Бүгүн, 2001 – жылдын 15 – ноябры күнү Кыргыз Республикасынын Шайлоо жана референдум өткөрүү боюнча борбордук комиссиясынын кезектеги жыйналышы болуп өттү.
КР БШКнын мүчөлөрү Калыбек Арабаевдин 2011 – жылдын 15 – октябрындагы, Токтайым Уметалиеванын 2011 – жылдын 3 – ноябрындагы, Өмүрбек Эгембердиевдин 2011 – жылдын 11 – ноябрындагы берген арыздарын карап чыгып, “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 53 – беренесинин 4 – бөлүгүнө ылайык, “Кыргыз Республикасында шайлоо жана референдум өткөрүү боюнча шайлоо комиссиялары жөнүндөгү” Кыргыз Республикасынын Мыйзамынын 7 – беренесинин 1- бөлүгүнүн 2 – пунктун жетекчиликке алып Калыбек Арабаевке, Токтайым Уметалиевага жана Өмүрбек Эгембердиевке шайлоо күрөөсүн кайтаруудан баш тартууну чечишти.
Ушул эле жыйналышта 2011 – жылдын 30 – октябрындагы Кыргыз Республикасынын Президентин шайлоонун жыйынтыгы боюнча, “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 53 – беренесинин 4 – бөлүгүнө ылайык, “Кыргыз Республикасында шайлоо жана референдум өткөрүү боюнча шайлоо комиссиялары жөнүндөгү” Кыргыз Республикасынын Мыйзамынын 7 – беренесинин 1- бөлүгүнүн 2 – пунктун жетекчиликке алып, Кыргыз Республикасынын Шайлоо жана референдум өткөрүү боюнча борбордук комиссиясы Кыргыз Республикасынын Президентинин кызмат ордуна төмөнкү талапкерлерге: шайлоого катышкан шайлоочулардын санынан 62,52 % алган Алмазбек Атамбаевке, шайлоочулардын санынан 14,78 % алган Адахан Мадумаровко, шайлоочулардын санынан 14,32 % алган Камчыбек Ташиевке шайлоо күрөөсүн кайтарып берүүнү чечти.
“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 53 – беренесинин 4 – бөлүгүнө ылайык, коюлган шайлоо күрөөсү талапкерге шайлоо өткөндөн соң, эгерде добуш берүүгө катышкан шайлоочулардын анын талапкерлиги үчүн 5 пайыздан кем эмеси добуш бергенде кайтарылып берилээрин эскерте кетмекчибиз.
Кыргыз Республикасынын Борбордук шайлоо комиссиясынын Басма сөз кызматы
