Жаңылыктар

Кыргыз Республикасынын Борбордук шайлоо комиссиясы бүгүн, 24-февралдагы жыйынында Дуйшенбиев Райимберди Сейдакматовичке №14 көп мандаттуу шайлоо округу боюнча жана Нышанов Джайлообай Данибаевичке № 15 көп мандаттуу шайлоо округу боюнча Кыргыз Республикасынын Жогорку Кеӊешинин депутаттарынын бош мандаттарын өткөрүп берүү боюнча токтом кабыл алды. Р.С. Дуйшенбиев №14 көп мандаттуу шайлоо округу боюнча жана Дж.Д. Нышанов №15 шайлоо округу боюнча Кыргыз Республикасынын Жогорку Кеӊешинин депутаттары болуп катталып, аларга белгиленген үлгүдөгү ырастама жана төш белгилер берилди.

Өткөрүү датасы: 2026-жылдын 24-февралы Убактысы: 11-00 Өткөрүлүүчү жери: жыйналыштар залы   1. Кыргыз Республикасынын Жогорку Кенешинин депутатынын бош мандатын өткөрүп берүү жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) 2. Кыргыз Республикасынын Жогорку Кенешинин депутатынын бош мандатын өткөрүп берүү жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) 3. Нарын, Кара-Кулжа, Кара-Суу, Сүлүктү, Ноокен, Майлуу-Суу жана Жайыл аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитүү тууралуу (баяндамачы – Кожокеева М.Д., шайлоо процесстерин уюштуруу башкармалыгынын башчысы)  

Кыргыз Республикасынын Борбордук шайлоо комиссиясы бүгүн, 23-февралдагы жыйынында № 15 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Эрбаев Алишер Ташбаевичтин 2026-жылдын 23-февралындагы берген жеке арызынын негизинде каттоосун жокко чыгарды. Кыргыз Республикасынын Борбордук шайлоо комиссиясынын 2025-жылдын 3-ноябрындагы № 891 “Эрбаев Алишер Ташбаевичти № 15 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө” чечими күчүн жоготту деп таанылды.

Өткөрүү датасы: 2026-жылдын 23-февралы Убактысы: 14-00 Өткөрүлүүчү жери: жыйналыштар залы   № 15 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Эрбаев Алишер Ташбаевичтин каттоосун жокко чыгаруу жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы)

Кыргыз Республикасынын Борбордук шайлоо комиссиясы бүгүн, 23-февралда өзүнүн жыйынында Кыргыз Республикасынын Жогорку Кеңешинин депутаты Сулайманов Кундузбек Кошалиевичтин ыйгарым укуктарын жеке арызынын негизинде мөөнөтүнөн мурда токтотту. КР Жогорку Кеңешинин депутаты К.К. Сулаймановдун ырастамасы жараксыз деп таанылат.

Өткөрүү датасы: 2026-жылдын 23-февралы Убактысы: 10:00 Өткөрүлүүчү жери: жыйналыштар залы   1. Кыргыз Республикасынын Жогорку Кеңешинин депутаты Сулайманов Кундузбек Кошалиевичтин ыйгарым укуктарын мөөнөтүнөн мурда токтотуу жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы)

Сиздерди 23-февраль – Мекенди коргоочулар күнү менен жеке өзүмдүн жана Кыргыз Республикасынын Борбордук шайлоо комиссиясынын мүчөлөрүнүн атынан чын жүрөктөн куттуктайм! Мекенди жана туулуп-өскөн жериңдин кызыкчылыгын коргоо - ар бир жарандын милдети. Ар тармактагы ак ниеттүү ишибиз, адал эмгегибиз менен мамлекетибиздин коопсуздугун бекемдеп, туруктуулугун камсыздай алабыз. Өлкөнүн өнүгүүсү, туруктуулугу жана келечеги үчүн эмгектенип жаткан ар бириңиздерге ыраазычылык билдирем. Сиздерге бекем ден соолук, үй-бүлөлүк бакыт жана ишиңиздерге ийгилик каалайм. Жерибизде тынчтык, элибизде ынтымак болсун!

