Кыргыз Республикасынын Шайлоо жана референдум өткөрүү боюнча борбордук комиссиясы Эл аралык республикалык институт жана “Аялдардын демократиялык түйүнү” коомдук фонду (КФ) менен биргеликте 2021-жылдын 28-ноябрына дайындалган Кыргыз Республикасынын Жогорку Кеңешинин депутаттарын шайлоого талапкерлигин көрсөткөн талапкерлер, талапкерлердин тизмесин көрсөткөн саясий партиялар, ыйгарым укуктуу өкүлдөр, аял депутаттар, аял талапкерлер үчүн 2021-жылдын 12-октябрынан тартып 23-октябрына чейин борборлордо, региондук маанидеги шаарларда маалыматтык сессияларды өткөрөт.
Алдыда өтүүчү парламенттик шайлоого катышуучу аялдардын шайлоо укугу, шайлоо процесси чөйрөсүндөгү дараметин жогорулатуу аркылуу аялдардын лидерлигин илгерилетүү, ошондой эле шайлоо мыйзамдарындагы жаңы өзгөртүүлөр тууралуу маалымат берүү иш-чаранын максаты болуп саналат.
Катышуучулар төмөнкү маселелер боюнча кеңири маалымат жана кеңеш алышат:
- Кыргыз Республикасынын Жогорку Кеңешинин депутаттарын шайлоону аралаш тутум боюнча өткөрүүнүн өзгөчөлүктөрү;
- Шайлоо алдындагы үгүт жүргүзүүнүн өзгөчөлүктөрү;
- Даттанууларды жана арыздарды кароо тартиби;
- Аялдардын лидерлиги. Аялдардын шайлоо процессине саясий катышуусу;
- Кыргыз Республикасындагы партиялык курулуш;
- Чечендик (ораторлук) өнөр жана саясий дебаттар. Шайлоочулар менен натыйжалуу баарлашуу көндүмдөрү.
- Шайлоо процессинде аялдардын саясий укуктарын бузууга жол бербөө.
Катышуу маселелери боюнча шайлоо процессинин катышуучулары менен ѳз ара аракеттешүү жана окутуу методологиясы бѳлүмүнө төмөнкү байланыш телефон номуруна чалып, кайрылууну өтүнөбүз: 62-62-87.
Тренингдерди өткөрүү графиги
|
№ |
Датасы |
Шаар |
Өткөрүлүүчү жер |
|
|
12.10.2021 |
Жалал-Абад ш |
«Жаннат Резорт» отели |
|
|
13.10.2021 |
Ош ш. |
«Жаннат Резорт» отели |
|
|
14.10.2021 |
Баткен ш./Кызыл-Кыя |
«Радио Салам-Баткен» кеңсеси |
|
|
18.10.2021 |
Нарын ш. |
«Хан-Тенгри» отели |
|
|
19.10.2021 |
Каракол ш. |
«Green Yard» отели |
|
|
21.10.2021 |
Талас ш. |
«Кербен» отели |
|
|
23.10.2021 |
Бишкек ш. (Чуй обл. кошулат) |
«Орион» отели |
КР БШК аппаратынын маалымат бөлүмү
