2016-жылдын 22-декабрында КР БШК жыйынында Кыргыз Республикасынын 2016-жылдын 11-декабрындагы референдумунда (жалпы элдик добуш берүүдө) 18 референдум участогунда добуш берүүнүн жыйынтыктарын жараксыз деп табуу жөнүндө №243 токтомду кабыл алды.
Токтомдо Кыргыз Республикасынын референдумунда жана жергиликтүү кеңештеринин депутаттарын шайлоодо добуш берүүнүн жыйынтыктары жөнүндөгү протоколдорду кабыл алуу боюнча жумушчу тобуна 54 аймактык шайлоо комиссиясынан тиешелүү региондор боюнча добуш берүүнүн жыйынтыктары жөнүндөгү протоколдор (анын ичинде 2 352референдум участогунда добуш берүүнүн жыйынтыктары жөнүндөгү протоколдор) келип түштү.
“Кыргыз Республикасынын референдуму жөнүндө” Кыргыз Республикасынын конституциялык мыйзамынын 35-беренесин жетекчиликке алып, Борбордукшайлоо комиссиясы өз токтому менен:
1. Ноокат аймактык шайлоо комиссиясынын 2016-жылдын 16-декабрындагы №17, Ош шаардык аймактык шайлоо комиссиясынын 2016-жылдын 14-декабрындагы №36 чечимдерин бекитти. Участкалык референдум комиссияларынын референдумда добуш берүүнүн жыйынтыктары жөнүндөгү протоколдорун аймактык шайлоо комиссиялары тарабынан кабыл алуу учурунда 13 референдум участкасында добуш берүүнүн жыйынтыктары жараксыз деп табылган. (Ноокат аймактык шайлоо комиссиясы тарабынан 2016-жылдын 16-декабрындагы №17 чечими менен №№5389, 5390, 5391,5392, 5393, 5398, 5399, 5452 участкаларында, Ош шаардык аймактык шайлоо комиссиясы тарабынан 2016-жылдын 14-декабрындагы №36 чечими менен №№ 5317, 5291, 5560, 5285, 5290 участкаларында). Жалал-Абад шаарынын №2096 референдум участкасындагы добуш берүүнүн жыйынтыгы Борбордук шайлоо комиссиясынын чечими менен жокко чыгарылган.
2. Өзгөн районундагы № 5057 референдум участкасында, Кара-Суу районунундагы №№ 5205, 5237 референдум участкасында, Сузак районундагы №2007 референдум участкаларында добуш берүүнүн жыйынтыктарын жараксыз деп тапты.Жумушчу топ тарабынан протоколдордогу камтылган маалыматтарды текшерүүнүн натыйжасында Ош облусунун Өзгөн районундагы № 5057 референдум участкасында, Кара-Суу районундагы №№ 5205, 5237 референдум участкаларында, Жалал-Абад облусунун Сузак районундагы №2007 референдум участкасында “Кыргыз Республикасынын референдуму жөнүндө” Кыргыз Республикасынын конституциялык мыйзамынын 32, 35, 37-беренелеринин талаптары бузулгандыгы аныкталды.
3. Кыргыз Республикасынын Шайлоо жана референдум өткөрүү боюнча борбордук комиссиясы Кыргыз Республикасынын референдумунда добуш берүүнүн жыйынтыктары жөнүндөгү протоколун түзүүдө көрсөтүлгөн референдум участкаларындагыдобуш берүүнүнжокко чыгарылган жыйынтыктарыэске алынды.
КР БШК басма сөз кызматы
