Жаңылыктар

Кыргыз Республикасынын Борбордук шайлоо комиссиясы бүгүн, 15-январда № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоодо Жогорку Кеңештин депутаттыгына талапкер катары өзүн-өзү көрсөткөн жарандардын ыйгарым укуктуу өкүлдөрүн каттады: -    Асанов Уланбек Жалаловичтин ыйгарым укуктуу өкүлдөрү: шайлоо маселелери боюнча Т.Ф. Ибраимова жана каржы маселелери боюнча С.А. Осмонов; -    Маматаев Эркинбек Садирбековичтин ыйгарым укуктуу өкүлдөрү: шайлоо маселелери боюнча А.А. Субанов жана каржы маселелери боюнча А.А. Ирисалиев; -    Асамудинов Бактыбек Асановичтин ыйгарым укуктуу өкүлдөрү: шайлоо маселелери боюнча М.Б. Бейшенов жана каржы маселелери боюнча А.К. Мендебаева. Талапкерлердин ыйгарым укуктуу өкүлдөрүнө белгиленген үлгүдөгү каттоо ырастамалары берилет.

Кыргыз Республикасынын Борбордук шайлоо комиссиясы бүгүн, 15-январда № 27 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Асамудинов Бактыбек Асановичтин шайлоого катышуудан баш тартуу тууралуу арызын карап, анын каттоосун жокко чыгарды. Шайлоого катышуудан баш тартуу тууралуу арызы менен талапкер Б. Асамудинов КР БШКга 2026-жылдын 14-январында кайрылган. Белгилей кетсек, ал 2026-жылдын 1-мартында ѳтѳ турган № 13 көп мандаттуу шайлоо округу боюнча КР Жогорку Кеңешинин депутаттарын кайра шайлоого катышуу жѳнүндѳ ниетин билдирген.

Өткөрүү датасы: 2026-жылдын 15-январь Убактысы: 15.00  Өткөрүлүүчү жери: жыйналыштар залы   № 27 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Асамудинов Бактыбек Асановичтин каттоосун жокко чыгаруу жөнүндө (баяндамачы – Берикбаева К.К., Шайлоолорду уюштуруу бөлүмүнүн башчысы) Т.Ф. Ибраимованы жана С.А. Осмоновду № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына өзүн-өзү көрсөтүү тартибинде талапкерлигин көрсөткөн  Асанов Уланбек Жалаловичтин ыйгарым укуктуу өкүлдөрү кылып каттоо жөнүндө (баяндамачы – Берикбаева К.К., Шайлоолорду уюштуруу бөлүмүнүн башчысы) А.А. Субановду жана А.А. Ирисалиевди № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына өзүн-өзү көрсөтүү тартибинде талапкерлигин көрсөткөн  Маматаев Эркинбек Садирбековичтин ыйгарым укуктуу өкүлдөрү кылып каттоо жөнүндө (баяндамачы – Берикбаева К.К., Шайлоолорду уюштуруу бөлүмүнүн башчысы) М.Б. Бейшеновду жана А.К. Мендебаеваны № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына өзүн-өзү көрсөтүү тартибинде талапкерлигин көрсөткөн  Асамудинов Бактыбек Асановичтин ыйгарым укуктуу өкүлдөрү кылып каттоо жөнүндө (баяндамачы – Берикбаева К.К., Шайлоолорду уюштуруу бөлүмүнүн башчысы)

Кыргыз Республикасынын Борбордук шайлоо комиссиясы бүгүн, 12-январда “№ 13 округдук шайлоо комиссиясынын курамына өзгөртүүлөрдү киргизүү жөнүндө” токтом кабыл алды. № 13 округдук шайлоо комиссиясынын курамынан Нышанов Кубанычбек Калдарович, Кабылова Минавар Авазовна, Сайпидинов Жоробай Жумабаевич жана Кыдыралиев Алмазбек берген арыздарына ылайык комиссиянын курамынан чыгарылды. Ал эми алардын ордуна Токтогулов Замирбек Сатымкулович, Адашов Исакжан Алижанович, Исмаилов Расулбек Камилжанович жана Каримова Нигора Абдыманаповна комиссиянын курамына киргизилди.    

КР БШКсы бүгүн, 12-январда, өз жыйынында Панфилов, Ноокат, Алай, Токтогул жана Жети-Өгүз аймактык шайлоо комиссияларынын Кыргыз Республикасынын жергиликтүү кеңештеринин айрым депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитти. Панфилов районунун Фрунзе айылдык кеңешинин депутаты Ремизова Светлана Николаевнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Акматбеков Мелисбек Милдетовичке өткөрүлүп берилди; Ноокат районунун Кулатов айылдык кеңешинин депутаты Аданов Нурлан Султановичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Мурзураимов Убайдилла Ташановичке өткөрүлүп берилди; Алай районунун Курманжан Датка айылдык кеңешинин депутаттары Маматумаров Жомарт Аринбаевичтин жана Талантбек уулу Азаматтын ыйгарым укуктары берген арыздарынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкерлер Шааева Кундуз Тойчубековнага жана Таласбеков Султанбек Таласбековичке өткөрүлүп берилди; Токтогул шаардык кеңешинин депутаты Токтосунов Рысбек Райымбековичтин («Тынчтык» саясий партиясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Тотобаев Марс Анарбековичке («Тынчтык» саясий партиясы) өткөрүлүп берилди; Жети-Өгүз районунун Кызыл-Суу айылдык кеңешинин депутаты Иманалиев Руслан Салакуновичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Карыбаев Бактыбек Токтосуновичке өткөрүлүп берилди.

