Башкы Жаңылыктар Кыргыз Республикасынын өкүлдөрү Грузиядагы парламенттик шайлоонун мониторингине катышууда

Кыргыз Республикасынын өкүлдөрү Грузиядагы парламенттик шайлоонун мониторингине катышууда

26-Окт, 2024

Кыргыз Республикасынын өкүлдөрү 2024-жылдын 26-октябрында өтүп жаткан Грузиядагы парламенттик шайлоонун мониторингине катышууда.

Делегациянын курамына КР БШКнын төрагасынын орун басары
Т. Шайназаров – делегациянын жетекчиси, КР БШК мүчөсү У. Жылкыбаев жана КР БШКнын аппаратынын кызматкери кирди.

Эл аралык байкоочулар үчүн брифингде Грузиянын БШКнын төрагасы Георгий Каландаришвили парламентке шайлоону даярдоонун жана өткөрүүнүн жүрүшү, шайлоо мыйзамдарындагы өзгөртүүлөр жана жаңы технологияларды киргизүү жөнүндө маалыматберди.

2024-жылдагы парламенттик шайлоодо Грузияда электрондук добуш берүү технологиясы пайдаланылат. Шайлоочулардын 90% электрондук түзүлүштөрдүн жардамы менен добуш беришет, ошол эле убакта калган 10% салттуу кагаз бюллетендерди пайдаланышат, алар айкындуулукту камсыз кылуу үчүн санариптик формага которулат.

Жаңы шайлоо технологияларын киргизүү сегиз пилоттук долбоорду киргизгенден кийин жетишилди, алар бардыгын ичине алуучу реформаны мыйзамдуу жактырууну алууда чечүүчү роль ойноду.

Электрондук добуш берүү 3031 шайлоо участкасынын ичинен 2263 шайлоо участкасындаөткөрүлөт. Салттуу добуш берүү 58 шайлоо округундагы 768 участкада өткөрүлөт.

Шайлоону уюштуруу жана өткөрүү үчүн 3044 участка ачылган, ошондой эле 42 өлкөдө 67 шайлоо участкасы уюштурулган.

Парламенттик шайлоодо шайлоочулардын жалпы саны 3 508 294 адамды түзөт, алардын ичинен 3 113 747си электрондук технологияларды пайдалануу менен өз тандоосун жасайт.

Байкоочулар шайлоо участкаларына барышат, добуш берүүнүн жүрүшү менен таанышат, ошондой эле добуштарды эсептөө мониторингине катышат.

Маалымат иретинде:

Грузинын Парламенти 150 депутаттан турат. Пропорциялык шайлоо системасы боюнча шайланат.

Грузиянын Парламенти төрт жылдык мөөнөткө шайланган бир палаталуу мыйзам чыгаруучу орган болуп саналат.

Бул шайлоо биринчи жолу толук 2017-жылдын 26-сентябрында кабыл алынган, конституциялык түзөтүүлөр менен белгиленген пропорциялык шайлоо системасы боюнча өтүп жатат. Бул системага ылайык бардык депутаттар 5% босого менен бирдиктүү көп мандаттуу шайлоо округдарынан шайланат. 

Урматтоо менен,

КР БШКнын Басма-сөз кызматы

+ 996 312 66 54 52

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>