Башкы Жаңылыктар Шайлоо 17 ноябрь: Ѳзүңүзгѳ ыңгайлуу жерде добуш бериңиз! …

Шайлоо 17 ноябрь: Ѳзүңүзгѳ ыңгайлуу жерде добуш бериңиз! Баары аралыктан  добуш берүү жөнүндө

24-Окт, 2024

         Учурда республика боюнча шайлоо комиссиялары аралыктан добуш берүүнү каалагандарды активдүү каттоодо. Алар - туруктуу катталган жери боюнча шайлоо участкасында добуш берүүгө мүмкүнчүлүгү жок шайлоочулар.  Мындай мүмкүнчүлүк шайлоо мыйзамдарына киргизилген соңку  өзгөртүүлөрдѳн жана толуктоолордон соң пайда болду.

            2024-жылдын 1-ноябрына чейин аралыктан добуш берүүнү каалагандар:

• каалаган аймактык же участкалык шайлоо комиссиясына (же убактылуу жүргѳн жериңиз боюнча же туруктуу жашаган жериңиз боюнча) кайрылуу керек;

• добуш берүүгө ниеттенген аралыктагы участкалык комиссияга кайрылуу керек (даректерди төмөндө караңыз);

• «Tizme.gov.kg» сайтында «Шайлоочунун кабинети» кызматы аркылуу ЭЛЕКТРОНДУК АРЫЗ берсе болот.

“Tizme.gov.kg” сайты “Шайлоочунун кабинети” кызматы аркылуу авторлошуунун 2 вариантын сунуштайт (иш-аракеттердин ырааты камтылган тиркеме, төмөндө караңыз):

а) FACEID бетинин биометриясы боюнча;

б) ID-картанын маалыматтарын, QR же электрондук кол тамганы колдонуу менен.

Аралыктан добуш берүү үчүн шайлоо участкаларынын даректери:

 Бишкек:

Ленин району - Кыргыз улуттук университетинин имаратынын башкы корпус ( Фрунзе кѳч., 547);

Октябрь району - Октябрь райондук администрациясынын имараты, (Байтик баатыр көчөсү, 17, балдардын “Таберик” музыкалык театрынын залы);

Биринчи Май району -  К.Баялинов атындагы республикалык балдар жана өспүрүмдөр китепканасынын имараты (Огонбаев көчөсү № 242);

Свердлов району - А. Малдыбаев атындагы Кыргыз улуттук академиялык опера жана балет театрынын имараты (Ю.Абдрахманов көчөсү №167);

Ош: А.Навои атындагы орто мектебинде (Масалиева көч., 37);

Баткен: Ж.Бөкөнбаев атындагы орто мектебинде (Ж.Момунов көч., 16);

Жалал-Абад: Б.Осмонов атындагы Жалал-Абад мамлекеттик университетинин имаратында (Т.Байзаков көч., 25;

Каракол: К. Тыныстанов атындагы  Мамлекеттик университеттин имаратында (Тыныстанов көч., 26);

Нарын: Кыргыз Республикасынын Президентинин Нарын облусундагы ыйгарым укуктуу өкүлүнүн аппаратынын имаратында (Ленин көч., 76);

Талас: А.Токтогулов атындагы облустук китепканада (Ч.Айтматов көч. 353).

“Шайлоочунун кабинети” сервиси аркылуу аралыктан добуш берүүгө катышууга арыз берүү боюнча иш-аракеттердин ырааты:

1-кадам. https://tizme.gov.kg/ сайтына кирүү;

2-кадам. “Шайлоочунун кабинетине” ѳтүү;

3-кадам.  Белгиленген тартипте бирдиктүү идентификациялоо жана аутентификациялоо системасы (электрондук колтамга,  ID-карта, QR)   же FACEID беттин биометрикасын колдонуу менен   авторлошуудан ѳтүү керек. Андан кийин      "Кирүү" кнопкасын  басуу зарыл.