Кыргыз Республикасынын Борбордук шайлоо комиссиясы бүгүн, 12-январдагы жыйынында 2026-жылдын 1-мартына дайындалган №13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоодо үгүт иштерине катышуу үчүн жалпыга маалымдоо каражаттарын (ЖМК) жана интернет-басылмаларын аккредитациялоо маселесин карады. Шайлоо алдындагы үгүт иштерин жүргүзүү эрежелери боюнча жумушчу топтун сунушун эске алып, КР БШКсы жалпысынан 16 ЖМКны аккредитациялады. Алардын ичинде: басылмалар – 1; телекөрсөтүү – 9; радио – 3; интернет-басылмалар – 3. КР БШКнын расмий сайтында ЖМКнын эфир убактысын, басылма аянтын жана интернет-басылмаларда жарыялоо укугун бергендиги үчүн акы төлөөнүн өлчөмү жана башка шарттары боюнча маалыматтар жайгаштырылат. Аккредитациядан өткөн ЖМК жана интернет-басылмалар талапкерлердин үгүт иштерин өлкөнүн мыйзамдарынын алкагында так жана калыс жүргүзүүгө милдеттүү. Мөөнөтүнөн мурда Жогорку Кеңештин депутаттарын шайлоого үгүт иштери добуш берүү күнүнөн 20 күн мурда – 9-февралда башталып, добуш берүү күнүнөн бир күн мурун – 28-февралда саат 8:00дө токтотулат. ЖМКлардын тизмеси:

Өткөрүү датасы: 2026-жылдын 12-январы Убактысы:16:00 Өткөрүлүүчү жери: жыйналыштар залы   1. Панфилов, Ноокат, Алай, Токтогул жана Жети-Өгүз аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитүү тууралуу. (баяндамачы – Берикбаева К.К., шайлоолорду уюштуруу бөлүмүнүн башчысы) 2. № 13 округдук шайлоо комиссиясынын курамына өзгөртүүлөрдү киргизүү жөнүндө (баяндамачы –Исаев Э.А., шайлоо комиссиялары менен өз ара аракеттешүү жана методология секторунун башчысы) 3. 2026-жылдын 1-мартына дайындалган № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоодо шайлоо алдындагы үгүт жүргүзүү иштерине катышуу үчүн Кыргыз Республикасынын жалпыга маалымдоо каражаттарын жана интернет-басылмаларын аккредитациялоо жөнүндө (баяндамачы – Алымбаев Р.А., маалыматтык камсыз кылуу секторунун башчысы)  

Кыргыз Республикасынын Борбордук шайлоо комиссиясы №13-көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоого шайлоочулардын алдын-ала тизмесин «Тизме» https://tizme.gov.kg/ порталында жайгаштырды. Шайлоочулардын алдын-ала тизмеси Калктын бирдиктүү мамлекеттик реестринде (КБМР) камтылган маалыматтарынын негизинде Кыргыз Республикасынын Президентине караштуу Иш башкармалыгынын алдындагы «Кызмат» мамлекеттик мекемеси (ММ «Кызмат») тарабынан түзүлдү. Шайлоочулардын алдын-ала тизмелери 2026-жылдын 13-январына чейин 94 шайлоо участокторунда илинет. Алдын-ала тизмеде 161 347 шайлоочу, анын ичинен: - эркектер – 80 394, же 49,83%; - аялдар – 80 953, же 50,17%. Жашы боюнча: - 18 жаштагылар – 585, же 0,36% - 19-35 жаштагылар – 67 435, же 41,80% - 36-45 жаштагылар – 35 915, же 22,26% - 46-55 жаштагылар – 23 500, же 14,56% - 56-65 жаштагылар – 19 687, же 12,20% - 66 жаштан жогоркулар – 14 225, же 8,82%. Шайлоочу өзүн тизмеден 2026-жылдын 18-февралына чейин (кошо алганда) текшере алат: - 1255 же 119 кыска номерлерине чалып; - шайлоо участогунан; - «tizme.gov.kg» сайтынан; - же ПИН-кодун (жарандык паспорттогу персоналдык идентификациялык номер) 119 кыска номерине SMS түрүндө жөнөтүп, жооп катары өзүнүн шайлоо участкасынын номери менен дарегин ала алат (SMS жана чалуулар акысыз). Кандайдыр бир каталарды же так эместикти тапкан учурда, шайлоочу 2026-жылдын 18-февралына чейин (кошуп алганда) электрондук форматта мыйзамдарда белгиленген тартипте авторлоштуруудан өтүп, “tizme.gov.kg” сайтында «Шайлоочунун кабинети» сервиси аркылуу арыз менен кайрылууга укуктуу. Шайлоочулардын тизмесинде жок болгон учурда, биометрикалык каттоодон өтпөгөн жарандар Калкты тейлөө борборлорунан (КТБ - ЦОН) бул жол-жободон өтө алышат.

