Жаңылыктар

Кыргыз Республикасынын Шайлоо жана референдум өткөрүү боюнча борбордук комиссиясында бүгүн, 13-мартта студенттер үчүн маалыматтык-агартуу жолугушуусу болуп өттү. Иш-чара КР БШКнын Жарандык билим берүү жана шайлоо технологиялары борбору (ЖББШТБ) тарабынан уюштурулуп, жаштардын жарандык жоопкерчилигин жогорулатууга, шайлоо маданиятын калыптандырууга жана жарандык иденттүүлүктү өнүктүрүүгө багытталды. Жолугушууга Бишкек инновациялык колледжинин (БИК) 40 студенти жана Борбордук Азиядагы Эл аралык университетинин «Юриспруденция» багыты боюнча билим алган 22 студенти катышты. Катышуучуларга КР БШКнын төрагасынын орун басары Айдана Жупуева жана Жарандык билим берүү жана шайлоо технологиялары борборунун директору Анара Бейшембаева сөз сүйлөп, жаштардын укуктук сабаттуулугун жогорулатуу, жарандардын шайлоолорго аң-сезимдүү катышуу маданиятын өнүктүрүү жана активдүү жарандык позицияны калыптандыруунун маанилүүлүгүн белгилешти. ЖББШТБнын эксперти Чолпон Бапиева «Кыргыз жаранынын баалуулуктары жана жаштардын жарандык иденттүүлүктү өнүктүрүүдөгү ролу» темасында презентация жасап, Кыргыз жаранынын негизги принциптери жана баалуулуктары тууралуу видеоматериалды көрсөттү. КР БШКнын шайлоону уюштуруу бөлүмүнүн башчысы Керемет Берикбаева катышуучуларды Кыргыз Республикасындагы шайлоо процесстеринин өзгөчөлүктөрү жана шайлоону өткөрүүнүн негизги этаптары менен тааныштырды. Өзгөчө көңүл шайлоо процессин санариптештирүү маселелерине бурулду. КР БШКсынын программалык-техникалык камсыздоо жана коопсуздук бөлүмүнүн эксперти Улан Мурзаев шайлоо процесстеринин ачык-айкындуулугун жана ишенимдүүлүгүн камсыздоодо колдонулуп жаткан санариптик технологиялар тууралуу маалымат берди. Алынган билимдерди бекемдөө максатында Kahoot платформасында интерактивдүү викторина-оюн өткөрүлүп, анын жүрүшүндө катышуучулар шайлоо системасы боюнча билимдерин текшерип, талкууланган темаларга жигердүү кызыгуу көрсөтүштү. Жеңүүчүлөргө эстелик белектери тапшырылды. Ошондой эле студенттерге Кыргыз Республикасында шайлоону уюштуруу жана өткөрүүдө колдонулган шайлоо жабдууларынын иши көрсөтүлдү. Иш-чаранын соңунда катышуучулар үчүн КР БШКнын имараты боюнча экскурсия уюштурулуп, жалпы сүрөткө түшүү менен жыйынтыкталды. Мындай маалыматтык-агартуу жолугушуулар жаштардын укуктук жана шайлоо сабаттуулугун жогорулатууга, активдүү жарандык позицияны калыптандырууга жана жаш жарандардын демократиялык процесстерге болгон кызыгуусун арттырууга өбөлгө түзөт.  

