова Кулжамал Буланбековна;   КР БШК аппаратынын маалымат бөлүмү

КР БШК 2021-жылдын 19-октябрындагы жыйналышында Талас шаардык жана Ноокен аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды шайланган депутаттардан кийинки талапкерлерге өткөрүп берүү жөнүндө чечимдерин бекитти. Талас облусунун Талас шаардык кеңешинин “Республика” саясий партиясынан депутаты Токторбаев Адилет Улановичтин ыйгарым укуктары өз арызынын негизинде токтотулду. Мандат жеке ишкер Джуманов Алибий Музуретбековичке (“Республика” саясий партиясы) өткөрүп берилди. Депутаттын ыйгарым укуктарын аткаруу менен айкалышпаган кызмат ордуна дайындалгандыгына байланыштуу Жалал-Абад облусунун Ноокен районунун Кочкор-Ата шаардык кеңешинин “Ынтымак” саясий партиясынан депутаты Абдурахманов Ядгоржон Турсунбаевичтин ыйгарым укуктары токтотулду. Мандат “Нефтчи” Кочкор-Ата шаардык спорткомплексинин директору Шамшиев Каныбек Чуроковиче (“Ынтымак” саясий партиясы) өткөрүп берилди. Жалал-Абад облусунун Ноокен районунун Кочкор-Ата шаардык кеңешинин “Ата-Журт Кыргызстан” саясий партиясынан депутаты Сыдыков Медербек Абдыкалыковичтин ыйгарым укуктары өз арызынын негизинде токтотулду. Мандат ААК “Кыргыз нефтегаз”, экономист Эргашов Азамат Азизбековичке (“Ата-Журт Кыргызстан” саясий партиясы) өткөрүп берилди. КР БШК аппаратынын маалымат бөлүмү

КР Жогорку Кеңешинин депутатынын бош мандаты болгондугуна байланыштуу Кыргыз Республикасынын Шайлоо жана референдум өткөрүү боюнча борбордук комиссиясы Ражапбаев Арсланбек Шукуруллаевичти “Өнүгүү-Прогресс” саясий партиясынан талапкерлердин тизмеси боюнча Кыргыз Республикасынын Жогорку Кеңешинин шайланган депутаты деп таануу жөнүндө токтом кылды. КР БШК токтому менен Ражапбаев Арсланбек Шукуруллаевич КР Жогорку Кеңешинин депутаты катары катталды, ага белгиленген үлгүдөгү күбөлүк жана төш белги тапшырылды. Токтом ”Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 21-беренесинин 11-бөлүгүнө, 65-беренесинин 3, 4-1-бөлүктөрүнө, “Кыргыз Республикасынын Шайлоо жана референдум өткөрүү боюнча шайлоо комиссиясы жөнүндө” Кыргыз Республикасынын конституциялык Мыйзамынын 4, 8-беренелерине ылайык кабыл алынды. КР БШК аппаратынын маалымат бөлүмү

Кыргыз Республикасынын Шайлоо жана референдум өткөрүү боюнча борбордук комиссиясы 2021-жылдын 19-октябрында Ысык-Көл облусунун Жети-өгүз районунун Кызыл-Суу айыл өкмөтүнүн башчысын шайлоону дайындады. Ысык-Көл облусунун Жети-өгүз районунун Кызыл-Суу айыл өкмөтүнүн  башчысын шайлоо 2021-жылдын 5-ноябрында саат 9-00дөн 12-00гө чейин өткөрүлөт. Буга чейин Ысык-Көл облусунун Жети-өгүз районунун Кызыл-Суу айыл өкмөтүнүн башчысы Алымов Манас Кадырович өз арызына ылайык ээлеген кызмат ордунан бошотулган. Жети-Өгүз аймактык шайлоо комиссиясына жергиликтүү өз алдынча башкаруунун аткаруу органынын башчысын кайталап шайлоону Кыргыз Республикасынын мыйзамдарына ылайык, ошондой эле Кыргыз Республикасынын Өкмөтүнүн 2020-жылдын 11-майындагы № 244 токтому менен бекитилген санитардык-эпидемиологиялык эрежелерди сактоо менен өткөрүүнү уюштуруу тапшырылды. КР БШК аппаратынын маалымат бөлүмү

Кыргыз Республикасынын Шайлоо жана референдум өткөрүү боюнча борбордук комиссиясы 2021-жылдын 19-октябрындагы жыйналышында “Өнүгүү-прогресс” парламенттик фракциясынан Кыргыз Республикасынын Жогорку Кеңешинин депутаты Жутанов Алмазбек Токтоназаровичтин ыйгарым укуктарын мөөнөтүнөн мурда токтотту. КР БШК “Өнүгүү-прогресс” парламенттик фракциясынан Кыргыз Республикасынын Жогорку Кеңешинин депутатынын ыйгарым укуктарын алып салуу жөнүндө түшкөн өз арызынын негизинде, Кыргыз Республикасынын Конституциясынын 79-беренесинин 2-бөлүгүнүн 1-пунктуна, “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 65-беренесинин 4-бөлүгүнүн 1-пунктуна ылайык А.Т. Жутановдун  ыйгарым укуктарын мөөнөтүнөн мурда токтотуу жөнүндө токтом кылды. Кыргыз Республикасынын Жогорку Кеңешинин депутаты Жутанов Алмазбек Токтоназаровичтин күбөлүгү анык эмес деп табылды.   КР БШК маалымат бөлүмү

Өткөрүү куну: 19-октябрь 2021-ж Убактысы: 17:00 Өткөрүлүүчү жери: отурумдар залы             1. Кыргыз Республикасынын Жогорку Кеңешинин депутаты А.Т.Жутановдун ыйгарым укуктарын мөөнөтүнөн мурда токтотуу жөнүндө.           (баяндамачы - М.Д. Кожокеева, шайлоону уюштуруу бөлүмүнүн башчысы)       2. Ысык-Көл облусунун Жети-Өгүз районунун Кызыл-Суу айыл өкмөтүнүн башчысын шайлоону дайындоо жөнүндө.         (баяндамачы - М.Д. Кожокеева, шайлоону уюштуруу бөлүмүнүн башчысы)                            3. Кыргыз Республикасынын Жогорку Кеңешинин депутатынын  бош калган мандатын өткөрүп берүү жөнүндө.         (баяндамачы - М.Д. Кожокеева, шайлоону уюштуруу бөлүмүнүн башчысы)                  4. Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу              жана бош калган депутаттык мандаттарды жергиликтүү кеңештердин депутаттыгына талапкерлерге өткөрүп берүү жөнүндөгү Талас шаардык жана Ноокен аймактык шайлоо комиссияларынын чечимдерин бекитүү тууралуу.         (баяндамачы - М.Д. Кожокеева, шайлоону уюштуруу бөлүмүнүн башчысы)       5. 