Урматтуу жалпыга маалымдоо каражаттарынын жана интернет- басылмалардын өкүлдөрү! 2026-жылдын 11-январы – 2026-жылдын 1-мартына дайындалган №13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоого үгүт иштерине катышуу үчүн жалпыга маалымдоо каражаттарын жана интернет-басылмаларды аккредитациялоого арыздарды кабыл алуунун акыркы күнү болуп эсептелет. Мыйзамга ылайык, шайлоону маалыматтык камсыз кылуу - шайлоочуларды маалымдоону, шайлоо алдындагы үгүт иштерин камтыйт жана жарандардын аң-сезимдүү жана эркин каалоосун билдирүүсүнө, шайлоонун ачык-айкын болушуна өбөлгө түзүүгө багытталган. Үгүт иштерине катышуу үчүн ЖМКлар жана интернет-басылмалар Борбордук шайлоо комиссиясынан аккредитациядан өтүүгө тийиш. Телекөрсөтүү же басма аянт үчүн төлөмдүн өлчөмү бардык партиялар, талапкерлер үчүн бирдей болушу керек жана шайлоо дайындалган күнгө чейинки 6 ай ичинде алынган нарктан ашпоосу керек. Шайлоо алдындагы үгүт иштерине катышууну каалаган жалпыга маалымдоо каражаттары жана интернет-басылмалар белгиленген мөөнөттө, 2025-жылдын 11-январына чейин (кошуп алганда), БШКга төмөнкү документтерди тапшыруулары керек: - шайлоо алдындагы үгүт иштерине катышууга даяр экендиги жөнүндө билдирүү, анда жетекчинин аты-жөнү, маалымат каражатынын же интернет-басылманын координаттары жана байланыш маалыматтарын көрсөтүү зарыл; - Кыргыз Республикасынын Юстиция министрлигинде маалымат каражатын каттоо жөнүндө күбөлүктүн көчүрмөсү; - интернет-басылмалар үчүн юридикалык жакты мамлекеттик каттоо (кайра каттоо) жөнүндө күбөлүктүн көчүрмөсү же салык органдарында жеке ишкерди каттоо жөнүндө күбөлүктүн (патент) (интернет-басылмалар үчүн) көчүрмөсү; - маалымат жана маалыматтык коммуникациялар чөйрөсүндөгү ыйгарым укуктуу мамлекеттик орган тарабынан берилген ишмердүүлүктү жүзөгө ашырууга уруксат берүүчү документтердин көчүрмөсү; - уставдын көчүрмөсү (эгерде бар болсо); - эфир убактысын, басма аянтын берүү же интернет-басылмада жарыялоо укугу үчүн төлөмдүн өлчөмү жана башка шарттары жөнүндө күбөлөндүрүлгөн маалыматтар. Жалпыга маалымдоо каражаттары жана интернет басылмалар арызда камтылган жогоруда көрсөтүлгөн документтерди электрондук түрдө КР БШКнын маалымат секторунун pr.shailoo@gmail.com электрондук дарегине жөнөтүшү зарыл. 0312 66 54 52

КР БШКнын Жарандык билим берүү жана шайлоо технологиялары борборунун (ЖББШТБ) «ПисНексус» фонду менен өнөктөштүктө калкта Кыргыз жараны баалуулуктарын калыптандыруу боюнча ишти уюштуруу боюнча усулдук колдонмону (ЖББШТБнун координаторлору үчүн) иштеп чыгуу иштерин, ошондой эле жарандык иденттүүлүктү жана ар түрдүү максаттуу топтордун жарандык катышуусун жогорулатууга багытталган видеороликтер сериясын даярдоону ийгиликтүү жыйынтыктады. Усулдук колдонмо жарандарда активдүү жарандык позицияны, коомдун жана мамлекеттин өнүгүүсү үчүн жоопкерчилик сезимин, ошондой эле патриотизмди калыптандырууда негизги ролду ойногон ЖББШТБнун координаторлору үчүн атайын иштелип чыккан. Координаторлор жарандарда активдүү жарандык позицияны, коомдун жана мамлекеттин өнүгүүсү үчүн жоопкерчилик сезимин, ошондой эле патриотизмди калыптандырууда негизги ролду ойношот. Координаторлор шайлоо системасынын туруктуулугун камсыз кылууда, мамлекеттик институттарга болгон ишенимди жогорулатууда жана калк менен бийлик органдарынын ортосундагы өз ара аракеттенүүнү чыңдоодо маанилүү звено болуп саналат. Усулдук колдонмо алардын кесиптик компетенцияларын бекемдеп, аймактарда ар түрдүү социалдык топтор менен иштөө үчүн практикалык инструменттерди сунуштайт. Усулдук колдонмодо калк менен өз ара аракеттенүүнүн сунуштары жана ыкмалары камтылып, алар Кыргыз жараны баалуулуктарын илгерилетүүгө, социалдык биримдикти бекемдөөгө, жарандык катышууну өнүктүрүүгө, толеранттуулуктун деңгээлин жогорулатууга жана ар түрдүүлүк маданиятын колдоого багытталган. Мындан тышкары, жаштар, аялдар, ишкерлер, эмгек мигранттары, этностук жана диний жамааттардын өкүлдөрү үчүн видеороликтер сериясы даярдалды. Ар бир видеоролик тиешелүү топтун өзгөчөлүктөрүн эске алуу менен даярдалган жана жарандык жоопкерчиликти жана маалымдуулукту калыптандырууга жана демократиялык институттарга болгон ишенимди бекемдөөгө багытталган. Иш Кыргыз жараны жарандык иденттүүлүгүн өнүктүрүү боюнча мамлекеттик саясатты жана Кыргыз Республикасынын Президентинин 2024-жылдын 18-декабрындагы № УП-369 Жарлыгы менен бекитилген «Улуттук рух — дүйнөлүк бийиктиктер» (Унгужол) доктринасын ишке ашыруунун алкагында аткарылды. Усулдук колдонмону жана видеороликтерди иштеп чыгуу эксперттердин, ЖББШТБнун координаторлорунун жана жарандык коомдун өкүлдөрүнүн биргелешкен ишинин жыйынтыгы болду. Материалдарды даярдоодо аймактык өзгөчөлүктөр, координаторлордун практикалык тажрыйбасы, ар кандай максаттуу топтор менен иштөөнүн өзгөчөлүктөрү жана жарандык билим берүүгө карата заманбап ыкмалар эске алынды. Алынган материалдар Кыргыз жараны баалуулуктарын илгерилетүү, жарандык аң-сезимди жогорулатуу жана коомдо туруктуу демократиялык маданиятты бекемдөө үчүн инструмент болуп калат. Кененирээк: https://jaran.kg/ky/jarany/5