4-кадам. Системага киргенден кийин “Аралыктан  добуш берүүгө катышууга арыз берүү” бөлүмүнө өтүп, “Арыз берүү” кнопкасын басуу керек.

“Шайлоочунун кабинетинде”  тиешелүү идентификаторлор (ПИН, паспорттун номери жана сериясы) киргизилгенде шайлоочунун жеке маалыматтары автоматтык түрдө толтурулат.

5-кадам. Андан кийин «Дайындалган шайлоолор» бөлүмүндө жергиликтүү кеңештин түрүн (шаар же айыл) тандап, «Андан ары» кнопкасын басуу керек.

6-кадам. Кийинки  терезени ачканда,  милдеттүү талааны толтуруу сунушталат:

         - “Аралыктагы  УШК” графасында  тиешелүү АДБ УШКны тандоо керек;

         - электрондук почта;

         - телефон номери;

         - жеке маалыматтарды чогултууга жана иштетүүгө макулдук. 

Эгерде шайлоочу жеке маалыматтарды чогултууга жана иштетүүгө макулдук берүүдөн баш тарткан учурда, Шайлоочунун кабинетине  арыз берүү мүмкүнчүлүгүнѳ жол берилбейт. 

 7-кадам. "Ырастоо" кнопкасын баскандан кийин,  арыз берүү жол-жоболору аяктайт. 

КАЙСЫ ЖЕР ЫҢГАЙЛУУ БОЛСО, ОШОЛ ЖЕРДЕ ДОБУШ БЕРИҢИЗ!

 

 

Башка жаңылыктар

Бардык жаңылыктар
КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты
20-Ноя, 2026

КР БШК өкүлдөрү Чүй облусунун мамлекеттик органдарынын жана жергиликтүү өз алдынча башкаруу органдарынын жетекчилери менен Президенттик шайлоого даярдык маселелерин талкуулашты

2026-жылдын 19-ноябрында Кыргыз Республикасынын Президентинин Чүй облусундагы ыйгарым укуктуу өкүлүнүн аппаратында 2027-жылдын 27-январына дайындалган Кыргыз Республикасынын Президентин шайлоого даярдык көрүү маселелери боюнча жумушчу жолугушуу болуп өттү.Жолугушууга КР БШК төрагаларынын орун басарлары Л. Лурова жана Р. Жакышов, БШКнын мүчөсү М. Темирбаева, ошондой эле Кыргыз Республикасынын Президентинин Чүй облусундагы ыйгарым укуктуу өкүлүнүн орун басары Г. Кыштобаева катышып, иш-чараны биргеликте өткөрүштү.Жолугушууга жергиликтүү өз алдынча башкаруу органдарынын жетекчилери, укук коргоо органдарынын өкүлдөрү жана облустагы шайлоо комиссияларынын мүчөлөрү да катышты.Л. Лурова катышуучуларга облуста шайлоого даярдык көрүүнүн жүрүшү тууралуу маалымат берди. Ал календардык планда белгиленген иш-чараларды өз мөөнөтүндө аткарууга, шайлоо мыйзамдарынын талаптарын так сактоого, ошондой эле шайлоо комиссияларынын мамлекеттик органдар жана жергиликтүү өз алдынча башкаруу органдары менен натыйжалуу кызматташуусуна өзгөчө көңүл бурду.Р. Жакышов шайлоо мыйзамдарындагы өзгөртүүлөр, жарандардын Кыргыз Республикасынын Президентин шайлоого катышуусунун жаңы мүмкүнчүлүктөрү жана жаңыланган шайлоо технологиялары тууралуу маалымат берди.Ал эми майыптыгы бар шайлоочулардын жана жарандардын айрым категорияларынын шайлоо укуктарын өркүндөтүү жана ишке ашыруу боюнча жумушчу топтун жетекчиси М. Темирбаева шайлоо участкаларынын жеткиликтүүлүгүн камсыз кылуу боюнча көрүлүп жаткан чараларды тааныштырды.
Кененирээк билүү >>
КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү
20-Ноя, 2026