2021-жылдын 28-ноябрына дайындалган Кыргыз Республикасынын Жогорку Кеңешинин депутаттарын шайлоодо эл аралык байкоочуларды аккредитациялоо жөнүндө.         (баяндамачы – Кутуева Л. А., эл аралык кызматташуу боюнча эксперт.)     6. Назарбаев Абдунаби Салыевичти №3 Кадамжай шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.          (баяндамачы - Кутбердиева М.М., укуктук камсыздоо бөлүмүнүн башчысы)                  7. Мурсалиев Акылбек Рыскельдиевичти  №31 Чүй-Кемин шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       8. Ташиев Рустам Рахимовичти  №31 Чүй-Кемин шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       9. Абдылдаев Сооронбай Эргешовичти  №24 Сокулук шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       10. Аскарбеков Мавлян Амангельдиевичти  №27 Биринчи май шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       11. Сыргабаев Замирбек Самаматовичти  №3 Кадамжай шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       12. Дуйшеналиев Болотбек Согушбековичти №19 Токтогул шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       13. Ажибаев Чынгыз Ильяскожоевичти  №1 Лейлек шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       14. Түмөнов Чынгыз Сүйүнбаевичти №4 Көк-Жар шайлоо округунан Кыргыз РеспубликасынынЖогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       15. Турдумамбетов Осмон Жолдошбековичти №19 Токтогул шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө   (баяндамачы - Кутбердиева М.М., укуктук камсыздоо бөлүмүнүн башчысы)       16. Карабаев Манасбек Токтогуловичти №22 Токтогул шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       17. Толонов Данияр Эрмековичти  №10 Куршаб шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.    (баяндамачы - Кутбердиева М.М., укуктук камсыздоо бөлүмүнүн башчысы)       18. Дурсунов Атамша Латифовичти  №30 Ысык-Ата шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.    (баяндамачы - Кутбердиева М.М., укуктук камсыздоо бөлүмүнүн башчысы)       19. Жапаров Талантбек Рысбековичти  №34 Жети-Өгүз шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.    (баяндамачы - Кутбердиева М.М., укуктук камсыздоо бөлүмүнүн башчысы)       20. Маннанов Ильхом Абдукахаровичти  №6 Араван шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       21. Бакиров Өмүрбек Мирзараимовичти  №4 Көк-Жар шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө.   (баяндамачы - Кутбердиева М.М., укуктук камсыздоо бөлүмүнүн башчысы)       22. «Кыргызстан Прогрессивдүү Жаштар Партиясы» саясий партиясынын билдирүүсү жөнүндө.    (баяндамачы - М.Д. Кожокеева, шайлоону уюштуруу бөлүмүнүн башчысы)       23. «Чындык» саясий партиясынын билдирүүсү жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       24. №32 Кочкор шайлоо округунан Кыргыз Республикасынын Жогорку Кеңешинин депутаттыгына талапкер катары көрсөтүлгөн Мусагул уулу Амантурдун шайлоого катышуудан баш тартуу тууралуу арызы жөнүндө.    (баяндамачы - М.Д. Кожокеева, шайлоону уюштуруу бөлүмүнүн башчысы)     25. №24 Сокулук шайлоо округу боюнча Кыргыз Республикасынын                             Жогорку Кеңешинин депутаттыгына талапкер катары көрсөтүлгөн Сарымсаков Каныбек Кубанычбековичтин ыйгарым укуктуу өкүлүн каттоо жөнүндө.    (баяндамачы - М.Д. Кожокеева, шайлоону уюштуруу бөлүмүнүн башчысы)       26. №32 Кочкор шайлоо округу боюнча Кыргыз Республикасынын                              Жогорку Кеңешинин депутаттыгына талапкер катары көрсөтүлгөн Сардарбеков Сабырбектин ыйгарым укуктуу өкүлүн каттоо жөнүндө.    (баяндамачы - М.Д. Кожокеева, шайлоону уюштуруу бөлүмүнүн башчысы)     27. №13 Сузак шайлоо округу боюнча Кыргыз Республикасынын Жогорку Кеңешинин депутаттыгына талапкер катары көрсөтүлгөн Маматов Улан Орозалиевичтин ыйгарым укуктуу өкүлдөрүн каттоо жөнүндө.    (баяндамачы - М.Д. Кожокеева, шайлоону уюштуруу бөлүмүнүн башчысы)     28. №34 Жети-Өгүз шайлоо округу боюнча Кыргыз Республикасынын  Жогорку Кеңешинин депутаттыгына талапкер катары көрсөтүлгөн Абдрахматова Атыр Болотбековнанын ыйгарым укуктуу өкүлү жөнүндө.    (баяндамачы - М.Д. Кожокеева, шайлоону уюштуруу бөлүмүнүн башчысы)        29. №3 Кадамжай шайлоо округу боюнча                                             Кыргыз Республикасынын Жогорку Кеңешинин депутаттыгына талапкер катары көрсөтүлгөн Досанов Нурбек Маликовичтин ыйгарым укуктуу өкүлдөрүн каттоо жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)                30. №31 Чүй-Кемин шайлоо округу боюнча Кыргыз Республикасынын Жогорку Кеңешинин депутаттыгына талапкер катары көрсөтүлгөн Жансеитов Тынайбек Каныбековичтин ыйгарым укуктуу өкүлүн каттоо жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       31. №11 Алай шайлоо округу боюнча Кыргыз Республикасынын Жогорку Кеңешинин депутаттыгына талапкер катары көрсөтүлгөн Орунбеков Дайырбек Тейишовичтин ыйгарым укуктуу өкүлүн каттоо жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       32. №35 Ак-Суу шайлоо округу боюнча Кыргыз Республикасынын Жогорку Кеңешинин депутаттыгына талапкер катары көрсөтүлгөн Муса кызы Алинанын ыйгарым укуктуу өкүлүн каттоо жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       33. №24 Сокулук шайлоо округу боюнча Кыргыз Республикасынын Жогорку Кеңешинин депутаттыгына талапкер катары көрсөтүлгөн Карымшакова Гүлүйпа Өмүрзаковнанын ыйгарым укуктуу өкүлдөрүн каттоо жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       34. №27 Биринчи май шайлоо округу боюнча Кыргыз Республикасынын Жогорку Кеңешинин депутаттыгына талапкер катары көрсөтүлгөн Аскарбеков Мавлян Амангельдиевичтин ыйгарым укуктуу өкүлүн каттоо жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       35. №5 Ноокат шайлоо округу боюнча  Кыргыз Республикасынын Жогорку Кеңешинин депутаттыгына талапкер катары көрсөтүлгөн Абдивалиев Артыкбай Турабидинович ыйгарым укуктуу өкүлүн каттоо жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       36. №11 Алай шайлоо округу боюнча Кыргыз Республикасынын Жогорку Кеңешинин депутаттыгына талапкер катары көрсөтүлгөн Жээнбаев Осконбай Сатыбаевичтин ыйгарым укуктуу өкүлүн каттоо жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       37. №31 Чүй-Кемин шайлоо округу боюнча Кыргыз Республикасынын Жогорку Кеңешинин депутаттыгына талапкер катары көрсөтүлгөн Шаршеналиев Нурлан Алтымышовичтин ыйгарым укуктуу өкүлүн каттоо жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       38. №21 Талас шайлоо округу боюнча Кыргыз Республикасынын Жогорку Кеңешинин депутаттыгына талапкер катары көрсөтүлгөн Бузурманкулов Айбек Мырзакеримовичтин ыйгарым укуктуу өкүлүн каттоо жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       39. «Адам укугу» саясий партиясынын билдирүүсү жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       40. «Жаңы-Мезгил» мигранттардын, үй куруучуларынын, агрардык реформа борбору Саясий партиясы» саясий партиясынын билдирүүсү жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       41. «КЫРГЫЗСТАНДЫН-ЭЛДИК ДЕМОКРАТИЯЛЫК ПАРТИЯСЫ» саясий партиясынын билдирүүсү жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       42. №15 Базар-Коргон шайлоо округунан Кыргыз Республикасынын Жогорку Кеңешинин депутаттыгына талапкер катары көрсөтүлгөн Абдыжапарова Нурбюбю Маатмусаевнанын шайлоого катышуудан баш тартуу тууралуу арызы жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)       43. №7 Ош шайлоо округунан Кыргыз Республикасынын Жогорку Кеңешинин депутаттыгына талапкер катары көрсөтүлгөн Алымбубаева Зулайка Бекатовнанын шайлоого катышуудан баш тартуу тууралуу арызы жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)                 44. №16 Ноокен шайлоо округунан Кыргыз Республикасынын Жогорку Кеңешинин депутаттыгына талапкер катары көрсөтүлгөн Анарбаев Каныбек Махамаджалиловичтин шайлоого катышуудан баш тартуу тууралуу арызы жөнүндө.    (баяндамачы - М.Д. Кожокеева, шайлоону уюштуруу бөлүмүнүн башчысы)                 45. №26 Ленин шайлоо округунан Кыргыз Республикасынын                        Жогорку Кеңешинин депутаттыгына талапкер катары көрсөтүлгөн Карагулов Кубанычбек Нарынбековичтин шайлоого катышуудан баш тартуу тууралуу арызы жөнүндө.    (баяндамачы - М.Д. Кожокеева, шайлоону уюштуруу бөлүмүнүн башчысы)       46. №16 Ноокен шайлоо округунан Кыргыз Республикасынын                         Жогорку Кеңешинин депутаттыгына талапкер катары көрсөтүлгөн Мараимов Расулжан Нарбаевичтин шайлоого катышуудан баш тартуу тууралуу арызы жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)                 47. №31 Чүй-Кемин шайлоо округунан Кыргыз Республикасынын                        Жогорку Кеңешинин депутаттыгына талапкер катары көрсөтүлгөн Тарыкбаев Алмаз Нарынбековичтин шайлоого катышуудан баш тартуу тууралуу арызы жөнүндө.    (баяндамачы - М.Д. Кожокеева, шайлоону уюштуруу бөлүмүнүн башчысы)                 48. №16 Ноокен шайлоо округунан Кыргыз Республикасынын Жогорку Кеңешинин депутаттыгына талапкер катары көрсөтүлгөн Тешебаев Акимбай Сатылгановичтин шайлоого катышуудан баш тартуу тууралуу арызы жөнүндө.    (баяндамачы - М.Д. Кожокеева, шайлоону уюштуруу бөлүмүнүн башчысы)       49. №25 Аламүдүн шайлоо округунан Кыргыз Республикасынын                  Жогорку Кеңешинин депутаттыгына талапкер катары көрсөтүлгөн Эшенкулова Кулжамал Буланбековнанын шайлоого катышуудан баш тартуу тууралуу арызы жөнүндө.   (баяндамачы - М.Д. Кожокеева, шайлоону уюштуруу бөлүмүнүн башчысы)   50. Ар кандай маселелер     

Кыргыз Республикасынын Шайлоо жана референдум өткөрүү боюнча борбордук комиссиясы 2021-жылдын 28-ноябрына дайындалгын Кыргыз Республикасынын Жогорку Кеңешинин депутаттарын шайлоого даярдык көрүүнүн алкагында шайлоо комиссияларынын мүчөлөрүн андан ары окутууну өткөрө турган тренерлер үчүн Ош шаарында тренинг уюштурду. Окутуу КР БШК тарабынан USAIDдин колдоосу менен, Эл аралык шайлоо тутумдарынын фондунун өкүлчүлүгү (IFES) менен биргеликте уюштурулду. КР БШКнын төрагасы Н.Шайлдабекова катышуучуларга алдыдагы шайлоонун өзгөчөлүктөрүн, шайлоо процессинин ар бир этабындагы милдеттерди жана жоопкерчиликтерди, шайлоо мыйзамына киргизилген өзгөрүүлөрдү түшүндүрдү.   