28-февралда жана 1-мартта КР БШК жергиликтүү кеңештердин депутаттарын шайлооөтүүчү Баткен облусунун Баткен районунун Самаркандек, Ак-Татыр жана Ак-Сай айылдарынын тургундары менен жолугушууларды өткөрдү.
Жолугушууга КР БШК төрагасы Н. Шайлдабекова, БШК мүчөсү А. Дубанбаева, Баткен районунун акими У. Жоробаев, Самаркандек айыл өкмөтүнүн башчысы Д. Байзаков, Ак-Сай айыл өкмөтүнүн башчысы А. Сабиров, айылдыккеңештердин депутаттары, укук коргоо органдарынын өкүлдөрү катышты.
БШК төрагасы алдыдагы жергиликтүү кеңештердин депутаттарын шайлоонун өзгөчөлүктөрү жана аны даярдоонун жүрүшү жөнүндө айтып берди. Жергиликтүү тургундаршайлоо этаптары, талапкерлерди көрсөтүү жанакаттоо, шайлоо алдындагы үгүт жүргүзүүэрежелери, КР шайлоо мыйзамдарын бузгандык үчүн жоопкерчилик тууралуу маалымат алышты.
Электрондук добуш берүүнүн жол-жоболору жана электрондук добуш берүүчү шайлоочулардын тизмесине киргизүү тартиби Самаркандек айыл аймагынын тургундары менен жолугушуунун башкы темасы болду. КР ПрезидентининЖарлыгын аткаруу үчүн БШК электрондук добуш берүүнү пилоттук режимде апробациялоо үчүнБаткен облусунун Баткен районунун Самаркандек айылдык кеңешин аныктады.
1) Ак-Сай айыл аймагынын тургундары менен жолугушууда Ак-Сай айыл аймагынын Миң-Булак айылынын тургундары шайлоодо аралыгы 12 км аралыкта жайгашкан Көк-Таш айылындагы №8063 шайлоо участогуна барып добуш берип жаткандыктан, айылды жаңы шайлоо участогун түзүү жөнүндө Миң-Булак айылынынтургундарынан кайрылуу келип түштү.
(*БШКнын 04.03.2023-ж. токтому менен Миң-Булак айылында жаңы шайлоо участогу ачылды – БШКнын маалымат бөлүмү).
2) Ак-Сай айылдык кеңештеринин депутаттарын шайлоодо дагы электрондук добуш берүүнүколдонуу жөнүндө Ак-Сай айыл аймагынын тургундарынан сунуш келип түштү.
(*БШКнын 07.03.2023-ж. токтому менен Ак-Сай жана Ак-Татыр айылдык кеңештериншайлоодо дагы электрондук добуш берүүнү апробациялоо жөнүндө чечим кабыл алынды).
3) Тургундар Баткен районунун Калкты тейлөө борборлоруна (КТБ) кайрылган адамдар өтө көп болгондуктан шайлоочулардын тизмесине киргизүү, жашаган жерин каттоо жөнүндө маалыматтарды паспорттун чибине актуалдаштыруу үчүн жашаган жерин өз убагында каттоодо, кайра каттоодо, паспорт алмаштырууда, биометрикалык каттоодон өтүүдө ж.б. маселелердекыйынчылыкка дуушар болуп жатышканытууралуу маалымат беришти.
(*СӨМ менен КР БШКнын мобилдик топтору4-10-март күндөрү шайлоонун алкагында Баткен районунда КТБ (ЦОН) кызмат көрсөтүүлөрү жана маалыматтык иш боюнчакөчмө иштерин жүргүздү).
4) Таш-Тумшук айылынын тургундары өзүнчө 2019-жылдагыдай Таш-Тумшук шайлоо округун(№8198 УШК) түзүү жөнүндө маселе мененкайрылышты (*шайлоочуларды каттоону тактоо боюнча иштер жүргүзүлүп, жыйынтыгында округ ачуу үчүн негиздер жетишсиз деп табылды).
Жолугушуунун соңунда БШК төрагасыСамаркандек, Ак-Татыр жана Ак-Сай айылаймактарынын тургундарын шайлоого жигердүү катышууга жана алардын кызыкчылыктарын мыкты коргогон талапкерлерди тандоого чакырды.
Маалымат үчүн: Электрондук добуш берүүгө шайлоочулар – шайлоочулардын тизмесине киргизилген, бирок ар кандай себептер менен аймактардын чегинен тышкары жерлерде жүргөн жана участокто добуш берүүгө катышууга мүмкүнчүлүктөрү жок айылдык кеңештин жергиликтүү жамаатынын мүчөлөрүкатыша алышат.
Электрондук добуш берүүгө катышуу үчүн добуш берүү күнүнө чейин 15 календардык күндөн кечиктирбестен б.а. 2023-жылдын 24-мартына чейин (кошуп алганда) мыйзамдарга ылайык идентификациядан жана авторлоштуруудан өтүп, тиешелүү шайлоо комиссиясына арыз берүүгө же «Шайлоочунун кабинети» (voter-cabinet.srs.kg) сервиси аркылуу электрондук түрдө арыз бере алышат.
Электрондук добуш берүүгө катышуу үчүн шайлоочунун төмөнкүлөрү болушу керек:
- “Түндүк” электрондук кызмат көрсөтүүлөрүнүн мамлекеттик порталында колдонуудагы эсепке алынуучу каттоосу;
- булуттук электрондук кол тамгасы;
- Интернет түйүнүнө кирүү мүмкүнчүлүгү менен мобилдик түзүлүшү же персоналдык компьютери;
- атайын тиркемеси.
Жарандар электрондук кол тамганы Самаркандек жана Ак-Татыр айылдарындагы Жарандык жана санариптик билим берүү борборлорунан, ошондой эле Баткен ш. КТБ (ЦОН) алса болот.
Маалымат алуу үчүн телефондор: 1255, 66 02 40.
КР БШК аппаратынын маалымат бөлүмү
