Жаңылыктар

Кыргыз Республикасынын Борбордук шайлоо комиссиясы бүгүн, 5-февралда Кыргыз Республикасынын Жогорку Кеңешинин депутаттыгына №13 көп мандаттуу шайлоо округу боюнча өзүн-өзү көрсөтүү тартибинде талапкер болуп көрсөтүлгөн жарандардын 2026-жылдын 1-мартына дайындалган мөөнөтүнөн мурда өтүүчү парламенттик шайлоого катышуудан баш тартуу жөнүндө арыздарын карады. Шайлоого катышуудан баш тартуу тууралуу тиешелүү арыздарды Мажитова Шарапаткан жана Нуриев Кубан Бактыбаевич беришкен. КР БШКсы бул арыздарды эске алды. Мындан тышкары, КР Борбордук шайлоо комиссиясы аталган талапкерлердин ыйгарым укуктуу өкүлдөрүнүн каттоосун жокко чыгарды жана аларга берилген каттоо ырастамаларын жараксыз деп тапты.

Кыргыз Республикасынын Борбордук шайлоо комиссиясы бүгүн, 5-февралда № 13 көп мандаттуу шайлоо округу боюнча Жогорку Кеңештин депутаттарын кайра шайлоодо депутаттыкка талапкер Алиева Эльмирахан Кочорбаевнанын ыйгарым укуктуу өкүлдөрүн каттады: • шайлоо маселелери боюнча ыйгарым укуктуу өкүлү - Алиев М.А.; • каржы маселелери боюнча ыйгарым укуктуу өкүлү – Абдрахманова Ч.У. Талапкердин ыйгарым укуктуу өкүлдөрүнө белгиленген үлгүдөгү каттоо ырастамалары берилет.

Кыргыз Республикасынын Борбордук шайлоо комиссиясынын төрагасы Тынчтык Шайназаров бүгүн, 5-февралда № 13 шайлоо округу боюнча Жалал-Абад облусунун Ноокен районунда КР Президентинин Жалал-Абад облусундагы ыйгарым укуктуу өкүлү Тилек Текебаевдин жана жергиликтүү өз алдынча башкаруу органдарынын жетекчилеринин катышуусунда кеңешме өткөрдү. Жыйындын жүрүшүндө Тынчтык Шайназаров 2026-жылдын 1-мартына дайындалган КР Жогорку Кеңешинин депутаттарын кайра шайлоону өткөрүүдө шайлоо процессине катышкан бардык тараптар шайлоо мыйзамдарынын талаптарын так сакташы зарыл экендигин баса белгиледи. 2025-жылдын 30-ноябрында өткөн Кыргыз Республикасынын Жогорку Кеңешинин депутаттарын мөөнөтүнөн мурда шайлоодо принтери бар идентификациялоочу түзүлүштөр, автоматтык эсептөөчү урналар жана видеокөзөмөл жабдыктары колдонулган. Бирок, ага карабай, №13 шайлоо округунун 35 шайлоо участкасында мыйзамсыз камералар орнотулуп, добуш берүүнүн купуялуулугу бузулгандыктан, шайлоонун натыйжасы жокко чыгарылгандыгын төрага эске салды. “Шайлоо процессинин бардык катышуучулары бир нерсени ачык түшүнүшү керек: техникалык жабдуулар мыйзамдар жана эрежелер так сакталганда гана иштейт. Ар бир катышуучу өз жоопкерчилигин так билиши зарыл”, – деп белгиледи Т. Шайназаров. БШК төрагасы жыйында жергиликтүү өз алдынча башкаруу органдарынын жетекчилерине, укук коргоо органдарынын өкүлдөрүнө, шайлоо комиссияларынын мүчөлөрүнө жана талапкерлерге кайрылып, шайлоонун калыс жана ачык өтүшүнө шарт түзүүгө, тартипти камсыз кылууга, шайлоочулардын укуктарын коргоого жана мыйзамдарды так сактоого чакырды. Кеңешменин жүрүшүндө КР БШКнын мүчөсү Акбалык Жумалиева № 13 шайлоо округундагы шайлоо участкаларынын жеткиликтүүлүгү, майыптыгы бар шайлоочулардын шайлоо укуктарын ишке ашыруу шарттарын камсыз кылуу маселелерине токтолду. А. Жумалиева округ боюнча участкалык шайлоо комиссияларындагы пандустардын абалы менен таанышып чыкканын, Майлуу-Суу жана Базар-Коргон районунун айрым участкаларында пандустардын жок экендигин кошумчалады. Жыйында катышуучулар шайлоо процессиндеги бир катар мыйзам бузуу фактылары, добуш берүүнүн тартиби боюнча суроолорду беришти. Өз кезегинде КР Президентинин Жалал-Абад облусундагы ыйгарым укуктуу өкүлү Тилек Текебаев №13 шайлоо округундагы кайра шайлоону уюштуруу жана өткөрүүдө мамлекеттик бийлик процесске аралашпай, бардык процедуралар мыйзамга ылайык өтөрүнө көмөк көрсөтөрүн билдирди. Ошондой эле талапкерлерди жана алардын өкүлдөрүн мыйзам талаптарын сактоого чакырып, жарандардын шайлоого активдүү катышуусун камсыз кылуу үчүн жергиликтүү бийлик түшүндүрүү иштерин активдүү жүргүзүү керектигин белгиледи.