Кыргыз Республикасынын Борбордук шайлоо комиссиясы бүгүн, 10-мартта өз жыйынында Панфилов, Ысык-Көл, Талас, Ноокен, Алай жана Ноокат аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитти. - Панфилов районунун Орто-Кайыңды айылдык кеңешинин депутаты Уметов Бейшембай Жеенкуловичтин ыйгарым укугу берген арызынын негизинде токтотулду; - Кайыңды шаардык кеңешинин депутаты Уралиева Айгуль Замировнанын (“Ынтымак” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Абдыракманова Чынара Алмазбековнага (“Ынтымак” саясий партиясы) өткөрүлүп берилди; - Кайыңды шаардык кеңешинин депутаты Зайнидинов Муканбет Жожобаевичтин (“Бирге-Вместе” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Шериппаев Улан Култашыровичке (“Бирге-Вместе” саясий партиясы) өткөрүлүп берилди; - Ысык-Көл районунун Жусуп Абдрахманов айылдык кеңешинин депутаты Халиалдаева Гулниза Мегматовнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Орозакунов Джумадилге өткөрүлүп берилди; - Чолпон-Ата шаардык кеңешинин депутаты Канатбеков Арстанбек Канатбековичтин (“Улуу Кыргызстан” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Абазбеков Элдар Абазбековичке (“Улуу Кыргызстан” саясий партиясы) өткөрүлүп берилди; - Талас районунун Шумкар-Уя айылдык кеңешинин депутаты Алкан кызы Рыскүлдүн ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Мамбеталиева Айниза Мансуровнага өткөрүлүп берилди; - Алай районунун Жибек-Жолу айылдык кеңешинин депутаты Бекмурзаев Гүлжигит Бурканбековичтин ыйгарым укугу берген арызынын негизинде токтотулду; - Гүлчө шаардык кеңешинин депутаты Таласбеков Султанбек Таласбековичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Алиев Мелис Сыдыковичке өткөрүлүп берилди; - Ноокат районунун Кара-Таш айылдык кеңешинин депутаты Маматкулов Абубакир Туратбаевичтин жергиликтүү кеңештин жыйналыштарына бир жыл ичинде төрт жолудан ашык катышпагандыгына байланыштуу токтотулуп, бош калган мандат шайлоочулардын добуштарынын көбүн алып шайланган кийинки талапкер Арынов Эрнис Примбердиевичке өткөрүлүп берилди.

Кыргыз Республикасынын Борбордук шайлоо комиссиясы бүгүн, 10-марттагы жыйынында 2025-жылдын 1-октябрындагы №90 токтому менен бекитилген № 13 округдук шайлоо комиссиясынын курамынын ыйгарым укуктарын токтотуу жөнүндө токтом кабыл алды. Белгилей кетсек, Кыргыз Республикасынын Шайлоо жана референдум өткөрүү боюнча борбордук комиссиясынын 2026-жылдын 13-февралындагы № 15 “Кыргыз Республикасынын Шайлоо жана референдум өткөрүү боюнча борбордук комиссиясынын 2025-жылдын 30-декабрындагы № 196 токтомун жокко чыгаруу жөнүндө” токтому менен № 13 көп мандаттуу округу боюнча Кыргыз Республикасынын Жогорку Кеңешинин депутаттарын кайра шайлоону өткөрүү жокко чыгарылган.  

Кыргыз Республикасынын Борбордук шайлоо комиссиясы бүгүн, 10-мартта өзүнүн жыйынында Кыргыз Республикасынын Жогорку Кеңешинин депутаты Конгантиев Куванычбек Камбаралыевичтин ыйгарым укуктарын жеке арызынын негизинде мөөнөтүнөн мурда токтотту. КР Жогорку Кеңешинин депутаты Куванычбек Конгантиевдин ырастамасы жараксыз деп таанылат.

Өткөрүү датасы: 2026-жылдын 10-марты Убактысы: 14-00 Өткөрүлүүчү жери: жыйналыштар залы   Кыргыз Республикасынын Жогорку Кеңешинин депутаты Конгантиев Куванычбек Камбаралыевичтин ыйгарым укуктарын мөөнөтүнөн мурда токтотуу жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) № 13 округдук шайлоо комиссиясынын курамынын ыйгарым укуктарын токтотуу жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Панфилов, Ысык-Көл, Талас, Ноокен, Алай жана Ноокат аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитүү тууралуу (баяндамачы – Кожокеева М.Д., шайлоо процесстерин уюштуруу башкармалыгынын башчысы)

Кымбаттуу айымдар! Сиздерди 8-март – Аялдардын эл аралык майрамы менен Кыргыз Республикасынын Шайлоо жана референдум өткөрүү боюнча борбордук комиссиясынын мүчөлөрүнүн жана жеке өзүмдүн атымдан чын жүрөктөн куттуктайм! Табиятынан мээримдүү, ажарлуу жана назик жаралган айымдар адамзат жашоосун кооздоп, дүйнөгө жылуулук тартуулап келет. Аялзаты – турмуштун куту, үй-бүлөнүн жүрөгү, жашоого маңыз тартуулаган улуу күч. Мээримдүү эне, сүйүктүү жар, боорукер эже-карындаш катары ар дайым биздин кубанычыбызды арттырып, кыйын учурларда дем-күч берип, жашоонун бардык баскычтарында эриш-аркак колдоо көрсөтүп келесиздер. Сиздердин бар экениңиздер жашообузду жарык кылып, дүйнөбүздү толуктап, жүрөгүбүзгө тынчтык тартуулайт. Ар дайым жүзүңүздөрдөн жылмаюу кетпей, жакындарыңыздардын курчоосунда мазмундуу жана бакубат өмүр сүрүңүздөр. Сиздерге бекем ден соолук, үй-бүлөлүк бакыт, ынтымак, мол ийгиликтерди жана жаңы жетишкендиктерди каалайм!

