2021-жылдын 25-мартында, Кыргыз Республикасынын Шайлоо жана референдум өткөрүү боюнча борбордук комиссиясынын Ыкчам аракет кылуу боюнча координациялык тобу Ак Бата конушунун тургуну Азамат атуу жашоочудан маалымат алган, ал 2021-жылдын 24-мартында саат 16: 00дө Бишкектеги Ак-Бата конушунда үгүт иш-чараларынын алкагында Бишкек шаардык кеңешине “Ак Бата" партиясынан депутаттыкка талапкерлери Н. Түлеевдин, Ы. Кадыралиеванын ушул эле аталыштагы конуштун жана ага жакын жайгашкан "Ак Жар", "Адилет", "Келечек" конуштарынын жергиликтүү жашоочулары менен, балдарды кошкондо болжол менен 350-400 адам катышкан жолугушуусу болгон.
Ошол эле учурда, күндүн биринчи жарымында аталган талапкерлердин тарапкерлери жергиликтүү жаштардын жана балдардын катышуусунда маданий иш-чараларды (футбол жана күрөш боюнча мелдештер) уюштурушту. Мелдештин жыйынтыгы боюнча катышуучуларга дипломдор жана медалдар, ошондой эле сый тамак (130 даана палоо) таратылган.
Андан кийин аталган партиядан талапкерлер Н.Түлеев менен Ы.Кадыралиеванын сүйлөп, алар жергиликтүү тургундарга эгерде БШКга шайланып калса, коомдук транспорттор бекер, шаардыктар үчүн ар кандай жеңилдиктер жана шаардыктарга мэрдин фондунан финансылык төлөмдөр убада кылынган. Ошол эле учурда үн күчөткөн шаймандар жана "Ак Бата" партиясынын символдору бар унаа колдонулган.
Белгилей кетсек, бул иш-чарадан бир күн мурун, Wаtsapp уюлдук мессенджеринин топторунда, жогоруда аталган конуштардын жашоочуларына жогоруда көрсөтүлгөн талапкерлердин жолугушуусуна катышуу жана алардын спорттук иш-чараларын уюштуруу боюнча чакырыктары бар билдирүүлөр жөнөтүлгөн.
Мындан тышкары, 2021-жылдын 23-мартында ушул партиянын атынан Ак-Бата конушунун айрым көчөлөрүндө шагыл ташуу жана таптоо иштери уюштурулган.
"Жергиликтүү кеңештердин депутаттарын шайлоо жөнүндө" Кыргыз Республикасынын мыйзамынын 28-беренесине ылайык, шайлоо дайындалган учурдан тартып шайлоочуларга пара берүүгө: акча төлөөгө; белектерди жана башка материалдык баалуулуктарды тапшыруу; ар кандай товарларды акысыз таратуу, кызматтарды акысыз же жеңилдетилген шарттарда көрсөтүүгө тыюу салынат.
Маалымат КР ИИМне, Башкы прокуратурасына, Бишкек АШКна жиберилген.
ЫАККТ БШК КР
Кыска номер – 1255
WhatsApp – 0990 02-12-55
Ишеним телефону – 0312 62-62-46
Коомдук кабылдама – 0312 66-02-40
Электрондук дарек – kgor_cec@shailoo.gov.kg