2020-жылы 12-сентябрда ЫЧКТ мүчөсү А.Б. Абдырахматова Жалал-Абад облусунун Базар-Коргон районунун Акман айылында №№2129, 2130 УШКларга 2-форма боюнча каттоо үчүн аймактардан адамдарды жапырт ташып келип жатышканы жөнүндө маалыматты Ыкчам аракеттенүүчү координациялык топко билдирди.

2020-жылы 12-сентябрда маалымат Базар-Коргон АШКсынын  ЫЧКТына, Базар-Коргон районунун прокуратурасына жана ИИБге жөнөтүлдү.

Маалымат Базар-Коргон районунун ИИБи 2020-жылы 13-сентябрдагы ЖУИ №02-066-2020-000703 менен катталды. 192-берене (шайлоочулардын добуштарын сатып алуу) боюнча териштирүү башталды.

КР БШК маалымат бөлүмү