Борбордук шайлоо комиссиясы республиканын бардык аймактарында Башкы прокуратура, УКМК жана ИИМ менен биргеликте аймактык шайлоо комиссияларына жана облустук укук коргоо органдарынын кызматкерлерине окууларды өткөрүүдө. Бул иш-чаралардын максаты - 17-ноябрга дайындалган жергиликтүү кеңештерге шайлоолордо шайлоо мыйзамдарынын бузулушуна өз убагында чара көрүү боюнча Ыкчам чара көрүү координациялык топторунун (ТКК) мүчөлөрүн окутуу болуп саналат.
Тренингдерде тренерлер – КР Борбордук шайлоо комиссиясынын мүчөлөрү, ИИМдин, УКМКнын жана прокуратуранын адистери учурдагы жергиликтүү кеңештерге шайлоонун өзгөчөлүктөрү, шайлоо мыйзамдарын бузгандыгы үчүн кылмыш жоопкерчилигин нормалары тууралуу, ошондой эле шайлоо мыйзамдары чөйрөсүндөгү даттанууларды каттоонун жана кароонун тартиби жана алдыдагы шайлоолордо жасалган кылмыштар жана укук бузуулар боюнча сотко чейинки өндүрүш тууралуу баяндап беришүүдѳ. Укук бузууларды аныктоо боюнча иш-аракеттердин алгоритми, шайлоону даярдоодо жана өткөрүүдө добуштарды сатып алуу, административдик ресурсту кыянаттык менен пайдалануу менен күрөшүү чаралары талкууланды.
Укук коргоо органдары менен шайлоо комиссияларынын өз ара аракеттенүүсүнүн тартибин талкуулоодо шайлоо процессинин мыйзамдуулугун жана анын коопсуздугун камсыз кылууга катышкандардын баардыгынын иш-аракети бир түрдүү жана мыйзамда белгиленген компетенциялардын чегинде так болушу сунушталууда. .
Шайлоонун саясий мүнөзүн эске алуу менен бардык талапкерлер үчүн бирдей шарттарды түзүү жана практикалык өз ара аракеттерде аларга бирдей мамиле кылуу зарыл. Укук бузуулардын олуттуулук деңгээлине жараша жана аларды жоюу боюнча кѳрүлгѳн чараларга ѳзгѳчѳ кѳңүл буруу керек. Ошондой эле шайлоо процессинин кыска мөөнөттүү экендиги, б.а. бузууларды кароо боюнча иш-аракеттер тез жана мүмкүн болушунча кыска мѳѳнѳттѳ жүргүзүлүшү керектиги фактору да маанилүү болуп саналат, мыйзамда бул үчүн 3-5 күн берилет. Мыйзамдуулукту камсыз кылуу боюнча чараларды көрүү учурунда шайлоонун маанилүү принциптеринин бирин – алардын ачыктыгын эстен чыгарбоо зарыл. Бул шайлоо учурундагы мыйзам бузууларды кароо ачык жана айкын болушу керек дегенди билдирет. Мыйзам ар бир мыйзам бузуу боюнча көрүлгөн чаралар жөнүндө ыкчам маалымат алмашууну жана аны каттоо, кароонун жүрүшү жана кабыл алынган чечимдер Кылмыштардын жана жоруктардын бирдиктүү реестринде (КЖБР), БШКнын сайтында токтоосуз чагылдырылышын талап кылат.
Тренингдин катышуучулары жарандардын укуктарын толук ишке ашырууну камсыз кылуу чаралары административдик жана башка таасир этүүчү факторлорсуз ѳз мүдѳѳсүн эркин билдирүү шартында жүргүзүлүүгѳ тийиш деген пикирин билдиршти.
БШКда ЫЧКТ Катчылыгы бекемделет, анын милдеттерине мыйзам бузуулар жөнүндө даттанууларды жана арыздарды кабыл алуу, материалдарды компетенциялары боюнча тиешелүү органга өткөрүп берүү, чечимдерди кабыл алуунун жүрүшүнө андан ары мониторинг жүргүзүү жана аларды КЖБР, БШКнын сайтында жайгаштыруу кирет.
Буга чейин Баткен, Нарын, Ош жана Ысык-Көл облустарында ЫЧКТ мүчөлөрү окуудан өтүшкѳн. Алардан кийин 16-17-октябрда Жалал-Абад жана Талас облустарында ѳткѳрүлѳт, ал эми тренингдерди ѳткѳрүү Чүй облусу менен Бишкек шаарында жыйынтыкталат. Жалпысынан бардыгы болуп 8 окутуу тренингилери пландаштырылган.