Шайлоонун канчалык эркин өткөндүгү, жарандардын добуш берүү жана шайлануу укуктары канчалык толук ишке ашкандыгы демократиялык шайлоонун негизги көрсөткүчү экени айтылды. Ал эми мамлекеттин аракеттери ушул укуктарды камсыз кылууга багытталышы керек. Ар бир орган мыйзамда белгиленген компетенциялардын чегинде жана шайлоо процессинин өзгөчөлүгүн эске алуу менен өз ыйгарым укуктарын жүзөгө ашырат. Шайлоонун негизги өзгөчөлүгү - мөөнөттөр. Экинчи өзгөчөлүгү – шайлоо – бул саясий процесс, шайлоого катышкан талапкерлерге же партияларга карата ар кандай теңсиз шарт же мамиле коомдук-саясий кырдаалдын курчушуна алып келиши мүмкүн. Катышуучулардын көңүлү ОШКнын добуш берүү күнүндөгү ишмердүүлүгүнө, Ыкчам чара көрүү боюнча координациялык топ менен өз ара аракеттенүүнү уюштурууга бурулду. "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" Кыргыз Республикасынын Конституциялык Мыйзамынын 43-беренесинин 4-бөлүгүнө, ошондой эле Кыргыз Республикасы "Жергиликтүү кеңештердин депутаттарын шайлоо жөнүндө" Мыйзамынын 41-беренесинин 4-бөлүгүнө ылайык, шайлоо мыйзамдарынын бузулушуна карата ыкчам аракет көрүү жана көрүлүп жаткан чаралар тууралуу жарандарга маалымдоо максатында шайлоо комиссияларынын бардык деңгээлдеринде Ыкчам чара көрүү боюнча координациялык топтор түзүлөт: БШКнын ыкчам чара көрүү боюнча координациялык тобу, 36 округдук шайлоо комиссияларында ыкчам чара көрүү боюнча координациялык топтор. ЫЧКТга карата, шайлоонун алгачкы этабында ыкчам жооп берүүнүн маанилүүлүгү баса белгиленди, бул шайлоо процессинин бардык катышуучуларына шайлоо мыйзамдарын бузууга жол берилбестиги үчүн белги болуп саналат. Шайлоонун көп субъекттүүлүгүнө байланыштуу, ЫЧКТ жана ОШК эч кимди үндөбөстөн же каршы чыкпастан, шайлоонун бардык катышуучулары менен кызматташууга чакырылган. Ошол эле учурда келип түшкөн даттанууларды кароонун эффективдүүлүгүн да көрсөтүү маанилүү. Паракорлуксуз жана административдик ресурстарды колдонбостон таза жана айкын шайлоону өткөрүүгө өлкө жетекчилигинин жана Республикалык штабдын саясий эрки бар экендиги белгиленди. Мисал катары, 2021 -жылдын январында болуп өткөн Кыргыз Республикасынын Президентин мөөнөтүнөн мурда шайлоодо административдик ресурсту колдонуу боюнча 13 учур жана пара алуу боюнча 9 учур катталган. Тренингде КР ЖК депутаттарын шайлоону уюштуруу жана өткөрүү учурунда санитардык-эпидемиологиялык коопсуздукту камсыз кылуу жана жарандардын ден соолугун коргоо аракеттеринин Алгоритмин карап чыгышты. Шайлоо алдындагы үгүт иштеринин этабында талапкерлерге жана талапкерлердин тизмесин көрсөткөн саясий партияларга үгүт иш-чараларын телекөрсөтүү, радио, аудио жана видео форматтарын онлайн режиминде жүргүзүү сунушталат. Офлайн жолугушуулар адамдардын массалык топтолуусуна жол бербѳѳ талаптарын эске алуу менен, санитардык-эпидемиологиялык коопсуздукту сактоо менен, орун-жайдан сырткары (ачык жерде) ѳткѳрүү сунушталат. Үгүт материалдарын (буклеттерди, газеталарды, дисктерди, желекчелерди, значокторду ж.б.) таркатуу милдеттүү түрдѳ бир жолку кол каптарды жана бет каптарды пайдалануу менен ишке ашыруу зарыл. Тренингдин жүрүшүндө округдук жана участкалык шайлоо комиссияларынын ишмердүүлүгү, түзүү тартиби, негизги ыйгарым укуктары жана иштөө принциптери боюнча түшүндүрмөлөр берилди. Катышуучуларга добуш берүү жайларын кантип даярдоо керектиги, муктаждыктар карталарын жана шайлоочулардын тизмесин түзүү, үгүт жүргүзүү жана шайлоочулар менен жолугушуу үчүн талапкерлердин укуктарын кантип камсыз кылуу керектиги түшүндүрүлдү, добуш берүү күнү саат 08.00дөн 20.00гө чейин шайлоо комиссияларынын иши этап сайын каралып чыкты. Жергиликтүү өз алдынча башкаруу органдары шайлоо дайындалган күндөн тартып 10 календарлык күндүн ичинде ар бир шайлоо участкасында үгүт материалдарын илүү үчүн атайын орундарды берүүгө жана жабдууга милдеттүү. Талапкерлерге, саясий партияларга мындай материалдарды жайгаштыруу үчүн тең шарттар камсыз кылынууга тийиш. Талапкерлер, саясий партиялар тийиштүү аймактык шайлоо комиссияларынан шайлоо алдындагы басылма үгүт материалдарын жайгаштыруу үчүн бөлүнгөн орундардын тизмесин алууга укуктуу. Катышуучуларга Талапкерлер, саясий партиялар шайлоо алдындагы үгүт материалдарын сурдокотормону же субтитрди колдонуп, окууга ыңгайлуу чоңойтулган шрифт менен басылып, ошондой эле ден соолугунун мүмкүнчүлүктөрү чектелген шайлоочулар үчүн Брайль шрифтин же башка атайын каражаттарын пайдалануу менен үгүт материалдарынын жалпы нускасынын санынын бир пайызынан кем эмес санда басып чыгарууга жана таркатууга милдеттүү экендиги эске салынды. Тренингде участкалык шайлоо комиссияларынын талапкерлердин өклүлдөрү, жалпыга маалымдоо каражаттары жана байкоочулар менен өз ара аракеттенүүсү каралды. Добуш берүү күнүндө ОШК ишин баштагандан тарта, ошондой эле мөөнөтүнөн мурда добуш берүү күнү (2021-жылдын 27-ноябрында) жана добуш берүүнүн жыйынтыктарынын протоколун кабыл алуу жөнүндө билдирүү алганга чейин, ошондой эле добуштарды кайра саноо учурунда, КР БШКда аккредитацияланган байкоочулар шайлоо участкаларында болууга укуктуу. Байкоочулар, талапкерлердин жана партиялардын өкүлдөрү, ошондой эле жалпыга маалымдоо каражаттары добуш берүү башталардан