Бүгүн, 5-февралда Кыргыз Республикасынын Шайлоо жана референдум өткөрүү боюнча борбордук комиссиясы жалпы шайлоо коомчулугу менен бирге Бүткүл дүйнөлүк шайлоолор күнүн белгилеп жатат. Бул күн шайлоолордун демократиялык маанисин баса белгилеп, жарандардын шайлоо укуктарын коргоо жана камсыз кылуу, шайлоо процесстеринин ачык-айкындуулугун жана ишенимдүүлүгүн жогорулатуу сыяктуу негизги баалуулуктарды бекемдөөгө багытталган. Кыргыз Республикасында шайлоо системасын өнүктүрүү боюнча жүргүзүлүп жаткан реформалардын алкагында заманбап шайлоо технологиялары колдонулуп, шайлоочуларды каттоо, добуш берүүнүн жыйынтыктарын, анын ичинде аралыктан добуш берүүнү так жана ачык эсепке алуу механизмдери өркүндөтүлдү. Ошондой эле шайлоо процессинин инклюзивдүүлүгүн камсыз кылууга, бардык жарандар үчүн, анын ичинде майыптыгы бар адамдар үчүн добуш берүүнүн жеткиликтүүлүгүн жогорулатууга өзгөчө көңүл бурулууда. Урматтуу шайлоо комиссияларынын мүчөлөрү, КР БШК аппаратынын кызматкерлери, өнөктөштөр жана шайлоочулар! Сиздердин жогорку кесипкөйлүгүңүздөрдүн, жоопкерчиликтүү эмгегиңиздердин жана жарандык милдетти ак ниеттүүлүк менен аткарганыңыздардын аркасында Кыргыз Республикасында мыйзамдуу, эркин, атаандаштыкка жөндөмдүү жана ачык-айкын шайлоолор өткөрүлүп келет. Жарандардын шайлоого активдүү катышуусу демократиялык институттардын бекемделишине жана өлкөнүн туруктуу өнүгүшүнө маанилүү салым кошот. Борбордук шайлоо комиссиясы мындан ары да шайлоо процесстерин өркүндөтүү, эл аралык стандарттарга ылайык ачык-айкындуулукту камсыз кылуу жана жарандардын шайлоо укуктарына болгон ишенимин бекемдөө багытында ырааттуу иш алып барууну улантат. Урматтоо менен, Кыргыз Республикасынын Шайлоо жана референдум өткөрүү боюнча борбордук комиссиясы

Өткөрүү датасы: 2026-жылдын 5-февралы Убактысы: 12:00 Өткөрүлүүчү жери: жыйналыштар залы   1. № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Мажитова Шарапаткандын шайлоого катышуудан баш тартуу тууралуу арызы жөнүндө (баяндамачы – Манасбеков Р.М., Шайлоолорду уюштуруу бөлүмүнүн эксперти) 2. № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Нуриев Кубан Бактыбаевичтин шайлоого катышуудан баш тартуу тууралуу арызы жөнүндө (баяндамачы – Манасбеков Р.М., Шайлоолорду уюштуруу бөлүмүнүн эксперти) 3. М.А. Алиевди жана Ч.У. Абдрахманованы №13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Алиева Эльмирахан Кочорбаевнанын ыйгарым укуктуу өкүлдөрү кылып каттоо жөнүндө (баяндамачы – Манасбеков Р.М., Шайлоолорду уюштуруу бөлүмүнүн эксперти) “Сезим” майыптар коомдук фондунун коомдук байкоочусун каттоо жөнүндө (баяндамачы – Закиров А.М., укуктук камсыздоо бөлүмүнүн эксперти)

Кыргыз Республикасынын Борбордук шайлоо комиссиясынын Жарандык билим берүү жана шайлоо технологиялары борбору эртең, 5-февралда Бүткүл дүйнөлүк шайлоо күнүнө карата иш-чара өткөрөт. Жаштардын жарандык жоопкерчилигин жогорулатууга жана шайлоо маданиятын калыптандырууга багытталган иш-чарага студенттер жана мектептердин бүтүрүүчү класстарынын окуучулары катышат. Катышуучулар интерактивдүү форматта шайлоо процессинин негиздери, шайлоонун мааниси жана өлкөнүн демократиялык өнүгүүсүндө ар бир жарандын ролу менен таанышат. Мындай иш-чара жыл сайын шайлоо процесстерине жана демократиялык институттарга болгон ишенимди бекемдөө максатында белгиленүүчү Бүткүл дүйнөлүк шайлоо күнүнүн алкагында өткөрүлөт.

Кыргыз Республикасынын Борбордук шайлоо комиссиясы эртең, 5-февралда № 13 шайлоо округу боюнча Жогорку Кеңештин депутаттыгына катталган талапкерлердин шайлоо бюллетенине киргизүү кезектүүлүгүн аныктоо боюнча жана мамлекеттик телерадио уюмдарынын каналдарында талапкерлерге акысыз эфир убактысын жана мамлекеттик мезгилдүү басылмаларда акысыз басма аянтын бөлүштүрүү боюнча Жалал-Абад облусунун Ноокен районунун Масы айылында чүчү кулак өткөрөт. Ушул эле күнү 2026-жылдын 1-мартына дайындалган №13 көп мандаттуу шайлоо округу боюнча Жогорку Кеңештин депутаттарын кайра шайлоого катышуу үчүн катталган талапкерлердин меморандумга кол коюу иш-чарасы болот. Ушуга байланыштуу, мамлекеттик администрация жана жергиликтүү өз алдынча башкаруунун органдары менен өз ара тыгыз кызматташып, БШКнын атайын өкүлү, округдук шайлоо комиссиясынын төрагасы төмөнкү иш-чараларды жүргүзөт: – “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” мыйзамынын 3-беренесинин 3-бөлүгүнө ылайык, мамлекеттик органдар жана жергиликтүү өз алдынча башкаруу органдары менен биргеликте чүчү кулак өткөрүү үчүн имаратты техникалык жабдуулар менен лототронду камсыздоо; – чүчү кулакты өткөрүүдө коомдук байкоочуларга, талапкерлердин өкүлдөрүнө катышууга жол берүү; – чүчү кулакты өткөрүү боюнча жалпыга маалымдоо каражаттарынын өкүлдөрүнө алдын ала кабар жөнөтүү. КР БШКнын атайын өкүлү жана округдук шайлоо комиссиясынын төрагасы 5-февралда өтүүчү чүчү кулакты уюштурууну жана өткөрүүнү көзөмөлгө алат.