2026-жылдын 25-февралында Бишкек шаарында Кыргыз Республикасынын Борбордук шайлоо комиссиясы БШКнын Жарандык билим берүү жана шайлоо технологиялары борбору (ЖБББ) менен биргеликте Кыргыз жаранынын баалуулуктары жана жарандык иденттүүлүктү өнүктүрүү маселелери боюнча Доктринанын (Уңгужол) «Улуттук рух – дүйнөлүк бийиктиктер» алкагында Тегерек стол өткөрөт. Иш-чара Кыргыз Республикасынын Президентинин 2024-жылдын 18-декабрындагы № 369 Жарлыгы менен бекитилген Доктринанын жоболорун ишке ашыруунун алкагында уюштурулууда. Тегерек стол 2026-жылдын февраль айында Жалал-Абад, Ош, Ысык-Көл, Нарын жана Чүй облустарында ЖБББ тарабынан өткөрүлгөн маалыматтык-түшүндүрүү жолугушууларынын жыйынтыгы боюнча жыйынтыктоочу аянтча болот. Иш-чаранын алкагында төмөнкүлөр пландалууда: өткөрүлгөн иштердин жыйынтыктарын чыгаруу; аймактарда ишке ашырылган иш-чаралардын практикалык тажрыйбасын талкуулоо; мындан аркы артыкчылыктуу багыттарды аныктоо; Кыргыз жаранынын баалуулуктарын илгерилетүү жана жарандык иденттүүлүктү бекемдөө боюнча сунуштарды иштеп чыгуу. Ошондой эле калктын шайлоо маданиятын жогорулатуу жана жарандардын шайлоого жоопкерчиликтүү катышуусун калыптандыруу маселелерине өзгөчө көңүл бурулат.

Кыргыз Республикасынын Борбордук шайлоо комиссиясынын мүчөсү Кайрат Маматов жана БШКнын аппаратынын кызматкерлери «Шайлоо жана референдум институтуна болгон ишенимди калыптандыруу: эл аралык байкоонун ролу» аттуу эл аралык илимий-практикалык конференцияга катышууда. Иш-чара 2026-жылдын 18–20-февраль күндөрү КМШга мүчө мамлекеттердин Парламенттер аралык ассамблеясынын штаб-квартирасы - Санкт-Петербург шаарындагы Таврий сарайында өтүүдө. Иш-чаранын жүрүшүндө заманбап шайлоо технологияларынын көргөзмөсү уюштурулуп, анда автоматтык эсептөөчү урналардын жана идентификациялык түзүлүштөрдүн үлгүлөрү көрсөтүлүүдө. Катышуучулар аралыктан идентификациялоо жана бюллетендерди автоматтык эсептөө процесстерине күбө боло алышат. Электоралдык талкууларда КР БШКсынын мүчөсү К. Маматов баяндама жасап, санариптештирүү Кыргыз Республикасында добуш берүүнүн жыйынтыктарынын ишенимдүүлүгүн жана объективдүүлүгүн камсыз кылуунун негизги куралы экенин белгиледи. Борбордук шайлоо комиссиясынын маалыматтык системалары адам факторуна байланышкан салттуу тобокелдиктердин көбүн жоюп, бардык этаптардын ачыктыгын камсыз кылууга мүмкүндүк берет. Ошондой эле К. Маматов эл аралык илимий-практикалык конференциянын алкагында өткөн КМШга мүчө мамлекеттердин шайлоо органдарынын жетекчилеринин Консультативдик кеңешинин 7-жыйынына катышты.  