Урматтуу кыргызстандыктар! Кыргыз Республикасынын шайлоо жана референдум өткөрүү боюнча борбордук комиссиясы жалпыңыздарды Ак калпак жана улуттук кийимдер күнү менен куттуктайт! Ак калпак — кыргыз элинин ыйык символу, улуттун улуулугун, нарк-насилин жана тарыхый тамырын даңазалаган асыл мурас. Ала-Тоонун ажайып көрүнүшүн элестеткен аппак калпагыбыз терең философияны, тазалыкты жана бийик руханий баалуулуктарды камтып келет. Улуттук кийимдерибиз болсо элибиздин көркөм табитин, кол өнөрчүлүк чеберчилигин жана маданий өзгөчөлүгүн айгинелеп турган баа жеткис казына. Бул майрам ар бир кыргызстандыктын мекенчилдик сезимин күчөтүп, улуттук аң-сезимди тереңдетип, элибиздин биримдигин даңазаласын. Элибиз аман, журтубуз тынч болсун! Эгемендүү Кыргызстаныбыздын келечеги кең, мамлекеттүүлүгүбүз бекем, ынтымагыбыз түбөлүктүү болсун!

Кыргыз Республикасынын Борбордук шайлоо комиссиясы бүгүн, 4-мартта, өз жыйынында Араван, Өзгөн, Токтогул, Аксы, Ноокен, Түп, Кара-Балта, Панфилов жана Нарын аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитти. - Араван районунун Төө-Моюн айылдык кеңешинин депутаты Газиев Данияр Назиралиевичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Батиров Зайирбек Тоировичке өткөрүлүп берилди; - Өзгөн шаардык кеңешинин депутаты Абдукаимова Маргубахон Махаматкабыловнанын (“Ынтымак” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Ураимова Гульнара Махмуджановнага (“Ынтымак” саясий партиясы) өткөрүлүп берилди; - Токтогул шаардык кеңешинин депутаты Райымбеков Улан Кимсановичтин (“Энергетик” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Белеков Барман Самидиновичке (“Энергетик” саясий партиясы) өткөрүлүп берилди; - Аксы районунун Үч-Коргон айылдык кеңешинин депутаты Дөөлөтбекова Чолпон Султанбековнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Тургуналиев Али Тургуналиевичке өткөрүлүп берилди; - Ноокен районунун Э. Алиев айылдык кеңешинин депутаты Карабекова Айгүл Асановнанын ыйгарым укугу берген арызынын негизинде токтотулду; - Түп районунун Балбай айылдык кеңешинин депутаты Сейдакматов Саламат Маратовичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Букуева Розага өткөрүлүп берилди; - Түп районунун Балбай айылдык кеңешинин депутаты Асанбеков Аскер Кадыровичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Жанузаков Бактияр Кеңешпековичке өткөрүлүп берилди; - Кара-Балта шаардык кеңешинин депутаты Шаршенов Бекжан Сталбековичтин (“Эл биримдиги” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Айдакеев Адилет Эсенгеловичке (“Эл биримдиги” саясий партиясы) өткөрүлүп берилди; - Кайыңды шаардык кеңешинин депутаты Исаева Алина Романовнанын (“Ишеним” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Мамбеталиева Салтанат Турдушевнага (“Ишеним” саясий партиясы) өткөрүлүп берилди; - Кайыңды шаардык кеңешинин депутаты Наркулова Зарема Эркинбековнанын (“Ынтымак” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Турдугожоева Залина Апсеитовнага (“Ынтымак” саясий партиясы) өткөрүлүп берилди; - Кайыңды шаардык кеңешинин депутаты Джунушбаев Талантбек Ормонбековичтин (“Ынтымак” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Атабаев Нурмухамед Адилбековичке (“Ынтымак” саясий партиясы) өткөрүлүп берилди; - Кайыңды шаардык кеңешинин депутаты Садыков Самарбек Турдуевичтин (“Ынтымак” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Каримбердиев Исабек Муйитдиновичке (“Ынтымак” саясий партиясы) өткөрүлүп берилди; - Нарын районунун Э. Дайракунов айылдык кеңешинин депутаты Дүйшөбаев Нурбек Жусуповичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Сүйүнбаев Жолдубай Ускеновичке өткөрүлүп берилди.

