Бишкек шаарынын Административдик соту 2023-жылдын 21-августунда Ильязбек Якубовду, Бакыт Керимбековду жана Куттубек Асылбековду №26 Ленин бир мандаттуу шайлоо округу боюнча Кыргыз Республикасынын Жогорку Кеңешинин депутаттыгына талапкер кылып каттоодон баш тартуу тууралуу Кыргыз Республикасынын Шайлоо жана референдум ѳткѳрүү боюнча борбордук комиссиясынын мыйзамдуулугун карады.
Мында, Бишкек шаарынын Административдик сотунун чечими менен И.Якубовдун, Б.Керимбекодун жана К.Асылбековдун Кыргыз Республикасынын Шайлоо жана референдум ѳткѳрүү боюнча борбордук комиссиясынын чечимин мыйзамсыз деп таануу жана жокко чыгаруу жѳнүндѳ административдик доосу канааттандырылган жок.
Мурда Кыргыз Республикасынын Шайлоо жана референдум ѳткѳрүү боюнча борбордук комиссиясы №26 Ленин бир мандаттуу шайлоо окуругу боюнча Кыргыз Республикасынын Жогорку Кеңешинин депутаттыгына тѳмѳндѳгүлѳрдү талапкер кылып каттоодон баш тартканын эсиңерге салабыз:
- Якубов Ильязбек Абдувалиевичти – шайлоо күрѳѳсүн тѳккѳндүгүн тастыктаган документтерди бербегендигине байланыштуу («Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жѳнүндѳ» Кыргыз Республикасынын конституциялык Мыйзамынын 61-бер. 7-б. 1-п);
-Асылбеков Куттубек Бообековичти - шайлоо күрѳѳсүн тѳккѳндүгүн тастыктаган документтерди бербегендигине байланыштуу («Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жѳнүндѳ» Кыргыз Республикасынын конституциялык Мыйзамынын 61-бер. 7-б. 1-п);
-Керимбеков Бакыт Макеновичти - шайлоо күрѳѳсүн тѳккѳндүгүн тастыктаган документтерди бербегендигине жана конституциялык Мыйзамда белгиленген мѳѳнѳттѳ талапкердин шайлоо фондусун түзбѳгѳндүгүнѳ байланыштуу («Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жѳнүндѳ» Кыргыз Республикасынын конституциялык Мыйзамынын 61-бер. 7-б. 1,5-п).
Соттун чечими үч күндүн аралыгында Кыргыз Республикасынын Жогорку сотуна даттанылышы мүмкүн.
