2023-жылы 28-февралда Самаркандек айыл аймагынын тургандары үчүн Жарандык жана санариптик билим берүү борбору ачылды.

Борбордун ачылышына КР БШК төрагасы Н. Шайлдабекова,  БШК мүчөсү А. Дубанбаева, Баткен районунун акими У. Жоробаев, Самаркандек айыл өкмөтүнүн башчысы Д. Байзаков,  ошондой эле ушул айыл аймагынын тургундары катышты.

Борбордун ачылышынын жүрүшүндө КР БШКнын Жарандык билим берүү жана шайлоо технологиялары борбору менен Самаркандек айыл өкмөтүнүн ортосунда жарандар үчүн жарандык жана санариптик билим берүүнү алга жылдырууга багытталган ар түрдүү форматтардагы биргелешкен аракеттер жана иш-чаралар боюнча кызматташуу жөнүндө Меморандум кол коюлду.

Самаркандекте жаңы Борбордун ачылышы 2023-жылдын 9-апрелине дайындалган Самаркандек айылдык кеңешинин депутаттарын шайлоо электрондук добуш берүүнү пилоттук режимде апробациялоо катары өткөрүлө тургандыгына дагы байланыштуу, бул жерде электрондук добуш берүүгө катышуу үчүн санариптик көндүмдөр жана булуттук электрондук кол тамга талап кылынат.

Борбордо күн сайын “Түндүк” мамлекеттик электрондук кызмат көрсөтүүлөр порталын пайдалануу эрежелери үйрөтүлүп, булуттук электрондук кол тамга (БЭК) акысыз берилет. Тургундар мамлекеттик кызмат көрсөтүүлөр порталын пайдалануу менен өз маалымкаттарын жана документтерин кагазга басып чыгара алышат. Борбордо интернет, зум, компьютердик жабдуулар жеткиликтүү.

“Самаркандектеги Жарандык жана санариптик билим берүү боюнча жаңы Борбор тургундар тарабынан жигердүү пайдаланылат жана санарип доорунда зарыл билимдер менен көндүмдөргө ээ болууга жардамдашат деп ишенебиз”, - деп белгиледи БШК төрагасы.

Борбордун жарандардын бардык категорияларына багытталган, анын ичинде улгайган адамдар, жаштар, аялдар жана ДМЧАлар үчүн атайын программалар болот. Борбор жарандык жана санариптик багыттагы темалардын кеңии спектри боюнча иш жүргүзөт.

Жарандык жана санариптик билим берүү борборунун ачылышы Самаркандек айыл аймагы үчүн маанилүү окуя болуп калды. Ал тургундарга билимдер менен көндүмдөргө ээ болууга гана мүмкүнчүлүк бербестен, коворкингдин, иштин ар түрдүү чөйрөсүндөгү өкүлдөрдүн жакындашуусунун жана тажрыйба алмашуусунун дагы борбору болуп калмакчы.

Жарандык жана санариптик билим берүү борбору төмөнкү даректе жайгашкан: Баткен облусунун Баткен  районунун Самаркандек айылы, И. Раззаков көч., 8, Самаркандек айыл өкмөтү (ЖжСББ)

Маалымат үчүн:

2022-жылдын октябрынан тартып бардык аймактарда ачылган Жарандык жана санариптик билим берүү боюнча 70 борбордо күн сайын мамлекеттик электрондук кызмат көрсөтүүлөр порталын пайдалануу эрежелери үйрөнүп, электрондук санариптик кол тамга (ЭСК) алса болот.

Бул – маанилүү! Жарандык жана санариптик билим берүү борборлорунда Сиз  электрондук санариптик кол тамга (ЭСК) алсаңыз болот. ЭСК акысыз берилет. Санариптик кол тамга толук укуктук күчкө ээ жана “кол менен коюлган кол тамганын” эквиваленти болуп саналат. Ал жеке жактарга аралыкта өз ара аракеттешүүгө,  мамлекеттик органдарга электрондук түрдө отчёт тапшырууга, укуктук жактан маанилүү документтерди жүргүзүүгө мүмкүнчүлүк берет. Мындан тышкары, жарандар ЭСК аркылуу идентификациялоонун Бирдиктүү тутумуна кире алышат, ал тутум аркылуу электрондук түрдө  мамлекеттик кызмат көрсөтүүлөрдү пайдалана алышат.