БШКга Чүй облусунун ички иштер башкы башкармалыгынан Жайыл районунун ички иштер бөлүмүндө 2016-жылдын 10-декабрында №2700 мененкатталган«Жаңы-Шаар» саясий партиясынын өкүлдөрү тарабынан мыйзамдарды бузган фактылар боюнчаматериалдардын көчүрмөлөрү түштү.
Укук коргоо органдары берген материалдарга ылайыкЖ. Сабырбеков аттуу жаран Жайыл районунун ички иштер бөлүмүнө2016-жылдын 9-декабрындаКара-Балта шаарынын аймагында тамак-аш азыктары жана 200 сом үчүн «Жаңы-Шаар» партиясынын(шайлоо бюллетенинде №5) пайдасына добуштарды сатып алууга ниеттенишкен эки аялга карата чара көрүү тууралуу арыз менен кайрылган.
Андан тышкары, Чүй облусунун ИИББ тарабынан Жайыл районунунКара-Балта шаарынын 23 тургунунан Жайыл районунун ИИБ башчысынын ысмына жазылган арыз көрсөтүлдү. Алар арызында Кара-Балта шаарында жайгашкан «Азия-2» базарынын башчысы Сегизбаева С.ар бир арендатордон уулу менен кызынын талапкерлиги көрсөтүлүп жаткан «Жаңы-Шаар» партиясы үчүн добуш берүүсү үчүн шайлоого 10 адамдан алып келүүсүн талап кылып, шайлоочуларга – аталган базардын арендаторлоруна кысым көрсөтүп жатканын билдиришкен. Сегизбаева С. аталган партия үчүн тийиштүү добушту камсыздабаган арендатордунижара акысын добуш берүү күнүнөн кийин эки эсе көбөйтөрүн айткан.
БШКнын даттанууларды жана арыздарды кароо боюнча жумушчу тобу «Жаңы-Шаар» партиясынын төрагасы Т. Нааматбековдун маалыматын угуп, материалдарды карап чыкты. Карап чыгуунун натыйжасында мыйзамдарды одоно бузгандыгы үчүн жумушчу топ Борбордук шайлоо комиссиясына Кара-Балта шаардык кеңештин депутаттарын шайлоодо «Жаны-Шаар» саясий партиясынын талапкерлеринин тизмеси боюнча добуштардын жыйынтыктарын жараксыз деп табууну сунуштады. Ушуга ылайык Кара-Балта шаарынын бирдиктүү шайлоо округу боюнча «Жаны-Шаар» саясий партиясынын талапкерлеринин тизмеси үчүн белгиленген бюллетендерди дагыжараксыз деп табуу чечилди. Ушундан улам Жайыл аймактыкшайлоо комиссиясыКара-Балта шаардык кеңешке шайлоодо добуш берүүнүн жыйынтыктары жана шайлоонун натыйжалары тууралуу протоколдорду БШКнын «Жаны-Шаар» саясий партиясы көрсөткөн талапкерлердин тизмеси үчүн берилген добуштардыжараксыз деп табуу жөнүндө токтомуна ылайык келтирүүгө тийиш.
Жумушчу топтун жана БШКнын жыйындарында «Жаңы-Шаар» партиясынын төрагасы Т. Нааматбековдун маалыматы угулуп, ал жакын тууганы – энеси Сегизбаева С. тарабынан чындыгында эле “жаңылыштык” кетирилгенин мойнуна алды жана жеке жоопкерчилик тартууга даярдыгын билдирди, бирок партияны жазалабастан, тизмени каттоону жоккочыгарууну суранды. Ал өзү бул партиядан талапкерлердин тизмесинин башында турганын жана талапкерлердин тизмесинде анын карындашы жана бир тууганы бар экенин эске салабыз.
БШК мүчөлөрү жыйында жумушчу топ сунуштаган чечимдин долбоорун бир добуштан колдошту. БШК чечими укук коргоо органдарына жөнөтүлмөкчү.
БШК төрагасы Н. Шайлдабекова кабыл алынган чечимдин жыйынтыгы боюнча «Жаңы-Шаар» партиясынын төрагасы Т. Нааматбековго кайрылып, шайлоочуларды сатып алуу учурда шайлоо процессинин кадыр-баркын кетирген негизги мыйзам бузуулардан болуп саналарын, БШК шайлоодо оң жыйынтыктарга жетүү үчүн сатып алууну пайдаланган адамдарга жана уюмдарга карата шайлоо мыйзамдарынын алкагында мүмкүн болгон чараларды көрөрүн белгиледи.
“Партиялардын милдети – жарандардын топторунун кызыкчылыктарын билдирүү. Жаш партиялар шайлоого катышардан мурда шайлоо мыйзамдарын жоопкерчилик менен окуп-үйрөнүүгө жана жеңишке жетишүү жана шайлоочулардын добушун алуу үчүн мыйзамдуу ыкмалар менен мамилелерди гана колдонууга тийиш. Партиянынтөрагасы катары Сиз жалпысынан партиянын шайлоого катышуусу үчүн жана партиянын мүчөлөрүнүн, анын үстүнө депутаттыкка талапкерлердин мыйзамдарды сакташы үчүн жоопкерчилик тартасыз”, деди ал.
БШК мүчөсү Гүльнара БаатыроваБШКнын чечимин колдоп, жаштардын өкүлдөрүнөн турган партиялар жаңы, таза мамилелер жагынан өрнөк болушу керек экенин, бирок «Жаңы-Шаар» партиясынын аракеттери тажрыйбасыздык жана туура эмес багыт менен шайлоого катышуу жакшы натыйжаларга алып келбей турганын көрсөтүүдө, деп белгиледи.
КР БШК басма сөз кызматы