кеминде бир саат мурун шайлоо участкасына кирүүгө тийиш. Байкоочулар үзгүлтүксүз жана белгиленген мөөнөттө, анын ичинде добуштарды эсептөө учурунда эркин тандап алган убакыт аралыгында байкоо жүргүзүүгө укуктуу. ОШКнын төрагасы комиссиянын ишмердүүлүгүнүн ачыктыгын жана айкындыгын камсыздоого, шайлоо процессинин катышуучуларына алардын активдүү шайлоо укугун колдонуунун тартибин, ошондой эле добуш берүүгө жана добуштарды саноого катышкан адамдарга, ОШК тарабынан жүргүзүлгөн бардык аракеттердин тартибин жана маанисин түшүндүрүүгө милдеттүү. Шайлоо комиссияларынын тренерлери добуш берүүнүн жыйынтыктарын аныктоо тартиби, добуштарды кол менен эсептөө процедурасы, жараксыз бюллетендер менен иштөө, жалпысынан добуш берүүнүн протоколун толтуруу боюнча бардык иштер боюнча окутулду. УШКнын документтерин АШК, БШКга берүүнүн процедурасы түшүндүрүлдү (протоколду АЭУ аркылуу сканерлөө). Шайлоо мыйзамдарын бузуу үчүн жоопкерчилик чаралары деталдуу түрдө каралды. Шайлоочу, байкоочу, талапкер же анын өкүлү, ишенимдүү адамы тарабынан шайлоо жөнүндө мыйзамдарда каралган шайлоо алдындагы үгүт жүргүзүү шарттарынын бузулушу 4-категориядагы айып пул салууга алып келет (жеке жактарга 7500 сом, юридикалык жактарга 23 000 сом). Жалпыга маалымдоо каражаты тарабынан жасалган ошол эле жосун 5-категориядагы айып пул салууга алып келет (жеке жактарга 10 000 сом, юридикалык жактарга 28 000 сом). Мамлекеттик бийлик органдарына, жергиликтүү өз алдынча башкаруу органдарына шайлоону даярдоо жана өткөрүү мезгилинде, же болбосо референдум мезгилинде алардын чыгарылышы үчүн жооптуу уюмдар жана адамдар жөнүндө маалыматтар камтылбаган үгүттүк басма сөз материалдарын, же болбосо чет өлкөдө даярдалган материалдарды таратуу 6-категориядагы айып пул салууга алып келет (жеке жактарга 12 500 сом, юридикалык жактарга 35 000 сом). Имараттарда, курулмаларда же башка объекттерде илинген укма-көрмө материалдарды, депутаттыкка же башка шайлануучу кызматка талапкердин портретин, анын өмүр таржымалы бар плакатты, же болбосо башка үгүт материалдарын билип туруп жок кылуу же болбосо бузуу 4-категориядагы айып пул салууга алып келет (жеке жактарга 7 500 сом, юридикалык жактарга 23 000 сом). Ошол эле учурда үгүт материалдары имараттын, курулманын же башка объекттин менчик ээсинин (ээсинин) макулдугу жок илинсе, ал ушул берене боюнча жоопкерчиликтен бошотулат. Ошондой эле, тренерлерге БШКнын сайты менен иштөө, анын структурасы, мазмуну, баракчалары, анын ичинде бардык талапкерлер жана саясий партиялар, алардын программалары, шайлоо фонддору жөнүндө маалыматтарды камтыган "Талапкерлер жана партиялар" бөлүмү үйрөтүлдү. КР БШК аппаратынын маалымат бөлүмү

Кыргыз Республикасынын Шайлоо жана референдум өткөрүү боюнча борбордук комиссиясы Ош шаарында талапкерлер жана талапкерлердин тизмесин көрсөткөн саясий партиялардын ыйгарым укуктуу өкүлдөрү үчүн «Жарандык платформа» коомдук фонду жана Жарандык өнүктүрүү институту менен биргеликте «2021-жылы Кыргыз Республикасынын Жогорку Кеӊешине депутаттарды шайлоонун жүрүшүндө үгүт өнөктүгүн өткөрүүнүн өзгөчөлүктөрү» аталыштагы окутуучу тренинг уюштурду. Шайлоо процессинин өзгөчөлүктөрү, анын этаптары, мөөнөтү жана шайлоо алдындагы үгүттөө иштерин жүргүзүүнүн негизги эрежелери тууралуу катышуучуларга КР БШК төрагасы Н.Шайлдабекова  маалымат берди. Шайлоо аралаш тутум боюнча өткөндүктөн, үгүт иштерине саясий партиялар да, жеке талапкерлер да катышат. Катышуучуларга шайлоо мыйзамынын жаңы чендери, анын ичинде коркунучтуу жана зыяндуу өндүрүш объекттерине, электр станцияларына, темир жолдорго, мунай түтүктөрүнө жана электр берүүнүн жогорку чыңалуудагы чубалгыларынын алдына, пенитенциардык тутумдун объекттерине, мамлекеттик жана муниципалдык саламаттык сактоо уюмдарына, мектепке чейинки балдар мекемелерине, мектепке чейинки билим берүү жана жалпы билим берүү уюмдарына жакын (100 метрден кем эмес) жерлерде үгүт иштеринин өткөрүлүшү, үгүт материалдардын таратылышы мүмкүн эмес экендиги түшүндүрүлдү. Ошондой эле шайлоо алдындагы үгүттү өткөрүүдө, үгүттүк материалдарда тикелей жана кыйыр өздөштүрүп алынган маалыматтык бөлүктөрдү жана элементтерди (сүрөттөлүштөрдү) көрсөтүүгө же башкача пайдаланууга же диний тематикага шилтеме жасоого жол берилбейт. КР БШКнын мүчөсү А.Бекматов Шайлоо дайындалган учурдан тартып шайлоочуларды сатып алууну жүзөгө ашырууга: шайлоочуларга акча каражаттарын төлөп берүүгө; шайлоочуларга белектерди жана башка материалдык баалуулуктарды тапшырууга; товарларды жеңилдетилген баада сатууга; талапкерлердин тизмесин көрсөткөн саясий партиянын символун, Борбордук шайлоо комиссиясы тарабынан бекитилген тизмеге ылайык талапкердин сүрөтүн камтыган басылма үгүт материалдарын, төш белгилерди, футболкаларды, баш кийимдерди, моюн орогучтарды кошпогондо, ар кандай товарларды акысыз таркатууга; акысыз же жеңилдетилген шартта кызмат көрсөтүүгө тыюу салынат. Талапкерлер, талапкердин жубайы, талапкерлердин жакын туугандары, талапкерлердин жана: саясий партиялардын өкүлдөрү шайлоо дайындалган учурдан тартып жана шайлоонун натыйжалары жарыяланганга чейин кайрымдуулук иштерин жүргүзүүгө укуксуз деп тастыктады. КР БШК аппаратынын маалымат бөлүмү