Кыргыз Республикасынын Борбордук шайлоо комиссиясынын төрагасынын орун басары Бахадыp Конуров онлайн форматта КМШга мүчө мамлекеттердин шайлоо органдарынын жетекчилеринин Консультативдик кеңешинин 7-жыйынына катышты. Жыйын 2026-жылдын 18–20-февраль күндөрү Санкт-Петербург шаарындагы Таврий сарайында өтүп жаткан «Шайлоо жана референдум институтуна болгон ишенимди калыптандыруу: эл аралык байкоонун ролу» аттуу эл аралык илимий-практикалык конференциянын алкагында уюштурулду. Кеңештин ишине КМШ өлкөлөрүнүн жана башка мамлекеттердин борбордук шайлоо комиссияларынын жетекчилери жана өкүлдөрү, ошондой эле КМШ Парламенттер аралык ассамблеясынын Кеңешинин Башкы катчысы Дмитрий Кобицкий катышты. Өз сөзүндө Б. Конуров 2025-жылдын 30-ноябрында өткөн Кыргыз Республикасынын Жогорку Кеңешинин депутаттарын мөөнөтүнөн мурда шайлоонун жыйынтыктары тууралуу маалымат берип, шайлоолорго мониторинг жүргүзүүгө активдүү катышканы үчүн КМШ ПААсына ыраазычылык билдирди. Өткөн шайлоонун негизги өзгөчөлүктөрүнүн бири аралыктан добуш берүүнүн колдонулушу болду. Бул механизм шайлоочулар үчүн мүмкүн болушунча ыңгайлуу шарттарды түзүү максатында киргизилген. Шайлоочулардын тизмесине кирген жаран бюрократиялык тоскоолдуктарсыз каалаган шайлоо участогунда добуш бере алат. Негизги максат - жарандардын шайлоо укуктарын толук камсыз кылуу. Белгилей кетсек, мунун алдында Консультативдик кеңештин алдындагы шайлоо чөйрөсүндөгү жаштар саясаты боюнча Жумушчу топтун жыйыны өткөн. Аталган иш-чарага Кыргыз Республикасынын атынан онлайн форматта бул Жумушчу топтун мүчөлөрү Жакшылык Бекназаров жана Эмира Муктарканова катышты.

Кыргыз Республикасынын Борбордук шайлоо комиссиясы бүгүн, 19-февралда өзүнүн жыйынында Кыргыз Республикасынын Жогорку Кеңешинин депутаты Нурланбек Тургунбек уулу ыйгарым укуктарын жеке арызынын негизинде мөөнөтүнөн мурда токтотту. КР Жогорку Кеңешинин депутаты Нурланбек Тургунбек уулу ырастамасы жараксыз деп таанылат.

Өткөрүү датасы: 2026-жылдын 19-февралы Убактысы: 14:30 Өткөрүлүүчү жери: жыйналыштар залы   Кыргыз Республикасынын Жогорку Кеңешинин депутаты Тургунбек уулу Нурланбектин ыйгарым укуктарын мөөнөтүнөн мурда токтотуу жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы)

Кыргыз Республикасынын Борбордук шайлоо комиссиясы бүгүн, 19-февралдагы жыйынында № 8 көп мандаттуу шайлоо округу боюнча Кыргыз Республикасынын Жогорку Кеӊешинин депутатынын бош мандатын Сарыбашов Таалайбек Насирбековичке өткөрүп берүү боюнча токтом кабыл алды.   Т.Н. Сарыбашов № 8 көп мандаттуу шайлоо округу боюнча Кыргыз Республикасынын Жогорку Кеӊешинин депутаты болуп катталып, ага белгиленген үлгүдөгү ырастама жана төш белги берилди.

Кыргыз Республикасынын Борбордук шайлоо комиссиясы бүгүн, 19-февралдагы жыйынында Кыргыз Республикасынын Президентинин 2026-жылдын 18-февралындагы № 65 Жарлыгынын негизинде Жогорку Кеңештин депутаты Акаев Жанар Кубанычовичтин ыйгарым укуктарын мөөнөтүнөн мурда токтотту. Кыргыз Республикасынын Жогорку Кеңешинин депутаты Ж.К. Акаевдин ырастамасы жараксыз деп таанылат.

