Жаңылыктар

Бүгүн, 8-апрелдеги жыйынында Кыргыз Республикасынын Борбордук шайлоо комиссиясы Кыргыз Республикасынын Жогорку Кеңешинин депутаты Абдылдабек Жолдошалиевич Эгембердиевдин ыйгарым укуктарын жеке арызынын негизинде мөөнөтүнөн мурда токтотту. КР Жогорку Кеңешинин депутаты Абдылдабек Эгембердиевдин ырастамасы жараксыз деп таанылат. А.Ж. Эгембердиев №19 көп мандаттуу шайлоо округунан КР Жогорку Кеңешинин депутаттыгына шайланган.

Өткөрүү датасы: 2026-жылдын 8-апрели Убактысы: 10:45 Өткөрүлүүчү жери: жыйналыштар залы   Кыргыз Республикасынын Жогорку Кеңешинин депутаты Эгембердиев Абдылдабек Жолдошалиевичтин ыйгарым укуктарын мөөнөтүнөн мурда токтотуу жөнүндө (баяндамачы – Берикбаева К.К., шайлоолорду уюштуруу бөлүмүнүн башчысы)

Кара-Балта шаарынын райондук китепканасына караштуу Жарандык жана санариптик билим берүү борборунда маданият чөйрөсүнүн кызматкерлери үчүн окуу семинары болуп өттү. Иш-чара 2024-жылдын 18-декабрында кабыл алынган "Уңгу жол" ("Улуттук дем - дүйнөлүк бийиктиктер") жаңы мамлекеттик доктринасынын алкагында ишке ашырылган семинарларды улантуу сериясында старт алды. "Кыргыз жараны” жана "Жарандык иденттүүлүктүн баалуулуктарын жайылтуу жана калктын санариптик сабаттуулугун калыптандыруу" темасында өттү. Семинарга маданият бөлүмүнүн 42 кызматкери (бөлүмдүн жетекчилигин кошкондо), китепканачылар жана музыканттар катышты. Окутуу программасы эки негизги модулга бөлүнгөн: 1-модул - "Кыргыз жараны" атуулдук иденттүүлүгү. Катышуучуларга этномаданий көп түрдүүлүктү сактоо менен Кыргызстандын Бирдиктүү элине таандык болуу сезиминин калыптанышы жөнүндө айтып берилди. Өзгөчө көңүл тарыхты, маданиятты, мамлекеттик тилди билүүгө жана коом турмушуна активдүү катышууга, анын ичинде шайлоого катышууну жогорулатууга бурулду. 2-модул - "Түндүк" тиркемеси жана электрондук мамлекеттик кызмат көрсөтүүлөр. Угуучулар күнү-түнү санариптик документтерге жана сервистерге жетүүнү камсыз кылган мамлекеттик кызматтардын расмий мобилдик тиркемесинин иши менен таанышышты. Курстун алкагында үй-бүлөнүн курамы, кыймылсыз мүлктү каттоо, дарыгерлердин каттоосу жана салык карыздарын текшерүүдөн баштап, онлайн режиминде 50дөн ашык кызмат көрсөтүү боюнча маалымкаттарды алуу мүмкүнчүлүгү көрсөтүлдү. Иш-чара КР Министрлер Кабинетинин 2025-жылдын 14-февралындагы "2025-2026-жылдарга санариптик сабаттуулукту жогорулатуу жана санариптик көндүмдөрдү окутуу программасы" №75 буйругун аткаруунун алкагында жана КР Президентинин 2024-жылдын 18-декабрындагы ("Уңгу жол” Улуттук доктринасы") №369-ПУ Жарлыгын аткаруу максатында системдик администратор Сейил Самарбекова, Жайыл районунун атайын өкүлү Турусбек Ногоевдин көмөгү менен уюштурулган. Семинарлар республиканын башка региондорунда улантылат.

