Жаңылыктар

Кыргыз Республикасынын Борбордук шайлоо комиссиясы бүгүн, 11-февралда талапкерлер тарабынан үгүт шарттарын бузган жагдайларды карап, үч талапкерге, бир жаранга жана бир ЖМКга айып пулдарды салды. Шайлоочуларга жана шайлоо процессинин башка субъекттерине маалымат берүү жана үгүт жүргүзүү эрежелери боюнча Жумушчу топтун социалдык тармактарга жүргүзгөн мониторингдин натыйжасында, 2026-жылдын 17-январында “Эркинбек Кырбашев” аттуу Facebook социалдык тармагынын колдонуучусу талапкер Гулнура Апсабырованын кайсы тармактарда эмгектенгенин, “мекенчил айым” экенин, Кыргыз Республикасынын Президенти С. Жапаровду 2015-жылдан бери колдоп келе жатканын белгилеп, постко мамлекеттик жогорку кызматтагы адамдар менен бирге түшкөн сүрөтүн тиркеген. Гулнура Апсабырова ошол эле күнү аталган постту бөлүшүп, шайлоого катышуу чечимин кабыл алганын жана көрсөтүлгөн колдоого ыраазычылык билдирген. Facebook социалдык тармагындагы баракчасына жайгаштырылган фотоматериалдарга ылайык, талапкер тарабынан шайлоо алдындагы үгүт иштеринин шарттары бузулгандыгы аныкталган. Жумушчу топ тарабынан 2026-жылдын 6-февралында республикалык “Кыргыз Туусу” гезитинин № 8 (24978) санынын беттеринде Жогорку Кеңештин депутаттыгына көп мандаттуу № 13 шайлоо округу боюнча талапкерлер Абдразакова Гульнара Пазылжановнанын жана Эгембердиев Арсланбек Абдыкайимовичтин шайлоо алдындагы программалары, ошондой эле маалыматтык материалдары жарыяланганы аныкталган. 2026-жылдын 1-мартына дайындалган № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоону даярдоо жана өткөрүү боюнча негизги уюштуруу-практикалык иш-чаралардын календардык планына ылайык, 2026-жылдын 9-февралы шайлоо алдындагы үгүт башталган күн деп белгиленген. Кыргыз Республикасынын Борбордук шайлоо комиссиясына Жалал-Абад облусунун Ички иштер башкармалыгынын Базар-Коргон райондук ички иштер бөлүмүнөн жаран Чилянов Нуралы Асановичтин шайлоо алдындагы үгүт шарттарын бузгандыгы тууралуу материалдар келип түшкөн. Келип түшкөн материалдарга ылайык, 2026-жылдын 6-февралында WhatsApp мессенджериндеги 1978-жылкы жарандардын тобунда Н.А. Чилянов № 13 көп мандаттуу шайлоо округу боюнча талапкер Чомоев Алмазбек Алтынбековичти колдоого чакырып, “Элим үчүн кызмат кылам” аттуу үгүт баракчасын таратып жаткандыгы аныкталган. Жумушчу топ талапкерлер Апсабырова Гүлнура Байышовнага, Абдразакова Гульнара Пазылжановнага, Эгембердиев Арсланбек Абдыкайимовичке жана Базар-Коргон районунун тургуну Чилянов Нуралы Асановичке карата Укук бузуулар жөнүндө кодексинин 65-беренесинде каралган 75 эсептик көрсөткүч өлчөмүндө административдик айып пул түрүндө жоопкерчилик чарасын колдонууну сунуштаган. Жогоруда баяндалгандардын негизинде, шайлоо мыйзамдарын жетекчиликке алып, КР БШКсы №13 шайлоо округунан талапкерлер Г. Апсабыровага, Г. Абдразаковага, А. Эгембердиевге жана Н. Чиляновго административдик укук бузуу жөнүндө протокол түзүп, 75 эсептик көрсөткүч өлчөмүндө, ал эми «Кыргыз Туусу» жалпы улуттук гезитине 280 эсептик көрсөткүч өлчөмүндө айып пул салуу милдетин КР БШКнын ыйгарым укуктуу кызмат адамына жүктөдү.

