Борбордук шайлоо комиссиясы 2024-жылдын 5-июлунда №5 Ноокат бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоонун жыйынтыгын аныктады.
Добуш берүүнү уюштуруу үчүн 54 шайлоо участогу түзүлгөн. Шайлоочулардын тизмесине 91 057 шайлоочу киргизилген.
№5 Нолокат шайлоо округу боюнча Жогорку Кеңештин депутатын мөөнөтүнөн мурда шайлоого 14 талапкер катышты.
№5 Ноокат шайлоо округу боюнча Кыргыз Республикасынын Жогорку Кеңешинин депутаттыгына талапкерлер тобунан келип түшкөн арыздын негизинде КР БШКнын 2024-жылдын 3-июлундагы № 242 чечими менен 5 шайлоо участогунда добуштарды кайра саноону өткөрүү чечими кабыл алынды. Кыргыз Республикасынын Борбордук шайлоо комиссиясынын мүчөсү М.Д.Наспекованын катышуусу менен 2024-жылдын 4-июлунда добуштарды кайра саноо жүргүзүлгѳн, жыйынтыгында участкалык шайлоо комиссияларынын добуштарын кайра саноонун протоколдорунун маалыматтары боюнча, көрсөтүлгөн шайлоо участкаларында добуш берүүнүн жыйынтыктары жана натыйжалары өзгөргөн жок.
Ушуга байланыштуу 2024-жылдын 4-июлунда Ноокат округдук шайлоо комиссиясы 5 шайлоо участогунда кайра саноодо добуш берүүнүн жыйынтыктары жөнүндө протоколдорду эске алуу менен, №5 Ноокат бир мандаттуу шайлоо округу боюнча шайлоонун жыйынтыгын чыгарды.
Мөөнөтүнөн мурда шайлоону даярдоонун жана өткөрүүнүн жүрүшүндө 26 арыз жана даттануулар келип түшкөн (Шайлоочулардын арыздарын жана даттанууларын кароо боюнча жумушчу топко – 14, ЫЧКТга -11, Кѳзѳмѳлдѳѳ-текшерүү тобуна - 1).
БШКда КР ИИМдин, Ноокат районунун ички иштер башкармалыгынын, Ноокат районунун прокуратурасынын ѳкүлдѳрүнүн маалыматтары угулду. Укук коргоо органдарынын маалыматы боюнча, добуш берүүнүн жыйынтыктарына жана мөөнөтүнөн мурда шайлоонун натыйжаларына таасир этүүчү мыйзам бузуулар жана/же мындай бузууларга талапкерлердин катыштыгы бар экендиги боюнча каралбай калган материалдар жок.
Бардык келип түшкөн арыздар жана даттануулар каралып, Кыргыз Республикасынын мыйзамдарына ылайык чечимдер кабыл алынган.
Кабыл алынган чечимдер №5 Ноокат бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоону өткөрүүдөгү даттануулардын жана бузуулардын реестринде чагылдырылган. Даттануулар жана арыздар тууралуу маалыматты төмөнкү шилтемеден тапса болот: https://shailoo.gov.kg/ru/reestr-zhalob-i-narushenij-na-vyborah-dep-zhk-kr-30-iyunya-2024/
№5 Ноокат бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоо боюнча добуш берүүнүн жыйынтыктары жөнүндө Ноокат округдук шайлоо комиссиясынын 2024-жылдын 5-июлундагы протоколуна ылайык, 2024-жылдын 30-июнунда добуш берүүгө 25 701 шайлоочу катышып, бул округ боюнча шайлоочулардын тизмесине киргендердин 28.23% ын түздү.
Талапкерлер шайлоочулардын төмөнкүдөй добуштарды алышты:
1. Дуванаева Гулнара Качыбековна– 360 добуш (1,40%);
2. Марипов Бакытбек Асамидинович– 11 596 добуш (45,12%);
3. Абдивалиев Артыкбай Турабидинович– 4759 добуш (18,52%);
4. Ажикулов Бакытбек Турсуналиевич– 627 добуш (2,44%)
5. Толонбаев Санжарбек– 1785 добуш (6,95%);
6. Кудайбердиев Элдар Абдималикович - 2222 добуш (8,65%);
7. Айдосов Айболот Абдурахманович - 511 добуш (1,99%);
8. Абдикеримов Каныбек Айдарович- 158 добуш (0,61%);
9. Кыланов Касымбек Омурбекович - 3308 добуш (12,87%);
10. Баарына каршы” позициясы үчүн 101 шайлоочу добуш берди (0,39%).
№5 Ноокат бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоо боюнча добуш берүүнүн жыйынтыктары жөнүндө Ноокат округдук шайлоо комиссиясынын 2024-жылдын 5-июлундагы протоколунун негизинде, ошондой эле укук коргоо органдарынын маалыматтарын эске алуу менен, Борбордук шайлоо комиссиясы тѳмѳндѳгүдѳй чечим кабыл алды:
- №5 Ноокат бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоону болуп өттү деп таануу жөнүндө;
- Марипов Бакытбек Асамидиновичти №5 Ноокат бир мандаттуу шайлоо округу боюнча Кыргыз Республикасынын Жогорку Кеңешинин шайланган депутаты деп тааныды.