Кыргыз Республикасынын Борбордук шайлоо комиссиясы бүгүн, 7-апрелдеги өз жыйынында Бишкек, Каракол, Ак-Суу, Тоң, Ак-Талаа, Жумгал, Кочкор, Ысык-Ата, Сузак, Токтогул жана Тогуз-Торо аймактык шайлоо комиссияларынын жергиликтүү кеңештердин депутаттарынын ыйгарым укуктарын мөөнөтүнөн мурда токтотуу, катталган талапкерди депутаттыкка талапкерлердин тизмесинен чыгаруу жана бош калган мандаттарды кийинки талапкерлерге өткөрүп берүү жөнүндө чечимдерин бекитти. - Бишкек шаардык кеңешиндеги бош мандат Шаршенбай уулу Русланга (“Эмгек” саясий партиясы) өткөрүлүп берилди; - Каракол шаардык кеңешинин депутаты Бийбаев Муканбет Өмүровичтин (“Ынтымак” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Тойчубеков Канат Койчумановичке (“Ынтымак” саясий партиясы) өткөрүлүп берилди; - Ак-Суу районунун Каракол айылдык кеңешиндеги бош мандат Замирбек кызы Мээримге өткөрүлүп берилди; - Тоң районунун Ак-Терек айылдык кеңешинин депутаты Исаев Аман Канатовичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Эркинбеков Бексултан Эркинбековичке өткөрүлүп берилди; - Тоң районунун Ак-Терек айылдык кеңешинин депутаты Калыков Максатбек Аскаровичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Асанкадыров Болоткан Жакшылыковичке өткөрүлүп берилди; - Ак-Талаа районунун Ала-Буга айылдык кеңешинин депутаты Төрөгожоева Анаркүл Бейшенбековнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Мамбетакунова Нургүл Каракеевнага өткөрүлүп берилди; - Ак-Талаа районунун Ала-Буга айылдык кеңешинин депутаты Мураталиев Азамат Шаршенбековичтин ыйгарым укугу берген арызынын негизинде токтотулду; - Ак-Талаа районунун Кара-Бүргөн айылдык кеңешинин депутаты Атабекова Рита Куляевнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Абдыбеков Кубанычбек Дөөлөтбековичке өткөрүлүп берилди; - Жумгал районунун Жумгал айылдык кеңешинин депутаттары Казыбаева Жылдыз Туратбековнанын жана Сыдыков Сүйүнбек Айтбековичтин ыйгарым укуктары берген арыздарынын негизинде токтотулду; - Жумгал районунун Миң-Куш айылдык кеңешинин депутаты Майрамбеков Жакшылык Майрамбековичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Болот уулу Аскарга өткөрүлүп берилди; - Кочкор районунун Кара-Суу айылдык кеңешинин депутаты Эгинбаева Нуриса Асанкановнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Осмонов Руслан Жылкыбековичке өткөрүлүп берилди; - Кочкор районунун Кум-Дөбө айылдык кеңешинин депутаты Биймурза кызы Фаризаттын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Акматбекова Гүлнара Сабирдиновнага өткөрүлүп берилди; - Ысык-Ата районунун Жээк айылдык кеңешинин депутаты Садыкова Айнура Кенжебековнанын ыйгарым укугу каза болгондугуна байланыштуу токтотулуп, бош калган мандат шайлоочулардын добуштарынын көбүн алып шайланган кийинки талапкер Кадралиева Махабат Акжоловнага өткөрүлүп берилди; - Ысык-Ата районунун Нурманбет айылдык кеңешинин депутаты Сагынбекова Жылдыз Эрмековнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Медетов Алтынбек Эржановичке өткөрүлүп берилди; - Ысык-Ата районунун Жайылма айылдык кеңешинин депутаты Мамытов Алмас Абдылдаевичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Николенко Евгения Геннадьевнага өткөрүлүп берилди; - Сузак районунун Кыз-Көл айылдык кеңешинин депутаты Канатбек уулу Эрландын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Калимбетов Туратбек Каримовичке өткөрүлүп берилди; - Токтогул районунун Үч-Терек айылдык кеңешинин депутаттары Токтомушова Жаңыл Абалаковнанын, Мундузбаева Наргиза Маратбековнанын, Урматаев Тагайбек Максатбековичтин ыйгарым укуктары берген арыздарынын негизинде токтотулуп, бош калган мандаттар шайлоочулардын добуштарынын көбүн алып шайланган кийинки талапкерлер Алымкулова Жаңыл Серкебаевнага, Күлчороев Улукбек Күлчороевичге жана Саматова Гүлжамал Чормоновнага өткөрүлүп берилди; - Токтогул районунун Кетмен-Төбө айылдык кеңешинин депутаты Батыралиева Бүсайра Кененбаевнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Ташкенбай уулу Аскарбекке өткөрүлүп берилди; - Тогуз-Торо районунун Тогуз-Торо айылдык кеңешинин депутаты Атанаева Айпери Атайбековнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Субанкулова Керезбүбү Жумабековнага өткөрүлүп берилди.  

