2023-жылдын 28-майы - Бишкек шаарынын Ленин шайлоо округунан Жогорку Кеңештин депутатын шайлоо күнү.
Мониторингдин жыйынтыгы жана Ленин райондук комиссиясынын сунушунун негизинде БШК Жогорку Кеңештин депутаттыгына талапкер Сариев Улан Алмасбековичтин үгүт материалы боюнча маселени карады.
Талапкер У.А Сариевдин үгүт видеосунда - өзүнүн ишинин натыйжасында - Бишкек шаарынын Ленин районундагы социалдык инфраструктура объектилерин куруу жана жакшыртуу боюнча - көчөнүн тротуарлары бар бөлүгүн, балдар аянтчасын, курулушу аяктай элек сейил бакты, текстиль технологиясы классы, №2 ҮДТнын имараты менен кеңселери жана орто мектептин чатырын куруу жана жакшыртуу иштери жөнүндө айтып берет.
КР БШКнын жумушчу тобунун жыйынында талапкер У.А. Сариевдин берген түшүндөрмөсү угулду жана андан бул иштер талапкердин Бишкек шаардык кеңешинин депутаты болуп иштеп турган учурунда аткарылганы аныкталды.
Ал арада, үстүбүздөгү жылдын 20-майында. БШКнын жумушчу тобунун суроо-талабы боюнча Бишкек шаарынын мэриясынын Ленин административдик округу боюнча муниципалдык башкармалыгынан жооп алынды жана үгүт видеоматериалында көрсөтүлгөндөрдүн ичинен алты социалдык инфраструктура объектилерин түзүү жана оңдоо иштери шаардык бюджеттен каржыланып, сатып алуу иштери №3 муниципалдык аймактык башкармалыгы тарабынан жүргүзүлгөндүгү аныкталды.
* Булар Өмүр жана Ашар көчөлөрүн бойлото салынган тротуарлар, Жолон-Боз Салкын жана Кабыл-Найман көчөлөрүн бойлото курулган балдар спорт аянтчасы, Ашар-Арабаев көчөсүн бойлой курулган коомдук бакчасы, анын ичинде No77 орто мектебинин спорт залынын чатырын куруу иштери жана № 88 орто мектепте ачылган технологиялык класс.
2023-жылдын 23-майында Бишкек шаардык кеңешинен «БГКда жогоруда аталган объектилерди каржылоо булактары тууралуу маалымат жок» деген жооп келген.
Жогоруда айтылгандай, талапкер Сариев У.А. жергиликтүү өз алдынча башкаруунун өкүлчүлүктүү органынын – Бишкек шаардык кеңешинин депутаты болуп саналат.
«Борбордун статусу жөнүндө» Кыргыз Республикасынын Мыйзамынын 10-беренесинин 1-бөлүгүнө ылайык:
«Бишкек шаардык кеңеши шаардык өз алдынча башкаруунун шайлануучу өкүлчүлүктүү органы болуп саналат, мыйзамда белгиленген тартипте шаардын жамааты тарабынан тике шайланат жана өз ишин коллегиалдуу негизде жүргүзөт».
«Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамына ылайык, шаарлардын жергиликтүү кеңештери жергиликтүү бюджетти жана анын аткарылышы жөнүндө отчетту бекитүү жөнүндө маселени кароого жана чечим кабыл алууга ыйгарым укуктуу.
Бишкек шаардык кеңештин жергиликтүү бюджеттин финансысын контролдоо жана аларды бөлүштүрүү боюнча ыйгарым укуктары кеңештин коллегиалдуу чечимдерин кабыл алуу жана жергиликтүү өз алдынча башкаруунун аткаруу органы тарабынан чечимдердин аткарылышын контролдоо аркылуу ишке ашырылуучу кеңештин институционалдык ресурсу болуп саналат.
Жергиликтүү кеңештин жеке депутатынын шайлоодо жергиликтүү өз алдынча башкаруу органдарынын - шаардык кеңештин жана Бишкек шаарынын мэриясынын ишинин жыйынтыктарын үгүт материалында өзүнүн жеке эмгегинин алкагында пайдалануусу. каржылоо аспектилерин тактоо ж.б. - мыйзамсыз болуп саналат, шайлоодо үгүт жүргүзүүдө депутат болуп саналбаган жана мындай институттук ресурсу жок башка талапкерлерге караганда депутатка артыкчылыктарды түзөт, талапкерлердин тең укуктуулугун бузат.
Жумушчу топ талапкерлер жана алардын программалары боюнча үгүт иштерин жүргүзүү шайлоочулардын эркин аң-сезимдүү жана эркин билдирүүсүн калыптандыруу максатында шайлоочуларды маалымдоонун бир бөлүгү экенин эске салат.
Ошону менен бирге мыйзамда белгиленген талаптарды жана эрежелерди сактоо, анын ичинде талапкерлер тарабынан шайлоочуларга ишенимдүү маалымат берүү талап.
Жумушчу топтун сунушу менен БШК талапкерге оозеки эскертүү берип, бул видеоматериалды үгүт материалы катары колдонбоого милдеттендирди.
Ошол эле учурда талапкер У.Сариев жана анын ыйгарым укуктуу өкүлү айтылган тыянактарга макул болуп, үгүт учурунда бул видеону колдонбоого даяр экендиктерин билдиришти.
Маалымат ирээтинде:
«Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 21-1-беренесинин 1-бөлүгүнө ылайык:
«Административдик ресурсту кыянаттык менен пайдалануу – бул шайлоодо талапкерлердин, кызмат адамдарынын, мамлекеттик жана муниципалдык уюмдардын жетекчилеринин, жалпыга маалымдоо каражаттарынын жана интернет-басылмалардын мүчөлөрүнүн жана уюштуруучуларынын өздөрүнүн көзөмөлүнүн натыйжасында алынган адамдык, финансылык, материалдык, массалык маалымат каражаттарын, институттук ресурстарды кыянаттык менен пайдалануусу мамлекеттик жарандык жана муниципалдык кызматчыларга же мамлекеттик, муниципалдык ишканалардын, мекемелердин, ишканалардын үлүшү 30 пайыздан ашкан мамлекеттик (муниципалдык) үлүшү бар кызматкерлердин үстүнөн, каржы жана аларды бөлүштүрүү айрым талапкерлер же саясий партияларды колдоонун саясий же башка формаларына айланат жана бардык талапкерлердин тең укуктуулугун бузат».
КР БШКсынын маалымат бөлүмү
