2019-жылы 28-июнда КР БШК мүчөлөрү Ноокат аймактык шайлоо комиссиясынын протоколунун негизинде Маматов Маратбек Раимбердиевичти Ош облусунун Ноокат районунун Исанов айыл өкмөтүнүн башчылыгына бекитти.

Исанов айыл өкмөтүнүн башчысын шайлоо 2019-жылы 21-июнда болуп өттү. Ош облусунун Ноокат районунун Исанов айыл өкмөтүнүн башчысын шайлоодо добуш берүүнүн жыйынтыктарына жана шайлоонун натыйжаларына даттануулар жана арыздар түшкөн жок.

Маматов Маратбек Раимбердиевич

1973-жылы 27-октябрда Ош облусунун Ноокат районунун Кожоке айылында туулган.

Жогорку билимдүү. Кыргыз-Өзбек университетин “Электржабдуу инженери” адистиги боюнча (диплом №CD070172344, 2007-ж. 1-август) бүтүргөн.

Эмгек жолу:

1995-2004-ж.ж. – дыйканчылык кооперативинин мүчөсү

2000-2002-ж.ж. – Н. Исанов а/ө, АЭС (ВУС) инспектору

2002-2004-ж.ж. – Н. Исанов а/ө, айдоочу

2004-2014-ж.ж. – Н. Исанов айыл өкмөтүнүн башчысынын орун басары

2017-ж. – Ноокат ТБнын “Көк-Бел” бөлүмчөсү, кампа башчысы

Үй-бүлөлүк абалы: үйлөнгөн, эки баласы бар

Кыргыз Республикасынын ИИМдин маалыматык технологиялар башкы башкармалыгынын берген маалымкатына ылайык Маматов Маратбек Раимбердиевичтин соттуулугу жок.

Ноокат аймактык шайлоо комиссиясына Исанов айыл өкмөтүнүн шайланган башчысына белгиленген үлгүдөгү күбөлүктү берүү тапшырылды.

КР БШК аппаратынын маалыматтык бөлүмү