Кыргыз Республикасынын Борбордук шайлоо комиссиясы бүгүн, 11-февралда, өз жыйынында Сокулук, Ысык-Ата, Москва жана Кадамжай аймактык шайлоо комиссияларынын Кыргыз Республикасынын жергиликтүү кеңештеринин бир катар депутаттарынын ыйгарым укуктарын мөөнөтүнөн мурда токтотуу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитти. • Сокулук районунун Сары-Өзөн айылдык кеңешинин депутаты Темирканов Туратбек Улановичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Шамбеталиев Рамис Буланбековичке өткөрүлүп берилди; • Ысык-Ата районунун Узун-Кыр айылдык кеңешинин депутаты Султанбекова Саламат Султанбековнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Багаудинова Мадина Гайратовнага өткөрүлүп берилди; • Москва районунун Ак-Суу айылдык кеңешинин депутаты Эржан уулу Бекзаттын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Раимбеков Бекназар Мусаевичке өткөрүлүп берилди; • Москва районунун Ак-Суу айылдык кеңешинин депутаты Данияров Калмырза Данияровичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Мирлан уулу Алтынбекке өткөрүлүп берилди; • Кадамжай районунун Молдо Нияз айылдык кеңешинин депутаты Абдубаннопова Рузигул Абдумалик кызынын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Кулмаматова Зулхумор Машраповнага өткөрүлүп берилди; • Айдаркен шаардык кеңешинин депутаты Хамбаров Руслан Хамдамалиевичтин (“Ынтымак” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Саттиев Бобур Рустамовичке (“Ынтымак” саясий партиясы) өткөрүлүп берилди.  

Өткөрүү датасы: 2026-жылдын 11-февралы Убактысы: 14:00 Өткөрүлүүчү жери: жыйналыштар залы   2026-жылдын 1-мартына дайындалган № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоодогу шайлоо комиссияларынын добуш берүүнүн жыйынтыктары жөнүндө протоколдорунун жана жыйынды таблицасынын формаларын бекитүү жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Сокулук, Ысык-Ата, Москва жана Кадамжай аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитүү тууралуу (баяндамачы – Кожокеева М.Д., шайлоо процесстерин уюштуруу башкармалыгынын башчысы) 3. № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Апсабырова Гүлнура Байышовнанын шайлоо алдындагы үгүт шарттарын бузгандыгы жөнүндө (баяндамачы – Закиров А.М., укуктук камсыздоо бөлүмүнүн эксперти) 4. Жаран Чилянов Нуралы Асановичтин шайлоо алдындагы үгүт шарттарын бузгандыгы жөнүндө (баяндамачы – Закиров А.М., укуктук камсыздоо бөлүмүнүн эксперти 5. № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкерлер Абдыразакова Гүльнара Пазылжановнанын жана Эгембердиев Арсланбек Абдыкайымовичтин шайлоо алдындагы үгүт шарттарын бузгандыгы жөнүндө (баяндамачы – Закиров А.М., укуктук камсыздоо бөлүмүнүн эксперти

№13 көп мандаттуу шайлоо округу боюнча Жогорку Кеңештин депутаттыгына талапкерлердин жолугушуулары бүгүн, 10-февралда Ноокен районунун Кочкор-Ата шаарында жана Момбеков айыл аймагында өттү. Жолугушуулардын жүрүшүндө шайлоочулар талапкерлерге айыл чарба, ичүүчү таза суу, сугат суу, энергетикалык маселелерге байланыштуу бир катар суроолорду беришти. Өз кезегинде талапкерлер программаларынын алкагында шайлоочулардын суроо-талаптарына жооп берип, жогорудагы көйгөйлөрдү чечүүдө бир катар мыйзам долбоорлорун иштеп чыгуу зарыл экендигин билдиришти. «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» конституциялык мыйзамдын 26-беренесинин 1-бөлүгүнө ылайык, жолугушуулар бардык талапкерлерге бирдей шартта уюштурулат. Талапкерлердин шайлоочулар менен жолугушуулары 2026-жылдын 9-февралынан 13-февралына чейин уланат. Эске салсак, жолугушууларды округдук шайлоо комиссиялары жергиликтүү өз алдынча башкаруу органдары менен биргеликте алдын ала бекитилген графикке ылайык уюштурушууда.  

