Урматтуу шаардыктар!
Кыргыз Республикасынын Шайлоо жана референдум өткөрүү боюнча борбордук комиссиясынын 2012-жылдын 25-январындагы токтому менен Бишкек аймактык шайлоо комиссиясын түзүү чечими кабыл алынды.
2012-жылдын 1-февралынан тартып саясий партиялардан, жергиликтүү өз алдынча башкаруунун өкүлчүлүктүү органдарынан – Бишкек шаардык кеңешинен Бишкек аймактык шайлоо комиссиясынын курамына өкүлдөрдү көрсөтүү башталат.
Бүгүнкү күндө шайлоо системасын жүзөгө ашыруу учурунда шайлоолорду даярдоодо жана уюштурууда бардык деңгээлдеги комиссия мүчөлөрүнүн ролу болуп көрбөгөндөй өтө маанилүү. Бүткүл шайлоо процессине карата калктын ишеним деңгээли алардын дал ошол иш-аракеттерине жараша болот.
Аймактык комиссиянын курамында иштөө өтө жоопкерчиликтүү, ал элдер менен калыс, ак ниет, кылдаттык менен иштей билүүнү талап кылат. Ошондуктан Бишкек аймактык шайлоо комиссиясы эки жылдык мөөнөткө, ал эми резерв беш жылдык мөөнөткө түзүлөт, бул жарандардын шайлоо укуктарын ишке ашырууну жана коргоону камсыз кылууда комиссия мүчөлөрүнүн жоопкерчилигин жогорулатуу мүмкүнчүлүк берет.
Саясий партиялар, жергиликтүү өз алдынча башкаруунун өкүлчүлүктүү органдары – Бишкек шаардык кеңеши талапкерлердин резервин түзүүдө комиссия курамына аларды көрсөткөндө жарандардын макулдугун эске алышы зарыл.
Бишкек аймактык шайлоо комиссиясынын курамына талапкерлерди (алардын резерви кеминде 11 адамдан турат) көрсөтүү жөнүндө протоколдор жергиликтүү өз алдынча башкаруунун өкүлчүлүктүү органынын жетекчисинин кол тамгасы жана мөөрү, ал эми саясий партиялардыкы - конференциянын (жыйналыштын) төрагасынын жана катчысынын кол тамгасы саясий партиянын (партиянын региондук бөлүмүнүн) мөөрү менен күбөлөндүрүлүшү зарыл.
Саясий партиялардан жана өз алдынча башкаруунун өкүлчүлүктүү органынан протоколго төмөнкүлөр тиркелет:
- шайлоо комиссиясынын курамында иштөөгө макулдук жөнүндө арыз жана Кыргыз Республикасынын шайлоо мыйзамдарынын ченемдерин сактоо жөнүндө милдеттенме;
- паспортунун көчүрмөсү;
- иштеген жерин, окуусун, билимин көрсөтүү менен өмүр баянынын маалыматы;
- байланышуу маалыматы: жашаган жеринин дареги, телефондору.
Шайлоо комиссиясынын курамына талапкерлерди көрсөтүүнүн шарттары жана тартиби жөнүндө Сиз “Шайлоо комиссияларын түзүүнүн жана таркатуунун тартиби жөнүндө” жободон кыйла кеңири биле аласыз, ал Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына www.shailoo.gov.kg жайгаштырылган.
Бишкек аймактык шайлоо комиссиясынын курамына талапкерлерди көрсөтүү жөнүндө протоколдор Бишкек шаардык кеңешинде 2012-жылдын 10-февралында саат 18.00 гө чейин кабыл алынат.
Маалымат алуу телефону: 620829
Кыргыз Республикасынын Шайлоо жана референдум өткөрүү боюнча борбордук комиссиясы
