КР БШК жана Бишкек шаарынын мэриясы Ленин райондук администрация менен биргеликте №26 Ленин бир мандаттуу шайлоо округу боюнча Кыргыз Республикасынын Жогорку Кеңешинин депутатын кайра шайлоону даярдоого жана ѳткѳрүүгѳ кѳмѳктѳшүү боюнча шаардык штабдын жыйынын ѳткѳрдү.
Жыйынга КР БШК тѳрагасы Н. К. Шайлдабекова, Бишкек шаарынын биринчи вице-мэри М. К. Байгончоков, Ленин райондук администрациясынын башчысы–акими Ж.Т. Шакиев, Ленин округдук шайлоо комиссиясынын тѳрагасы Б. Конуров, жергиликтүү ѳз алдынча башкаруу органдарынын жетекчилери, прокуратура жана укук коргоо органдарынын ѳкүлдѳрү катышты.
БШКнын тѳрагасы шайлоо процессинин мѳѳнѳттѳрүн жана этаптарын жана шайлоону даярдоонун ар бир этабында тийиштүү органдардын милдеттерин белгилеп ѳттү. Мыйзамдарга ылайык кайра шайлоонунун мѳѳнѳттѳрү үчтѳн бирге кыскартылган, башкача айтканда шайлоо эки айдын ичинде ѳткѳрүлѳт.
Азыркы этапта талапкерлерди кѳрсѳтүү жана шайлоочулардын тизмесин тактоо жүргүзүлүүдѳ. Талапкерлерди кѳрсѳтүү этабы 10-августу кошуп алганга чейин жүргүзүлѳт, бүгүнкү күндѳ 8 талапкер кѳрсѳтүлдү. Талапкерлердин документтеринин шайлоо мыйзамдарынын талаптарына ылайык келүүсү текшерилгенден кийин, 20-августу кошуп алганда талапкерлерди каттоо жүргүзүлѳт.
Ленин округу боюнча шайлоочулардын саны алдын ала тизмеге ылайык 2023-жылдын 19-июлуна карата 127 819 адамды түзѳт. 2023-жылдын 28-майындагы КР ЖК депутатын мѳѳнѳтүнѳн мурда шайлоого салыштырмалуу алганда шайлоочулдардын саны 2 911 шайлоочуга кѳбѳйгѳн. Шайлоочулар ѳздѳрүн шайлоочулардын тизмесинен тактап алса болот жана так эместиктер болгон учурда 30-августу кошуп алганга чейин арыз бере алат.
21-августан тартып шайлоо ѳнѳктүгүнүн эң активдүү этабы – үгүт жүргүзүү этабы башталат, ал 9-сентябрдын 8.00 саатына чейин улантылат. 10-сентябрь – добуш берүү күнү. Шайлоонун жыйынтыгы 2023-жылдын 24-сентябрына чейин чыгарылат.
Шайлоодо мыйзамдуулукту камсыз кылуу, ушул округда округдук шайлоо комиссиясынын ѳкүлдѳрүнѳн, прокуратура жана укук коргоо органдарынын ѳкүлдѳрүнѳн түзүлгѳн ыкчам чара кѳрүү координациялык тобунун (ЫЧККТ) алкагында комиссиялардын жана Ленин районунун жана Бишкек шаарынын укук коргоо органдарынын ѳз ара аракеттери маселелери талкууланды.
Атап айтканда, ѳткѳн шайлоолордо бузууларга каршы аракеттенүүнүн практикасынын мисалында шайлоолордогу бузуулардын бардык түрлѳрүнѳ, ѳзгѳчѳ талапкерди каттоону жокко чыгарууга жана майдагы мѳѳнѳтүнѳн мурда шайлоону анык эмес деп таанууга себеп болгон шайлоочулардын добуштарын сатып алууга каршы чаралардын ѳз учурунда кабыл алынышына жана натыйжалуулугуна кѳңүл бурулду.
Жыйындын катышуучулары ЖКга округдан татыктуу ѳкүлдү шайлоо үчүн шайлоого катышуунун маанилүүлүгү жѳнүндѳ ЖМКда жана социалдык түйүндѳрдѳ, ошондой эле комссиялардын жана ЖӨАБО ѳкүлдѳрү тарабынан шайлоочулардын арасында биргелешкен маалыматтык-түшүндүрүү чараларын жүргүзүү маселелерин талкуулады.
Шаардык штабдын жетекчиси, вице-мэр М.К. Байгончоков Ленин округунан КР ЖК депутатын кайра шайлоону ѳткѳрүүгѳ комиссияларга кѳмѳк кѳрсѳтүүгѳ мэрия даяр экендигин билдирип, талкууланган милдеттер аткарылууга алынгандыгын, шаардык кызматтарга шайлоого даярдык кѳрүүгѳ ар тараптуу кѳмѳк кѳрсѳтүүгѳ, маалыматтык-түшүндүрүү иштерин күчтѳндүрүүгѳ тапшырма берилгендигин белгиледи.
Ленин райондук администрация жетекчиси-акими Ж.Т. Шакиев ѳзүнүн сѳзүндѳ участкаларды материалдык-техникалык жабдуу, үзгүлтүксүз электрэнергиясы, байланыш, транспорт, үгүт материалдары үчүн маалыматтык орундарды камсыз кылуу маселелери боюнча зарыл чаралар кѳрүлүп, ошондой эле айрым шайлоо участкаларында бардык нормаларга ылайык келген ДСМЧА үчүн пандустарды толук жасоо иштери бүткѳрүлүп, шайлоону даярдоо учурунда жаралган башка бардык маселелер боюнча шайлоо комиссияларына толук кѳмѳк кѳрсѳтүлѳрү тууралуу билдирди.
БШКнын тѳрагасы мэрияга жана Ленин райондук администрацияга ѳз ара аракеттери, участкаларды материалдык-техникалык камсыз кылуу маселелерин толук ѳлчѳмдѳ жана ѳз учурунда чечип жаткандыктары үчүн ыраазычылык билдирди.
Маалымат иретинде
КР БШК 2023-жылдын 16-июнундагы № 58 токтому менен 2023-жылдын 28-майында болуп ѳткѳн №26 Ленин бир мандаттуу шайлоо округу боюнча Кыргыз Республикасынын Жогорку Кеңешинин депутатын мѳѳнѳтүнѳн мурда шайлоодо добуш берүүнүн жыйынтыктарын анык эмес деп тааныган.
Конституциялык мыйзамга ылайык, эгереде шайлоо анык эмес деп таанылса, бир айдын ичинде Борбордук шайлоо комиссиясы кайра шайлоону дайындайт, ал эки айлык мѳѳнѳттѳ ѳткѳрүлѳт.
2023-жылдын 12-июлунда БШК 2023-жылдын 10-сентябрына, жекшембиде №26 Ленин бир мандаттуу шайлоо округу боюнча Кыргыз Республикасынын Жогорку Кеңешинин депутатын кайра шайлоону дайындоо жѳнүндѳ токтом кабыл алган.
Конституциялык мыйзамдын 38-беренесинин 2-бѳлүгүнүн, 37-беренесинин 4-1-бѳлүгүнүн талаптарына ылайык «Кайра шайлоо өткөрүлгөн учурда, иш аракеттери шайлоону жараксыз деп таануу үчүн негиз болгон талапкерлер кайрадан шайлануучу орунга талапкерликке көрсөтүлүшү мүмкүн эмес».
КР БШК маалымат бѳлүмү