№13 көп мандаттуу шайлоо округу боюнча Жогорку Кеңештин депутаттыгына талапкерлердин жолугушуулары бүгүн, 9-февралда Ноокен районунун Д.Садырбаев жана Э.Алиев айыл аймактарында башталды. Шайлоочулар программалардын алкагында талапкерлерге суроолорду узатышып, ар кыл тармактагы көйгөлөрдү чечүү максатында мыйзамдарды иштеп чыгуу боюнча сунуштарын беришти. Ошондой эле аймактагы социалдык, инфраструктуралык маселелер да козголду. «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» конституциялык мыйзамдын 26-беренесинин 1-бөлүгүнө ылайык, жолугушуулар бардык талапкерлерге бирдей шартта уюштурулат. Талапкерлердин шайлоочулар менен жолугушуулары 2026-жылдын 9-февралынан 13-февралына чейин уланат. Эске салсак, жолугушууларды округдук шайлоо комиссиялары жергиликтүү өз алдынча башкаруу органдары менен биргеликте алдын ала бекитилген графикке ылайык уюштурушууда. 13-округдун талапкерлеринин шайлоочулар менен жолугушуу графиги      

Бүгүн, 9-февралда №13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоо алдындагы үгүт иштери башталды. «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» контитуциялык мыйзамга ылайык, шайлоо алдындагы үгүт бардык талапкерлерди каттоо мөөнөтү аяктаган күндөн башталып, добуш берүүгө 24 саат калганда токтойт. Алдыдагы шайлоо № 13 шайлоо округу боюнча кайра өткөрүлүп жаткандыктан, жалпы шайлоо процессинин мөөнөтү үчтөн бирге кыскартылган. Ошого ылайык, шайлоо алдындагы үгүт 20 күнгө уланат. Тактап айтканда, 2026-жылдын 9-февралынан 2026-жылдын 28-февралы, саат 08:00гө чейин. Кыргыз Республикасынын Борбордук шайлоо комиссиясы мөөнөтүнөн мурда өтө турган шайлоого катышуу үчүн жалпы 25 талапкерди каттаган, алардын 15 - эркектер, 10 - аялдар. Алардын ичинен үч талапкердин берген арыздарына ылайык, каттоосу жокко чыгарылды. 2026-жылдын 9-февралынан тартып талапкерлер, саясий партиялар жана башка кызыкдар жарандар шайлоочуларды белгилүү бир талапкерлер үчүн же аларга каршы добуш берүүгө үндөгөн, ошондой эле талапкерлердин шайлоо алдындагы программаларын эркин жана ар тараптуу талкуулоого багытталган ишмердүүлүктү жүргүзүүгө укуктуу. Бул учурда негизги талап - үгүт иш-чараларынын бардык формалары жана ыкмалары шайлоо мыйзамдарынын талаптарына ылайык болушу керек. Үгүттөө чогулуштарда, митингдерде, жалпыга маалымдоо каражаттары, ошондой эле интернет-басылмалары аркылуу жүргүзүлүшү мүмкүн. Шайлоо комиссиялары үгүт жүргүзүүнү жана шайлоочулар менен жолугушууларды өткөрүүнү камсыз кылууга тийиш. Мамлекеттик органдар жана жергиликтүү өз алдынча башкаруу органдары үгүт жүргүзүү үчүн республикалык бюджет каражаттарынын эсебинен жолугушууларды өткөрүүнүн бардык талаптарына ылайык келген жайды, үгүт