2021-жылдын 29-мартында, Кыргыз Республикасынын Шайлоо жана референдум өткөрүү боюнча борбордук комиссиясынын ыкчам аракет кылуу боюнча координациялык тобуна Фейсбукта У Абылкасымовдун посту активдүү талкууланып жаткандыгы жөнүндө маалымат келип түшкөн. Анда Ош шаарындагы No5305 УШКнын төрагасы М. Мамырованын айрым адамдар менен, болжолдуу түрдө кварталдык комитеттин өкүлдөрү менен сүйлөшүп, үйлөрдүн жашоочуларынын арасында үгүт иштерин жүргүзүү боюнча көрсөтмөлөрдү берген аудиожазуусу талкууланган. Тактап айтканда, ал ишенип берилген райондордун жана үйлөрдүн жашоочуларын толук камтууну суранып жатып, тизмеге киргендердин бардыгы үчүн акча төлөп берерин баса белгилеген. Шайлоо бүткөндөн кийин кепилденген төлөмдү убада кылып, жооптуу адамдарды кире бериш жерлерине бекитүү да айтылган. Ошондой эле, М.Мамырова шайлоочулардын тизмесин текшерүүнү "Ата Журт Кыргызстан" саясий партиясы жүргүзө тургандыгын көрсөтүүдө. Тизмеге кирген ар бир адам үчүн партия 500 сом төлөйт.

Маалымат Кыргыз Республикасынын Башкы прокуратурасына, Кыргыз Республикасынын Ички иштер министрлигине, Ош АШКнын ЫАККТна жөнөтүлдү.

ЫАККТ БШК

Кыска номер – 1255

WhatsApp – 0990 02-12-55

Ишеним телефону – 0312 62-62-46

Коомдук кабылдама – 0312 66-02-40

Электрондук дарек – kgor_cec@shailoo.gov.kg