2023-жылдын 29-мартында «Учкун» ААКсында 2023-жылдын 9-апрелине дайындалган, Баткен, Ош, Талас жана Чүй облустарынын айрым жергиликтүү кеңештеринин депутаттарын шайлоону өткөрүү үчүн шайлоо бюллетендерин даярдоо аяктады. «Жергиликтүү кеңештердин депутаттарын шайлоо жөнүндө» КР Мыйзамына ылайык, бюллетендер даярдалып, добуш берүү күнүнө чейин 10 календарлык күн калганда аймактык шайлоо комиссияларына жөнөтүлдү.
Айылдык жергиликтүү кеңештеринин депутаттарын шайлоону өткөрүү үчүн 63 913 бюллетень даярдалды. 53 бюллетень Брайль ариби менен даярдалды.
Аламүдүн АШКсына 6343 бюллетень, анын ичинде 3173 – кыргыз тилинде, 3170 – орус тилинде, Жайыл АШКсына – 2724 бюллетень, анын ичинде 1824 – кыргыз тилинде, 840 орус тилинде, Кара-Буура АШКсына – 9560 бюллетень, Жумгал АШКсына – 10241 бюллетень, Кара-Суу АШКсына – 12273 бюллетень, Ноокат АШКсына – 10794 бюллетень, Кара-Кулжа АШКсына – 2108 бюллетень, Алай АШКсына – 1793 бюллетень, Баткен районунун Ак-Сай жана Ак-Татыр айылдык кеңештеринин депутаттарын шайлоого Баткен АШКсына – 8077 бюллетень жөнөтүлдү.
Баткен районунун Самаркандек айылдык кеңешинин депутаттарын шайлоо пилоттук режимде модернизацияланган идентификациялык түзүлүштөрдү пайдалануу менен апробациядан өткөрүлүп жаткандыгына байланыштуу шайлоо бюллетендерин даярдоо добуш берүү күнү модернизациялаган идентификациялык түзүлүштөрдү колдонуу менен жүргүзүлөт.
Курамында БШК мүчөлөрү, БШК аппаратынын бөлүмдөрүнүн кызматкерлери болгон жумушчу топ “Учкун” ААКта бюллетендерди басуу процессине тынымсыз (күнү-түнү) байкоо жүргүздү. “Учкун” ААКтын басып чыгаруу цехинде жергиликтүү кеңештердин депутаттарын шайлоону өткөрүү үчүн басылган бюллетендерди тесттен өткөрүүчү жабдыктардын комплекти орнотулган. Кайтаруу УКМК жана ИИМ кызматкерлери тарабынан камсыздалды.
Шайлоо бюллетенинин жогорку даражадагы корголуусу бар, автоматтык эсептөөчү урна (АЭУ) ар бир бюллетенди тааный алуусу үчүн атайын белги коюлат.
Жараксыздарын алып салгандан кийин жергиликтүү кеңештердин депутаттарын шайлоону өткөрүү үчүн басылган 61 килограмм бюллетень жок кылынды. Басмакана жараксыздарын алып салгандан кийин шайлоо бюллетендерин БШК мүчөлөрүнө акт боюнча өткөрүп берет. Шайлоо бюллетендерин КР БШКнын кеминде 3 мүчөсүнүн, басмакананын, жалпыга маалымдоо каражаттарынын, укук коргоо органдарынын өкүлдөрүнүн катышуусу менен өткөрүп бергенден кийин жараксыз жана ашык шайлоо бюллетендери жок кылынат, бул жөнүндө акт түзүлөт, ага катышкан адамдардын бардыгынын колу коюлат.
Шайлоо бюллетендерин басмакананын, шайлоо комиссиясынын жайларынан алып чыгууга, ошондой эле мыйзам талаптарын бузуу менен шайлоо бюллетендерин көчүрмөлөөгө жана таратууга тыюу салынат.
КР БШК аппаратынын маалымат бөлүмү
