БШК Кара-Балта шаардык кеңешинин депутаттарын шайлоо натыйжалары тууралуу Кара-Балта аймактык шайлоо комиссиясынын протоколун бекитти.

2022-жылы 10-апрелде Кара-Балта шаардык кеңешинин депутаттарын шайлоо болуп өттү.

Кара-Балта шаарында шайлоочулардын жалпы саны 30 968 адамды түзөт, анын ичинде шайлоого добуш берүүгө 10 926 шайлоочу катышты, бул 35,28%ды түзөт.

Кара-Балта шаардык кеңешинин депутаттарын шайлоону өткөрүү үчүн Кара-Балта шаарынын аймагында 16 шайлоо участогу жана 1 бирдиктүү шайлоо округу уюшулган.

2022-жылы 10-мартта Кара-Балта аймактык шайлоо комиссиясынын чечими менен 6 саясий партия катталган, талапкерлердин тизмесинде – 323 талапкер, анын ичинде – 140 аял.

2022-жылы 15-апрелде Кара-Балта аймактык шайлоо комиссиясы Кара-Балта шаардык кеңешинин депутаттарын шайлоо натыйжаларын аныктады.

Кара-Балта шаардык кеңешинин депутаттарын шайлоо натыйжалары тууралуу протоколдун негизинде катталган 6 партиядан 6 партия 7%дык босогодон өттү:

1. «Ишеним» - 2 591 добуш (23, 66%);

2. «Күчтүү Коом – Сильное Общество» - 2160 добуш (19,72%);

3. «Социал-демократтар» - 1856 добуш (16,95%);

4. «Ыйман –Нуру» - 1563 добуш (14,27%);

5. «Альянс» - 1529 добуш (13,96%);

6. «ЭлАман» - 993 добуш (9,7%).

Кара-Балта шаардык кеңешинин депутаттарын шайлоо натыйжалары боюнча саясий партиялардын ортосунда мандаттар төмөнкүдөй бөлүштүрүлдү:

1. «Ишеним» - 8 мандат:

- Ачакеева Аида Бейшембиевна;

- Абышов Эржан Ковланович;

- Сарсембаев Галым Арипжанович;

- Джуматаева Айсулуу Дуйшенбековна;

- Болотбеков Данияр Болотбекович;

- Рыскулбек уулу Нурмат;

- Шашко Ирина Васильевна;

- Айткожоев Эмир Чолпонкулович.

2. «Күчтүү Коом – Сильное Общество» - 6 мандат:

- Макишев Нурпаис Эсенбекович;

- Байышбаев Абдусамат Сайпидинович;

- Жапакова Нуржан Масалбековна;

- Асаналиев Аскат Уланбекович;

- Джетыбаева Айгуль Алымкуловна;

- Бекболотова Зарыл Кенжеевна.

3. «Социал-демократтар» - 5 мандат:

- Байсариев Арсен Русланович;

- Дуйшенбиев Рустам Аширсултанович;

- Ладожинская Надежда Ивановна;

- Аманов Азим Галидинович;

- Ниязов Адилет Анарбекович.

4. «Ыйман –Нуру» - 5 мандат:

- Сатыбалдиев Айбек Рахатбекович;

- Мурадылов Рустам Асанович;

- Шыгаева Наргиза Асылбековна;

- Бутобаев Шамшидин Закиржанович;

- Алыбаев Кенжебек Мадылбекович.

5. «Альянс» - 4 мандат:

- Дуйшеналиев Мирбек Кубанычбекович;

- Айтыкулов Урмат Калыбекович;

- Тыналиева Наргиза Маратовна;

- Кадыркулов Адилет Адылбекович.

6. - «ЭлАман» - 3 мандат:

- Ажыматов Азамат Темирканович;

- Суюмбаев Мирбек Бектурович;

- Билялова Алмазханум Башировна.

«Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4-беренесинин 1-бөлүгүнүн 27-пунктуна ылайык КР БШК жергиликтүү кеңештердин депутаттарын шайлоо натыйжалары тууралуу аймактык шайлоо комиссияларынын чечимдерин бекитет жана аларды жалпыга маалымдоо каражаттарына расмий түрдө жарыялоону жүзөгө ашырат.

КР БШК аппаратынын маалымат бөлүмү