Өткөрүү датасы: 2026-жылдын 4-марты Убактысы: 16:00 Өткөрүлүүчү жери: жыйналыштар залы   1. Араван, Өзгөн, Токтогул, Аксы, Ноокен, Түп, Кара-Балта, Панфилов жана Нарын аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитүү тууралуу (баяндамачы – Кожокеева М.Д., шайлоо процесстерин уюштуруу башкармалыгынын башчысы)  

Урматтуу кыргызстандыктар! Кыргыз Республикасынын шайлоо жана референдум өткөрүү боюнча борбордук комиссиясы Сиздерди Кыргыз Республикасынын Мамлекеттик туу күнү менен куттуктайт! Жыл сайын ушул күнү эгемен жана эркин өлкөнүн символу болуп, элибиздин эчен кылымдык тарыхын камтып, улут рухун даңазалаган мамлекеттик Туу күнүн салтанаттуу белгилейбиз. Ар бир кыргызстандыктын жүрөгүндө мекенге болгон сүйүү, патриоттуулук сезим уялап, дүйнөгө ийгиликтери менен таанылган, өнүккөн жана үлгүлүү өлкөлөрдөн бололу! Кызыл туубуздун алдында мамлекетибиз бекем, элибиз эсен болсун!

2026-жылдын 25-февралында Бишкек шаарында Кыргыз Республикасынын Шайлоо жана референдум өткөрүү боюнча борбордук комиссиясы (БШК) Жарандык билим берүү жана шайлоо технологиялары борбору (ЖБББ) менен биргеликте «Кыргыз жаранынын жарандык иденттүүлүгүн бекемдөө жана мамлекеттик органдар менен өнөктөштүктү өнүктүрүү: КР БШКнын Жарандык билим берүү борборунун тажрыйбасы жана келечеги» аталышындагы тегерек стол өткөрдү. Тегерек столго Кыргыз Республикасынын Жогорку Кеңешинин, Кыргыз Республикасынын Президентинин Администрациясынын, Илим, жогорку билим берүү жана инновациялар министрлигинин, Агартуу министрлигинин, Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин, Кыргыз Республикасынын Президентине караштуу Дин иштери жана этностор аралык мамилелер боюнча улуттук агенттиктин, Кыргыз Республикасынын Ички иштер министрлигинин Академиясынын, ИИМдин Республикалык окуу борборунун, Ж. Баласагын атындагы Кыргыз улуттук университетинин, Ош мамлекеттик университетинин, Талас мамлекеттик университетинин, Кыргыз Республикасынын Президентине караштуу Мамлекеттик башкаруу академиясынын, ошондой эле аймактык Жарандык жана санариптик билим берүү борборлорунун өкүлдөрү, көз карандысыз эксперттер жана аймактардан келген активисттер катышты. Иш-чара Кыргыз Республикасынын Президентинин 2024-жылдын 18-декабрындагы №369 Жарлыгы менен бекитилген Доктринанын («Уңгужол») «Улуттук рух – дүйнөлүк бийиктиктер» жоболорун ишке ашыруунун алкагында өткөрүлдү. Тегерек столду БШКнын төрагасынын орун басары Б.А. Конуров ачып, Кыргыз Республикасынын Жогорку Кеңешинин депутаты Г.О. Култаева, Кыргыз Республикасынын Президентинин Администрациясынын эксперти З.А. Турсунбеков жана «ПисНексус» фондунун өкүлү Н. Аксариева куттуктоо сөздөрүн сүйлөштү. Б.А. Конуров өз сөзүндө БШКнын ЖБББ тарабынан жарандык иденттүүлүктү бекемдөө жана шайлоо маданиятын жогорулатуу багытында системалуу иштер жүргүзүлүп жатканын белгилеп, Кыргыз жаранынын баалуулуктарын илгерилетүү демократиялык институттардын туруктуулугун камсыздоодо жана шайлоо процессине болгон ишенимди бекемдөөдө маанилүү фактор экенине токтолду. Г.