2024-жылдын 1-февралында Бүткүл дүйнөлүк шайлоо күнү Жарандык билим берүү борбору билим берүү мекемелери менен биргеликте интерактивдүү иш-чараларды өткөрдү.
Жаштарды өнүктүрүү институту менен биргеликте № 63 Ч.Т. Айтматов атындагы мектеп-гимназиясында жана № 29 мектеп-гимназиясынын окуу-тарбия комплексинде мектеп окуучулары үчүн стол оюндары өткөрүлдү.
Төраганын орун басары Т.Шайназаров шайлоонун орду жѳнүндѳ баяндап, мамлекеттин өнүгүүсүнө тийгизген таасирине, жарандардын шайлоо укуктарына, жаштардын шайлоого катышуусунун маанилүүлүгүнө токтолду. Ал балдарды келечектеги шайлоочулар катары өздөрүнүн жарандык позициясын активдүү көрсөтүүгө, бийликке татыктуу талапкерлер келүүсү үчүн келечекте өз тандоосуна аң-сезимдүү жана жоопкерчилик менен жасоого чакырды.
Жыйынтыгында балдар шайлоо, алардын укуктары жана милдеттери, шайлоо кандай өткөрүлөт, эмне үчүн зарыл экендиги тууралуу билимдерин кеңейтип, добуш берүү процесси боюнча практикалык түшүнүк алышты, ошондой эле шайлоо процессин, адамдын жана жарандын укуктарды жакшыраак түшүнүү үчүн түзүлгөн
«Парламент» жана «Укугуңду тап» деген интеллектуалдык оюндарга катышты.
Активдүү катышуучулар баалуу сыйлыктар менен сыйланышты.
Шайлоо укуктары жана процесси тууралуу билимдин дагы бир булагы QUIZ интеллектуалдык оюну болду.
Бул QUIZ викторинасы Борбордук Азиянын Эл аралык дебаттык билим берүү ассоциациясы (IDEA CA) менен биргеликте Бишкек гуманитардык университетинин студенттери үчүн жаштардын шайлоо укуктары тууралуу маалымат берүү аркылуу жарандык активдүүлүгүн жогорулатуу максатында өткөрүлдү.
Борбордук Азиядагы Эл аралык дебаттык билим берүү ассоциациясынын (IDEA CA) директору А.Русланова куттуктоо сөзү менен чыгып сүйлѳдү.
БШК тѳрагасы Н.Шайлдабекова жаш шайлоочуларга шайлоо реформасынын тарыхы, шайлоочулардын сөз эркиндигин камсыз кылуу жана шайлоонун жыйынтыгын так эсептөө үчүн мамлекет тарабынан кандай чаралар көрүлүп жатканына эмне себеп болгондугу тууралуу айтып берди. Ал буга чейин мамлекет шайлоо укуктарын эркин ишке ашыруу үчүн шарттарды түзүп бергенин, бирок шайлоонун жыйынтыгын жарандар өздөрү аныктай турганын түшүндүрдү. Ошондуктан алардын өз тандоосун аң-сезимдүү жана жоопкерчиликтүү кылышы абдан маанилүү.
QUIZ викторинасына 8 команда катышты. “Шайлоочулар үчүн кѳнүгүү”, “Талапкер”, “Кел, “Бул ким?” Бул эмне?», «Акыркы мүмкүнчүлүк» деген бир нече турлар ѳткѳрүлдү.
Оюндун катышуучулары шайлоо мыйзамдарын жана Кыргыз Республикасынын шайлоо процессин билүүсү, логика жана сын ой жүгүртүү боюнча ат салышты.
Оюндун жыйынтыгында төмөнкү үч команда жеңүүчү аталды:
1-орун – “Жарандар”
2-орун – “Президенттик администрация”
3-орун – “Биримдик”
Жеңүүчүлөргө баалуу сыйлыктар тапшырылды.
Жарандык билим берүү борбору бул иш-чараларды өткөрүүдө көрсөткөн колдоосу үчүн ПРООНго, ЕККУнун Бишкектеги Программалык кеңсесине жана «Эгль» коомдук фондуна ыраазычылык билдирет.
