2021-жылдын 6-апрелинде Ош шаарынын жашоочуларынан Megacom уюлдук операторунун абонентинен Кыргыз Республикасынын Шайлоо жана референдум өткөрүү боюнча борбордук комиссиясынын ыкчам аракет кылуу боюнча координациялык тобуна видео кайрылуу келип түшкөн. Кайрылууда депутаттыкка талапкер Б.Баетов партиянын агитаторлору менен жолугушууда «Ата Журт Кыргызстан» саясий партиясы бийликтин партиясы, К.К.Ташиевдин партиясы деп бир нече жолу билдиргендиги көрсөтүлгөн.

Ош шаарында жашаган 60 жаштагы белгисиз адам өз кириш сөзүндө алар "Ата Журт Кыргызстан" саясий партиясынын үгүт иштери боюнча Б.Баетовго жардам иретинде макулдугун беришкенин айтат. Бирок, Б.Баетов жана анын шериктештери үгүт иштерин жүргүзүүдө жана "Ата Журт Кыргызстан" партиясынын кызыкчылыгын алдыга жылдырууда аракетсиздиги үчүн кысым көрсөтүп, коркутушкан.

Ошондой эле Ош шаарында жашаган, эмгек сиңирген мугалим Э.Атаханова аттуу жаран кайрылуусунда Б.Баетов тарабынан жасалган кысым, шантаж, коркутуу фактыларын тастыктады.

Аталган фактыларды иликтөө жана текшерүү үчүн маалымат Кыргыз Республикасынын Ички иштер министрлигине, Башкы прокуратурага, Кыргыз Республикасынын Улуттук коопсуздук мамлекеттик комитетине, Ош АШКнын ЫАККТна жөнөтүлдү.

ЫАККТ БШК КР

Кыска номер – 1255

WhatsApp – 0990 02-12-55

Ишеним телефону – 0312 62-62-46

Коомдук кабылдама – 0312 66-02-40

Электрондук дарек– kgor_cec@shailoo.gov.kg