Өткөрүү датасы: 2026-жылдын 19-февралы Убактысы: 12:00 Өткөрүлүүчү жери: жыйналыштар залы   Кыргыз Республикасынын Жогорку Кеңешинин депутаты Ж.К. Акаевдин ыйгарым укуктарын мөөнөтүнөн мурда токтотуу жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Кыргыз Республикасынын Жогорку Кеңешинин депутатынын бош мандатын өткөрүп берүү жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы)

Кыргыз Республикасынын Шайлоо жана референдум өткөрүү боюнча борбордук комиссиясынын төрагасы Тынчтык Шайназаров бүгүн, 18-февралда, Джузи Принчи төрагылыгы астындагы Борбор Азия менен байланыштар боюнча Европа парламентинин делегациясы менен жолугушту. Жолугушууга Европа Биримдигинин Кыргыз Республикасындагы өкүлчүлүгүнүн башчысы, Атайын жана Ыйгарым укуктуу Элчи Реми Дюфло, ошондой эле делегация  мүчөлөрү - Италия, Финляндия, Германия, Франция, Чехия Республикасы жана Болгариянын өкүлдөрү катышты. Тынчтык Шайназаров Кыргыз Республикасы жана КР БШКсы Европа өлкөлөрү менен конструктивдүү диалогко жана кызматташтыкка ар дайым ачык экенин белгиледи. Ал 2025-жылдын 30-ноябрында өлкөдө парламенттик шайлоо өткөнүн эске салып, ага эл аралык байкоочулар чакырылганын билдирди. Шайлоо процессине жалпы 778 байкоочу катышып, алардын 374ү ЕККУ миссияларынын өкүлдөрү болгон. БШК төрагасынын айтымында, бүгүнкү күндө Жогорку Кеңештин VIII чакырылышындагы депутаттык корпус толугу менен калыптанып, 90 депутаттан турат. Бүгүн дагы төрт депутатка мандат тапшырылды. Жолугушуунун жүрүшүндө акыркы жылдары жүргүзүлүп жаткан шайлоо реформаларынын жыйынтыктарына өзгөчө көңүл бурулду. Төраганын белгилешинче, жаңыланган шайлоо системасы гендердик теңчиликти камсыздап, жарандардын активдүү шайлоо укугун ишке ашырууга, анын ичинде аралыктан добуш берүү аркылуу мүмкүнчүлүктөрдү кеңейтти. Заманбап технологияларды колдонуу бюллетендерди салуу жана “карусель” сыяктуу мыйзам бузууларды минималдаштырууга шарт түздү. Өз кезегинде Джузи Принчи делегациянын кеңири өкүлчүлүк курамы Европа парламентинин Кыргызстан менен кызматташтыкты чыңдоого болгон жогорку кызыкчылыгын айгинелеп турарын белгиледи. Ал өлкөдөгү шайлоо процесси ачык-айкын жана адилет өтүп жатканын белгилеп, жаңы шайлоо системасын ишке киргизүүнүн практикалык аспектилерине кызыгуусун билдирди. Атап айтканда, делегацияны жаңыланган добуш берүү форматына өтүүдөгү чакырыктар, айылдык жана тоолуу аймактардагы жарандардын шайлоо укуктарын камсыз кылуу, аралыктан добуш берүүдө колдонулган жабдуулардын техникалык жана адамдык факторлору, ошондой эле гендердик теңчилик механизмдерин мындан ары өнүктүрүү жана ЕККУ миссиясынын сунуштарын ишке ашыруу маселелери кызыктырды. Тынчтык Шайназаров өлкөдө шайлоо процесстерин санариптештирүү системалуу түрдө жүргүзүлүп жатканын жана бардык аймактарды, анын ичинде жетүүгө кыйын болгон алыскы айылдарды да камтып жатканын белгиледи. Жарандардын шайлоого тең укуктуу катышуусун камсыздоо үчүн керектүү жабдуулар бардык мүмкүн болгон жолдор менен жеткирилүүдө. Ошол эле учурда ал түзүлгөн уюштуруучулук жана техникалык мүмкүнчүлүктөргө карабастан, анын ичинде чет өлкөдө жүргөн мекендештер үчүн аралыктан добуш берүү мүмкүнчүлүгү бар экенине карабай, калктын шайлоого катышуу активдүүлүгүн жогорулатуу маанилүү милдет бойдон каларын кошумчалады. Жолугушуунун жыйынтыгында делегация мүчөлөрү КР БШК жетекчилигине ачык жана мазмундуу диалог үчүн ыраазычылык билдирип, шайлоо системасын жана демократиялык институттарды өнүктүрүү жаатында тажрыйба алмашууну мындан ары да улантууга кызыкдар экенин белгилешти.