КР БШК Кыргыз Республикасынын Президентин шайлоодо чет өлкөлөрдө алгачкы 74 шайлоо участогун түздү

Кыргыз Республикасынын Шайлоо жана референдум өткөрүү боюнча борбордук комиссиясы чет мамлекеттердин аймагында 74 шайлоо участогун түзүү жөнүндө чечим кабыл алды. Учурда шайлоо участокторун ачуу боюнча иштер улантылууда.Мындай чечим 2027-жылдын 27-январына белгиленген Кыргыз Республикасынын Президентин кезектеги шайлоодо чет өлкөлөрдө жашап же жүргөн Кыргыз Республикасынын жарандарынын шайлоо укуктарын камсыз кылуу максатында кабыл алынды.Азыркы учурда алардын эң көбү - 20 шайлоо участогу Россия Федерациясында түзүлдү. Түркия жана Казакстанда 6дан, АКШда 5 шайлоо участогу ачылды.Корея Республикасында жана Италияда 3төн шайлоо участогу иштейт. Өзбекстанда, Германияда, Кытайда жана Бириккен Араб Эмираттарында 2ден шайлоо участогу түзүлдү.Калган 23 шайлоо участогу башка өлкөлөрдө, анын ичинде Австрияда, Чехияда, Словакияда, Польшада, Улуу Британияда, Беларуссияда, Литвада, Венгрияда, Бельгияда, Францияда, Швейцарияда, Сауд Арабиясында, Кувейтте, Катарда, Египетте, Азербайжанда, Тажикстанда, Түркмөнстанда, Малайзияда, Пакистанда, Индияда, Японияда жана Монголияда уюштурулду.Ошентип, бүгүнкү күнгө карата 33 мамлекетте шайлоо участоктору түзүлдү.Добуш берүү күнүнө чейин чет өлкөлөрдө кошумча шайлоо участокторун ачуу пландаштырылууда. Алардын саны жана даректери тууралуу маалымат кошумча жарыяланат.Түзүлгөн шайлоо участокторунун актуалдуу тизмеси жана алардын даректери менен бул жерден таанышууга болот:
Кененирээк билүү >>
КР БШКсы Президенттин кызмат ордуна талапкердин ыйгарым укуктуу өкүлүн каттады
20-Ноя, 2026

КР БШКсы Президенттин кызмат ордуна талапкердин ыйгарым укуктуу өкүлүн каттады

Кыргыз Республикасынын Шайлоо жана референдум өткөрүү боюнча борбордук комиссиясы бүгүнкү жыйынында Кыргыз Республикасынын Президентинин кызмат ордуна талапкер Масалиев Исхак Абсаматовичтин ыйгарым укуктуу өкүлүн каттады.Айдакеева Бегимай Кувандыковна Масалиев Исхак Абсаматовичтин финансылык маселелер боюнча ыйгарым укуктуу өкүлү болуп катталды.Белгилей кетсек, талапкердин ыйгарым укуктуу өкүлүнө белгиленген үлгүдөгү каттоо күбөлүгү берилет.
Кененирээк билүү >>
КР БШКсы "Сезим" фондунан коомдук байкоочуну каттады
20-Ноя, 2026

КР БШКсы "Сезим" фондунан коомдук байкоочуну каттады

Кыргыз Республикасынын Борбордук шайлоо комиссиясы бүгүн, 20-ноябрда «Сезим» майыптыгы бар адамдардын коомдук фондунан коомдук байкоочуну каттоо жөнүндө чечим кабыл алды.Борбордук шайлоо комиссиясына «Сезим» майыптыгы бар адамдардын коомдук фондунан 2026-жылдын 16-ноябрында келип түшкөн билдирүүнүн негизинде Майнаев Камилжан Кыргыз Республикасынын Президентин шайлоого даярдык көрүү жана өткөрүү мезгилинде Ош облусунун аймагындагы бардык шайлоо комиссияларында коомдук байкоочу болуп катталды.Катталган коомдук байкоочуга белгиленген үлгүдөгү күбөлүк берилет.
Кененирээк билүү >>