О. Култаева жаштардын жарандык иденттүүлүктү калыптандыруудагы ролун баса белгилеп, алардын өлкө электоратынын 40 пайыздан ашыгын түзөрүн айтты. Анын айтымында, жаштардын жоопкерчилигин, укуктук маданиятын жана жарандык активдүүлүгүн өнүктүрүү мамлекеттин туруктуу өнүгүүсүнүн негизги шарттарынын бири болуп саналат. З.А. Турсунбеков Доктринада («Уңгужол») «Кыргыз жараны» концепциясы улуттук биримдикти бекемдөөнүн жана коомдун баалуулуктук консолидациясынын стратегиялык багыты катары каралганын белгиледи. Ал Доктринанын жоболорун ишке ашыруу боюнча иштер системалуу жүргүзүлүп жатканын айтып, ведомстволор аралык кызматташууну мындан ары кеңейтүү зарылдыгына токтолду. Ошондой эле жаштардын ролуна өзгөчө көңүл буруп, «Кыргыз жараны» идеологиясы менен алардын шайлоого катышуу активдүүлүгүнүн ортосунда түз байланыш бар экенин белгиледи. Жаран өзүн мамлекеттин толук кандуу субъектиси катары сезгенде гана башкаруу процесстерине активдүү катышат. Добуш берүү — бул жөн гана укук эмес, мамлекетти башкарууга катышуунун маанилүү инструменти болуп саналат. Н. Аксариева мамлекеттик органдар менен жарандык коомдун өнөктөштүк кызматташуусунун маанисине токтолуп, жарандык билим берүү жаатындагы демилгелерди колдоо коомдук биримдикти жана туруктуулукту бекемдөөгө өбөлгө түзөрүн белгиледи. Тегерек столдун негизги бөлүгүндө БШКнын ЖБББ тарабынан аймактык деңгээлде Кыргыз жаранынын баалуулуктарын илгерилетүү боюнча жүргүзүлгөн иштердин жыйынтыктары сунушталды. Катышуучуларга өлкөнүн бардык аймактарында иштеп жаткан Жарандык жана санариптик билим берүү борборлорунун ишмердүүлүгү, ошондой эле 2026-жылдын февраль айында беш аймакта жаштар жана аялдар арасында өткөрүлгөн маалыматтык-түшүндүрүү жолугушуулардын жыйынтыктары тууралуу маалымат берилди. Өзүнчө аналитикалык блоктун алкагында Ж. Баласагын атындагы Кыргыз улуттук университетинин Социалдык-гуманитардык илимдер институтунун директору А.Р. Жусубалиев коомдун социалдык дифференциациясы жана консолидациясы боюнча жүргүзүлгөн социологиялык изилдөөнүн жыйынтыктарын сунуштады. Статистикалык маалыматтар жарандардын жарандык иденттүүлүккө болгон түшүнүгүн, шайлоого катышууга болгон мамилесин, Кыргыз Республикасына таандык экенине болгон сыймыгын жана мамлекет алдындагы жоопкерчилигин чагылдырды. Бул маалыматтар жарандык билим берүү багытындагы иштерди мындан ары да системалуу улантуу зарылдыгын айгинеледи. Талкуунун жүрүшүндө жаштар стратегиялык мааниге ээ максаттуу топ катары өзгөчө белгиленип, аларды заманбап санариптик инструменттер — социалдык тармактар, интерактивдүү платформалар, оюн форматтары жана кыска видеоконтенттер аркылуу активдүү тартуу зарылдыгы айтылды. Жыйынтыгында Кыргыз жаранынын баалуулуктарын жайылтуу боюнча мындан аркы иш-чаралардын артыкчылыктуу багыттары аныкталып, маалыматтык-агартуу иштерин кеңейтүү, ведомстволор аралык өз ара аракеттенүүнү чыңдоо жана туруктуу илгерилетүү механизмдерин өнүктүрүү боюнча сунуштар берилди. Тегерек стол Доктринанын («Уңгужол») жоболорун ишке ашырууну улантуу жана Кыргыз Республикасында жарандык иденттүүлүктү бекемдөө багытында мамлекеттик органдардын, илимий жана эксперттик коомчулуктун өнөктөштүк кызматташуусун өнүктүрүүнүн маанилүү этабы болуп калды.  