материалдарын илүү үчүн орундарды же аянттарды берүүгө тийиш. Мыйзамга ылайык, төмөнкүлөр шайлоо алдындагы үгүт катары таанылат: - тигил же бул талапкер үчүн добуш берүүгө, же болбосо аларга каршы добуш берүүгө үндөөлөр; - айрым талапкерлерге карата колдоону билдирүү; - талапкерди шайлоонун же шайлабай коюунун мүмкүн болуучу кесепеттерин баяндап жазуу; - талапкерлердин, алардын кесиптик иштерине же алардын өздөрүнүн кызматтык (кызмат орундук) милдеттерин аткарууларына байланышпаган ишмердиги жөнүндө маалыматтарды таратуу. Талапкерлерге, саясий партияларга жалпыга маалымдоо каражаттарына жеткиликтүүлүктүн тең шарттарына кепилдик берилет. Шайлоо алдындагы үгүттөө төмөнкүдөй жүзөгө ашырылышы мүмкүн: - жалпыга маалымдоо каражаттары аркылуу; - концерттерди, театралдаштырылган оюндарды жана спорттук иш-чараларды кошпогондо, ачык үгүт иш-чараларын (митингдер, чогулуштар, теледебаттар жана башкалар) өткөрүү аркылуу; - басылма, көрмө-укма жана башка үгүт материалдарын чыгаруу жана таратуу жолу менен (үгүт материалдарын өлкөнүн аймагынан тышкары жерде даярдоого тыюу салынат, ар бир материалдын нускасы же көчүрмөсү БШКга тапшырылууга тийиш); - конституциялык мыйзамда тыюу салынбаган башка тариздерде. Төмөнкүлөргө үгүт жүргүзүүгө, кандай болбосун үгүт материалдарын чыгарууга жана таратууга тыюу салынат: - мамлекеттик жарандык жана муниципалдык кызматчыларга; - мамлекеттик саясий кызмат орундарын ээлеген адамдарга, Жогорку Кеңештин депутаттарын кошпогондо; - атайын мамлекеттик жана саясий муниципалдык кызмат орундарын ээлеген адамдарга, жергиликтүү кеңештердин депутаттарын кошпогондо; - шайлоо комиссияларынын мүчөлөрүнө; - байкоочуларга, эл аралык байкоочуларга; - диний ишмерлерге; - кайрымдуулук иштери менен алектенишкен уюмдардын уюштуруучуларына жана мүчөлөрүнө; - 18 жашка толо электерге; - чет элдик жарандарга жана уюмдарга; - жарандыгы жок адамдарга; - аймактык коомдук өз алдынча башкаруунун кызматкерлерине. Кыргыз Республикасынын аймагында таратылуучу чет өлкөлүк жалпыга маалымдоо каражаттарында шайлоо алдындагы үгүт жүргүзүүгө тыюу салынат. Шайлоо мезгилинде чет өлкөлүк теле жана радио программалар жазылып алынган түрүндө көрсөтүлөт. Талапкерлердин ар-намысына, кадыр-баркына жана ишкердик беделине шек келтирген маалыматтарды камтыган теле жана радио программаларды алып көрсөтүүгө тыюу салынат. Мындай учурларда көрсөтүлгөн маалыматтарды тараткан жергиликтүү жалпыга маалымдоо каражаттары жоопкерчиликке тартылышат. Каржылоону талап кылган шайлоо алдындагы үгүт иштерин талапкерлер, талапкерлерди көрсөткөн саясий партиялар менен макулдашуу боюнча жана алардын шайлоо фонддору аркылуу гана жүргүзүүгө уруксат берилет.