Кыргыз Республикасынын Борбордук шайлоо комиссиясы № 13 шайлоо округу боюнча депутаттыкка талапкерлерди каттоону аяктады. Жалпысынан 25 талапкер катталды (эркектер – 15, аялдар – 10). Катталган талапкерлер бюджетке 7 млн сом шайлоо төгүмүн төлөштү. 2026-жылдын 1-мартына белгиленген № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоого катышуу ниетин 31 жаран билдирген. Алардын ичинен 5 талапкер шайлоого катышуудан баш тартты, 1 талапкерди БШК каттоодон баш тартты. № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына катталган талапкерлердин тизмеси

Кыргыз Республикасынын Борбордук шайлоо комиссиясы бүгүн, 2-февралда №13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына өзүн-өзү көрсөтүү тартибинде талапкерлигин көрсөткөн Мурашев Нурбек Мурпазылжановичтин 2026-жылдын 1-мартына дайындалган мөөнөтүнөн мурда өтүүчү парламенттик шайлоого катышуудан баш тартуу тууралуу 2026-жылдын 30-январындагы арызын карады. КР БШКсы Н.М. Мурашевдин арызын эске алды.

Кыргыз Республикасынын Борбордук шайлоо комиссиясы бүгүн, 2-февралда №13 көп мандаттуу шайлоо округу боюнча Жогорку Кеңештин депутаттыгына өзүн-өзү көрсөткөн төмөнкү талапкерлерди каттоо боюнча чечим кабыл алды: - Алиева Эльмирахан Кочорбаевна; - Апсабырова Гүлнура Байышовна; - Атабекова Кызжибек Азимжановна; - Базаркулова Нурсыйда Манасовна; - Бейшенкул уулу Амантур; - Белеков Мелис Касымович; - Жолдошов Түмөнбек Эркинбекович; - Мажитова Шарапаткан; - Мамасадыков Замирбек Дуйшалыевич; - Маматаев Эркинбек Садырбекович; - Юлдашева Зиядахан Исламовна.   Аталган талапкерлердин шайлоо документтери талапкерлер, саясий партиялар тарабынан сунушталган шайлоо документтерин кабыл алуу жана текшерүү боюнча жумушчу топ тарабынан Жогорку Кеңештин депутаттыгына талапкерлерге коюлуучу мыйзамдардын талаптарына ылайык келери аныкталган жана аларды каттоо сунушталган.   Катталган талапкерлерге белгиленген үлгүдөгү ырастамалар берилет.

Өткөрүү датасы: 2026-жылдын 2-февралы Убактысы: 12.30 Өткөрүлүүчү жери: жыйналыштар залы   Алиева Эльмирахан Кочорбаевнаны №13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Апсабырова Гүлнура Байышовнаны № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Атабекова Кызжибек Азимжановнаны № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Базаркулова Нурсыйда Манасовнаны № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Бейшенкул уулу Амантурду № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Белеков Мелис Касымовичти № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Жолдошов Түмөнбек Эркинбекович № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Мажитова Шарапатканды № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Мамасадыков Замирбек Дуйшалыевичти № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Маматаев Эркинбек Садирбековичти № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Юлдашева Зиядахан Исламовнаны № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына өзүн-өзү көрсөтүү тартибинде талапкерлигин көрсөткөн Мурашев Нурбек Мурпазылжановичтин шайлоого катышуудан баш тартуу тууралуу арызы жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы)

Кыргыз Республикасынын Борбордук шайлоо комиссиясы бүгүн, 30-январда № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына өзүн-өзү көрсөтүү тартибинде талапкерлигин көрсөткөн жарандардын 2026-жылдын 1-мартына дайындалган мөөнөтүнөн мурда өтүүчү парламенттик шайлоого катышуудан баш тартуу тууралуу арыздарын карады. Шайлоого катышуудан баш тартуу тууралуу арыздарын Асамудинов Бактыбек Асанович жана Исраилжан уулу Өсөрбек беришкен. КР БШКсы жогоруда аталган жарандардын арызын эске алды.

Кыргыз Республикасынын Борбордук шайлоо комиссиясы бүгүн, 30-январда №13 көп мандаттуу шайлоо округу боюнча Жогорку Кеңештин депутаттыгына өзүн-өзү көрсөткөн төмөнкү талапкерлерди каттоо боюнча чечим кабыл алды: - Абдималиков Уланбек Абдималикович; - Султанова Айжан Абдыкапаровна; - Темирбаева Махсудахан Юлчиевна.   Аталган талапкерлердин шайлоо документтери талапкерлер, саясий партиялар тарабынан сунушталган шайлоо документтерин кабыл алуу жана текшерүү боюнча жумушчу топ тарабынан Жогорку Кеңештин депутаттыгына талапкерлерге коюлуучу мыйзамдардын талаптарына ылайык келери аныкталган жана аларды каттоо сунушталган. Катталган талапкерлерге белгиленген үлгүдөгү ырастамалар берилет.