Өткөрүү датасы: 2026-жылдын 7-апрели Убактысы: 15:00 Өткөрүлүүчү жери: жыйналыштар залы   Бишкек, Каракол, Ак-Суу, Тоң, Ак-Талаа, Жумгал, Кочкор, Ысык-Ата, Сузак, Токтогул жана Тогуз-Торо аймактык шайлоо комиссияларынын жергиликтүү кеңештердин депутаттарынын ыйгарым укуктарын мөөнөтүнөн мурда токтотуу, катталган талапкерди депутаттыкка талапкерлердин тизмесинен чыгаруу жана бош калган мандаттарды шайланган депутаттардан кийинки талапкерлерге өткөрүп берүү жөнүндө чечимдерин бекитүү тууралуу (баяндамачы – Берикбаева К.К., шайлоолорду уюштуруу бөлүмүнүн башчысы)

Кыргыз Республикасынын Борбордук шайлоо комиссиясынын төрагасынын орун басары Айдана Жупуева КР БШК аппаратынын контролдук-ревизиялык жана аудит иштери секторунун башчысы Амангелди К.М. менен биргеликте Мальдив Республикасында өтүп жаткан референдумду, ошондой эле жергиликтүү кеңештерге жана аялдарды өнүктүрүү комитеттерине шайлоолорду эл аралык байкоого катышууда. Шайлоочулардын тизмесине 294 876 жаран киргизилген, алардын ичинен 144 506сы аялдар, 150 370и эркектер. Референдумга төмөнкү суроо коюлган: «Сиз президенттик шайлоону жана Элдик Мажлис шайлоосун бир мезгилде өткөрүү, ошондой эле Элдик Мажлистин ыйгарым укуктарынын мөөнөтүн өзгөртүү каралган Конституцияга сегизинчи өзгөртүүнү ратификациялоону жактырасызбы?» Шайлоолор 225 округда уюштурулган. Жалпысынан жергиликтүү кеңештерге 678 мүчө жана аялдарды өнүктүрүү комитеттерине 678 мүчө шайланат - жалпы 1 356 шайлануучу орун. Жергиликтүү кеңештерге шайлоого 1 592 талапкер, аялдарды өнүктүрүү комитеттерине 1 368 талапкер катышууда. Шайлоо участоктору саат 08:00дө ачылып, 16:00дө жабылат. Добуш берүүнүн жүрүшүнө байкоо жүргүзүү үчүн 38 эл аралык байкоочу катталган. Референдумдун жана шайлоолордун алдында КР БШКнын делегациясы эл аралык байкоочулар үчүн өткөрүлгөн брифингге катышты. Иш-чаранын жүрүшүндө Мальдив Республикасынын шайлоо органдарынын өкүлдөрү добуш берүүгө даярдык тууралуу маалымат берип, шайлоо процессинин укуктук жана институттук негиздерине сереп сунушташты. Айрыкча эл аралык байкоочулардын ролу жана милдеттери, жүрүм-турум кодекси, этикалык стандарттар жана калыстык талаптары, ошондой эле добуш берүү күнүндөгү жол-жоболор жана байкоо жүргүзүү методологиясы тууралуу маселелерге өзгөчө көңүл бурулду. Мониторингдин алкагында КР БШК делегациясы шайлоо участокторунун даярдыгына жана алардын ачылыш жол-жоболоруна, добуш берүүнүн жүрүшүнө, шайлоочулардын катышуу деңгээлине жана жеткиликтүүлүктүн камсыздалышына байкоо жүргүзүүдө. Добуш берүү аяктагандан кийин делегациянын өкүлдөрү участокторду жабуу жана шайлоо бюллетендерин саноо жол-жоболоруна байкоо жүргүзүүгө катышат.