Кыргыз Республикасынын Борбордук шайлоо комиссиясы бүгүн, 9-февралда “Кара-Суу аймактык шайлоо комиссиясынын курамына өзгөртүүлөрдү киргизүү жөнүндө” токтом кабыл алды. Кара-Суу аймактык шайлоо комиссиясынын курамынан Сайпидинов Эмилбек Орозалиевич (“Ынтымак” саясий партиясынан) жана Джунусов Туратали Тойбекович (жергиликтүү өз алдынча башкаруунун өкүлчүлүктүү органынан) берген арыздарына ылайык чыгарылды. Ал эми алардын ордуна Гуламов Шоятбек Шакиржанович жана Нурматова Кызжибек Абдиллаевна (жергиликтүү өз алдынча башкаруунун өкүлчүлүктүү органынан) комиссиянын курамына киргизилди.

Кыргыз Республикасынын Борбордук шайлоо комиссиясы бүгүн, 9-февралда өз жыйынында Аламүдүн, Кара-Балта, Ноокат, Кара-Кулжа, Кара-Суу, Лейлек, Аксы, Сузак , Токтогул жана Түп аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитти. - Аламүдүн районунун Байтик Баатыр айылдык кеңешинин депутаты Аширкулов Кадырбек Биялиевичтин ыйгарым укугу берген арызынын негизинде токтотулду; - Кара-Балта шаардык кеңешинин депутаты Асаналиев Аскат Уланбековичтин (“Эл биримдиги” депутаттык фракциясы) ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Качкынбеков Актан Саматовичке (“Эл биримдиги” саясий партиясы) өткөрүлүп берилди; - Ноокат районунун Исанов айылдык кеңешинин депутаты Алымжан кызы Райкандын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Зулунова Сабиракан Жапаровнага өткөрүлүп берилди; - Кара-Кулжа районунун Алайку айылдык кеңешинин депутаты Абазев Илгиз Талгартбековичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Тешебаев Сирожидин Шарабидиновичке өткөрүлүп берилди; - Кара-Суу районунун Датка айылдык кеңешинин депутаты Вахидов Махамаджон Набижановичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Тешебаев Сирожидин Шарабидиновичке өткөрүлүп берилди; - Лейлек районунун Ак-Суу айылдык кеңешинин депутаты Кушбакова Замира Азимовнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Эргашов Анвар Ганыевичке өткөрүлүп берилди; - Аксы районунун Кош-Дөбө айылдык кеңешинин депутаты Исабеков Нургазы Бектеналиевичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Аттокуров Рустемалы Бабаназаровичке өткөрүлүп берилди; - 2026-жылдын 30-январындагы № 3 “Жергиликтүү кеңештердин депутаттарынын статусу жөнүндө” Кыргыз Республикасынын Мыйзамынын 3-беренесинин 9-пунктунун негизинде Сузак районунун Сузак айылдык кеңешинин депутаты Исакова Назира Бекмуратовнага карата соттун айыптоо өкүмү мыйзамдуу күчүнө киргенине байланыштуу ыйгарым укугу токтотулуп, бош калган мандат шайлоочулардын добуштарынын көбүн алып шайланган кийинки талапкер Маматова Гулмиракан Капаровнага өткөрүлүп берилди; - Токтогул районунун А. Суеркулов айылдык кеңешинин депутаты Жүндүбаева Бактыгүл Бактыяровнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Мурзабеков Мирулан Базымбековичке өткөрүлүп берилди; - Түп районунун Каркыра айылдык кеңешинин депутаты Муратова Нурзат Бейшебаевнанын ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Кыштобаев Тилек Омурбековичке өткөрүлүп берилди; - Түп районунун Ысык-Көл айылдык кеңешинин депутаты Кыдыров Асылбек Бердибековичтин ыйгарым укугу берген арызынын негизинде токтотулуп, бош калган мандат шайлоочулардын добуштарынын көбүн алып шайланган кийинки талапкер Алиев Нургазы Сансызбаевичке өткөрүлүп берилди.  

Кыргыз Республикасынын Борбордук шайлоо комиссиясы бүгүн, 9-февралда 2026-жылдын 1-мартына дайындалган №13 көп мандаттуу шайлоо округу боюнча Жогорку Кеңештин депутаттарын кайра шайлоодогу шайлоо бюллетендери жөнүндө маселени карады. Жогорку Кеңештин депутаттарын кайра шайлоодо №13 көп мандаттуу шайлоо округу боюнча шайлоо бюллетенинде талапкерлердин кезектүүлүгүн аныктоо боюнча өткөрүлгөн чүчүкулактын натыйжасы жөнүндөгү протоколго ылайык, №13 көп мандаттуу шайлоо округу боюнча шайлоо бюллетенинин формасы жана тексти бекитилди.

Кыргыз Республикасынын Борбордук шайлоо комиссиясы бүгүн, 9-февралда № 13 көп мандаттуу шайлоо округу боюнча Жогорку Кеңештин депутаттыгына талапкер Юлдашева Зиядахан Исламовнанын каттоосун жокко чыгарды. Шайлоого катышуудан баш тартуу тууралуу арызы менен талапкер З. Юлдашева КР БШКга 2026-жылдын 6-февралында кайрылган. Мындан тышкары, КР Борбордук шайлоо комиссиясы аталган талапкердин ыйгарым укуктуу өкүлдөрүнүн каттоосун жокко чыгарды жана аларга берилген каттоо ырастамаларын жараксыз деп тапты.

Өткөрүү датасы: 2026-жылдын 9-февралы Убактысы: 14.00 Өткөрүлүүчү жери: жыйналыштар залы   № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер Юлдашева Зиядахан Исламовнанын шайлоого катышуудан баш тартуу тууралуу арызы жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) 2026-жылдын 1-мартына дайындалган № 13 көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоодогу шайлоо бюллетенинин тексти жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы) Аламүдүн, Кара-Балта, Ноокат, Кара-Кулжа, Кара-Суу, Лейлек, Аксы, Сузак, Токтогул жана Түп аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, катталган талапкерлерди депутаттыкка талапкерлердин тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө чечимдерин бекитүү тууралуу (баяндамачы – Кожокеева М.Д., шайлоо процесстерин уюштуруу башкармалыгынын башчысы) Кара-Суу аймактык шайлоо комиссиясынын курамына өзгөртүүлөрдү киргизүү жөнүндө (баяндамачы – Кожокеева М.Д., шайлоо процесстерин уюштуруу башкармалыгынын башчысы)