Кыргыз Республикасынын Шайлоо жана референдум өткөрүү боюнча борбордук комиссиясынын төрагасы Н. Шайлдабекова 2021-жылдын 18-октябрында парламенттик шайлоодо ишин баштаган ЕККУ/ДИАУБ Миссиясы менен жолугушту. КР БШКнын төрайымы Н. Шайлдабекова миссия мүчөлөрүнө алдыдагы парламенттик шайлоонун өзгөчөлүктөрү тууралуу маалымат берди. 2021-жылдын 28-ноябрында боло турган парламенттик шайлоо аралаш система боюнча өтөт, бул коомдун өтүнүчүнө ылайык Кыргыз Республикасынын Жогорку Кеңешинин депутаттарын шайлоонун жаңы жол - жобосун издөөнүн натыйжасы болду. Ошол эле учурда, шайлоонун жаңы жол -жобосун издөөдө Кыргыз Республикасы мурда шайлоо процессинде жетишилген демократиялык принциптерди, парламентаризмди өнүктүрүүнүн мурдагы этаптарынын жетишкендиктерин сактап калды. Аймактардын жана ар кандай социалдык топтордун өкүлчүлүгүн күчөтүү максатында аралаш система киргизилген. Бир мандаттуу округдарда 36 депутаттын шайланышы аймактардын, 54 депутат социалдык топтордун өкүлчүлүгүн камсыздайт. Ошол эле учурда, коомдун өтүнүчү канааттандырылды – талапкерлерди субьект катары кароодо партиялардын монополиясын жокко чыгаруу жана көз карандысыз талапкерлердин мүмкүнчүлүктөрү кеңейтилди. Пропорционалдык система боюнча 54 депутаттын шайланышы партиялар биздин өлкөдө демократиянын маанилүү институту бойдон кала берерин көрсөтүүгө арналган. Пропорционалдык системанын алкагында ар кандай социалдык топтордун парламентке кирүү талаптары эске алынып, ал тургай күчөтүлгөн: бир жыныстагы талапкерлер 70 пайыздан ашпашы, 35 жашка чейинки талапкерлер 15 пайыздан кем эмес, 15тен кем эмес ар кандай этникалык талапкерлердин пайызы, кеминде 2 талапкер – майыптар болушу шарт. Ошондой эле, талапкерлердин статусу боюнча коомдун суроо - талаптары канааттандырылды, жашы 21ден 25 жашка узартылды, жогорку билимдин болуу талабы киргизилди. Депутаттардын жашын жана санын 90 адамга өзгөртүү - 2021-жылдын 11 -апрелинде референдумда бекитилген Негизги Мыйзамга киргизилген конституциялык талаптар болуп эсептелет. Учурда талапкерлердин, саясий партиялардын тизмесин көрсөтүү жана каттоо этабы аяктоо алдында турат. Процесс инклюзивдүү өтүүдө. Шайлоо процессине мурунку жылдарда болгон терс учурларды алдын алуу максатында иштелип чыккан бир катар мыйзам ченемдери киргизилген. Эркиндигинен ажыратуу жайларында кармалып турган адамдардын өздөрүн көрсөтүүгө укуктары жок деген эреже такталды - соттун өкүмү менен эркиндигинен ажыратуу жайларында болгондор катышпайт, бул эл аралык стандарттарга туура келет.   ЕККУ / ДИАУБдун акыркы отчетунда административдик ресурстун шайлоонун жыйынтыгына тийгизген таасири көрсөтүлгөн, ошондуктан КР БШК талапкер көрсөтүлгөн учурдан тартып кызматтык же кызматтык ыйгарым укуктарын аткарууну токтотот деген эрежени киргизген, эгерде ал мамлекеттик саясий кызматкер болсо (Жогорку Кеңештин депутатын же Президентти кошпогондо), муниципалдык саясий кызматкерлер (жергиликтүү кеңештин депутатын кошпогондо), мамлекеттик, муниципалдык ишкананын, мекеменин башчылары болсо, 30% дан ашык мамлекеттик (муниципалдык) үлүшү бар ишкана жана алардын бөлүмдөрүнүн башчылары болсо. Мындан тышкары, талапкер көрсөтүлгөн учурдан тартып жана шайлоонун жыйынтыктары аныкталганга чейин мамлекеттик кызматтын түрүнө карабай (мамлекеттик, аскердик, укук коргоо, дипломатиялык); муниципалдык кызматкерлер; жалпыга маалымдоо каражатынын кызматкери болсо, алар кызматтарын токтотушат. Мындан тышкары, административдик ресурсту чектөө үчүн саясий партиядан талапкерлердин тизмесине чектөө киргизилген (54 талапкер) жана партия парламентте 27 мандаттан ашык орун ала албайт. Жаңы эрежелер мисалы, үгүт иштеринде диний үгүттүн кандайдыр бир белгилерин колдонууга тыюу салуу, анын ичинде сыйынуу жайларынын жанында үгүт иштерин жүргүзүү, үгүт материалдарында диний компонентти колдонууга тыюу салынды. Шайлоодогу негизги өзгөрүүлөр - бул шайлоо босогосун төмөндөтүү, шайлоо күрөөсүнүн деңгээлин төмөндөтүү жана талапкерге карата талаптарды өзгөртүү болду. 2015-жылдан бери Кыргызстанда шайлоонун ишенимдүүлүгү камсыздалды, жаңы технологияларды киргизүү аркылуу шайлоо процессинин максималдуу ачыктыгын камсыз кылуу боюнча чаралар көрүлдү. Биометрикалык каттоо “Бир шайлоочу - бир добуш” принцибин камсыз кылат, бюллетендерди сканерлер аркылуу автоматтык түрдө эсептөө добуштардын абсолюттук саналышын камсыздайт. Миссия жетекчисинин орун басары Полине Мария Лемос белгилегендей, Бишкекке 9 өлкөдөн 12 эксперт келишти, кийинки жумада аларга 26 узак мөөнөттүү байкоочу кошулуп, алар региондорго мониторинг жүргүзүү үчүн барышат. Добуш берүү күнүнө жакын калганда ЕККУнун Парламенттик Ассамблеясынын делегациясы миссияга кошулат. Жалпысынан бул ДИАУБдун Кыргызстандагы 14 - миссиясы. “Биз шайлоо комиссиялары, жарандык коом, эл аралык коомчулук жана саясий партиялар менен жолугушабыз. Миссия ЕККУнун эл аралык стандарттарына, эл аралык шайлоо мыйзамдарынын стандарттарына, Кыргыз Республикасынын улуттук мыйзамдарына, анын ичинде бардык деңгээлдеги шайлоо комиссияларынын ишине, шайлоо процессине катышкан мамлекеттик органдардын ишине, шайлоо талаштарын чечүү процессине жана шайлоонун жүрүшүнө баа берет. Биринчи кезекте мурунку миссиялардын сунуштарынын колдонулушуна баа беребиз.  