КР Шайлоо жана референдум өткөрүү боюнча борбордук комиссиясы 2020-жылдын 3-декабрындагы жыйынында Алай жана Кара-Суу аймактык шайлоо комиссияларынын жергиликтүү кеңештердин айрым депутаттарынын ыйгарым укуктарын мөөнөтүнөн мурда токтотуу, катталган талапкерлердин тизмесинен чыгаруу жана ваканттык депутаттык мандаттарды КР жергиликтүү кеңештеринин шайланган депутаттарынан кийинки депутаттыкка талапкерлерге берүү жөнүндө чечимдерин бекитүүгө токтом кылды:

Ош облусунун Алай району:

Алай айылдык кенеши: Өмүров Анарбек Токтомаматович ыйгарым укугун жеке арызы менен токтоткон. Мандат убактылуу иштебеген Жолдубаева Айсалкын Сапарбаевнага берилген;

Жаңы-Алай айылдык кеңеши: Сооронов Таалайбек Аматжановичтин ыйгарым укуктары анын көзү өткөндүгүнө байланыштуу токтотулган. Мандат жеке ишкер Кубанычбек Эркебаевге берилген;

Ленин айылдык кеңеши: Бекташов Урматбек Бекболотович ыйгарым укугун жеке арызы менен токтоткон. Мандат убактылуу иштебеген Сардарбек Момуназарович Калмурзаевге берилген.

Корул айылдык кеңеши: Үсөнбеков Дүйшөн Өскөнбаевич ыйгарым укугун жеке арызы менен токтоткон. Мандат жеке ишкер Мустафа Жаныбекович Турганбаевге берилген.

Жошолу айылдык кеңеши: Дейдиев Курстанбек Адиевич жеке арызы менен ыйгарым укугун токтоткон. Мандат жеке ишкер Канатбек Ашимович Арыновго берилген.

Ош облусунун Кара-Суу району:

Мады айылдык кеңеши: Батыров Азамат Мамаджановичтин көзү өткөндүгүнө байланыштуу ыйгарым укуктары токтогон. Мандат убактылуу иштебеген Самат Абдималикович Тойчиевге берилген.  

Бул чечимдер Алай жана Кара-Суу аймактык шайлоо комиссиялары тарабынан “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” КР мыйзамынын 20-беренесине, “Жергиликтүү кеңештердин депутаттарынын статусу жөнүндө” КР мыйзамынын 3-беренесине, “Жергиликтүү кеңештердин депутаттарын шайлоо жөнүндө” КР мыйзамынын 52-беренесине ылайык кабыл алынган.

БШК токтому “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” КР мыйзамынын 6-7-14-18-беренелерине, “Жергиликтүү кеңештердин депутаттарын шайлоо жөнүндө” КР мыйзамынын 52-беренесине, “Жергиликтүү кеңештердин депутаттарынын статусу жөнүндө” КР мыйзамынын 3-беренесине ылайык кабыл алынды.

КР БШК Маалыматтык бөлүмү