Кыргыз Республикасынын Борбордук шайлоо комиссиясы №13-көп мандаттуу шайлоо округу боюнча Кыргыз Республикасынын Жогорку Кеңешинин депутаттарын кайра шайлоого шайлоочулардын контролдук тизмесин «Тизме» https://tizme.gov.kg/ порталында жайгаштырды. Шайлоочулардын контролдук тизмеси Калктын бирдиктүү мамлекеттик реестринде (КБМР) камтылган маалыматтарынын негизинде Кыргыз Республикасынын Президентине караштуу Иш башкармалыгынын алдындагы «Кызмат» мамлекеттик мекемеси (ММ «Кызмат») тарабынан түзүлдү. Шайлоочулардын контролдук тизмелери 2026-жылдын 9-февралына чейин 94 шайлоо участокторунда илинет. Контролдук тизмеде 161 344 шайлоочу бар, анын ичинен: - эркектер – 80 3418, же 49,84%; - аялдар – 80 926, же 50,16%. Жашы боюнча: - 18 жаштагылар – 602, же 0,37% - 19-35 жаштагылар – 67 442, же 41,80% - 36-45 жаштагылар – 35 917, же 22,26% - 46-55 жаштагылар – 23 518, же 14,58% - 56-65 жаштагылар – 19 688, же 12,20% - 66 жаштан жогоркулар – 14 277, же 8,79%. Шайлоочу өзүн тизмеден 2026-жылдын 18-февралына чейин (кошо алганда) текшере алат: - 1255 же 119 кыска номерлерине чалып; - шайлоо участогунан; - «tizme.gov.kg» сайтынан; - же ПИН-кодун (жарандык паспорттогу персоналдык идентификациялык номер) 119 кыска номерине SMS түрүндө жөнөтүп, жооп катары өзүнүн шайлоо участкасынын номери менен дарегин ала алат (SMS жана чалуулар акысыз). Кандайдыр бир каталарды же так эместикти тапкан учурда, шайлоочу 2026-жылдын 18-февралына чейин (кошуп алганда) электрондук форматта мыйзамдарда белгиленген тартипте авторлоштуруудан өтүп, “tizme.gov.kg” сайтында «Шайлоочунун кабинети» сервиси аркылуу арыз менен кайрылууга укуктуу. Шайлоочулардын тизмесинде жок болгон учурда, биометрикалык каттоодон өтпөгөн жарандар Калкты тейлөө борборлорунан (КТБ - ЦОН) бул жол-жободон өтө алышат.

Кыргыз Республикасынын Борбордук шайлоо комиссиясы бүгүн, 5-февралда Жалал-Абад облусунун Ноокен районунда №13 шайлоо округу боюнча талапкерлер, аймактык шайлоо комиссияларынын мүчөлөрү жана укук коргоо органдарынын өкүлдөрү үчүн окутуу өткөрдү. КР БШКнын мүчөсү Акбалык Жумалиева белгилегендей, окутуунун максаты – шайлоо процессине катышуучуларынын укуктук сабаттуулугун жогорулатуу жана шайлоо өнөктүгү маалындагы мыйзам бузуу учурларын алдын алуу болуп саналат. Окутууда төмөнкү маселелер талкууланды: • кайра шайлоонун өзгөчөлүктөрү жана добуш берүүнүн жыйынтыгын чыгаруу; • кайра шайлоого даярдык көрүүнүн алкагында укук коргоо органдары менен ыкчам өз ара аракеттенүү; • шайлоо фонддорун түзүү жана пайдалануу эрежелери; • үгүт иштерин жүргүзүүнүн өзгөчөлүктөрү; • шайлоо талаштарын кароо тартиби жана мыйзам бузгандыгы үчүн жоопкерчилик маселелери; • даттанууларды жана арыздарды кароо. Окутуу тажрыйба жана билим алмашуу, суроо-жооп форматында болуп, мурдагы шайлоо кампанияларынан мисалдар менен коштолду. БШКнын мүчөсү Акбалык Жумалиева баштаган аппараттын тиешелүү бөлүмдөрүнүн кызматкерлери катышуучуларга мыйзам талаптарын так сактоо боюнча практикалык сунуштарды берип, алардын суроолоруна жооп беришти. №13 көп мандатуу шайлоо округу боюнча Жогорку Кеңештин депутаттарын кайра шайлоону уюштурууга жана өткөрүүгө аймактык шайлоо комиссиясынын 15 мүчөсү, 94 участкалык шайлоо комиссиясынын 965 мүчөсү катышат.

