Кыргыз Республикасынын Ош шаарынын, Баткен, Жалал-Абад,
Ош жана Ысык-Көл облустарынын айрым жергиликтүү кеңештеринин аймактарындагы шайлоо участкаларынын схемаларын жана чек араларын бекитүү жөнүндө

Ош, Кара-Суу, Өзгөн, Жалал-Абад, Лейлек, Ысык-Көл жана Түп аймактык шайлоо комиссияларынын шайлоо участкаларынын схемаларын жана чек араларын бекитүү тууралуу, жергиликтүү өз алдынча башкаруу органдары менен макулдашылган чечимдеринин негизинде, “Кыргыз Республикасынын Шайлоо жана референдум өткөрүү боюнча борбордук комиссиясы жөнүндө” Кыргыз Республикасынын конституциялык Мыйзамынын 4, 8-беренелерине, “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 13-1-беренесине, “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 11-беренесине жана Кыргыз Республикасынын Шайлоо жана референдум өткөрүү боюнча борбордук комиссиясынын 2020-жылдын 20-январындагы № 4 токтому менен бекитилген “Шайлоо округдарынын жана шайлоо участкаларынын схемаларын жана чек араларын башкаруунун тартиби жөнүндө” Жобого, ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Төмөнкүлөр бекитилсин:

  – Ош шаарынын шайлоо участкаларынын схемалары жана чек аралары 1-тиркемеге ылайык;

  –.Баткен облусунун Лейлек районунун айрым жергиликтүү кеңештеринин аймагындагы шайлоо участкаларынын схемалары жана чек аралары 2-тиркемеге ылайык;

–...Жалал-Абад облусунун Жалал-Абад шаарынын шайлоо участкаларынын схемалары жана чек аралары 3-тиркемеге ылайык;

  –.Ош облусунун Кара-Суу жана Өзгөн райондорунун айрым жергиликтүү кеңештеринин аймактарындагы шайлоо участкаларынын схемалары жана чек аралары 4-тиркемеге ылайык;

– .Ысык-Көл облусунун Ысык-Көл жана Түп райондорунун айрым жергиликтүү кеңештеринин аймактарындагы шайлоо участкаларынын схемалары жана чек аралары 5-тиркемеге ылайык.

2. Бул токтом “Эркин-Тоо” гезитине жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Аймактык шайлоо комиссиялары жергиликтүү өз алдынча башкаруу органдары менен биргеликте шайлоочулардын арасында шайлоо участкаларынын схемалары жана чек аралары боюнча өзгөрүүлөр тууралуу түшүндүрүү иштерин жүргүзүшсүн.

4..Бул токтомдун аткарылышын контролдоону өзүмө калтырам.

5. Бул токтом расмий жарыяланган күндөн тартып күчүнө кирет.

Төраганын м. а.                                                                           А. Жупуева

Бишкек ш., 2025-жылдын 11-июлу

№ 35