Бүгүн, 4-апрелде Кыргыз Республикасынын Борбордук шайлоо комиссиясынын кызматкерлери Бишкек шаарында өтүп жаткан көрктөндүрүү, санитардык тазалоо жана жашылдандыруу боюнча эки айлык иш-чарага катышты. БШКнын жамааты А. Малдыбаев атындагы Кыргыз улуттук академиялык опера жана балет театрынын артында жайгашкан «Театральный» скверинде жана ага жанаша аймактарда тазалоо иштерин жүргүздү. Аткарылган иштердин жүрүшүндө аймак тиричилик таштандыларынан, кургак бутактардан жана пластик калдыктардан тазаланып, айлана-чөйрөнү иретке келтирүү боюнча тиешелүү чаралар көрүлдү. Мындай иш-чаралар шаарды таза кармоого өбөлгө түзүп, жарандардын экологиялык жоопкерчилигин арттырууга багытталган. Белгилей кетсек, борбор калаада көрктөндүрүү жана санитардык тазалоо боюнча эки айлык 2026-жылдын 14-мартынан 16-майына чейин өткөрүлүүдө.    

Кыргызстандын бардык аймактарында Жарандык жана санариптик билим берүү борборлорунда уюштурулган семинарлардын масштабдуу сериясы башталды. Иш-чаралар Кыргыз Республикасынын Президентинин 2024-жылдын 18-декабрындагы №369 Жарлыгы менен бекитилген “Уңгужол” — “Улуттук рух – дүйнөлүк бийиктиктер” Доктринасын ишке ашыруу максатында, ошондой эле Кыргыз Республикасынын Министрлер Кабинетинин 2025-жылдын 14-февралындагы № 75-р (“2025-2026-жылдарга санариптик сабаттуулукту жогорулатуу жана санариптик көндүмдөрдү окутуу боюнча Программаны бекитүү жөнүндө”) буйругун аткаруу максатында ишке ашырылууда. Окутуу иш-чараларынын максаты — жарандык иденттүүлүктү бекемдөө, жарандардын шайлоо маданиятын жогорулатуу, ошондой эле калктын санариптик компетенциясынын деңгээлин көтөрүү болуп саналат. Окутууну уюштуруучу катары КР БШКнын Жарандык билим берүү жана шайлоо технологиялары борбору эсептелет. Жарандык жана санариптик билим берүү боюнча 56 борбордун (ЖСБББ) техникалык жана уюштуруучулук камсыздалышы системалык администраторлор жана КР БШКнын атайын өкүлдөрүнүн колдоосу менен ишке ашырылууда. ЖСБББ калктын электрондук түрдө мамлекеттик кызматтарга бирдей жеткиликтүүлүгүн камсыз кылуу, ошондой эле жарандардын укуктук, санариптик жана шайлоо сабаттуулугун жогорулатуу максатында түзүлгөн. Алардын милдеттерине калкты мамлекеттик кызмат көрсөтүү порталдары менен иштөөгө үйрөтүү, жарандык жана шайлоо боюнча билим берүү тармагындагы билимдерди жайылтуу кирет. Алгачкылардан болуп семинарлар Чүй облусунун Кемин районунан башталды. Cистемалык администратору Данияр Чанчаров жергиликтүү тургундар үчүн башталгыч семинарларды уюштуруп, республиканын бардык аймактарында иш-чараларды өткөрүүгө багыт берди. Семинардын катышуучулары эки негизги багытты өздөштүрүшү керек: 1. Жарандык билим берүү: “Кыргыз жараны” жарандык иденттүүлүк баалуулуктарын калыптандыруу жана жайылтуу. Бул окуулар блогу “Улуттук рух – дүйнөлүк бийиктиктер” Уңгужол Доктринасын ишке ашыруунун алкагында ишке ашырылып, коомду консолидациялоого багытталган. 2. Санариптик көндүмдөр: электрондук башкаруунун инструменттерин практикада колдонуу. Катышуучуларга мамлекеттик порталдын жана “Түндүк” мобилдик тиркемесинин функционалдык мүмкүнчүлүктөрү жөнүндө, жарандарга мамлекеттик кызматтарды мамлекеттик органдарга барбастан электрондук форматта алуу тууралуу. Санариптештирүү доорунда технологияларга жеткиликтүүлүктү камсыз кылуу гана эмес, аларды натыйжалуу жана коопсуз колдонууну үйрөтүү да маанилүү. Өз кезегинде жарандык иденттүүлүктү бекемдөө жана шайлоо маданиятын жогорулатуу мамлекеттин туруктуу өнүгүүсүнүн негизи болуп саналат. Бул багыттарды бирдиктүү циклдин алкагында айкалыштыруу бизге санариптик чөйрөдө да, активдүү жарандык позицияда дагы жана шайлоо процесстерине катышуу маселелеринде да өзүн бирдей ишенимдүү сезген муунду тарбиялоого мүмкүндүк берет. Семинарларды 2026-жылдын 1-апрелинен баштап 1-сентябрына чейин республиканын бардык Жарандык жана санариптик билим берүү борборлорунда өткөрүү пландаштырылууда. Иш-чаралар 2025-2026-жылдарга бекитилген санариптик сабаттуулук программасына ылайык улантылат.

