2022-жылдын 27, 28-апрелинде Чүй облусунун Кемин районунун Жаңы-Алыш жана Москва районунун Александровка, Ысык-Көл облусунун Тоң районунун Кажы-Сай айылдык кеңештеринин жаңы шайланган депутаттарынын биринчи сессиясы болуп өттү.
Кемин, Москва жана Тоң аймактык шайлоо комиссияларынын (АШК) төрагалары 3 айылдык кеңештин шайланган депутаттарына белгиленген үлгүдөгү ырастамаларды жана төш белгилерди тапшырды.
Депутаттарга ырастамаларды жана төш белгилерди тапшырууда КР БШК мүчөлөрү Бекматов А.Г., Дубанбаева А.С., Москва райондук мамлекеттик администрациясынын уюштуруу иштери жана жергиликтүү өз алдынча башкаруу секторунун башчысы Орозбаева М. М., Кажы-Сай айыл өкмөтүнүн башчысы Толонов У.Т., ошондой эле КР БШКнын Кемин АШКдагы атайын өкүлү Вахрушева Т.Н., КР БШКнын Кемин АШКдагы атайын өкүлү Кыдыралиев Т.К., КР БШКнын Тоң АШКдагы атайын өкүлү Токтосунов Б.Б. катышты.
Биринчи сессияларда 3 айылдык кеңештин төрагалары депутаттардын арасынан жашыруун добуш берүү жолу менен жергиликтүү кеңештин ыйгарым укуктарынын мөөнөтүнө шайланды.
Төмөнкү депутаттар төрага болуп шайланды:
1) Чүй облусунун Кемин районунун Жаңы-Алыш айылдык кеңеши – Мырзадаиров Бакыт Жолдошбекович, 11 добуштан 11 добуш алды, кеңештин депутаттарынын тобу көрсөттү.
Маалымат үчүн:
Мырзадаиров Бакыт Жолдошбекович, 1983-жылы 1-февралда туулган,
Улуту – Кыргыз.
Билими – жогорку, И.Раззаков атындагы Кыргыз мамлекеттик техникалык университетин «электр станциялары» адистиги боюнча.
Эмгек жолу:
2006-2022-жж. азыркы кезге чейин “Түндүк электр” ААКта инженер–метролог.
2) Чүй облусунун Москва районунун Александровка айылдык кеңеши – Давузова Марьям Юнуровна, 21 добуштан 14 добуш алды, кеңештин депутаттарынын тобу көрсөткөн 2 талапкердин ичинен.
Маалымат үчүн:
Давузова Марьям Юнуровна, 1955-жылы 16-ноябрда туулган,
Улуту – дунган.
Билими – жогорку, Жусуп Баласагын атындагы Кыргыз Мамлекеттик улуттук университетин «тарых жана коом таануу окутуучусу» адистиги боюнча.
Эмгек жолу:
2008-ж. азыркы кезге чейин Александровка Маданият үйүнүн директору;
2003–2022-жж. - «Кыргызстан дунгандар ассоциациясы» КБнын Александровка айылындагы Маданият борборунун төрагасы;
2000–2008-жж. - Александровка Маданият үйүнүн көркөм жетекчиси;
1996-2012-жж. - Александровка айылдык кеңешинин депутаты;
1992–2000-жж. - Александровка айылындагы «Улыбка» бала бакчасынын башчысы;
1989–2006-жж. – «Дружба» колхозунун Маданият үйүнүн методисти;
1980-1989-жж. - Александровка айылдык кеңешинде АЭС (ВУС) боюнча иш кагаздарын жүргүзүүчү;
1979-1980-жж. - Александровкадагы №1 орто мектептин география мугалими;
1977-1979-жж. – улук пионер башчы жана айкаштырып иштөө боюнча – китепканачы;
1975-1977-жж. - китепканачы жана эмгек жетекчиси;
1974–1975-жж. – Александровкадагы №1 орто мектептин пионер башчысы.
3) Ысык-Көл облусунун Тоң районунун Кажы-Сай айылдык кеңеши – Акунов Ильич Талдыбекович 11 добуштан 6 добуш алды, кеңештин депутаттарынын тобу тарабынан 2 талапкер көрсөтүлдү.
Кажы-Сай айылдык кеңешинин төрагалыгына 2 талапкер – Ильич Акунов жана Гулмира Каратаева көрсөтүлдү.
Добуш берүүгө Кажы-Сай айылдык кеңешинин бардык 11 депутаты катышты, И. Т. Акунов 6 добуш, Г.К. Каратаева 5 добуш алды.
Маалымат үчүн:
Акунов Ильич Талдыбекович, 1978-жылы 1-ноябрда туулган,
Улуту – кыргыз.
Билими – орто.
Эмгек жолу:
2018-ж. азыркы кезге чейин “Кажы-Сай” СООППВ жетекчиси;
2015–2018-жж. – БӨСМда (ДЮСШ) бокс боюнча инструктор;
2004-2006-жж. – Каджи-Сайдагы кварц фабрикасында жумушчу;
2002-2004-жж. – жеке менчик түрүндөгү коопсуздук кызматынын кызматкери;
1996-1998-жж. – армияда кызмат өтөгөн.
КР БШК аппаратынын маалымат бөлүмү
КР БШК аппаратынын маалымат бөлүмү