Бизде добуш берүү күнүнө системалуу түрдө байкоо жүргүзөбүз - шайлоо участкаларынын ачылышы, саноо, табуляция, ММК мониторинги болор, булар мурунку шайлоодо болгон эмес. Миссиянын негизги максаты - шайлоо процессине объективдүү, сапаттуу баа берүүгө мүмкүн болушунча жакын болуу. Мониторингдин жыйынтыгы боюнча 3 отчет түзүлөт - алдын ала, ортодогу  жана акыркы”, - деди ал. Жолугушууда шайлоо процессинин бардык этаптары, ар бир этапка киргизилген өзгөртүүлөр боюнча деталдуу түшүндүрмөлөр берилди. Маалымат үчүн: 2020-жылдын 4-октябрында болгон парламенттик шайлоодо ДИАУБ 13 негизги топтун мүчөлөрүнөн жана 18 узак мөөнөттүү байкоочулардан турган. ЕККУга мүчө 20 өлкөдөн жалпысынан 39 байкоочу катышкан. 2021-жылдын 10-январындагы Кыргыз Республикасынын Президентин кезексиз шайлоодо жана Кыргыз Республикасынын референдумунда ЕККУ / ДИАУБ жана ЕККУ ПАнын миссияларына ЕККУга мүчө 26 мамлекеттен 91 байкоочу катышкан. № Шайлоо кампаниясы Бардык эл аралык байкоочулар Уюмдар Өлкөлөр   Президентти шайлоодо 15.10.2017 773 57 59   Жогорку Кеңештин депутаттарын шайлоодо 04.10.2020 277 35 43   Президентти мөөнөтүнөн мурда шайлоо жана референдум 10.01.2021 333 35 44   Жергиликтүү кеңештердин депутаттарын шайлоо жана референдум 11.04.2021 183 36  

Кыргыз Республикасынын Шайлоо жана референдум өткөрүү боюнча борбордук комиссиясы Баткен шаарында талапкерлер жана талапкерлердин тизмесин көрсөткөн саясий партиялардын ыйгарым укуктуу өкүлдөрү үчүн «Жарандык платформа» коомдук фонду жана Жарандык өнүктүрүү институту менен биргеликте «2021-жылы Кыргыз Республикасынын Жогорку Кеӊешине депутаттарды шайлоонун жүрүшүндө үгүт өнөктүгүн өткөрүүнүн өзгөчөлүктөрү» аталыштагы окутуучу тренинг уюштурду.  Шайлоо процессинин өзгөчөлүктөрү, анын этаптары, мөөнөтү жана шайлоо алдындагы үгүттөө иштерин жүргүзүүнүн негизги эрежелери тууралуу катышуучуларга КР БШК мүчөсү Абдыжапар Бекматов маалымат берди. Ошондой эле, шайлоо алдындагы үгүт иштерин жүргүзүүдө жалпыга маалымдоо каражаттарынын эркиндигин кыянаттык менен колдонууга тыюу салынары айтылды. Бөлүп-жарууга, кастыкка чакыруучу улуттук, этникалык, расалык, диний, аймактар аралык кастыкты, гендердик жана башка социалдык артыкчылыктарга пропагандалоого; бийликти тартып алууга, конституциялык түзүлүштү жана мамлекеттик бүтүндүктү мажбурлап өзгөртүүгө, согушту пропагандалоого; жалпыга маалымдоо каражаттарында жарыкка чыгаруу менен башка мамлекеттин мамлекеттик жана саясий ишмерлери менен көпчүлүк алдында иш-чараларды өткөрүүгө; башка мамлекеттердин мамлекеттик жана саясий ишмерлерин чагылдырган фото-, видеоматериалдарды пайдаланууга; Кыргыз Республикасынын мыйзамдарында тыюу салынган жалпыга маалымдоо каражаттарынын эркидигин кыянаттык менен пайдалануунун башка формаларына тыюу салынат.  Катышуучуларга шайлоо белгиленген учурдан тартып шайлоочулардын добуштарын сатып алууга, алсак: акча каражаттарын төлөп берүү; белектерди жана башка материалдык баалуулуктарды берүү; товарларды жеӊилдетилген түрдө сатуу; талапкерлердин тизмесин көрсөткөн саясий партиялардын символикасы камтылган үгүт басма сөз материалдарынан, футболкалардан, белгилерден, баш кийимдерден, шарфтардан, Борбордук шайлоо комиссиясы тарабынан бекитилген тизмеге ылайык талапкердин сүрөтүнөн тышкары башка бардык товарларды акысыз таратууга тыюу салынары айтылды.  Талапкерлер, алардын жакын туугандары, жубайы, талапкерлердин жана саясий партиялардын өкүлдөрү шайлоо дайындалган күндөн баштап, шайлоонун жыйынтыгы жарыяланганга чейин кайрымдуулук ишмердиги менен алектенүүгө укуксуз.  КР БШК аппаратынын маалымат бөлүмү

Эгерде сен жаш болсоң, күчкө толуп турсаң жана өз убактыңды жалпы жыргалчылыкка жумшагың келсе! Эгерде сен кайдыгер болбосоң жана майыптыгы бар адамдарга участокто добуш берүүгөь катышууга жардам бергиң келсе! Сени Кыргыз Республикасынын Борбордук шайлоо комиссиясы төмөнкү максатта БШКнын ыктыярчылар командасына чакырат: - шайлоо өткөрүү тартибин жана добуш берүүгө катышуу эрежелерин калкка маалымдоо жана түшүндүрүү; - добуш берүү күнү майыптыгы бар адамдарга участокто добуш берүүгө катышууга жардам көрсөтүү. Ыктыярчылар ишин 2021-жылдын 15-ноябрынан 28-ноябрына чейин жүзөгө ашырат. Өтүнмөлөрдү төмөнкүлөр бере алат: - жаштардын коммерциялык эмес уюмдары; 18 жашка толгон жана андан улуу курактагы жаштардын демилгечи топтору. Үлгү (тиркелет) боюнча өтүнмөнү толтуруп, паспорттун көчүрмөсүн тапшыруу зарыл. Өтүнмөлөрдү кабыл алуу мөөнөтү: 2021-жылдын 25-октябрына чейин (кошуп алганда). Өтүнмөлөр төмөнкү даректер боюнча кабыл алынат: - Бишкек ш., Пушкин көчөсү, 50 (КР БШК имараты), Жарандык билим берүү борбору; - электрондук почта: cec0550031255@gmail.com Маалымат алуу байланыштары: телефон: +996 312 626287, Whatsapp/мобилдик номер +996 550 031255 Байланыштагы адамдар: 1. Сарбагышев Канимет 2. Турсунбаева Нуркыз БИРГЕ БОЛСОК, БААРЫ КОЛУБУЗДАН КЕЛЕТ!  

