Миссияны Россия Федерациясынын Федералдык жыйынынын Мамлекеттик Думасынын коргонуу боюнча комитетинин төрагасынын орун басары Виктор Заварзин жетектейт.
КМШ ПА миссиясы КМШ парламенттер аралык ассамблеясынын секретариатынан жана парламенттеринин 52 өкүлүнөн турат. Миссиянын жетекчиси “Кыргыз Республикасында өтүп жаткан саясый процесстерге КМШнын парламенттер аралык ассамблеясы чоң маани берерин” билдирди.
Миссия тарабынан шайлоо процессине жана референдумга тыкыр мониторинг жүргүзүлүп, талапкерлер менен жана башка шайлоо процессинин катышуучулары менен жолугшуулар өттү. “Эл бийликтен өзгөрүүлөрдү күтүп жаткандыгын биз уктук. Биз сиздердин моюнга түшкөн чоң жоопкерчиликти сезип турабыз ошондуктан миссия шайлоо комиссияларынын ишине, шайлоого даярдыкка бөтөнчө көңүл бурабыз”. Миссия өкулдөрү шайлоо участокторунда коопсуздуктун жогорку деңгээлин камсыздоонун маанилүү экендигин белгилешти.
Жолугушуунун жүрүшүндө КР БШК төрайымы Н. Шайлдабекова азыркы КР Президентин шайлоодо жана КР референдумуна добуш берүүнүн жүрүшүндө ачыктык жана ишенимдүүлүк боюнча мурдагы жетишкендиктерди сактоо менен, шайлоо процесси учурунда мыйзам бузууларга эффективдүү каршы туруу – башкы артыкчылык берилген багыт экендигин билдирди. Укук коргоо органдары менен өз ара иштешүүдө ыкчам аракет кылуучу координациялык топтун (ЫАККТ) иши күчөтүлгөн темпте жүрүп, ал дайыма БШК менен туруктуу негизде иш алып барып, шайлоодо жана референдумда мыйзам бузуулар боюнча түшкөн маалыматтарга ыкчам чара көрүү жана коомчулукка маалымат берүүдө болгон аракетин көрүп жатат.
БШК мүчөсү Т. Шайназаров миссияга ЫАККТтын иши тууралуу маалымат берди. “Учурда жүрүп жаткан шайлоо кампаниясында биз ар бир мыйзам бузуу тууралуу кабарга укук коргоо органдары тарабынан (Башкы прокуратура, ИИМ, УКМК) тез арада бутүм чыгып, тиешелүү чечимдер кабыл алынып жаткандыгына жетише алдык”. Анын айтымында, укук коргоо органдарынын жетекчилери шайлоо бир гана БШКнын жумушу эмес экендигин, акыйкат, тынч шайлоо жана референдум үчүн бардык мамлекеттик органдар жоопкерчиликтүү экендигин сезген учур келди.
Өз кезегинде миссия идентификациялоодо биометрикалык каттоону колдонуу менен алдыңкы технологиялар пайдаланылып жаткандыгына, ошондой эле Кыргыз Республикасында шайлоо процессинде добуштарды автоматтык түрдө саноо жүрүп жаткандыгына жогору баа беришти. В. Заварзин жаңы шайлоо модели 2015-жылдан бери колдонулуп жаткандыгын жана көп мамлекеттер Кыргызстандын тажрыйбасынан үйрөнүүнү каалай тургандыгын билдирди.
Жолугушуунун аягында Казактандын парламентинин сенатынын өкүлү Нурлан Кылышбаев мурдагы шайлоо кампаниясында Казакстандын жарандары Кыргызстанда өткөн шайлоодон кийинки башаламандыкты үрөйү учуп байкап турушкандыгын билдирди. Эми азыркы президенттик шайлоодо жана референдум өткөрүүдө Кыргызстандын элине ийгилик каалайт.