Кымбаттуу кыргызстандыктар! Кыргыз Республикасынын Борбордук шайлоо комиссиясынын атынан жана жеке өзүмдүн атымдан сиздерди Жаңы жылыңыздар менен чын дилимден куттуктайм! Өтүп бара жаткан 2025-жыл өлкөбүздүн коомдук-саясий турмушунда маанилүү окуялар менен эсте калды. Анын ичинде Кыргыз Республикасынын Жогорку Кеңешинин депутаттарын мөөнөтүнөн мурда шайлоо мыйзам чегинде, тынч жана ачык шартта өттү. Шайлоо жаңы система боюнча, заманбап технологиялар жана шайлоо жабдыктарын колдонуу менен өткөрүлдү. Бул - жарандык жоопкерчиликтин, демократиялык баалуулуктардын жана коомдун жетилгендигинин айкын далили. Борбордук шайлоо комиссиясы мындан ары да шайлоолорду таза, адилеттүү жана заман талабына ылайык өткөрүү үчүн бардык күч-аракетин жумшай берет. Жаңы жыл - өткөн жылга жыйынтык чыгарып, келечекке ишеним жана үмүт менен кадам таштаган өзгөчө мезгил. 2026-жылы ар бирибиз койгон максаттарыбызга жетип, ой-тилектерибиз орундалып, өлкөбүздүн өнүгүшүнө өз салымыбызды кошолу. Ар бир үйдө тынчтык, токчулук, ынтымак жана береке болсун. Жаңы жылыңыздар менен!

Кыргыз Республикасынын Борбордук шайлоо комиссиясы бүгүн, 30-декабрда, Бишкек, Сокулук, Жайыл, Майлуу-Суу, Тогуз-Торо, Кара-Көл, Айтматов жана Лейлек аймактык шайлоо комиссияларынын жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитти: - Бишкек шаардык кеңешиндеги бош мандат саясий партиянын тизмесинде шайланган кийинки талапкер Ибраев Адилет Джолдошевичке (“Эл үмүтү” саясий партиясы)  өткөрүлүп берилди; - Чүй облусунун Сокулук районунун Гавриловка айылдык кеңешинин депутаты Алмарсбек уулу Нурмухаммеддин ыйгарым укугу анын берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Редчиц Сергей Михайловичке өткөрүлүп берилди; - Жалал-Абад облусунун Майлуу-Суу шаардык кеңешинин депутаты Токталиев Мирланбек Сапаралиевичтин (“Ынтымак” фракциясы) ыйгарым укугу анын берген арызынын негизинде токтотулду; - Жалал-Абад облусунун Тогуз-Торо районунун Атай айылдык кеңешинин депутаты Каттообеков Сыргак Каттообековичтин ыйгарым укугу анын берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Топоев Сталбек Медетбековичке өткөрүлүп берилди; - Жалал-Абад облусунун Кара-Көл шаардык кеңешинин депутаты Батыркулов Кадырбек Дооронкуловичтин (“Ынтымак” фракциясы) ыйгарым укугу анын берген арызынын негизинде токтотулуп, бош калган мандат саясий партиянын тизмесинде шайланган кийинки талапкер Молдобаев Улан Абдиманаповичке өткөрүлүп берилди; - Жалал-Абад облусунун Кара-Көл шаардык кеңешинин депутаты Токтомушев Эгемен Токтомушевичтин (“Жаңы Кыргызстан” фракциясы) ыйгарым укугу анын берген арызынын негизинде токтотулуп, бош калган мандат саясий партиянын тизмесинде шайланган кийинки талапкер Ибраимов Нуржигит Кочорбековичке өткөрүлүп берилди; - Талас облусунун Айтматов районунун Чолпонбай айылдык кеңешинин депутаты  Сейдалы уулу Кубанычбектин ыйгарым укугу анын берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Торокулов Илияс Оогановичке өткөрүлүп берилди; - Баткен облусунун Раззаков шаардык кеңешинин депутаты Джоошбаев Таир Нарбутаевичтин (“Адилет” фракциясы) ыйгарым укугу анын берген арызынын негизинде токтотулуп, бош калган мандат саясий партиянын тизмесинде шайланган кийинки талапкер Акбаров Уткирбек Устабабаевичке өткөрүлүп берилди; - Чүй облусунун Жайыл районунун Ак-Башат айылдык кеңешинин депутаты Тесекбаева Зарина Джекшеновнанын ыйгарым укугу каза болгондугуна байланыштуу токтотулуп, бош калган мандат шайлоочулардын добуштарынын көбүн алып шайланган кийинки талапкер Байышбек уулу Мухамедалиге өткөрүлүп берилди.  Аймактык шайлоо комиссиясынын чечими менен жеке арызынын негизинде Чүй облусунун Сокулук районунун Гавриловка айылдык кеңешинин депутаттыгына катталган талапкер Жоомартбек уулу Акжол депутаттыкка талапкерлердин тизмесинен чыгарылды.

Кыргыз Республикасынын Борбордук шайлоо комиссиясы бүгүн, 30-декабрда “Ноокен аймактык шайлоо комиссиясынын курамына өзгөртүү киргизүү жөнүндө” токтом кабыл алды. Токтомго ылайык, комиссиянын курамынан берген арыздарына ылайык Дуванаева Мээрим Камалдиновна («Ынтымак» саясий партиясынан), Кабылова Минавархан Авазовна («Жаңы Кыргызстан» саясий партиясынан) жана Нышанов Кубанычбек Калдарович (жергиликтүү өз алдынча башкаруунун өкүлчүлүктүү органынан) чыгарылды. Комиссиянын курамына резервден (жергиликтүү өз алдынча башкаруунун өкүлчүлүктүү органдарынан) Исмаилов Расулбек Камилжанович, Мамадалиев Нурсултан Төлөгөнович жана Бурканов Уланычбек Арапбаевич киргизилди.  