Кыргыз Республикасынын Шайлоо жана референдум өткөрүү боюнча борбордук комиссиясы Нарын шаарында талапкерлер жана талапкерлердин тизмесин көрсөткөн саясий партиялардын ыйгарым укуктуу өкүлдөрү үчүн «Жарандык платформа» коомдук фонду жана Жарандык өнүктүрүү институту менен биргеликте «2021-жылы Кыргыз Республикасынын Жогорку Кеӊешине депутаттарды шайлоонун жүрүшүндө үгүт өнөктүгүн өткөрүүнүн өзгөчөлүктөрү» аталыштагы окутуучу тренинг уюштурду.  Шайлоочуларды жана шайлоо процессинин башка субъектилерин маалымдоо маселелери жана үгүттөө эрежелери боюнча Жумушчу топтун жетекчиси Узарбек Жылкыбаев катышуучуларга шайлоо процессинин өзгөчөлүктөрү, анын этаптары, мөөнөтү жана шайлоо алдындагы үгүттөө иштерин жүргүзүүнүн негизги эрежелери тууралуу маалымат берди. Катышуучуларга талапкерлер жана саясий партиялар үчүн акысыз обо убактысын бөлүштүрүү, дебаттарга катышуу эрежелери, үгүт материалдарын жайгаштыруу, үгүт материалдарын жүргүзүү эрежелери тууралуу айтып беришти. Ошондой эле үгүттөө иштеринин катышуучуларынын жоопкерчилиги тууралуу да айтылды. Борбордук шайлоо комиссиясы шайлоо алдындагы үгүт иштерин жүргүзүүнүн белгиленген тартибин сактоону көзөмөлгө алат жана жол берилген бузууларды жоюу боюнча чараларды көрөт. Талапкер, саясий партия тарабынан аталган конституциялык Мыйзамдын 22-28-беренелеринде белгиленген талаптар бузулса, тийиштүү шайлоо комиссиясы аларга бузуулары тууралуу кат түрүндө эскертүү берүүгө укуктуу. Талапкер, саясий партия тарабынан бир нече жолу (эки же андан көп) аталган конституциялык Мыйзамда белгиленген шайлоо алдындагы үгүт иштерин жүргүзүү эрежелери бузулган учурда, тийиштүү шайлоо комиссиясы Кыргыз Республикасынын мыйзамдарына ылайык жоопкерчликке тартууга укуктуу. Ыйгарым укуктуу мамлекеттик органдын корутундусу (актысы) менен тастыкталган, аталган берененин экинчи бөлүгүндө көрсөтүлгөн шайлоо алдындагы үгүт иштерин жүргүзүү эрежелери бузулган учурда, Борбордук шайлоо комиссиясы талапкерди, талапкерлердин тизмесин каттоодон баш тартуу тууралуу чечим кабыл алууга укуктуу.  КР БШК аппаратынын маалымат бөлүмү  

Кыргыз Республикасынын Борбордук шайлоо комиссиясы башчылары КР Жогорку Кеңешине шайлоодо талапкер катары катышуусуна байланыштуу өз ыйгарым укуктарын токтоткондуктан бир катар айыл өкмөт башчыларын шайлоону дайындады. Белгилүү болгондой, 2021-жылы 29-августта “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамына өзгөртүүлөрдү киргизүү тууралуу” Кыргыз Республикасынын 2021-жылдын 26-августундагы №103 конституциялык Мыйзамы күчүнө кирди, анын 21-беренесине ылайык мамлекеттик саясий кызматчы (Жогорку Кеңештин депутатын же Президентти кошпогондо), муниципалдык саясий кызматчы (жергиликтүү кеңештин депутатын кошпогондо) жана мамлекеттик, муниципалдык ишкананын, мекеменин, мамлекеттин (муниципалдык) катышуу үлүшү 30 пайыздан ашык ишкананын жана алардын бөлүмдөрүнүн жетекчиси болуп саналган адамдар талапкер катары көрсөтүлгөн учурдан тартып кызмат ордундагы же кызматтык ыйгарым укуктарын аткарууну токтотот. Ал эми мамлекеттик кызматтын түрүнө (жарандык, аскердик, укук коргоочулук, дипломаттык) карабастан башка мамлекеттик кызматчылар, муниципалдык кызматчылар жана жалпыга маалымдоо каражатынын кызматкерлери талапкерлиги көрсөтүлгөн учурдан тартып жана шайлоонун натыйжалары аныкталганга чейин кызмат ордундагы же кызматтык ыйгарым укуктарын аткарууну токтотуп туруулары зарыл. Азыркы кезде депутаттыкка талапкерлерди көрсөтүү процесси аяктады. КР Жогорку Кеңешине шайлоодо ар бир талапкер үчүн тең укуктук шарттарды камсыздоо максатында жогоруда көрсөтүлгөн категорияга кирген баардык талапкерлер каттоо үчүн кызмат ордунан бошотулгандыгыже кызматтык ыйгарым укуктарын аткарууну токтотуп тургандыгы жөнүндө документтерди тапшырышат. Атап айтканда, төмөнкү айыл өкмөт башчылары өз ыйгарым укуктарын токтотушту: Нурбаев Жалолидин Паязидинович, Ош облусунун Араван районунун Алля Анаров айыл өкмөт башчысы; Пасаңов Эржигит Жетимишович, Ош облусунун Өзгөн районунун Кызыл-Октябрь айыл өкмөт башчысы; Оморов Чынгыз Ашырбекович, Жалал-Абад Ош облусунун Чаткал районунун Сумсар айыл өкмөт башчысы; Рыскулбек уулу Нурмат, Чүй облусунун Жайыл районунун Красно-Восток айыл өкмөт башчысы; Джекшенов Мирлан Ратынбекович, Чүй облусунун Москва районунун Жаңы-Жер айыл өкмөт башчысы; Мурсалиев Акылбек Рыскелдиевич, Чүй облусунун Кемин районунун Боролдой айыл өкмөт башчысы.   Ошондой эле Иманкулов Чүй облусунун Кайыңжы шаардык кеңешинин төрагасы Эркин Токтаалиевич өз ыйгарым укуктарын токтотту. Баткен облусунун Кадамжай районундагы Балдардын спорт мектебинин директору Сыргабаев Замирбек Самаматович дагы ээлеген кызматын бошотту. Учурда саясий партиянын тизмесинде депутаттыкка талапкер катары шайлоого бараткан Кыргыз Республикасынын Акыйкатчысы Токон Мамытов ээлеген кызматынан бошотуу жөнүндө арыз жазды. Эркин, адилет жана таза шайлоону камсыздоо үчүн администрациялык ресурс түрүндө жарандардын эрк-ниетин билдирүүсүнө кандайдыр-бир таасир этүүнүн болбогондугу абдан маанилүү. Ошондуктан жогоруда көрсөтүлгөн категориядагы жетекчилердин бийлик ыйгарым укуктарын токтотуу процесси талапкерлер үчүн тең атаандаштыкты камсыздоо зарылдыгын түшүнүү бар экендигин күбөлөндүрөт. БШК Кыргыз Республикасынын Жогорку Кеңешинин депутаттыгына көрсөтүлгөн талапкерлердин мыйзамдарда белгиленген талаптарга ылайыктыгын текшерүүнү улантууда.   КР БШК аппаратынын маалымат бөлүмү

Кыргыз Республикасынын Шайлоо жана референдум өткөрүү боюнча борбордук комиссиясы 2021-жылдын 17-октябрында өткөн жыйналышында «Адилет» саясий партиясынын 2021-жылдын 28-ноябрына дайындалган Кыргыз Республикасынын Жогорку Кеңешинин депутаттарын шайлоого катышуудан баш тартуу жөнүндө билдирмелерин карап чыкты жана «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 19-беренесин, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4, 8-беренелерин жетекчиликке алуу менен, алардын билдирмелерин эске алуу жөнүндө чечим кылды.   КР БШК аппаратынын маалымат бөлүмү

Кыргыз Республикасынын Шайлоо жана референдум өткөрүү боюнча борбордук комиссиясы 2021-жылдын 17-октябрында өткөн жыйналышында №16 Ноокен шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Мавлянова Махабат Эргешовнанын,  №29 Свердлов шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Исакулов Жылдызбек Абдилахатовичтин, №24 Сокулук шайлоо округу боюнча өзүн-өзү көрсөтүү тартибинде КР Жогорку Кеңешинин депутаттыгына көрсөтүлгөн Курманалиев Акыл Курманбековичтин 2021-жылдын 28-ноябрына дайындалган Кыргыз Республикасынын Жогорку Кеңешинин депутаттарын шайлоого катышуудан баш тартуу жөнүндө арыздарын карап чыкты жана «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 19-беренесин, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4, 8-беренелерин жетекчиликке алуу менен, алардын билдирмелерин эске алуу жөнүндө чечим кылды. КР БШК аппаратынын маалымат бөлүмү