Кыргыз Республикасынын Борбордук шайлоо комиссиясы бүгүн, 31-марттагы жыйынында “Укук бузуулардын бирдиктүү реестри” автоматташтырылган маалыматтык тутумунда катталган укук бузуулар боюнча чараларды көрүү жөнүндө чечим кабыл алды. Маалыматка ылайык, 2021–2025-жылдар аралыгында БШК тарабынан аталган реестрге айып пул салуу боюнча 15 административдик жаза чарасы тууралуу протоколдор киргизилген. Аталган протоколдор боюнча айып пулдарды ыктыярдуу төлөө мөөнөттөрү (21 күндөн 1448 күнгө чейин) өтүп кеткен. Кыргыз Республикасынын Укук бузуулар жөнүндө кодексинин 555-беренесине ылайык, жаза чарасын колдонуу тууралуу токтом бардык жеке жана юридикалык жактар үчүн милдеттүү болуп саналат жана мыйзамдуу күчүнө кирген учурдан тартып аткарылышы керек. Ошондой эле, Кодекстин 563-беренесинде каралган мөөнөттөрдө айып пулдарды ыктыярдуу төлөө боюнча милдеттенмелер аткарылган эмес. Жогоруда айтылгандардын негизинде, Борбордук шайлоо комиссиясы төмөнкү чечимдерди кабыл алды: • айып пул салуу боюнча түзүлгөн төрт протокол белгиленген тартипте аткарылбагандыгына жана аткаруу мөөнөтүнүн эскирүү мөөнөтү аяктагандыгына байланыштуу алардын аткарылышын токтотуу; • Калган материалдар боюнча, мыйзамда белгиленген мөөнөттө ыктыярдуу түрдө аткарылбагандыгына байланыштуу, аларды мажбурлап аткаруу чараларын көрүү. Тийиштүү чараларды ишке ашыруу милдети Борбордук шайлоо комиссиясынын ыйгарым укуктуу кызмат адамына жүктөлдү.