Кыргыз Республикасынын Борбордук шайлоо комиссиясы № 13 көп мандаттуу шайлоо округу боюнча Жогорку Кеңештин депутаттарын кайра шайлоого катышуучу талапкерлердин, саясий партиялардын шайлоо фонддорунун атайын эсептерин ачуу үчүн «Элдик Банк» менен «Айыл Банк» ачык акционердик коомдорун аныктады. Тиешелүү токтомду КР БШК бүгүн, 30-декабрда өткөн жыйынында кабыл алды. Аталган банктардын мобилдик тиркемелерин талапкерлердин жана саясий партиялардын шайлоо фонддоруна ыктыярдуу кайрымдуулук салымдарын жүргүзүү үчүн пайдаланууга уруксат берилди. КР БШКсы эске салат: «Кыргыз Республикасынын Президентин жана Жогорку Кеңештин депутаттарын шайлоо жөнүндө» КР конституциялык мыйзамына ылайык, өзүн-өзү көрсөткөн талапкерлер жана талапкерлерди көрсөткөн саясий партиялар шайлоо өнөктүгүн каржылоо үчүн өзүнүн шайлоо фонддорун түзүүгө милдеттүү. Шайлоо фондун түзгөн бардык каражаттар атайын эсепке которулат. Бул эсеп талапкер же саясий партия тарабынан КР БШКнын уруксаты менен ачылат. Талапкердин, саясий партиянын шайлоо фонду мыйзамдын талаптарына ылайык төмөнкү булактардан түзүлүшү мүмкүн: – талапкердин, саясий партиянын өздүк каражаттары; – жарандар жана юридикалык жактар берген ыктыярдуу кайрымдуулук салымдары (тыюу салынган салымдардан тышкары). Шайлоо фондуна каражаттарды киргизүү талапкердин же саясий партиянын эсептик эсеби аркылуу, банктын мобилдик тиркемеси аркылуу накталай эмес төлөм жолу менен же банктын эсеп-касса бөлүмдөрү аркылуу накталай акча түрүндө жүргүзүлөт. Анонимдүү салым катары таанылбаш үчүн аныкталбай турган төлөм системалары аркылуу накталай эмес которууга же накталай акча киргизүүгө тыюу салынат. Шайлоо фонддорундагы каражаттар максаттуу пайдаланылат жана аларды шайлоо өнөктүгүнө байланыштуу чыгымдарды жабуу үчүн гана колдонууга болот. Атайын эсептерди ачуу, шайлоо фонддорун түзүү жана каражаттарды пайдалануу тартиби тууралуу кененирээк маалымат КР БШКнын расмий сайтында www.shailoo.gov.kg, «НПА БШК / БШКнын жоболору» бөлүмүндө жайгашкан «Жогорку Кеңештин депутаттарын шайлоо учурунда талапкердин, саясий партиянын шайлоо фондунун каражаттарын түзүү, кирешелерди эсепке алуу жана чыгымдоо тартиби жөнүндө» жобосунда берилген.  

Кыргыз Республикасынын Борбордук шайлоо комиссиясы бүгүн, 30-декбарда, №13 көп мандаттуу шайлоо округу боюнча Жогорку Кеңештин депутаттарын кайра шайлоону даярдоо жана өткөрүү үчүн каралган чыгымдардын сметасын бекитти. 2026-жылдын 1-мартына дайындалган №13 шайлоо округу боюнча кайра шайлоону даярдоого жана өткөрүүгө кетүүчү чыгымдардын сметасы 18 млн 507 миң сом өлчөмүндө бекитилди. Шайлоо комиссияларынын шайлоону даярдоого жана өткөрүүгө чыгымдары республикалык бюджеттин каражаттарынын эсебинен жүргүзүлөт. Сметада шайлоону уюштурууга жана маалыматтык жактан камсыз кылууга кетчү чыгымдар, комиссия мүчөлөрүнүн жана ишке тартылган жарандардын эмгек акысы, шайлоо (референдум) өткөрүлгөн күндөрү шайлоо комиссияларынын мүчөлөрүнө, ошондой эле ишке тартылган жарандарга бир адамдык суткалык өлчөмдө тамак-аш уюштурууга суткалык төлөмдөр камтылган. Андан тышкары, чыгымдардын бекитилген сметасы шайлоо жөнүндө мыйзамдарда каралган иш-чараларды каржылоону, ошондой эле шайлоо комиссиялары үчүн борборлоштурулган сатып алууларды, шайлоо участокторун техникалык жактан жабдууну, маалыматтык материалдарды даярдоону, окутууларды уюштурууну, командировкалык чыгымдарды жана башка уюштуруу иш-чараларды камтыйт. Чыгымдар төмөнкү негизги көрсөткүчтөргө таянып эсептелген: -    округдук шайлоо комиссияларынын саны – 1, мүчөлөрүнүн саны – 15 адам; -    участкалык шайлоо комиссияларынын (УШК) саны – 94, мүчөлөрүнүн саны – 965 адам (анын ичинде автоматтык эсептөөчү урналар менен иштеген операторлордун саны – 188 адам, жарандарды идентификациялоо жабдуулары менен иштеген операторлордун саны – 188 адам);  -    шайлоо (референдум) өткөрүү учурунда жарандарды идентификациялоо боюнча техникалык кызматтарды көрсөтүүгө тартылган операторлордун (УШК үчүн) саны – 55 адам; -    техникалык колдоо көрсөтүүчү операторлордун саны – 24 адам.  

