Бүгүн, 2024-жылдын 28-августунда Кыргыз Республикасынын Шайлоо жана референдум өткөрүү боюнча борбордук комиссиясы Жалал-Абад облусунун Сузак районунда №13 Сузак шайлоо округу боюнча Кыргыз Республикасынын Жогорку Кеңешинин депутаттыгына талапкерлер үчүн окуу өткөрдү.
Окууну КР БШКнын мүчөсү К.А. Маматов, ошондой эле КР БШКнын аппаратынын кызматкерлери ѳткѳрүштү.
Окуунун максаты - талапкерлерге Кыргыз Республикасынын Жогорку Кеңешинин депутаттарын мөөнөтүнөн мурда шайлоону өткөрүүнүн өзгөчөлүктөрү, шайлоо алдындагы үгүт иштерин жүргүзүү эрежелери, юридикалык жоопкерчилик, шайлоо өнөктүгүн каржылоо, ачык-айкындуулуктун ѳбѳлгѳлѳрү жана шайлоо процессинде аныктыкты көзөмөлдөө жөнүндө маалымат берүү болуп саналат.
Катышуучуларга КР БШКнын расмий сайтындагы негизги маалыматтык ресурстар көрсөтүлдү, аларды шайлоо өнөктүгүн уюштуруу үчүн талапкерлер да, ошондой эле ишенимдүү маалымат алуу үчүн шайлоочулар да пайдалана алышат, алар:
- “Тизме” мамлекеттик порталы (https://tizme.gov.kg/), ал шайлоочулардын учурдагы тизмеси менен шайлоо участкалары боюнча таанышууга мүмкүндүк берет;
- «Шайлоо участкалары жана округдары» географиялык маалымат системасы (https://gisuiktec.shailoo.gov.kg/Map);
- АЭУнун маалыматтары боюнча жана кол менен эсептөөнүн негизинде шайлоочулардын катышуусун жана добуш берүүнүн жыйынтыктарын карап чыгууга арналган маалыматтык шайлоо системасы (https://newess.shailoo.gov.kg/ru/home);
- “Кыргыз Республикасынын Борбордук шайлоо комиссиясынын ачык маалыматтары” веб-ресурсу (https://shailoo.gov.kg/ru/otkrytye-dannye-cik/), анын ичинде шайлоолор жана референдумдар боюнча статистика.
- атайын электрондук ресурс - Даттануулардын жана кайрылуулардын реестри, анда шайлоо комиссияларына (Кыргыз Республикасынын Борбордук шайлоо комиссиясына, ОШКларга, УШКларга) берилген даттануулар жана арыздар, алар боюнча кабыл алынган чечимдер жана сот актылары менен таанышууга болот. (https://shailoo.gov.kg/kg /registry/).
Талапкерлер, алардын программалары жана шайлоо фонддору жөнүндө маалыматты КР БШКнын ресурсу – “Талапкер” сайтынан (http://talapker.shailoo.gov.kg/) тапса болот.
Белгилей кетсек, колдонуудагы шайлоо мыйзамдары бардык талапкерлер үчүн эркин атаандаштык үчүн бирдей шарттарды түзөт. Ошол эле учурда добуш берүүнүн жыйынтыктарын эсептөөнүн жана шайлоочулардын катышуусун эсепке алуунун ишенимдүүлүгү кепилденет.
Ушуга байланыштуу КР БШК талапкерлерди колдонуудагы мыйзамдардын талаптарын, үгүт жүргүзүү эрежелерин сактоого чакырат жана шайлоо процессине жоопкерчиликтүү катышууну күтөт. Шайлоонун мыйзамдуулугун жана шайлоо укуктарын ишке ашырууну камсыз кылуу максатында КР БШКнын жумушчу топтору бардык пайда болгон маселелер боюнча талапкерлерге жана алардын ыйгарым укуктуу өкүлдөрүнө тез арада консультацияларды берүүгө даяр.
Окуунун жүрүшүндө талапкерлер кызыккан суроолоруна жооп алышты.
Шайлоо алдындагы үгүт жүргүзүү 2024-жылдын 2-сентябрында башталып, 2024-жылдын 21-сентябрында саат 08:00гө чейин уланат. Талапкерлердин теледебаттары жана жекече чыгып сүйлөѳсү Жалал-Абад УТРКсы аркылуу көрсөтүлөт.