Кыргыз Республикасынын Борбордук шайлоо комиссиясы бүгүн, 31-мартта өз жыйынында Бишкек, Баткен, Аксы, Токтогул, Кара-Кулжа, Чоң-Алай, Чүй, Ысык-Ата, Кочкор, Талас жана Жети-Өгүз аймактык шайлоо комиссияларынын жергиликтүү кеңештердин депутаттарынын ыйгарым укуктарын мөөнөтүнөн мурда токтотуу, катталган талапкерди депутаттыкка талапкерлердин тизмесинен чыгаруу жана бош калган мандаттарды кийинки талапкерлерге өткөрүп берүү жөнүндө чечимдерин бекитти. - Бишкек шаардык кеңешинин депутаты Асанбеков Жаныбек Асанбековичтин (“Эмгек” депутаттык фракциясы) ыйгарым укугу берген арызынын негизинде токтотулду; - Баткен районунун Суу-Башы айылдык кеңешинин депутаты Бакыт уулу Кыялбектин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Орозбаев Абдиманнап Адилбековичке өткөрүлүп берилди; - Аксы районунун Үч-Коргон айылдык кеңешинин депутаты Тургуналиев Али Тургуналиевичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Атакеев Ормонбек Абазбековичке өткөрүлүп берилди; - Аксы районунун Ак-Жол айылдык кеңешинин депутаты Барсанаева Гулчакан Меймашевнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Коңурбаев Абдыбалы Абдырахмановичке өткөрүлүп берилди; - Кербен шаардык кеңешинин депутаты Дербишов Нуркалый Адишовичтин (“Адилет” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Наркулов Садырмат Айтыкуловичке (“Адилет” саясий партиясы) өткөрүлүп берилди; - Токтогул шаардык кеңешинин депутаты Беделбекова Алымкан Усонгазийевнанын (“Тынчтык” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Алашова Инна Сазыковнага (“Тынчтык” саясий партиясы) өткөрүлүп берилди; - Токтогул районунун Э. Иманалиев айылдык кеңешиндеги бош мандат Үтүров Бакытбек Шакировичке өткөрүлүп берилди; - Кара-Кулжа районунун Ой-Тал айылдык кеңешинин депутаттары Тагайбаев Бейшенали Торобаевичтин жана Шерменбетова Минавар Турдалиевнанын ыйгарым укуктары берген арызынын негизинде токтотулду; - Чоң-Алай районунун Кашка-Суу айылдык кеңешинин депутаты Азимбаева Анаркан Кыдыровнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Абдыгапар уулу Нурбайга өткөрүлүп берилди; - Чүй районунун Бурана айылдык кеңешинин депутаты Султанказиева Рахат Табышевнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Сайбекова Айнагуль Амановнага өткөрүлүп берилди; - Ысык-Ата районунун Ак-Кудук айылдык кеңешинин депутаты Джумаза Есер Вундировичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Вудуян Юсур Щилазовичке өткөрүлүп берилди; - Кочкор районунун Ормон-Хан айылдык кеңешинин депутаты Исраилова Анаркүлдүн ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Калдарова Элина Анарбековнага өткөрүлүп берилди; - Кочкор районунун Кара-Суу айылдык кеңешинин депутаты Махмутбекова Нурбурак Шамилбековнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Абыкешова Жылдыз Асамединовнага өткөрүлүп берилди; - Кочкор районунун Сары-Булак айылдык кеңешинин депутаты Абласова Салтанат Табылдиевнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Исмаилова Нурзат Ыбырайымбековнага өткөрүлүп берилди; - Талас районунун Каракол айылдык кеңешинин депутаты Жаналиева Гүлнара Сагынбековнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Темиралиева Магира Эшенкуловнага өткөрүлүп берилди; - Жети-Өгүз районунун Оргочор айылдык кеңешинин депутаты Абдыраева Асель Нурлановнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Дуйшеева Назира Касымбаевнага өткөрүлүп берилди; - Жети-Өгүз районунун Барскоон айылдык кеңешинин депутаты Ниязбек уулу Кубандын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Абылбек уулу Чыныбекке өткөрүлүп берилди.

Өткөрүү датасы: 2026-жылдын 31-марты Убактысы: 12:00 Өткөрүлүүчү жери: жыйналыштар залы     1. Бишкек, Баткен, Аксы, Токтогул, Кара-Кулжа, Чоң-Алай, Чүй, Ысык-Ата, Кочкор, Талас жана Жети-Өгүз аймактык шайлоо комиссияларынын жергиликтүү кеңештердин депутаттарынын ыйгарым укуктарын мөөнөтүнөн мурда токтотуу, катталган талапкерди депутаттыкка талапкерлердин тизмесинен чыгаруу жана бош калган мандаттарды шайланган депутаттардан кийинки талапкерлерге өткөрүп берүү жөнүндө чечимдерин бекитүү тууралуу (баяндамачы – Жолдошбеков У.А., шайлоолорду уюштуруу бөлүмүнүн эксперти) 2. “Укук бузуулардын бирдиктүү реестри” маалыматтык тутумунда катталган укук бузуулар жөнүндөгү иштер боюнча чараларды көрүү тууралуу (баяндамачы – Кайыпов Ш.Т., укуктук камсыздоо бөлүмүнүн эксперти)