Кыргыз Республикасынын Шайлоо жана референдум өткөрүү боюнча борбордук комиссиясынын КАЙРЫЛУУСУ Урматтуу шайлоочулар, шайлоо комиссияларынын мүчөлөрү, талапкерлер, саясий партиялардын жана жалпыга маалымдоо каражаттарынын өкүлдөрү, шайлоо процессинин катышуучулары! Кыргыз Республикасынын Шайлоо жана референдум өткөрүү боюнча борбордук комиссиясынын 2025-жылдын 30-декабрындагы №196 токтомуна ылайык № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоо 2026-жылдын 1-мартына дайындалды. “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 63-беренесине ылайык, Кыргыз Республикасынын Жогорку Кеңешинин депутаттарын кайра шайлоодо шайлоо аракеттеринин мөөнөтү үчтөн бирге кыскарат. Кыргыз Республикасынын Жогорку Кеңешинин депутаттарын кайра шайлоо 2025-жылдын 30-ноябрында болуп өткөн шайлоодо жыйынтыгы жокко чыгарылган № 13 көп мандаттуу шайлоо округунда өткөрүлөт, анда Жогорку Кеңештин 3 депутаты 5 жылдык мөөнөткө шайланат. Мында шайлоочу өзүнүн тандоосу боюнча бир гана талапкерге добуш берүүгө укуктуу. № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкерлерди көрсөтүү укугу саясий партияларга жана өзүн-өзү көрсөтүү тартибинде жарандарга таандык. Урматтуу Кыргыз Республикасынын жарандары, шайлоочулар! Кыргыз Республикасынын Жогорку Кеңешинин депутаттарын шайлоо укугуна Кыргыз Республикасынын 18 жашка толгон жарандары ээ. Шайлоочулардын укуктарын ишке ашыруу, шайлоочуларды өзү жөнүндөгү маалыматтар менен тааныштыруу, ошондой эле добуш берүүнү өткөрүү максатында ар бир шайлоо участогу боюнча шайлоочулардын тизмеси түзүлөт. № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоодо шайлоочулардын тизмесине добуш берүү күнүнө карата активдүү шайлоо укугуна ээ болгон, жергиликтүү жамааттын мүчөсү болуп саналган жана биометрикалык каттоодон өткөн Кыргыз Республикасынын бардык жарандары киргизилет. Шайлоочунун жергиликтүү жамаатка мүчөлүгү паспорттун чибине жазылган жарандын паспортундагы жашаган жерин каттоо жөнүндө белги же добуш берүү күнүнө чейин 60 күндөн кем эмес мөөнөттө жүргүзүлгөн Кыргыз Республикасынын жарандарынын улуттук паспортторунун мамлекеттик реестринде жашаган жеринин дарегин каттоо менен аныкталат. Добуш берүү күнүнө чейин 53 календардык күн калганда, башкача айтканда, 2026-жылдын 7-январына чейин чейин көп мандаттуу шайлоо округундагы шайлоо участоктору боюнча түзүлгөн шайлоочулардын алдын ала тизмеси www.tizme.gov.kg мамлекеттик порталына жайгаштырылат, андан сиздер өзүңүздөр жөнүндөгү маалыматтарды тактап алсаңыздар болот. Ошондой эле добуш берүү күнүнө 47 календардык күн калганда, башкача айтканда, 2026-жылдын 13-январына чейин тиешелүү участоктордо шайлоочулардын алдын ала тизмеси таанышуу үчүн илинет. Өзүңүздөр жөнүндөгү маалыматтарды: 1255 же 119 номерлерине телефон чалуу; www.tizme.gov.kg мамлекеттик порталына кирүү; шайлоо участогуна баруу; “119” номерине паспорттогу ЖИН (жеке идентификациялык номерди) көрсөтүп СMС-билдирүү жиберүү менен сиздер шайлоо участогунун номерин жана дарегин ала аласыздар (СМС-билдирүү жөнөтүү жана телефон чалуу акысыз). Эгерде кандайдыр бир ката же так эместик аныкталса, ошондой эле шайлоочулардын алдын ала тизмесинде сиз жок болсоңуз, добуш берүү күнүнө чейин 10 календардык күндөн кечиктирбестен, башкача айтканда, 2026-жылдын 13-январынан 18-февралына чейин (кошуп алганда) тиешелүү участкалык шайлоо комиссиясына кайрылууга жана www.tizme.gov.kg мамлекеттик порталындагы “Шайлоочунун кабинети” сервиси аркылуу белгиленген тартипте авторизациядан өтүү менен электрондук түрдө арыз берүүгө укуктуусуз. Биометрикалык каттоодон өтө элек жарандар калкты тейлөө борборлорунда (КТБ) жана жашаган жери боюнча жарандык абалдын актысын жазуу, паспорттоштуруу жана калкты каттоо органдарында (Кыргыз Республикасынын Санариптик өнүктүрүү министрлигине караштуу ведомстволук түзүм) ушул жол-жободон өтсө болот. Шайлоодо добуш берүү күнү шайлоочулардын тизмесине киргизилген жарандар гана добуш берүү укугуна ээ экендигин эсиңиздерге салабыз. Урматтуу талапкерлер, саясий партиялардын өкүлдөрү! “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамына ылайык: Кыргыз Республикасынын жараны; шайлоо күнүнө карата 25 жашка толгон; шайлоого укугу бар; жогорку кесиптик билими бар; мамлекеттик тилди билген; депутаттыкка талапкерлигин көрсөтүүнүн алдында республикада акыркы 5 жылдан кем эмес туруктуу жашаган адамдар Жогорку Кеңештин депутаты болуп шайлана алышат. Кыргыз Республикасынын аймагында туруктуу жашоодо өндүрүштүк, илимий, кызматтык себеп же башка зарылчылык