Бүгүн, 2024-жылдын 22-сентябрында, Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Н.Койчукеев шайлоочулардын активдүүлүгү, ошондой эле ден соолугунун мүмкүнчүлүгү чектелген жарандардын шайлоо укуктарын ишке ашыруу боюнча көрүлүп жаткан чаралар тууралуу маалымат берди. Республика боюнча жалпысынан 18541 мүмкүнчүлүгү чектелген шайлоочу бар. Муктаждыктар картасына ылайык, Сузак шайлоо округу боюнча мүмкүнчүлүгү чектелген шайлоочулардын саны 123 адамды түзѳт. Мөөнөтүнөн мурда шайлоо өткөрүү үчүн 81 шайлоо участогу ачылды.
81 шайлоо участкасынын 67си пандустар менен жабдылган, бул 83% түзөт. 13 шайлоо участогуна пандус орнотуунун зарылчылыгы жок.
Кыргыз Республикасынын Борбордук шайлоо комиссиясы шайлоо процессинин инклюзивдүүлүгүн жогорулатуу, анын ичинде добуш берүү үчүн жайлардын жеткиликтүүлүгүн камсыз кылуу жана ден соолугунун мүмкүнчүлүктөрү чектелүү жарандарга жардам көрсөтүүнүн атайын каражаттары менен жабдуу боюнча системалуу саясатты ишке ашырууда.
Белгилей кетсек, ар бир шайлоо участогу добуш берүү үчүн атайын кабина, лупа (лупа), трафареттер, шайлоо участогуна кире бериште чакыруу кнопкасы менен камсыздалган. Мүмкүнчүлүгү чектелген жарандарга маалымат берүү үчүн Брайль шрифти аркылуу маалыматтык плакаттар даярдалды.
Добуш берүүчү кабиналардын биринде туурасы 40см. кем эмес, тереңдиги 30 см. кем эмес, полдун деңгээлинен 75 см ашпаган бийиктикте шайлоо бюллетенин толтуруу үчүн орун (стол, текче, стенд ж.б.) жабдылат,
Мүмкүнчүлүгү чектелген жарандар үчүн шайлоо участкаларынын жеткиликтүүлүгүн камсыз кылуу прокурордук көзөмөлдүн предмети болуп саналат.
Үгүт материалдарынын жеткиликтүүлүгү үчүн шарттар түзүлдү: депутаттыкка талапкерлер үгүт материалдарын сурдокотормо же субтитр аркылуу, окууга оңой болгон чоңойтулган шрифтте басылган, ошондой эле ден соолугунун мүмкүнчүлүктөрү чектелүү шайлоочуларга үгүт материалдарынын жалпы тиражынын бир пайызынан кем эмес өлчөмдѳ Брайл шрифти же башка атайын каражаттарды колдонуу менен басып чыгарууга жана жайылтууга милдеттүү.
– Активдүү шайлоо укугуна ээ, ден соолугунун абалы начар, оорулардын, травмалардын кесепеттеринен же угуунун, көрүүнүн жана таяныч-кыймыл аппаратынын функцияларынын бузулушунан улам жаралган майыптыгы бар Кыргыз Республикасынын жарандары ден соолугунун мүмкүнчүлүктөрү чектелүү шайлоочулар деп таанылат.
Маалымат иретинде: Сузак шайлоо округунун участкалык шайлоо комиссияларына аралыктан добуш берүү мүмкүнчүлүгүн алуу үчүн 81 шайлоочу кайрылса, анын 22си ден соолугунун мүмкүнчүлүгү чектелген шайлоочулар болуп саналат. Мүмкүнчүлүгү чектелген 22 жарандын 17си добуш берди.