Бүгүн, 28-мартта Минск шаарында Кыргыз Республикасынын шайлоо жана референдум өткөрүү боюнча борбордук комиссиясы менен Беларусь Республикасынын Борбордук шайлоо комиссиясынын ортосунда кызматташуу жөнүндө Макулдашууга төрагалар Тынчтык Шайназаров жана Игорь Карпенко тарабынан кол коюлду. Макулдашуу эки тараптуу өз ара аракеттенүүнү өнүктүрүүгө багытталган жана бир катар негизги багыттар боюнча системалуу кызматташтыкты камсыз кылууга өбөлгө түзөт. Тактап айтканда, тараптар шайлоо процесстеринин ачык- айкындуулугун жогорулатуу, заманбап маалыматтык технологияларды киргизүү, ошондой эле биргелешкен консультация, семинарлар жана окутуу иш-чараларын өткөрүү боюнча кызматташууну кеңейтүүгө макулдашышты. Практикалык тажрыйба алмашууга өзгөчө көңүл бурулат: шайлоону каржылоо жана үгүт иштерин жүргүзүү маселелеринен тартып, санариптик чечимдерди колдонуу жана жарандык агартууну жогорулатууга чейин. Кызматташтык тең укуктуулук, өз ара урматтоо жана улуттук өзгөчөлүктөрдү эске алуу принциптеринин негизинде жүргүзүлүп, узак мөөнөттүү жана натыйжалуу өз ара аракеттенүү үчүн бекем негиз түзөт. Тараптар бул Макулдашууну ишке ашыруу шайлоо комиссияларынын ортосундагы кызматташууну мындан ары чыңдоого, кесиптик баарлашууну өнүктүрүүгө жана Кыргыз Республикасы менен Беларусь Республикасында шайлоо процесстеринин сапатын жогорулатууга, ошондой эле демократиялык институттарды мындан ары өнүктүрүүгө өбөлгө түзөрүнө ишеним билдиришти.

Бүгүн, 28-мартта КР Борбордук шайлоо комиссиясынын кызматкерлери Бишкек шаарын көрктөндүрүү, санитардык тазалоо жана жашылдандыруу боюнча шаардык эки айлыктын алкагында ишембилик өткөрүштү. Төраганын орун басары Бахадыр Конуровдун жетекчилиги алдында КР БШКнын жамааты Кыргыз улуттук академиялык опера жана балет театрынын (А. Малдыбаев атындагы) артында жайгашкан «Театральный» багынын бекитилген аймагын, ошондой эле ага жанаша жайгашкан тилкени тазалашты. Жүргүзүлгөн иштердин алкагында аймак тиричилик таштандыларынан, кургак бутактардан жана пластик калдыктардан тазаланды. Мындай иш-чаралар борбор калаанын тазалыгын сактоодо маанилүү ролду ойнойт жана калк арасында экологиялык маданиятты калыптандырууга өбөлгө түзөт. Белгилей кетсек, Бишкек шаарында көрктөндүрүү, санитардык тазалоо жана жашылдандыруу боюнча эки айлык 2026-жылдын 14-мартынан 16-майына чейин өткөрүлөт.

Кыргыз Республикасынын Шайлоо жана референдум өткөрүү боюнча борбордук комиссиясынын төрагасы Тынчтык Шайназаров Беларусь Республикасынын Минск шаарында иш сапары менен жүрөт. 2026-жылдын 26-мартында Беларусь Республикасынын БШКсы менен Кыргыз Республикасынын БШКнын ортосунда кызматташуу жөнүндө Макулдашууга кол коюуга арналган иш сапардын алкагында, Т. Шайназаров Жеңиш монументине гүл коюу аземине катышты. Ошол эле күнү Беларусь Республикасынын Президентинин алдындагы Башкаруу академиясынын жетекчилиги менен жолугушуу өтүп, анын жүрүшүндө КР БШКнын төрагасы Академиянын калк менен иштөө жана шайлоо процесси боюнча борборунун ишмердүүлүгү менен таанышты. Жолугушуунун жыйынтыгында студенттердин, саясат таануучулардын жана профилдик борбордун өкүлдөрүнүн катышуусунда «Кыргыз Республикасынын шайлоо системасы: тажрыйба жана өнүгүү» аттуу тегерек стол өткөрүлдү. Т. Шайназаров Кыргыз Республикасынын шайлоо системасы, шайлоо процессинде санариптик технологияларды колдонуу, ошондой эле Жарандык жана санариптик билим берүү борборунун ишмердүүлүгү тууралуу маалымат берди. Өзгөчө көңүл шайлоо системасын өнүктүрүүнүн стратегиялык багыттарына бурулуп, программалык камсыздоону модернизациялоо, жарандардын шайлоого катышуу активдүүлүгүн жогорулатуу жана шайлоочулардын укуктук сабаттуулугун кеңейтүү маселелери белгиленди. Бүгүн, 27-мартта, КР БШКнын төрагасы «Зубрёнок» улуттук балдар билим берүү жана ден соолукту чыңдоо борборуна барып, жаш шайлоочулар клубдарынын ишмердүүлүгү менен таанышып, панелдик талкууга катышып, катышуучулардын суроолоруна жооп берди. Эртең, 28-мартта, Минск шаарында Беларусь Республикасынын Борбордук шайлоо комиссиясы менен Кыргыз Республикасынын Борбордук шайлоо комиссиясынын ортосунда кызматташуу жөнүндө Макулдашууга кол коюу пландалууда.

