БШК менен Шайлоо тутумдарынын эл аралык фонду (IFES) кызматташуунун келечектеги пландарын талкуулады

15 апреля 2022

КР БШК төрагасы Н. Шайлдабекова менен IFESтин КРдеги Өкүлчүлүгүнүн директору Кети Майсурадзе менен кызматташуунун кыска мөөнөттүү жана узак мөөнөттүү пландарын талкуулады.

Жолугушууга IFESтин КРдеги Өкүлчүлүгүнүн Программалык улук менеджери А. Орехов, БШКнын Жарандык билим берүү жана шайлоо технологиялары борборунун директору (ЖББ) М. Сарымсаков, ЖББ координатору А. Букамбаева жана БШК аппаратынын кызматкерлери катышты.

Жолугушууда кызматташуунун кыска мөөнөттүү жана узак мөөнөттүү пландары талкууланды. Жарандык билим берүү алкагында билим берүү жана маалыматтык-түшүндүрүү иштерин жүргүзүү, шайлоо мыйзамдарын өркүндөтүү, шайлоо комиссияларынын дараметин чыңдоо, шайлоо процессинин ар кыл категориядагы катышуучулары үчүн тренингдерди өткөрүү жана атайын курстарды, колдонмолорду иштеп чыгуу, жаштардын, аялдардын, ДМЧАлардын, ЖМКлардын өкүлдөрү үчүн программаларды ишке ашыруу артыкчылыктуу багыттар катары белгиленди.

 

КР БШК аппаратынын маалымат бөлүмү