Бүгүн, 5-февралда, Кыргыз Республикасынын Шайлоо жана референдум өткөрүү боюнча борбордук комиссиясында Бүткүл дүйнөлүк шайлоо күнүнө арналган маалыматтык-түшүндүрүү иш-чарасы өткөрүлдү. Иш-чара Кыргыз Республикасынын Борбордук шайлоо комиссиясынын алдындагы Жарандык билим берүү жана шайлоо технологиялары борбору (ЖБББ) тарабынан уюштурулуп, жаштар арасында жарандык жоопкерчиликти жогорулатууга, шайлоо маданиятын калыптандырууга жана жарандык иденттүүлүктү өнүктүрүүгө багытталды. Иш-чарага «Тенсай» мектебинин 21 окуучусу жана Кыргыз-Орус Славян университетинин «Саясат таануу» багыты боюнча билим алган 13 студенти катышты. Иш-чаранын алкагында КР БШКнын Төрагасы Тынчтык Шайназаров катышуучуларга Бүткүл дүйнөлүк шайлоо күнүнө карата аралыктан куттуктоо сөзү менен кайрылды. Ал өз сөзүндө бул күн мыйзамдын үстөмдүгү, жарандардын эркин жана аң-сезимдүү добуш берүү укугу, ошондой эле мамлекеттик институттардын коом алдындагы жоопкерчилиги сыяктуу жалпы демократиялык баалуулуктарды бекемдөөгө багытталганын белгиледи. Мындан тышкары, ал Бүткүл дүйнөлүк шайлоо күнү Кыргыз Республикасы үчүн шайлоо системасын өнүктүрүүдөгү жетишкендиктерди талдоого жана аны мындан ары өркүндөтүүнүн артыкчылыктуу багыттарын аныктоого мүмкүнчүлүк берерин белгилеп өттү. Ошондой эле шайлоолордун ачыктыгын жана айкындуулугун камсыз кылуу, жарандык билим берүүнү жана медиасабаттуулукту өнүктүрүү, жалган маалыматтарга каршы туруу маселелерине, ошондой эле демократиялык процесстерди өнүктүрүүдөгү жаштардын маанилүү ролуна өзгөчө көңүл бурулду. ЖБББнын ишмердүүлүгү жарандардын сынчыл ой жүгүртүүсүн өнүктүрүүгө жана шайлоолорго аң-сезимдүү катышуусун жогорулатууга багытталганы өзгөчө белгиленди. Катышуучуларды куттуктоо сөзү менен КР БШКнын төрагасынын орун басары Айдана Жупуева да кайрылып, Бүткүл дүйнөлүк шайлоо күнүнүн маанисин, жаштардын демократиялык процесстердеги ролун жана шайлоолорго аң-сезимдүү катышуунун зарылдыгын баса белгиледи. Иш-чаранын алкагында баяндамалар жана презентациялар менен төмөнкү баяндамачылар сөз сүйлөштү: Анара Бейшембаева, ЖБББнын директору; Чолпон Бапиева, ЖБББнын эксперти; Аскар Акимбаев, КР БШКнын маалыматтык-коммуникациялык технологиялар башкармалыгынын башчысы. Катышуучуларга Кыргыз Республикасындагы шайлоо системасы, шайлоо процессинин негизги этаптары, ошондой эле шайлоолорду уюштурууда жана өткөрүүдө колдонулган санариптик технологиялар тууралуу маалымат берилди. Өзгөчө көңүл шайлоо процессин санариптештирүү, шайлоолордун ачыктыгын жана ишенимдүүлүгүн жогорулатуу маселелерине бурулду. Мындан тышкары, иш-чаранын алкагында Кыргыз жараны жарандык иденттүүлүгүнүн баалуулуктары жана «Улуттук рух - дүйнөлүк бийиктиктер» (Уңгужол) Улуттук Доктринасынын жоболору каралып, алар жарандардын активдүү жарандык позициясын, жоопкерчилигин жана өлкөнүн келечегине болгон жоопкерчиликтүү мамилесин калыптандырууга багытталганы белгиленди. Алынган билимдерди бекемдөө максатында интерактивдүү оюн-викторина өткөрүлүп, анда катышуучулар шайлоо процесси боюнча өз билимдерин оюн форматында текшерип, талкууланган темаларга болгон жогорку кызыгуусун көрсөтүштү. Ошондой эле катышуучуларга КР БШКсы тарабынан жарыяланган «Эмне үчүн мен добуш берем / добуш бермекчимин?» аттуу конкурсу тууралуу маалымат берилип, ал жаштардын шайлоо маданиятын жогорулатууга, активдүү жарандык позициясын калыптандырууга жана шайлоолорго аң-сезимдүү катышуусун арттырууга багытталганы белгиленди. Бүткүл дүйнөлүк шайлоо күнүнө арналган мындай иш-чаралар шайлоо маданиятын өнүктүрүүгө, жаштардын жарандык активдүүлүгүн жогорулатууга жана демократиялык институттарга болгон ишенимди бекемдөөгө өбөлгө түзөт.