Кыргыз Республикасынын Шайлоо жана референдум өткөрүү боюнча борбордук комиссиясында Б. Н. Ельцин атындагы Кыргыз-Орус Славян университетинин студенттери менен тааныштыруу жолугушуусу өткөрүлдү. Иш-чара Жарандык билим берүү жана шайлоо технологиялары борбору тарабынан уюштурулуп, анын максаты студенттик жаштардын укуктук жана электоралдык маданиятын жогорулатуу, шайлоо системасы боюнча билимдерин тереңдетүү жана КР БШКнын ишмердүүлүгүнүн негизги багыттары менен тааныштыруу болду. Жолугушууда КР БШКнын Жарандык билим берүү жана шайлоо технологиялары борбору директору Анара Бейшембаева сөз сүйлөп, жаш муундар үчүн активдүү жарандык позицияны калыптандыруунун жана шайлоо укугу жаатында билим алуунун маанилүүлүгүн белгиледи. Иш-чаранын алкагында студенттерге КР БШКнын түзүмү, функциялары жана шайлоону уюштуруунун заманбап ыкмалары тууралуу маалымат берилип, мекеменин имараты боюнча экскурсия уюштурулду. Ошондой эле “Уңгужол” улуттук доктринасы жана “Кыргыз жараны” концепциясы тууралуу маалымат берилип, алардын жарандык иденттүүлүктү калыптандыруудагы ролу түшүндүрүлдү. Практикалык бөлүктө студенттер үчүн тесттик добуш берүү уюштурулуп, шайлоо процессин моделдөө аркылуу алардын практикалык билимдери бекемделди. Мындан тышкары, аралыктан добуш берүү технологиялары боюнча маалымат берилип, 2025-жылдагы парламенттик шайлоодо 190 миң шайлоочу бул мүмкүнчүлүктү пайдаланганы белгиленди. Шайлоо мыйзамдарын билүү боюнча интеллектуалдык конкурс өткөрүлүп, жыйынтыгында мыкты катышуучулар эстелик белектер менен сыйланышты. Иш-чаранын жыйынтыгында студенттер мындай жолугушууларды пайдалуу деп баалап, жарандык жоопкерчиликти жана шайлоо процессиндеги өз ролун түшүнүүгө өбөлгө түзгөнүн белгилешти. КР БШК менен КРСУнун ортосунда жаштарды укуктук агартуу багытындагы кызматташтык мындан ары да улантылат.

Урматтуу кыргызстандыктар! Кыргыз Республикасынын Шайлоо жана референдум өткөрүү боюнча борбордук комиссиясынын мүчөлөрүнүн жана жеке өзүмдүн атымдан Нооруз майрамыңыздар менен чын жүрөктөн куттуктайм! Нооруз – жер ойгонуп, табият жаңыланып, көктөмдүн деми сезилген, адамдардын жүрөгүнө үмүт, көңүлүнө шаттык тартуулаган элибиздин байыркы улуу майрамы. Бул майрам илгертеден токчулуктун, кут-берекенин, эмгектин жана ынтымактын символу катары белгиленип келет. Күн менен түндүн теңелишине дал келген ушул майрамда айтылган бардык жакшы тилектер орундалып, кырманыбыз данга, дасторконубуз нанга толсун! Мамлекетибизде тынчтык, элибизде ынтымак, өлкөбүздө өнүгүү болсун!