Өткөрүү датасы: 2026-жылдын 30-январы Убактысы: 12.30 Өткөрүлүүчү жери: жыйналыштар залы   Темирбаева Махсудахан Юлчиевнаны №13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Берикбаева К.К., шайлоолорду уюштуруу бөлүмүнүн башчысы) Абдималиков Уланбек Абдималиковичти №13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Берикбаева К.К., шайлоолорду уюштуруу бөлүмүнүн башчысы) Султанова Айжан Абдыкапаровнаны № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоо жөнүндө (баяндамачы – Берикбаева К.К., шайлоолорду уюштуруу бөлүмүнүн башчысы) № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына өзүн-өзү көрсөтүү тартибинде талапкерлигин көрсөткөн Асамудинов Бактыбек Асановичтин шайлоого катышуудан баш тартуу тууралуу арызы жөнүндө (баяндамачы – Берикбаева К.К., шайлоолорду уюштуруу бөлүмүнүн башчысы) № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына өзүн-өзү көрсөтүү тартибинде талапкерлигин көрсөткөн Исраилжан уулу Өсөрбектин шайлоого катышуудан баш тартуу тууралуу арызы жөнүндө (баяндамачы – Берикбаева К.К., шайлоолорду уюштуруу бөлүмүнүн башчысы)

Бүгүн, 2026-жылдын 29-январында саат 18:00дө 2026-жылдын 1-мартына белгиленген № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоого талапкерлерди көрсөтүү мөөнөтү аяктады. Жалпысынан 31 талапкер көрсөтүлдү (эркектер – 21, аялдар – 10). Бүгүнкү күнгө карата 11 талапкер катталды, 4 талапкер шайлоого катышуудан баш тартты, 1 талапкерди БШК каттоодон баш тартты.

Кыргыз Республикасынын Борбордук шайлоо комиссиясы бүгүн, 29-январда № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоодо депутаттыкка талапкер катары өзүн-өзү көрсөткөн жарандардын ыйгарым укуктуу өкүлдөрүн каттады: - Шарапаткан Мажитованын ыйгарым укуктуу өкүлдөрү: шайлоо маселелери боюнча – М.Ж. Жумалиев, каржы маселелери боюнча – Т.С. Чүкөтаева; - Мамасадыков Замирбек Дуйшалыевичтин ыйгарым укуктуу өкүлдөрү: шайлоо маселелери боюнча – Н.А. Токтосунов, каржы маселелери боюнча – К.К. Кубанычбекова; - Юлдашева Зиядахан Исламовнанын ыйгарым укуктуу өкүлдөрү: шайлоо маселелери боюнча – К.К. Нышанов, каржы маселелери боюнча – Г.А. Мурзакулова; - Мурашев Нурбек Мурпазылжановичтин ыйгарым укуктуу өкүлү: шайлоо маселелери боюнча – Б.С. Козуев; - Бейшенкул уулу Амантурдун ыйгарым укуктуу өкүлү: шайлоо маселелери боюнча – Кадырсултан уулу Сапарбек. - Маматаев Эркинбек Садирбековичтин ыйгарым укуктуу өкүлү: каржы маселелери боюнча – Б.Ж. Раимбеков. Ал эми Маматаев Эркинбек Садирбековичтин каржы маселелери боюнча ыйгарым укуктуу өкүлү болуп Борбордук шайлоо комиссиясынын 2026-жылдын 15-январындагы № 3 чечими менен катталган Ирисалиев Акпарали Алтымышовичке берилген каттоо ырастамасы жараксыз деп таанылды. Талапкерлердин ыйгарым укуктуу өкүлдөрүнө белгиленген үлгүдөгү каттоо ырастамалары берилет.