боюнча өлкөнүн чегинен тышкары иш сапарларына байланыштуу ар бир жылда алты айга чейинки үзгүлтүктөргө жол берилет. Төмөнкүлөр Жогорку Кеңештин депутаттыгына шайланууга укуксуз: - соттолгон, анын ичинде соттуулугу алып салынган же жоюлган; коркунучтуулугу аз кылмыштарды, этиятсыздыктан жасалган анча оор эмес кылмыштарды, Кыргыз Республикасынын кылмыш-жаза мыйзамдарына ылайык жана аларда каралган тартипте жабырлануучу жеке-ачык айыптоону колдоодон баш тарткан жана (же) жабырлануучу айыпталуучу менен макулдашууга жетишкен учурларды кошпогондо, аларга карата кылмыш иши реабилитацияланбаган негиздер боюнча кыскартылган адамдар; диний ишмерлер өздөрүнүн диний ишмердигин токтоткондон кийин 5 жыл ичинде. “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 60-беренесинин 1-бөлүгүнө жана 60-1-беренесинин 1-бөлүгүнө ылайык № 13 көп мандаттуу шайлоо округу боюнча талапкерлерди көрсөтүү  шайлоо күнүнө 30 календардык күн калганда, башкача айтканда, 2026-жылдын 29-январын кошуп алганда жергиликтүү убакыт боюнча саат 18:00дө аяктайт. Жогорку Кеңештин депутаттыгына талапкерлерди көрсөтүү жолу менен шайлоого катышууга саясий партияларды каттоо иш-милдеттерин жүзөгө ашырууга ыйгарым укуктуу аткаруу бийлигинин мамлекеттик органында шайлоо жарыяланганга чейин катталган жана (же) кайра катталган саясий партияларга жол берилет. Саясий партиялар Жогорку Кеңештин депутаттыгына көп мандаттуу шайлоо округу боюнча бирден талапкерди саясий партиянын съездинде жашыруун добуш берүү аркылуу көрсөтөт. Депутаттыкка талапкерди көрсөтүү боюнча саясий партиянын съездине КР БШКнын мүчөсү катышууга укуктуу. Талапкерлерди көрсөтүү жөнүндө чечим саясий партиянын колу жана мөөрү менен күбөлөндүрүлөт жана КР БШКга берилет. Саясий партиянын съездинин чечимдери Борбордук шайлоо комиссиясына берилгенден кийин тиешелүү шайлоо округу боюнча көрсөтүлгөн талапкерлердин курамы өзгөртүлүшү мүмкүн эмес. Саясий партия ушул партиянын мүчөлөрү болуп саналбаган Кыргыз Республикасынын жарандарын Жогорку Кеңештин депутаттыгына талапкер кылып көрсөтүүгө укуктуу. Саясий партия башка саясий партиялардын мүчөлөрү болуп саналган жарандарды Жогорку Кеңештин депутаттыгына талапкер кылып көрсөтүүгө укуксуз. Көп мандаттуу шайлоо округдары боюнча Жогорку Кеңештин депутаттыгына талапкерлерди көрсөтүүдө саясий партия талапкерлердин жалпы санынын 70 пайызынан ашпаган бир жыныстагы адамдардын өкүлчүлүгү жөнүндөгү талапты сактоого милдеттүү. Өзүн-өзү көрсөтүү тартибинде көп мандаттуу шайлоо округу боюнча талапкерди депутаттыкка көрсөтүү талапкердин өзүнүн ушул шайлоо округу боюнча талапкерлигин көрсөтүү ниети жөнүндө арызын КР БШКга берүү жолу менен жүргүзүлөт. Кыргыз Республикасын санариптештирүү саясатынын алкагында талапкерлерди каттоо үчүн “Электрондук талапкер” программасы киргизилген, ал талапкерлерге документтерин электрондук түрдө киргизүүгө мүмкүнчүлүк берет. Талапкерлердин маалыматтарынын (паспорттогу маалыматтар (катталгандыгы), Кыргыз Республикасынын жарандыгы (Санариптик өнүктүрүү министрлиги), соттуулугунун жоктугу (Ички иштер министрлиги), жогорку кесиптик билиминин бар экендиги (Агартуу министрлиги) ж.б.) мыйзамдардын талаптарына ылайык келишин текшерүү “Түндүк” ведомстволор аралык электрондук өз ара аракеттенүү системасы аркылуу ишке ашырылат. Депутаттыкка талапкерлерди каттоо шайлоо күнүнө 20 календардык күн калганда, башкача айтканда, 2026-жылдын 9-февралына чейин аяктайт. Талапкерлерди каттоодо талапкерлерге көмөк көрсөтүү максатында КР БШКнын расмий сайтында арыздардын формалары жайгаштырылган, шайлоого катышуучу талапкерлер үчүн шайлоо өнөктүгүнө катышуу маселелери – үгүт, шайлоо өнөктүгүн каржылоо жана шайлоо талаш- тартыштары маселелери боюнча усулдук материалдардын жана ченемдик актылардын жыйнагы даярдалды. Жакын арада шайлоого катышуу маселелери боюнча маалыматтык-түшүндүрүү семинарлары өткөрүлөт. Урматтуу жалпыга маалымдоо каражаттарынын жана интернет- басылмалардын өкүлдөрү! Мыйзамга ылайык шайлоону маалыматтык камсыз кылуу – шайлоочуларды кабарландыруу жана жарандардын өз эркин аң-сезимдүү билдирүүсүнө, шайлоонун айкындуулугуна көмөктөшүүчү шайлоо алдындагы үгүттү өзүнө камтыйт. Үгүт процессине катышуу үчүн ЖМКлар жана интернет-басылмалар КР БШКга жазуу жүзүндө арыз берип, Борбордук шайлоо комиссиясы тарабынан аккредитациядан өтүшү керек. Тиешелүү телерадиоберүү уюмдары, мезгилдүү басылмалардын редакциялары, интернет-басылмалардын ээлери арызы менен бирге эфирдик убакыт, басылма аянты, төлөө өлчөмү жана башка шарттары же