БШК: 2021-жылдын 10-январына (жекшемби) дайындалган Президентти мөөнөтүнөн мурда шайлоого жана КР референдумуна шайлоочулардын жана референдумдун катышуучуларынын тизмелери календарлык планга ылайык өлкөнүн бардык шайлоо участкаларына илинди

Кыргыз Республикасынын Президентин мөөнөтүнөн мурда шайлоону жана референдумуна шайлоочулардын биротоло тизмеси 2-январда түзүлүп өлкөнүн баардык шайлоо участкаларына илинди, ошондой эле шайлоочулардын электрондук «Тизме» (tizme.gov.kg) порталына жайгаштырылды.

Шайлоочулардын тизмесине Калктын бирдиктүү мамлекеттик реестринин маалыматынын негизинде 3 млн. 563 миң 574 адам кирген.

• көпчүлүгү Ош областында – шайлоочулардын жалпы санынын 20%. Андан кийин Жалал-Абад областы, Чүй областы жана Бишкек шаары. Шайлоочулардын жалпы санынын 4%нан азы Ош шаары жана Талас областы боюнча.

Мөөнөтүнөн мурда шайлоонун жана референдумдун катышуучуларынын тизмеси мазмуну боюнча бирдей. Бирок шайлоого жана референдумга катышкандардын санын эсептөө добуш берүү күнү өзүнчө жүргүзүлөт.

• Республикасында шайлоочулардын саны 2015-жылга салыштырганда 802 миң 277 адамга же 29,05% га. Көбөйгөн.

Шайлоочулардын санынын өсүшү 2017-жылга салыштырмалуу 537 миң 804 адамга же 18% түзгөн.

Шайлоочулардын санынын өсүшү 2020-жылдын 4-октябрына салыштырмалуу 40 миң 20 адамга же +1.14% түзгөн.

Шайлоочулардын санын көбөйүшү калктын табигый өсүшү жана шайлоочулардын тизмесин өркүндөтүү боюнча тынымсыз иш алып баруудан болду.

Шайлоочулардын санынын өсүү динамикасы жана санынын өзгөрүүсү жөнүндө маалымат:

Белгилей кетүүчү жагдай, шайлоочулардын “Тизме” порталында шайлоонун ар бир деңгээли боюнча тизмеси камтылган: жалпы улуттук жана жергиликтүү шайлоолорду өткөрүүгө шаардык менен айылдык кеңештерге өтүүчү шайлоолор үчүн жергиликтүү тизмелер.

Шайлоочулардын тизмелери шайлоолор ортосундагы аралыкта ай сайын бир жолу, шайлоо мезгилинде такай жаңыртылып турат.

Учурдагы шайлоонун анык тизмелеринен тышкары шайлоочулардын “Тизме” порталында шайлоочулардын мурунку үгүт иштерине катышуусу боюнча статистикалык маалыматтар, өздүк маалыматтарды жалпы тизмеден издөө баракчасы, электрондук “Шайлоочунун кабинети”, ошондой эле шайлоочулардын мурда жазылган арыздарынын негизинде УШКлардан УШКларга которулуу кыймылы камтылат.

Мамлекеттик “Тизме” (tizme.gov.kg) порталында шайлоочулардын жаш курагы, шайлоочулардын гендердик курамы, анын ичинде аймактар, райондор жана шаарлар боюнча маалыматтар менен таанышууга болот.

Жаш курактагы 18 жаштан 30 жашка чейинки шайлоочулардын саны, баардык шайлоочулардын жалпы санынан 31%дан ашыгын түзөт.

Шайлоочулардын тизмесинин гендердик курамындагы 52,21% - аялдар, 47,679% - эркек шайлоочулар.

Жогоруда белгиленген категориялар боюнча шайлоочулардын тизмесин дифференциациялоо шайлоочуларды маалымдоо жана талапкелердин, эксперттердин жана окумуштуулардын колдонуусу үчүн дайыма “Тизме” сайтында көрсөтүлүп турат.

Шайлоочулардын тизмеси: жаш курак боюнча маалымат

Шайлоочулардын тизмеси: гендердик маалымат

Эгерде шайлоочуларды калктын пайыздык санына карата эсептелинсе, анда Нарын областы алдыда – 289 621 жашоочусунун ичинен 198 697 (68%) – 18 жаштан жогорку жарандар, башкача айтканда активдүү шайлоо укугуна ээ болгондор.

Пайыздык көрсөткүчтө Бишкек шаарынын шайлоочулары аз. Борбор калаада 1 053915 каттоодо турган жарандардан 414575 адам шайлоочу, юул 39,34% ды түзөт.

Шайлоочулардын тизмесинин динамикасы: жалпы статистика

2018-2020-жылдарга шайлоо жөнүндө КР мыйзамдарын өркүндөтүү Стратегиясынын алкагында жүргүзүлүп жаткан шайлоочулардын тизмелерин жалпы жакшыртылышы аны үзгүлтүксүз актуалдаштыруу жана «Тизме» порталына жайгаштырылгандыгы, 2017-жылга салыштырганда шайлоодо аларды тактоо мөөнөттөрү 20 күнгө узартылгандыгы менен дагы түшүндүрүлөт.