Чүй облусунун Сокулук райондук мамлекеттик администрациясынын башчысы–акиминин 2019-жылдын 06-февралындагы № 35-Б буйругу менен Новопавловка айыл өкмөтүнүн башчысы Н.Мурзакматов, өзү берген арызынын негизинде, ээлеген кызматынан бошотулган.

Чүй облусунун Сокулук райондук мамлекеттик администрациясынын башчысы–акиминин 2019-жылдын 12-февралындагы № 43-Б буйругу менен Төш-Булак айыл өкмөтүнүн башчысы У.Кожокматов, өзү берген арызынын негизинде, ээлеген кызматынан бошотулган.

Ош облусунун Кара-Кулжа райондук мамлекеттик администрациясынын башчысы–акиминин 2019-жылдын 20-февралындагы № 53 буйругу менен Кара-Гуз айыл өкмөтүнүн башчысы Т.Жумаев, өзү берген арызынын негизинде, ээлеген кызматынан бошотулган.

Ысык-Көл облусунун Тоң райондук мамлекеттик администрациясынын башчысы–акиминин 2019-жылдын 20-февралындагы № 9 буйругу менен Көл-Төр айыл өкмөтүнүн башчысы К.Азизов, өзү берген арызынын негизинде, ээлеген кызматынан бошотулган.

КР БШКнын токтомуна ылайык, Чүй облусунун Сокулук районунун Новопавловка, Ош облусунун Кара-Кулжа районунун Кара-Гуз, Ысык-Көл облусунун Тоң районунун Көл-Төр айыл өкмөттөрүүнүн башчыларын шайлоо 2019-жылдын 19-мартына саат 9-00дөн 12-00гө  чейин жана Чүй облусунун Сокулук районунун Төш-Булак айыл өкмөтүнүн башчысын шайлоо 2019-жылдын 19-мартына саат 15-00дөн 18-00гө чейин  дайындалды.

Шайлоону Кыргыз Республикасынын мыйзамдарына ылайык уюштуруп, өткөрүү Сокулук, Кара-Кулжа жана Тоң АШКна тапшырылды.

Маалымат катары: “Жергиликтүү өз алдынча башкаруу жөнүндө" Кыргыз Республикасынын Мыйзамынын 48-беренесине ылайык жогорку билими жана мамлекеттик же болбосо муниципалдык кызматта 2 жылдан кем эмес иш стажы, же болбосо билим берүүнүн, саламаттык сактоонун мамлекеттик мекемелеринде же уюмдардын, мекемелердин жана жеке менчик чарбакер субъекттердин жетекчилик кызматтарында 3 жылдан кем эмес иш стажы бар аракетке жөндөмдүү Кыргыз Республикасынын жараны айыл өкмөтүнүн башчысы боло алат. Кылмыш жасагандыгы үчүн мыйзамдарда белгиленген тартипте алып салынбаган же жоюлбаган соттуулугу бар Кыргыз Республикасынын жараны айыл өкмөтүнө башчы болушу мүмкүн эмес.

КР БШК аппаратынын маалымат бөлүмү