1-июнда Борбордук шайлоо комиссиясында Бишкек ш., Пушкин көч., 50 дареги боюнча Балдарды коргоонун эл аралык күнүнө арналган Маалыматтык технологиялар боюнча «Kids IT Day» балдар форуму биринчи жолу өтөт.
Иш-чаранын максаты: балдардын инновация жана маалыматтык технологиялар чөйрөсүндөгү билим деңгээлин арттыруу жана аларды бул тармакка кызыктыруу, бул чөйрөдө мүмкүн боло турган келечекти көрсөтүү.
15-17 жаштагы жалпы саны 200гө жакын балдардын катышуусу күтүлүүдө. Алардын арасында математика жана информатика боюнча улуттук олимпиаданын жеңүүчүлөрү, ошондой эле Бишкек шаарындагы ден соолугунун мүмкүнчүлүктөрү чектелген балдар окуган мектептердин окуучулары болмокчу.
Иш-чарага эксперттер, МКТ чөйрөсүндөгү адистер, МТ компанияларынын өкүлдөрү, КРдеги блогерлер жана киберспортсмендер катышат.
Катышуучуларды эмне күтүүдө?
«Kids IT Day» технологиялык фестиваль форматында өтөт, ал эксперттердин жана телекоммуникация компанияларынын өкүлдөрүнүн чыгып сүйлөөлөрүн, иш-чаранын демөөрчүлөрүнүн жана өнөктөштөрдүн баалуу байгелерин тапшыруу менен конкурстарды жана интерактиваларды, блогерлердин флешмобун, математика жана информатика боюнча улуттук олимпиаданын жеңүүчүлөрүнө белектерди тапшырууну, киберспорт боюнча турнирди, программалоо жана роботехника боюнча мастер-классты бириктирет. БШКнын имаратына борбордук кире бериште фудкорддор жана фотозона жайгашат.
Иш-чаранын уюштуруучулары: КР БШК, ГИИП КФ, КР Санариптик өнүктүрүү министрлиги, «Долбоорлор офиси» ММ, «Бала укуктарын коргоо лигасы» КФ, КР Жогорку технологиялар паркы, Программалык камсыздоону иштеп чыгуучулардын жана кызмат көрсөтүүлөрдүн Кыргыз Ассоциациясы (КАРПОУ).
Форумдун башкы өнөктөшү: О! Мобилдик оператору.
Өнөктөштөр: «Альфа Телеком» ЖАК, «Каспе́рский лаборато́риясы» АК, Atlas Group, E-Sports Community of Kyrgyzstan, IT академия, «Robooky» инжиниринг жана робототехника мектеби, DIGI, Kaynar Icecream, «Шоро» компаниясы.
