2022-жылдын 26-апрелинде Токтогул шаардык кеңешинин биринчи сессиясы өттү.
Токтогул аймактык шайлоо комиссиясынын (АШК) катчысы Перизат Бошкоева Токтогул шаардык кеңешинин шайланган депутаттарына белгиленген үлгүдөгү ырастамаларды жана төш белгилерди тапшырды.
Депутаттарга ырастамаларды жана төш белгилерди тапшырууда Токтогул райондук мамлекеттик администрациясынын башчысы Тюкебаев А.А., Токтогул шаарынын мэри Болгонбеков Б. Т., КР БШКнын шайлоо процессин уюштуруу башкармалыгынын начальниги Айтикеев Т.О. жана КР БШКнын Токтогул АШКдагы атайын өкүлү Ажыканов А.Б. катышты.
Токтогул шаардык кеңешинин төрагасынын кызмат ордуна 2 талапкер – «Ынтымак» депутаттык фракциясынан Барман Белеков жана «Тынчтык» депутаттык фракциясынан Максатбек Дөөлөтбеков көрсөтүлдү.
Добуш берүүгө Токтогул шаардык кеңешинин бардык 31 депутаты катышты, Б.С. Белеков – 16, М.К. Дөөлөтбеков 15 добуш алды.
Добуш берүүнүн жыйынтыгына ылайык Белеков Барман Самидинович Токтогул шаардык кеңешинин төрагасы болуп шайланды.
2022-жылдын 10-апрелинде Жалал-Абад облусунун Токтогул районунун Токтогул шаардык кеңешинин депутаттарын шайлоо болуп өттү.
2022-жылдын 15-апрелинде Токтогул АШК Токтогул шаардык кеңешинин депутаттарын шайлоо натыйжаларын аныктады.
Токтогул шаардык кеңешинин депутаттарын шайлоодо 7 партия шайланды: . «Ата-Журт Кыргызстан» - 6 мандат, 2. «Тынчтык» - 5 мандат, 3. «Ынтымак» - 5 мандат, 4. «Бирге-Вместе» - 4 мандат, 5. «Мекен-Ынтымагы» - 4 мандат, 6. «Ишеним» - 4 мандат, 7. «Эл - Үмүтү» - 3 мандат алды.
Маалымат үчүн:
Белеков Барман Самидинович, 1982-жылы 4-февралда туулган,
Улуту – Кыргыз.
Билими – жогорку, КР ИИМ Академиясы
Үй-бүлөлүк абалы – үй-бүлөлүү, 3 баласы бар.
Эмгек жолу:
- 2015-жылдын сентябрынан тартып азыркы кезге чейин Эл аралык славян институтунун Бишкектеги филиалынын (ЭСИ БФ) «Юриспруденция» кафедрасынын башчысы;
- 2013-2015-жж. – ЭСИ БФ «Юриспруденция» кафедрасынын доценти;
- 2012-2013-жж. – КРӨ караштуу ЭККМК ТБ (финансы полициясы) тергөөчүсү;
- 2009-ж. – КР Жогорку Кеңешинин Аппаратынын Конституциялык мыйзамдар, мамлекеттик түзүлүш жана адам укуктары боюнча комитетинин бөлүмү;
- 2008-2009-жж. – КР Жогорку Кеңешинин Аппараты, депутаттын консультанты;
- 2004-2007-жж. – Россия ИИМдин Башкаруу академиясы, аспирант;
- 2004-ж. - Ленин районунун ИИБ, оперыйгарым укуктуу;
- 1999–2004-жж. ИИМдин Академиясы, курсант.
КР БШК аппаратынын маалымат бөлүмү