маалымат каражаттары, интернет-басылмада жарыялоо укугу жөнүндө маалыматтарды берүүгө милдеттүү. Мында акы төлөнүүчү эфир убактысынын, басылма аянтынын баасы бардык партиялар, талапкерлер үчүн бирдей болууга жана шайлоо дайындалган күнгө чейинки 6 ай үчүн алынган баадан ашпоого тийиш. Шайлоо мыйзамдарын бузган учурда КР БШК жалпыга маалымдоо каражаттарынын жана интернет-басылмалардын аккредитациясын чакырып алууга укуктуу. Шайлоо алдындагы үгүт бардык талапкерлерди каттоо мөөнөтү аяктаган күндөн тартып башталат жана добуш берүү башталганга 24 саат калганда, башкача айтканда, 2026-жылдын 9-февралынан 28-февралына саат 08:00гө чейин аяктайт. Жалпыга маалымдоо каражаттарында жайгаштырылуучу же башка ыкма менен таратылган маалыматтык материалдардын мазмуну объективдүү, анык болууга, талапкерлердин жана саясий партиялардын теңдигин бузбоого, аларда кайсы бир талапкерге артыкчылык берилбөөгө тийиш. КР БШК тарабынан аккредитацияланбаган жалпыга маалымдоо каражаттары жана интернет-басылмалар шайлоону даярдоону жана өткөрүүнү маалыматтык жактан чагылдырууга шайлоо алдындагы үгүттүн белгилери камтылбаган маалыматтарды чагылдыруу аркылуу гана катышууга укуктуу. Шайлоону даярдоону жана өткөрүүнү маалыматтык жактан чагылдырууга катышуучу жалпыга маалымдоо каражаттарынын өкүлдөрү төмөндөгүлөргө укуктуу: шайлоо комиссияларынын жыйналыштарына катышууга; шайлоо комиссияларынын протоколдору менен таанышууга; шайлоо комиссиясынан протоколдордун жана аларга тиркелген документтердин көчүрмөлөрүн алууга; шайлоого даярдык көрүү мезгилинде, ал эми добуш берүү күнү шайлоочулардын добуш берүүлөрүнүн жашыруундуулугун бузбастан, добуш берүүнүн жүрүшүнө жана добуш берүүнүн жыйынтыгын чыгарууга тоскоол болбостон, участкалык шайлоо комиссиясынын төрагасы аныктаган жерден фото- жана көрмө-тартууну жүзөгө ашырууга; өзүнүн статусу, фамилиясы, аты-жөнү, алар атынан чыккан уюмдардын аталышы белгиленген, шайлоо алдындагы үгүт белгилерин камтыбаган төш белги тагынып жүрүүгө. КР БШК жалпыга маалымдоо каражаттарын маалыматтык өнөктүккө жигердүү катышууга, жарандарга шайлоонун жүрүшү жана эрежелери, талапкерлер жөнүндө өз убагында жана ишенимдүү маалымат берип турууга чакырат. КР БШК өз кезегинде шайлоо өнөктүгүнүн жүрүшү, шайлоо комиссияларынын иши тууралуу бардык керектүү маалыматтарды берип турууга даяр экендигин билдирет. www.shailoo.gov.kg – КР БШКнын расмий сайты, www.tizme.gov.kg – шайлоочулардын тизмесинин порталы, www.talapker.shailoo.gov.kg – талапкерлер жөнүндө портал. Урматтуу округдук жана участкалык шайлоо комиссияларынын мүчөлөрү! Мыйзамдуулук, калыстык, айкындуулук, ачыктык сиздердин иш-аракеттериңиздер жана биздин иш-аракеттерибиз ишибиздин негизги иш принциптери болуп саналат. Калктын бүтүндөй шайлоо процессине ишеним деңгээли көбүнесе сиздердин иш-аракеттериңиздерге жана биздин иш-аракеттерибизге жараша болот. Мекенди сүйүү, жарандык милдетти жогорку деңгээлде сезе билүү жана коом алдындагы жоопкерчилик, компетенттүүлүк бизге мыйзамдуу, ачык-айкын жана анык демократиялык шайлоо өткөрүүгө мүмкүнчүлүк берет! Урматтуу шайлоо процессинин катышуучулары! Шайлоо укук нугунда өтүшү үчүн шайлоо мыйзамдарындагы ченемдердин талаптарын бекем сактоо, ал эми шайлоо процессинин башка катышуучулары менен өз ара аракеттешүүдө өз ара сый-урмат көрсөтүп, сабырдуу болуу зарыл. КР БШК шайлоо процессинин бардык катышуучулары үчүн ачык иштеп, ачык-айкындуулукту кепилдик кылат жана шайлоо тынч, туруктуу атмосферада өтүшү үчүн мүмкүн болушунча күч-аракет жумшайт, өлкөбүздүн жарандары шайлоо укуктарын толук ишке ашыруусу үчүн бардык керектүү шарттарды түзөт. Байланыш маалымат жана БШКнын маалымат ресурстары: КР БШКнын расмий сайты: www.shailoo.gov.kg. www.talapker.shailoo.gov.kg сайтында талапкерлер, талапкерлердин шайлоо программалары жана шайлоо фонддору тууралуу жалпы маалыматтар көрсөтүлгөн. БШКнын Даттануулар жана кайрылуулар реестринде (https://www.shailoo.gov.kg/ru/registry/) атайын электрондук ресурсунда шайлоо комиссияларына (КР БШК, ОШК, УШК) келип түшкөн даттануулар жана арыздар, алар боюнча кабыл алынган чечимдер жана сот актылары менен тааныша аласыздар. БШКнын Ыкчам чара көрүүчү координациялык тобунун (ЫАКТ) шайлоочулар жана шайлоо мыйзамдарынын башка субъекттери үчүн шайлоо мыйзамдарын бузуу фактылары жөнүндө маалымат берүү үчүн байланыш каналдары: кыска номер: 1255; WhatsApp номери: 0506 809909; ишеним телефону: 0312 626246; электрондук почта дареги: kgor@shailoo.gov.kg; КР БШКнын коомдук кабылдамасы: 0312 660240.