Кыргыз Республикасынын Борбордук шайлоо комиссиясы бүгүн, 5-февралда № 13 шайлоо округунда Жогорку Кеңештин депутаттыгына катталган талапкерлерди шайлоо бюллетенине киргизүү кезектүүлүгүн аныктоо жана мамлекеттик телерадио уюмдарынын каналдарында талапкерлерге акысыз эфир убактысын жана мамлекеттик мезгилдүү басылмаларда басма аянтын бөлүштүрүү боюнча чүчү кулак өткөрдү. Ошондой эле, талапкерлер 2026-жылдын 1-мартына дайындалган Жогорку Кеңештин депутаттарын кайра шайлоого катышуу үчүн меморандумга кол коюшту. Чүчү кулакка талапкерлер, катталган талапкерлердин ыйгарым укуктуу өкүлдөрү, массалык маалымат каражаттарынын өкүлдөрү жана коомдук байкоочулар катышты. Катталган талапкерлердин ортосунда шайлоо бюллетендерине киргизүүнүн кезектүүлүгүн аныктоо боюнча чүчүкулак каттоо мөөнөтү бүткөндөн кийин жана шайлоо бюллетенинин тексти бекитилгенге чейин жүргүзүлөт. Чүчү кулактын жыйынтыгында аныкталган шайлоо бюллетениндеги кезектүүлүктү жана меморандум текстин төмөнкү шилтемелер аркылуу көрүүгө болот: Протокол №1 №13 шайлоо округу боюнча Кыргыз Республикасынын Жогорку Кеңешинин депутаттыгына талапкерлерди шайлоо бюллетенине киргизүүнүн кезектүүлүгүн аныктоо үчүн чүчүкулак тартуунун жыйынтыгы жөнүндө Меморандум Протокол №2 Кыргыз Республикасынын Жогорку Кеңешинин депутаттыгына талапкерлерге №13 шайлоо округу боюнча акысыз эфирдик убакытты жана акысыз басма аянтын берүү үчүн  чүчүкулак тартуунун жыйынтыктары жөнүндө  

Кыргыз Республикасынын Шайлоо жана референдум өткөрүү боюнча борбордук комиссиясы бүгүн, 5-февралда өзүнүн жыйынында майыптардын "Сезим" коомдук фондунун 2026-жылдын 1-мартына дайындалган Кыргыз Республикасынын Жогорку Кеңешинин депутаттарын көп мандаттуу №13 шайлоо округу боюнча кайра шайлоого даярдык көрүүгө жана өткөрүүгө байкоо жүргүзүү ниети жөнүндө билдирүүсүн карап чыгып, эске алды. КР БШКнын чечимине ылайык, Майнаев Камилжан Кыргыз Республикасынын Жогорку Кеңешинин депутаттарын көп мандаттуу №13 шайлоо округу боюнча кайра шайлоого даярдык көрүү жана өткөрүү мезгилине №13 округдук шайлоо комиссиясында "Сезим" майыптар коомдук фондунан коомдук байкоочу болуп катталды. Катталган коомдук байкоочуга белгиленген үлгүдөгү ырастама берилет.