2024-жылдын 26-сентябрында Борбордук шайлоо комиссиясы №13 Сузак шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоонун натыйжаларын аныктады.
Добуш берүүнү уюштуруу үчүн 81 шайлоо участогу түзүлгөн.
Шайлоочулардын тизмесинде 124 429 шайлоочу бар.
№13 Сузак шайлоо округу боюнча Жогорку Кеңештин депутатын мөөнөтүнөн мурда шайлоодо Борбордук шайлоо комиссиясы 15 талапкерди каттады. Мөөнөтүнөн мурда шайлоого 7 талапкер катышты.
Мөөнөтүнөн мурда шайлоону даярдоонун жана өткөрүүнүн жүрүшүндө 9 арыз жана даттануу түшкөн (Шайлоочулардын арыздарын жана даттанууларын кароо боюнча жумушчу топко -1, ЫЧККТ-8).
Бардык келип түшкөн арыздар жана даттануулар шайлоо комиссияларынын жана ыйгарым укуктуу мамлекеттик органдардын компетенциясынын чегинде каралып, Кыргыз Республикасынын мыйзамдарына ылайык чечимдер кабыл алынды.
Кабыл алынган чечимдер №13 Сузак шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоону өткөрүүдөгү даттануулардын жана мыйзам бузуулардын реестринде чагылдырылды.
Даттануулар жана арыздар тууралуу маалыматты төмөнкү шилтемеден тапса болот:
Борбордук шайлоо комиссиясы шайлоону даярдоо жана өткөрүү мезгилинде билдирүүлөр боюнча көрүлгөн чаралар жөнүндө КР УКМК Сузак району боюнча башкы башкармалыгынын, КР ИИМ тергөө кызматынын, Сузак районунун ички иштер органдарынын, Сузак районунун прокуратурасынын өкүлдөрүнүн маалыматын укту.
№13 Сузак шайлоо округу боюнча Жогорку Кеңештин депутатын мөөнөтүнөн мурда шайлоодо добуш берүүнүн жыйынтыктары жѳнүндѳ Сузак округдук шайлоо комиссиясынын 2024-жылдын 25-сентябрындагы протоколуна ылайык 2024-жылдын 22-сентябрында добуш берүүгѳ 21057 шайлоочу катышкан, бул округ боюнча шайлоочулардын тизмесине киргендердин 16,92% түздү.
Талапкерлер төмөнкүдөй добуштарды алышты:
1. Бегматов Бейшенбек Саматович – 212 добуш (1.01%);
2. Кылычбаев Алтынбек Таирович – 10 174 добуш (48.32%);
3. Лилиенталь Юлия Викторовна – 749 добуш (3.56%);
4. Кошалиев Мелисбек Ысманалиевич – 2 435 добуш (11.56%);
5. Сейдахматов Жыргалбек Орозбекович – 2 493 добуш (11.84%);
6. Сапарбаев Медербек Мусаевич – 3 280 добуш (15.58%);
7. Арапбаев Асилбек Ормонович – 1 351 добуш (6.42%);
8. “Баарына каршы” позициясы үчүн 134 шайлоочу добуш беришти (0.64%).
“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 37, 64-беренелерине ылайык, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 3-беренесин, 4-беренесинин 1-бөлүгүнүн 26-пунктун, 8-беренесин жетекчиликке алып, укук коргоо органдарынын маалыматын эске алуу менен, Борбордук шайлоо комиссиясы №13 Сузак шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоону болуп өттү деп таануу жөнүндө чечим кабыл алды жана Кылычбаев Алтынбек Таировичти №13 Сузак шайлоо округу боюнча Кыргыз Республикасынын Жогорку Кеңешинин шайланган депутаты деп тааныды.
