Добуш берүүгө укугу бар Кыргыз Республикасынын жарандары, шайлоочулардын тизмесине катталуу үчүн 30-сентябрга чейин өздөрүнүн биометрикалык маалыматтарын тапшыра берсе болот.

КР Мамлекеттик каттоо кызматы жарандардан биометрикалык маалыматтарды кабыл алууну  республика боюнча ТИРКЕМЕДЕ көрсөтүлгөн биометрикалык маалыматтарды кабыл алуу пункттарында кабыл алат. 

16-августан баштап, “Өзүңдү шайлоочулардын тизмесинен текшер!” аттуу улуттук маалыматтык  кампания башталды. Ар бир кыргызстандык 30-сентябрга чейин өзүнүн жеке маалыматтарын тактап алат.Тизме Борборшайлоокомдун сайтында https://shailoo.srs.kg/. жайгаштырылган.

Эгерде, шайлоочу өзүнүн маалыматтарында катаны,  так эмести же өзүн тизмеден таппай калса, өзүнүн участкасына барып, шайлоо комиссиясына №3 формасында арыз жазуусу керек. 

Эгерде, шайлоочу башка шайлоо участкасында добуш берип калса, 30-сентябрга чейин (катталган жери эмес, шайлоо дареги боюнча) демейдегидей эле тийишелүү шайлоо участкасына  барып, №2 формасындагы арыз толтуруп,  шайлоо комиссиясына  кайрылуу керек.

Кыргызстандыктар менен дайыма байланышта болуучу WhatsАpp каналы: +996 770-660 240 жана коомдук кабылдама иштеп жатат. Тел.:0(312) 660 240. Дайыма катарыңда! Дайыма байланышта!

КР БШК аппаратынын маалыматтык бөлүмү