Кыргыз Республикасынын Борбордук шайлоо комиссиясы бүгүн, 24-февралда өз жыйынында Нарын, Кара-Кулжа, Кара-Суу, Сүлүктү, Ноокен, Майлуу-Суу жана Жайыл аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитти: - Нарын районунун Учкун айылдык кеңешинин депутаты Орозкожо уулу Акайдын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Мустапаев Талантбек Сталовичке өткөрүлүп берилди; - Нарын районунун Учкун айылдык кеңешинин депутаты Арызтанбек уулу Исламдын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Султанов Жергазарга өткөрүлүп берилди; - Кара-Кулжа районунун Кара-Кочкор айылдык кеңешинин депутаты Кулетова Назира Асылбековнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Молдобаева Светакан Рыскуловнага өткөрүлүп берилди; - Кара-Суу районунун Манас айылдык кеңешинин депутаты Давранова Рабия Туланбаевнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Алимова Мавлуда Номановнага өткөрүлүп берилди; - Сүлүктү шаардык кеңешинин депутаты Сапарбаев Камчыбек Мурзакасымовичтин (“Ыйман Нуру” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Исманов Абдувахап Джалиловичке (“Ыйман Нуру” саясий партиясы) өткөрүлүп берилди; - Ноокен районунун Бүргөндү-Достук айылдык кеңешинин депутаты Сагындыков Азизбек Калмурзаевичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Анияров Талантбек Орозбековичке өткөрүлүп берилди; - Жайыл районунун Жайыл айылдык кеңешинин депутаты Алымбеков Ренат Шаршенбековичтин ыйгарым укугу каза болгондугуна байланыштуу токтотулуп, бош калган мандат шайлоочулардын добуштарынын көбүн алып шайланган кийинки талапкер Ахматов Бактыбек Керимбековичке өткөрүлүп берилди; - Майлуу-Суу шаардык кеңешиндеги бош калган мандат шайлоочулардын добуштарынын көбүн алып шайланган кийинки талапкер Балтабаев Байаман Бахтияровичке (“Ынтымак” саясий партиясы) өткөрүлүп берилди.

Кыргыз Республикасынын Борбордук шайлоо комиссиясы бүгүн, 24-февралдагы жыйынында Дуйшенбиев Райимберди Сейдакматовичке №14 көп мандаттуу шайлоо округу боюнча жана Нышанов Джайлообай Данибаевичке № 15 көп мандаттуу шайлоо округу боюнча Кыргыз Республикасынын Жогорку Кеӊешинин депутаттарынын бош мандаттарын өткөрүп берүү боюнча токтом кабыл алды. Р.С. Дуйшенбиев №14 көп мандаттуу шайлоо округу боюнча жана Дж.Д. Нышанов №15 шайлоо округу боюнча Кыргыз Республикасынын Жогорку Кеӊешинин депутаттары болуп катталып, аларга белгиленген үлгүдөгү ырастама жана төш белгилер берилди.

Өткөрүү датасы: 2026-жылдын 24-февралы Убактысы: 11-00 Өткөрүлүүчү жери: жыйналыштар залы   1. Кыргыз Республикасынын Жогорку Кенешинин депутатынын бош мандатын өткөрүп берүү жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) 2. Кыргыз Республикасынын Жогорку Кенешинин депутатынын бош мандатын өткөрүп берүү жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) 3. Нарын, Кара-Кулжа, Кара-Суу, Сүлүктү, Ноокен, Майлуу-Суу жана Жайыл аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитүү тууралуу (баяндамачы – Кожокеева М.Д., шайлоо процесстерин уюштуруу башкармалыгынын башчысы)  

Кыргыз Республикасынын Борбордук шайлоо комиссиясы бүгүн, 23-февралдагы жыйынында № 15 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Эрбаев Алишер Ташбаевичтин 2026-жылдын 23-февралындагы берген жеке арызынын негизинде каттоосун жокко чыгарды. Кыргыз Республикасынын Борбордук шайлоо комиссиясынын 2025-жылдын 3-ноябрындагы № 891 “Эрбаев Алишер Ташбаевичти № 15 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө” чечими күчүн жоготту деп таанылды.

Өткөрүү датасы: 2026-жылдын 23-февралы Убактысы: 14-00 Өткөрүлүүчү жери: жыйналыштар залы   № 15 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Эрбаев Алишер Ташбаевичтин каттоосун жокко чыгаруу жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы)