2022-жылдын 10-апрелинде Жалал-Абад, Ысык-Көл, Нарын, Ош жана Чүй облустарынын 3 шаардык кеңешинин – Кара-Балта, Таш-Көмүр, Токтогул шаардык кеңештеринин жана 13 айылдык кеңешинин депутаттарын шайлоо болуп өттү.
2022-жылдын 26-апрелине карата графикке ылайык 10 жергиликтүү кеңештин биринчи уюштуруу сессиясы өттү.
Аймактык шайлоо комиссиялары (АШК) Токтогул жана Кара-Балта шаардык кеңештеринин жана 8 айылдык кеңештин шайланган депутаттарына белгиленген үлгүдөгү ырастамаларды жана төш белгилерди тапшырды.
Депутаттарга ырастамаларды жана төш белгилерди тапшырууда КР БШК төрагасынын орун басары Койчукеев Н.Ч., КР БШК мүчөлөрү Гайпкулов И.Т., Бекматов А.Г. жана КР БШКнын шайлоо процессин уюштуруу башкармалыгынын начальниги Айтикеев Т.О., ошондой эле КР БШКнын тиешелүү АШКдага атайын өкүлдөрү катышты.
Маалымат үчүн:
2022-жылдын 14-15-апрелинде аймактык шайлоо комиссиялары (АШК) участоктордон түшкөн протоколдордун негизинде жалпысынан кеңештин аймагында добуш берүүнүн жыйынтыктаран чыгарды жана алардын негизинде 2022-жылы 10-апрелде болуп өткөн 16 жергиликтүү кеңештин депутаттарын шайлоо натыйжаларын аныктады.
2022-жылдын 18-апрелинде КР БШК 2022-жылы 10-апрелде болуп өткөн 3 шаардык жана 13 айылдык кеңештин депутаттарын шайлоо натыйжалары тууралуу АШКлардын протоколдорун бекитти.
2022-жылы 23-апрелде АШКлар жарыялангандан кийин 3 күндүк мөөнөттө 16 жергиликтүү кеңештин шайланган депутаттарын каттады.
Биринчи сессияларда Токтогул жана Кара-Балта шаардык кеңештеринин жана 8 айылдык кеңештин төрагалары депутаттардын арасынан жашыруун добуш берүү жолу менен жергиликтүү кеңештин ыйгарым укуктарынын мөөнөтүнө шайланды.
Төмөнкү депутаттар төрага болуп шайланды:
1) Ош облусунун Кара-Суу районунун Ак-Таш айылдык кеңеши – Аматов Абдикарим, 21 добуштан 21 добуш алды, кеңештин депутаттарынын тобу көрсөттү;
2) Ош облусунун Кара-Суу районунун Төлөйкөн айылдык кеңеши – Боронбаев Денис Купуевич, 31 добуштан 25 добуш алды, кеңештин депутаттарынын тобу көрсөткөн 2 талапкердин ичинен;
3) Ош облусунун Араван районунун С. Юсупов айылдык кеңеши – Файзуллаев Нурулло Шукуруллаевич, 30 добуштан 16 добуш алды, кеңештин депутаттарынын тобу көрсөткөн 2 талапкердин ичинен;
4) Чүй облусунун Кемин районунун Кара-Булак айылдык кеңеши – Кулболдиев Алмазбек Медетович, 11 добуштан 6 добуш алды, кеңештин депутаттарынын тобу көрсөткөн 2 талапкердин ичинен;
5) Чүй облусунун Кемин районунун Көк-Ойрок айылдык кеңеши – Шейшенбеков Алишер Шейшенбекович, 11 добуштан 6 добуш алды, кеңештин депутаттарынын тобу көрсөткөн 3 талапкердин ичинен;
6) Жалал-Абад облусунун Сузак районунун Көк-Арт айылдык кеңеши – Энназаров Азамат Арзыкулович, 21 добуштан 11 добуш алды, кеңештин депутаттарынын тобу көрсөткөн 2 талапкердин ичинен;
7) Жалал-Абад облусунун Аксы районунун Кара-Жыгач айылдык кеңеши – Назарбеков Анаралы Чиркейович, 20 добуштан 11 добуш алды, кеңештин депутаттарынын тобу көрсөткөн 2 талапкердин ичинен;
8) Нарын облусунун Ак-Талаа районунун Тоголок Молдо айылдык кеңеши – Абдыласов Бекназар Асанбекович, 11 добуштан 11 добуш алды, кеңештин депутаттарынын тобу көрсөттү;
9) Жалал-Абад облусунун Токтогул шаардык кеңеши – Белеков Барман Самидинович, «Ынтымак» депутаттык фракциясынан, 31 добуштан 16 добуш алды, депутаттык фракциялар көрсөткөн 2 талапкердин ичинен;
10) Чүй облусунун Жайыл районунун Кара-Балта шаардык кеңеши – Ажыматов Азамат Темиркатович, «ЭлАман» депутаттык фракциясынан, 31 добуштан 31 добуш алды, депутаттык фракция көрсөттү.
Ошондой эле 2022-жылдын Чүй облусунун Сокулук районунун Сокулук айылдык кеңешинин жана Нарын облусунун Ат-Башы районунун Казыбек айылдык кеңешинин жаңы шайланган депутаттарынын 25 жана 26-апрелине дайындалган биринчи сессиялары 2022-жылдын 29-апрелине которулду.
КР БШК аппаратынын маалымат бөлүмү
