Кыргыз Республикасынын Конституциясына ылайык балдар – Кыргыз Республикасынын эң баалуу байлыгы. Мамлекет балдардын ар тараптуу руханий, адеп-ахлактык, интеллектуалдык жана дене-бой жактан өнүгүүсүнө өбөлгө болуучу шарттарды түзүү менен аларды мекенчилдикке жана атуулдукка тарбиялайт.
Бүгүн – Балдарды коргоонун эл аралык күнү, Маалыматтык технологиялар боюнча «Kids IT Day» балдар форуму Кыргызстанда биринчи жолу өттү.
Балдар форуму майыптыгы бар жана камсыздыгы аз үй-бүлөлөрдүн 12 жаштан 18 жашка чейинки курактагы балдар үчүн Кыргыз Республикасынын Шайлоо жана референдум өткөрүү боюнча борбордук комиссиясынын жана «Интернет саясат жарандык демилгеси» коомдук фондусунун (КФ) демилгеси менен КРПрезидентинин Администрациясынын, КР Санариптик өнүктүрүү министрлигинин, «Бала укуктарын коргоо лигасы» КФ, КР Жогорку технологиялар паркы, Программалык камсыздоону иштеп чыгуучулардын жана кызмат көрсөтүүлөрдүн Кыргыз Ассоциациясы (КАРПОУ), «Долбоорлор офиси» ММ колдоосу астында уюштурулду.
Өнөктөштөр: О! Мобилдик оператору, Электрондук спорт коому, Электрондук соода Ассоциациясы, «Альфа Телеком» ЖАК, «Каспе́рский лаборато́риясы» АК, Atlas Group, E-Sports Community of Kyrgyzstan, IT академия, «Robooky» инжиниринг жана робототехника мектеби, DIGI, Kaynar Icecream, «Шоро» компаниясы.
Бул иш-чаранын Борбордук шайлоо комиссиясынын аянтчасында уюштурулушу кокустук эмес. КР БШК шайлоо процессине санариптик технологияларды жайылтуу жагынан көп өлкөлөр, биринчи кезекте постсоветтик мейкиндик үчүн таанылган лидер болуп саналат. Жаңы технологиялардын аркасындаКыргызстандагы шайлоолор небак эле анык жана ачык-айкынболуп калды, «Бир шайлоочу – бир добуш» принциби ишке ашырылды.
«Киргизилген маалыматтык технологияларшайлоого контролдук жүргүзүүнүн жарандык каражаттары менен биргеликте өлкөбүздө демократиялык шайлоо реформасынын башкы максатына – шайлоонун жыйынтыгын шайлоочу аныктаган максатка жетүүгө мүмкүнчүлүк түздү. Бул – өлкөбүздүн зор жетишкендиги, биз муну менен сыймыктанышыбыз керек», - деп айтты КР БШК төрагасы Нуржан Шайлдабекова.
Форумдун аянтчасында балдар менен өспүрүмдөр конкурстарга жана интерактивдерге, блогерлердин флешмобуна, киберспорт боюнча турнирине, программалоо жана роботтехника боюнча мастер-класска катышты. МКТ эксперттери жана адистери бул тармактагы мүмкүн боло турган келечекти, перспективаны ачып берүүчү, угуучуларды кызыктырган окуяларды айтып беришти.
XXI кылымда маалыматтык технологиялар иш жүзүндө жашоонун бардык чөйрөлөрүнүн –мамлекеттик башкаруунун, экономиканын, билим берүүнүн, социалдык коммуникациялардын ж.б. өнүгүшүн аныктайт. Маалыматтык технологияларкоомдо бириктирүүчү жана жаратуучу роль аткара алат. КР БШК платформасында өткөрүлгөн иш-чаралар ар бир балага өзү үчүн кызыктуу теманы табууга жана алынган билимди келечекте колдонууга дараметтүү мүмкүнчүлүк алууга, алар ар түрдүү, бирок тең баалуу жана маанилүү экендигин сезип-туюуга жардам берди. Ал эми эң жигердүү катышуучулар демөөрчүлөрдөн баалуу байгелерди алышты.
Ошондой эле информатика жана шахматбоюнча улуттук олимпиаданын жеңүүчүлөрүсыйлыкка татыктуу болушту.
Төмөнкүлөр онлайн шахматтын мыкты катышуучулары болуп калышты:
Төмөнкүлөр информатика боюнча мыкты натыйжаларды көрсөтүштү:
